ما توقعتش افرح النهاردة ..بس اللى حصل !!

[zezza]

دى الحقيقة ..ما كنتش متوقعة انى افرح يوم العيد السنة دى
من ساعة تفجيرات كنيسة الشهداء – القديسيين – و الواحد قلبه موجوع و حالة حزن مسيطرة عليه
حتى فرحة الميلاد اللى فرحت بيها الملايكة من اكتر من 2000 سنة كنت مكسوفة افرحها فى وسط الظروف الصعبة و الاحزان اللى عشتها
بس النهاردة و على غير المتوقع كنت فرحانة جداااااااااااا جداااااااااا
عارفيين ايه السبب
السبب كان اللى شفته النهاردة فى كنيستنا
كنت متوقعة اعداد قليلة هى اللى تحضر خصوصا ان كنيستى جالها تهديدات كتيييييير
كنت متوقعة ما الاقيش شعب كنيستى اللى على طول ماليها
بس اللى حصل فرح قلبى كتييييييير ما تتصوروش اعداد اد ايه كانت حاضرة حتى اللى عمره ما دخل كنيسة و اللى بقاله زمن ما دخلش
كانوا موجودين النهاردة رغم التهديد رغم الخوف اللى سيطر على البعض رغم حالة الحزن العميقة الا ان شعب الكنيسة كان فوق بعضه من كتر العدد
الناس وشوشها زعلان بس قلوبنا كانت بترقص .... حالة غريبة من السلام و الاستسلام لمشيئة ربنا
حسيت ان كنيسة الشهداء اللى بسمع عنها موجودة بجد ولسة عايشة فى مصر
فرحت لما سمعت شاب صغير داخل الكنيسة بيقولوا مش خايف تدخل النهاردة تموت .!! رد احلى رد و قال :يا ريت حد يطول .ده حتى الموت للرجالة !
رد عفوى بس فرحنى لما سمعته من الجيل الجديد اللى كنت خايفة الاحداث تأثر عليه
فرحت لما لاقيت اطفال كتييييييييير جوة الكنيسة اهاليهم مش خايفيين عليهم و شجعوهم انهم يبقوا فى كنيستهم
بجد اول مرة افرح من يوم رأس السنة ... بس اللى شفته و حسيته النهاردة حقيقى يفرح
و يدى أمل
حبيت انقل مشاعرى و يا ريت يكون حد شعر بالاحاسيس دى زيى النهاردة
​

 

[marcelino]

كنت بفكر اكتب نفس كلامك تقريبا

كان قداس غير عادى .. صلاة وطلبات غير عاديه

تضرع عميق من أعمق اعماق القلوب المنكسره

لما قال ابونا ارحمنا يا الله يا ضابط الكل

رد عليه الشعب او بالادق صــــــرخ ارحمنا يا اللـــــــــه
حسيت ان الكنيسه بتتهز من شدة وعمق وألم الصراخ ..

أرحمنا يارب ارحمنا .. مالناش غيرك
​

 

[روزي86]

معاكي حق طبعا

وانا كنت عارفه ان ناس كتير هتروح القداس بدون خوف

وكان كل اللي بيكلمني بيقولي هنروح احنا والاسره كلها يعني مش فرد واحد

حقيقي شئ جميل اوي واحساس اجمل بعدم الخوف والثقة بربنا انه قادر علي كل شئ

ربنا يفرح قلبك يا حبيبتي

 

[احلى ديانة]

فعلا بجد الارهابى الى عمل كدة لو كان شايف الناس عاملة ازاى النهاردة

كان فكر مليون مرة قبل ما يعملها علشان جمعنا من تانى مع ابونا السماوى​

 

[jesus.my.life]

فعلا يا زيزا الاعداد النهاردة رهيبه


وكنيستنا كانت مليانه على الاخر بس الى زعلنى ان الامن والمسئولين عن الكنيسة كانه رفضين اى مسيحى يدخل مش من الكنيسة وان كل واحد يروح الكنيسة الى بيحضر فيها


بس الاعداد كانت مفرحانى اوى اوى وان الناس جايه ومش خايفه

يارب نفضل كدا على طول

 

[+SwEetY KoKeY+]

بجد يا زوزا نفس احساسنا كلنا وفعلا الاعداد النهارده كانت كتيييييره والكنيسه مليانه ومحدش خاف من اى تهديد
ربنا يحمى كل الكنائس و اولاده

​

 

[!! Coptic Lion !!]

ده فعلا حقيقي
انهارده كنيستي كان فيها اربع اضعاف
الاعداد اللي بتيجي كل سنه
نشكر ربنا​

 

[+Bent El3dra+]

تصدقى يا زيزا بجد
عايزة اشكرك ياللى فجرت الكنيسة
كتر خيرك بعملتك السودة دى قربت الناس من ربنا اكتررررررررررر والكنايس اتملت اكترررررررر
ربنا يحافظ على كنيسته

​

 

[johna&jesus]

لو كانو يعرفو ان المسيحى مش بيخاف مكنوش عملو كدا كانو حولو من طريق تانى
بس مغلطش المثل اللى بيقول ان الشدة هى اللى بتبين المعدن الاصيل

 

[dodoz]

واحنا برده كنيستنا الناس فيها كانت كتيرة قووى
والكل كان بيصلى ولا اكن فى تهديدات اتبعتت للكنيسة​

 

[MIKEL MIK]

مش هكدب عليكي لو قلتلك اني مكنتش قلقان وخايف
لكن صممت احضر القداس وتوقعت ان يكون العدد قليل جدا
لكن الحمد لله كان ولأول مره في تاريخ كنيستي يكون العدد كبير جدا
كان في ناس كتيره مش لاقيه مكان واحد جوه الكنيسه
وعجبني جدا ان كل الناس واخده موضوع التهديد لكنيستي بهزار وليس اهتمام
وعجبني اكتر رد طفله صغيره باباها بيسألها مش خايفه تروحي الكنيسه
قالتله لأ مش خايفه ويارب أموت زي اللي ماتوا في اسكندريه
لكن ع قد فرحتي دي كلها حزنت جدا لمنظر الأمن والتفتيش لأول مره في كنيستنا
وحضر مدير الأمن وبعض أئمه الأوقاف وعدد من المسلميين
والقداس طلع متأخر كالمعتاد وكانت الأمور طبيعيه جدا
لكن الحزن موجود وهيفضل موجود حتي يرجع حقنا
​

 

[white.angel]

لم احزن مثلما حزنت اليوم
ولكن ايضاً ملئنى سلام وعزاء وفرح بعدما ذهبت لكنيستى الغاليه
ورأيت هذا الشعب القبطى الرائع يملؤها
حقاً نحن اولاد الملك لا نهاب موت او تهديد ....
​

 

[tasoni queena]

عندك حق يا زيزا​

انا عمرى ما روحت قداس العيد قبل كده​

بس روحت احضره السنة دى​

وكنت مبسوطة جدا انى حضرت القداس فى كنيسة القديسين​

ودمهم اللى لسة منشفش على الحيطان ومالى المكان​

والاعداد كانت مهولة بجد​

الناس كانت قاعدة فى الاماكن الممكنة فى الحوش وعلى السلالم فى كل حتة​

بجد كان اجمل قداس حضرته فى حياتى​

 

[grges monir]

احساس الناس كلها بالعيد السنة دى مختلف خالص عن كل مرة
الناس رايحة تصلى بجد مش رايحة تشوف بعض وتسلم وتجامل بعض
مع ان اللى حصل مؤلم جدا بس بين معدن المسيحين الاصيل

 

[+Roka_Jesus+]

عارفين يا جماعة حصل حاجة جميلة في الكنيسة النور في الكنيسة قطع وراحت واحدة رنمت انا عايزك انت يا صاحب القوات تشغل يمينك تعمل معجزات وراح الشعب كله في الكنيسة رنم واستمر القداس علي كده بجد حاجة جميلة اوي لما الكل يتحد في جسد المسيح
ربنا موجود واحنا كلنا راجعينلك يا يسوع لنمتلي من روحك القدوس​

 

[zezza]

كنت بفكر اكتب نفس كلامك تقريبا

كان قداس غير عادى .. صلاة وطلبات غير عاديه

تضرع عميق من أعمق اعماق القلوب المنكسره

لما قال ابونا ارحمنا يا الله يا ضابط الكل

رد عليه الشعب او بالادق صــــــرخ ارحمنا يا اللـــــــــه
حسيت ان الكنيسه بتتهز من شدة وعمق وألم الصراخ ..

أرحمنا يارب ارحمنا .. مالناش غيرك
​

و احنا كمان كان عندنا كدة ..الناس بتصلى بقلب و بطريقة غير عادية
فعلا كل اشياء تعمل للخير

 

[zezza]

معاكي حق طبعا

وانا كنت عارفه ان ناس كتير هتروح القداس بدون خوف

وكان كل اللي بيكلمني بيقولي هنروح احنا والاسره كلها يعني مش فرد واحد

حقيقي شئ جميل اوي واحساس اجمل بعدم الخوف والثقة بربنا انه قادر علي كل شئ

ربنا يفرح قلبك يا حبيبتي

انا عكسك يا رزوى كنت حاسة ان الناس ممكن تخاف أو تتأثر
لكن نشكر المسيح النتيجة جت عكسية ..و الكنايس كانت مليانة على اخرها

 

[zezza]

فعلا بجد الارهابى الى عمل كدة لو كان شايف الناس عاملة ازاى النهاردة

كان فكر مليون مرة قبل ما يعملها علشان جمعنا من تانى مع ابونا السماوى​

عارف انا قلت ايه فى نفسى ؟! كتر خير اللى عمل كدةو جمعنا بربنا بالطريقة الحلوة دى ..كنا محتاجيين صحوة حقيقية و هزة شديدة علشان نرجع زى الاول
الحمد لله كله للخير .. مافيش حاجة ممكن تبعدنا عن كنيستنا و حبنا للمسيح

 

[zezza]

فعلا يا زيزا الاعداد النهاردة رهيبه


وكنيستنا كانت مليانه على الاخر بس الى زعلنى ان الامن والمسئولين عن الكنيسة كانه رفضين اى مسيحى يدخل مش من الكنيسة وان كل واحد يروح الكنيسة الى بيحضر فيها


بس الاعداد كانت مفرحانى اوى اوى وان الناس جايه ومش خايفه

يارب نفضل كدا على طول

امين .
بس ما تزعلش .كتر خيرهم ؛ الحق يتقال كانوا عامليين شغل كويس
صحيح مش حباً فينا بس علشان كان هيبقى شكلهم وحش لو كان حصل حاجة تانى

 

[zezza]

بجد يا زوزا نفس احساسنا كلنا وفعلا الاعداد النهارده كانت كتيييييره والكنيسه مليانه ومحدش خاف من اى تهديد
ربنا يحمى كل الكنائس و اولاده

​

امين .
سيدنا دايما عنده حق لما بيقول كله لخير
شكرا يا قمر على مرورك