للعزاب والعازبات حصريا.. asmicheal

[asmicheal]

​

التتش المطبخى :
من صديقة اشطر منى ببروفيلى ا نيفين
Nevine Magdy
طريقة عمل كيكة الشيكولاتة الصيامى
أعزائى الصايمين و الصايمات جبتيلكم طريقة كيكة لذيذة و حلوة و سهلة خالص و انا شخصيا جربت كزا مرة لغاية موصلت للمقادير دى اللى تخليها هشة رغم انها صيامى و بالهنا و الشفا مقدما
المقادير :
3 كوب دقيق - 1كوب زيت أو سمن نباتى - ملعقة كبيرة بيكنج بودر - فانيليا
1 كوب عصير ( ممكن تستعملوا تانج بأى نكهة او فانتا تفاح أو أى عصير فريش او مفرشش)
3 ملاعق نسكويك أو كاكاو أو نسكافيه حسب النكهة المفضلة ليكم
1.5 كوب سكر بس انا بقلل عن كده يعنى بستعمل 1 كوب فقط و ده حسب الرغبة يعنى
ملعقة صغيرة بيكربونات (و دى السر اللى هتخليها تكون هشة و تتغلبوا على مشكلة الكيكة الصيامى المكبوسة)
بعض الخدع :
ممكن تستتغنى عن الكاكاو او النسكويك و تكون الكيكة فاتحة بس ساعتها هتاخد نكهة العصير و انا جربتها بعصير الفراولة و تانج البرتقال و لما جربتها بفانتا التفاح الأخضر طلعت الكيكة مخضرة
ممكن على المقادير بتاعة كيكة الشيكولاتة نزود معلقة صغيرة من الحبهان و ده هيدى نكهة جنان شبه الكيكات الجاهزة
ممكن بردو بدل العصير نستعمل الكريمر و هيدى طعم تانى مختلف
الطريقة :
نضع العصير مع الزيت مع السكر مع الكاكاو و نقلبهم على نار هادية حتى الأمتزاج و بعدين نسيبها تبرد
نخلط الدقيق مع البيكنج بودر و الكاربونات و ننزل الخليط ده على الخليط السابق مع التقليب او استعمال المضرب العادى او الكهربائى و اخيرا نضع الفانيليا علشان ريحتها متروحش من الضرب
طبعا ندهن صينية متوسطة بالسمن و الدقيق و ننزل فيها الخليط و ايدينا لفوق علشان يدخل فيها الهوا و ندخلها الفرن فى حرارة متوسطة و طبعا الكيكات بتتسوى فى الوسط
ملحوظة : الكيكة الصيامى بتكون عجينتها ماسكة نفسها شوية عن الكيكة العادية علشان متبقاش مستوية من بره و جوه لا
و بالهنا و الشفا يا حلوييييييييين
لسة هجربها بس اثق بنيفين وشطارتها
=


=

 

[asmicheal]

لمن يحب يجرب
بمناسبة المولد النبوي الشريف يمكنك صنع حلوي المولد بيديك وهذا بلاشك سيسعد اطفالك.. كما تضمنين نظافتها وجودة خاماتها..

الفولية
والفول السوداني له فوائد صحية عديدة

المقادير: نصف كيلو فول سوداني مقشر بدون ملح ربع كيلو سكر قليل من الماء ملعقة كبيرة زيت ملعقة عصير ليمون.

الطريقة: يحمص الفول السوداني تحميصا خفيفا ويوضع السكر في أناء مستدير القاع ثم يضاف إليه الماء ويرفع علي نار هادئة مع التقليب الجيد وحتي يذوب السكر.

* يضاف عصير الليمون ويرفع الاناء علي النار ويستمر التقليب حتي يتلون باللون الذهبي ويدخل في عملية الكرملة ثم يضاف قليل من الماء البارد لوقف عملية التكرمل مع التقليب ثم يضاف الفول السوداني مع التقليب بخفة حتي يختلط تماما.

* تدهن رخامة بالزيت ويصب عليها الخليط ويفرد حتي يصير سمكه 1سم بواسطة "نشابة" مدهونة بالزيت ويترك حتي يبرد.
----------------------------------
السمسمية
المقادير: ربع كيلو سمسم "كوب ونصف" ملعقة كبيرة زيت كيلو سكر قليل من الماء البارد ملعقة صغيرة ليمون ورق سلوفان للتغليف.

الطريقة: تتبع نفس طريقة عمل الفولية وبالهناء والشفاء.

شكلمة جوز الهند
المقادير: ربع كيلوجوز هند مبشور علبة صغيرة لبن مكثف محلي ملعقة كبيرة دقيق ملعقة سكر "كبيرة" ملعقة سمن "كبيرة" فانيليا

الطريقة: * يضاف جوز الهند إلي اللبن ويخلط جيدا ثم تضاف الفانيليا

* يدهن صاج بالسمن ثم يبطن بالدقيق والسكر وتشكل وحدات خليط جوز الهند في الصاج بواسطة ملعقتين بحيث يكون شكلها هرميا.

* تزج في فرن متوسط الحرارة حتي تنضج لمدة دقائق ثم توضع في طبق مغطي بمفرش دانتيل وتقدم.
-------------------------------------------
البسيمة
المقادير: نصف كيلو جوز هند مبشور نصف كيلو سكر نصف كيلو لبن ملعقة صغيرة بيكنج بودر كوب دقيق ربع كيلو سمن أو زبدة

الطريقة: * يوضع السمن أو الزبد علي النار حتي يسيح ويرفع من علي النار ويضاف إليه اللبن والسكر ويقلب الخليط تماما ويعاد علي النار حتي يذوب السكر تماما.

* يرفع من علي النار ويترك حتي يبرد ويضاف البيكنج بودر مع الدقيق ويقلب جيدا.

* عندما يبرد خليط اللبن يضاف إليه جوز الهند والدقيق المضاف إلي البيكنج بودر ويقلب الخليط جيدا حتي يتم تماسكه.

* تدهن صنية بالسمن جيدا ثم يفرد الخليط السابق حتي يغطي الصنية.

* يتم تقطيع الخليط بالسكين إلي مثلثات وتزج في فرن حتي يحمر الوجه وتنضج وتقدم في طبق مغطي بالدانتيل وبالهناء والشفاء.
-------------------------------------------------
الفخفخينه او قمرالدين بجوز الهند
المكونات فرخ قمر الدين ملعقه ثقيله شربات اللى بنسقى به الحلويات

الطريقه نضع الشربات او القطر على جوز الهند
نقلبهم كويس جدا ثم نضعهم فوق فرخ قمر الدين ونضع فذدق ننثره فوقهم

ونلف جامد ليصبح بشكل رول وندخله الثلاجه يوم يجمد ثم نقطعه

شكل اخر على شكل سندوتش
نفس المقادير السابقه ولكن بدل الفستق نضع زبيب

الطريقه نحضر صينيه مربعه
ونضع طبقة قمر الدين ثم نضع جوز الهند
الذى مزجناه بمعلقه شربات تقيله ثم ننثر فوقه الزبيب

ثم نغطى بطبقه من قمر الدين
ونضغط عليه ليتماسك ثم نضعه فى الثلاجه يوم ونقطعه بعد ذلك بشكل سندوتش
--------------------------------------------
الجوزيه

المقاديركوب واحد من الدقيق 2كوب جوز هند علبه لبن مكثف

كوب فريش كريم 3بيضات كوب من الماء
باكو بيكنج بودر كوب زيت ذره

الطريقه نخفق البيض ونضع عليه اللبن المكثف
ثم الفريش كريم مع الضرب بمضرب السلك
ثم نضع الزيت ثم الماء ثم جوز الهند والدقيق
وباكيت البيكنج بودر

نقلبهم جيدا ونحضر صينيه مدهونه
ونصب فيها الخليط وندخله

فرن ساخن بدرجه حراره 180 لمده نصف ساعه
ولما نطلعه من الفرن نتركه يبرد تماما ثم نقطعه مثلثات
-----------------------------------------------------------------------
طريقة صناعة عروسة المولد :
هناك عدة مراحل لصناعة عروسة المولد وهى

1 – مرحلة عمل قوالب خشبية وتتم هذه المرحلة فى ورش صغيرة قريبة من مصنع عروسة المولد ويتم صنع هذه القوالب حسب الاوزان التى يطلبها صاحب مصنع العرائس فهى تباع حسب وزنها من السكر. وفى هذه المرحلة يتم تقطيع الاخشاب على شكل متوازى مستطيلات حسب حجم العروسة ثم يشقه الى نصفين طولين متوازيين يرسم على احدهم شكل يمثل النصف الامامى للعروسة وعى الاخر شكل يمثل النصف الخلفى لها ثم يتم صب السكر المعقود داخل القالب .

2 – مرحلة ربط القوالب ونقعها بالماء حيث يتم فى هذه المرحلة ربط القوالب الخشبية مع بعضها بخيط من الكتان وتغمر بالماء حتى يتخلل الماء جميع مسامها ولا يلتصق بها السكر المعقود وحتى تنخفض درجة حرارة القالب فيساعد على سرعة تجمد السكر وبعد عملية النقع يتم نقل القوالب على لوح من الزنج وترص القوالب وطرفها المفتوح المفرغ لاعلى .
طريقة تحضير حلوي المولد النبوى الشريف 2014 طريقة حلويات

3 – مرحلة عقد السكر يتم وضع مقدار معين من السكر يتناسب مع مقدار معين من الماء فى اناء نحاسى كبير على الموقد ثم يتم اضافة قطعة من الخميرة تتناسب مع كمية السكر المعقود ويضاف اليها ملح الليمون او عرق حلاوة وتضرب جيدا حتى يصبح لونها ابيض وتستخدم يد خشبية لتقليب السكر .

4 – مرحلة صب السكر المعقود فى القوالب فيتم صب السكر المعقود فى القوالب المرصوصة على قالب الزنك وتترك لمة 10 دقائق حتى يتجمد السكر .

5 – مرحلة ** القالب لاخراج العروسة .

6 – مرحلة تزيين عروسة المولد وتنقسم هذة المرحلة لى عدة مراحل هى " تركيب الجيبونة ، تركيب الفستان ، المكياج ، تركيب المراوح والورود "

او

* ضعي الكمية التي ترغبينها من السكر علي النار مع اضافة ملح الليمون في درجة حرارة مائة وسبعون درجة مئوية.

* اضفي القليل من الخميرة حتي يصير الخليط مع التقليب كالزبد أو الكريمة.

وتستطيعين بعد ذلك صبها في قالب خشبي تطلبينه من النجار علي أن يكون مشقوقا إلي قسمين يضمان إلي بعضهما حتي تتماسك الحلوي ثم يفتحان لاخراج العروسة أو أي شكل اختريه.

منقووووووول لتهنئتكم

=

 

[asmicheal]

​

التتش المطبخى
اللهم انى صايم
=======
الديك الرومي بالفرن
المقادير:

1 ديك رومي
ملح - فلفل -كمون
2ملعقه كبيره زيت
2ملعقه كبيره صلصه طماطم او الكاتشاب اروع
1 ملعقة زبد
بصله صغيره


الطريقة:

1- تفرم البصله وتتبل بالملح والفلفل
2- يدعك القلب الداخلي للديك جيدا
3- يرش من الخارج بالملح والفلفل والزيت ويترك في الثلاجه لليله كامله
4- تذوب الزبد مع الصلصه او الكاتشاب وقليل من الماء
5- يدهن السطح الخارجي كله قبل دخوله الفرن ويغطي بالقصدير ويترك مدة ساعتين
6- يزال القصدير وخلال الساعه الأخيره يسقي بالسائل الناتج
كل ربع ساعه حتي يكتمل تحمير ويمكن تسويه قطع بطاطس وجزر أثناء ذلك-واستخدام الماء الناتج لتسويه أرز يقدم مع الديك بعد وضع المكسرات علي الوجه



========================

اضافة مميزة للارز بالخلطة لحشو الديك
Nahed Salem
طريقة عمل الأرز بالخلطة
تحمري الزبيب واللوز والبندق والصنوبر في قليل من السمن كل صنف علي حدي وتتركيهم
معلقتين سكر تحرقيهم في الحله وتضيفي اليهم معلقة قرفه وبعدين تضيفي السوائل التي نزلت من الديك أو شورية عاديه
وبعد الغليان تضعي ملح وملح ونصف المقدار الذي حمرتيه من الزبيب واللوز والبندق والصنوبر وبعدين الأرز ويفلب كله مع
بعض وتوطي النار ومتنسيش الصاجه الي ان ينضج الأرز ٠
يغرف الأرز في طبق سرفيس ويوضع باقي المكسرات علي جانبي الأرز ومن فوق الأرز ٠
ممكن إضافة كبد وقوانص إذا كنتي تحبي كده وبالهنا والشفاء ٠ حاولي تجريبها

------------------
Samah Samy أنا بعمله محمر. الرز بالخلطة.
بحط زيت و ممكن شوية زبدة. للي عاوز و بعدين. احمر الرز كله في الزيت لحد ماكله يكون ذهبي. و بعدين أحط عليه جزء من المكسرات زي ناهد و نص شوربة و نص مايه سخنين. و يتشرب شوية و اوطي زي الرز.
لو عوزا بالكبد و القوانص يأمة تسويهم نص سوا و تضيفيهم للرز قبل ماتصبي الماية او تخليهم مع المكسرات و بالصوص بتاعهم فوق الوش.


Samah Samy الديك الكبير سويته في البيت مرة كان أحسن من بتاع المطعم. بتبليه من بليل و لو كبير بتجيبي حقنة و تمليها من صوص البصل و التوابل بتاعت التتبيلة و نحقني الديك في الاماكن المليانة. و تغرزيه عشان التتبيلة تدخل فيه. ممكن تحطي خضار تحته بعد ميستوي نصف سوى و اه كده تكوني استفدتي من المرقة






=

=

 

[asmicheal]

موضوع مهم جدا
عاجل
عاجل
عاجل
طريقة تقديم وتقطيع الديك الرومى
هههههههههههههههههههههههههههههههههه
asmicheal

6 صور

=

=









=​

 

[asmicheal]

​

جمبري مشوي علي الفحم

المقادير :
- كيلو جمبري غير منزوع القشرة .
- نصف كوب من زيت الزيتون .
- ربع كوب من عصير الليمون .
- ربع كوب من صلصة الصويا .
- 4 فصوص ثوم مطحونة .
- ملعقة صغيرة من خليط البهارات .
- نصف ملعقة صغيرة من الفلفل الأسود .
- ملعقة صغيرة من الملح .

الطريقة :

- يفتح ظهر الجمبري و ينزع شريان الرمل و بعد ذلك تخلط جميع المقادير و يترك في الثلاجة لمدة ساعتين .
- يشوى على الفحم و يقدم مع الأرز الأبيض و يزين الطبق بالبقدونس .



=

 

[asmicheal]

كاتشاب

​

طريقة عمل الـ"كاتشاب" بخطوات بسيطة ومواد طبيعية:
مقادير الإعداد:
كوب معجون طماطم ½
كوب خل أبيض
ملعقة صغيرة ملح
معلقة صغيرة فلفل أسود
½ ملعقة بوردة بصل
½ ملعقة بودرة ثوم
2 ملعقة نشا ¼ كوب سكر
½ لتر ماء
طريقة الإعداد:
نقوم بخلط معجون الطماطم مع الخل والسكر ونصف مقدار الماء ونضعهم على النار .
ونقلب جيدا حتى تختلط جميع المقادير معا ونتركها على النار حتى يبدأ الخليط بالغليان، نضيف النشا وباقى مقدار الماء ثم نضيف بودرة البصل والثوم.
نستمر فى التقليب حتى تختلط جيمع المكونات ويبدأ الخليط يكون أكثر غلظة.
نرفعه عن النار ونعبئه فى أوانٍ زجاجية ويحفظ فى الثلاجة لحين استخدامه.



منقووووووووووووول



=

 

[asmicheal]

​

عدس اصفر خطير
المقادير:
7 كوب ماء بيغلى (لماء يغلى تضعى العدس دة اللى بيخللى لون العدس اكثر اصفرارا وروعة )
6 مرقة خضروات
2 كوب عدس اصفر
2 ثمره جزر
1 ثمره بصل كبيرة
1ثمره طماطم (بندورة) او ملعقة صغيرة صلصة تضعيها بعد تصفية العدس
2 فص ثوم
3 عود كرفس
قرن فلفل حامي
1 م-ك كمون مطحون
1 م-ص زيت ذرة


الطريقة:
طريقه عمل شوربة العدس الاصفر بالطريقة المصرية
تغلى الماء 7 اكواب
تضعى العدس المغسول مع الجزر والكرفس والطماطماية
وتتركية يغلى وتهدائى النار انا بعمله فى حلة الضغط
و من ثم تضرب شوربة العدس الاصفر فى الخلاط الكهربائي حتي يتجانس القوام او يصفى بمصفاة الطماطم على اضيق عيون
ثم توضع مره اخري في القدر و توضع علي النار و تترك حتي النضج

اضافة اسباشيل من عندى
--------------
ابشرى بصلة
وسخنى زيت واعملى تقلية بالبصل المبشور حتى يكون لونة ذهبيا وضيفيه على شوربة العدس بعد تصفيتة ويغلى 5 دقائق فيها



و تقدم شوربة العدس الاصفر بالطريقة المصرية
و بالهناء و الشفاء



لا تنسى
الليمون والبصل الاخضر عند التقديم

=============================

شوربه العدس بطريقه رائعه
المقادير
نصف كيلو عدس اصفر فايز السوهاجي اوالضحي
جزره كبيره مقشرة ومقعه مربعات
2 ثمره طماطم مقشره ومقطعه مربعات
فلفله حاميه مشقوقه
9 كوب ماء مغلي
8 مكعب ماجي خضروات
ملعقة زبده او ملعقتين زيت كبار
بصل مفريه

الطريقه
- تغسلي العدس في مصفاه حتي تصبح ماءه رائقا
- تسخني الزبده او ملعقتين الزيت تضعي فيهم العدس والجزر وتقلبيه 10  دقايق يتفلفل
- تنزلي بالماء المغلي وقطع ثمرتين الطماطم
- وتغطيه حتي ينهري علي نار هادئه
- يا تصفيه بمصفاه طماطم او تضربيه بالخلاط
- تضيفي المرقة
- تسخني ملعقه زيت وتحمري فيها البصله المفرية حتي لون ذهبي غامق
- تضيفي التقليه للعدس مع بصل اخضر وليمون وبالهنا والشفا
ملحوظه
بعض الناس تفضل تقليه بملعقه ثوم بدلا من البصله الاثنين حلوين




فتة العدس
Heba Erian
الله على فته العدس يا امل.... بعد تصفيه العدس هاتى صينيه مدوره كبيره فيها 2 ملعقه زيت او زبده ضيفى ليها 2 ملعقه ثوم مهروس مع كميه عيش بلدى مقطع يتقلب مع الثوم ثم ضيفى العدس يوضع فى الفرن لمده 5 دقائق
او

نضع الزيت بالثوم على العيش المقطع وندخلة الفرن يتحمص للون ذهبى ونضيف العدس سائل


==



=

 

[asmicheal]

​

لكل انواع المشاوى والبانية حتى الديك الرومى تتبيلة واحدة
2كوب زبادى
2 بصلة مفرية
1ملعقة كاتشاب صغيرة
ربع ملعقة ثوم مفرى
ملعقة خل
عصير ليمونتين
ملح - فلفل اسود - زعتر ناشف نصف ملعقة
زيادة ربع ملعقة قرفة وربع ملعقة بابريكا و بشر نصف جوزة الطيب
بالخلاط تضربية
ينقع فية اللحم - البفتيك - الفراخ - الرومى - البط كل صنف على حدة طبعا
ترفعى الطيور الكبيرة على جزر او بصل
وتضعى عدة بصلات ب مقشرة وكاملة يين الطيور والفويل حتى لا يلتصق الفويل بلحم الطير وجلدة

للوجة قبل الدخول للفرن
ملعقة كاتشاب كبيرة + ربع ملعقة عسل ابيض


تدهن شبكة الفرن بالزيت
توضع صينية مملوءة لنصفها ماء
يسخن الفرن 350 درجة
ترص الفراخ على الشبكة
بالنسبة للرومى والطيور الكبيرة توضع بصينية و تغطى بفويل مجوز لمدة ساعة
ثم يمكن وضعها على شبكة الفرن وتحتها صينية الصوص مع سقيها بالسائل كل ربع ساعة



=

 

[asmicheal]

​

بوست يهم كل بيت مصرى - خدعتى فى القلقاس وعد هتعجبكم
بوست مغذى مهم عاجل فظيع
هيريح كل محبى القلقاس
القلقاس وتريكاتة على طريقتى
================
المقادير
كيلو قلقاس
3 مج شوربة
عصير ليمونة


الخضرة
2 حزمة سلق
1 حزمة كسبرة
1 حزمة شبت

ملعقة ثوم مفرى

الطريقة

خدعة الخضرة الرهيبة
- اغسلى خضرة القلقاس (يقرطف السلق كالملوخية )

- اتركيها تصفى ميتها قطعيها بالعرض لتصبح مستطيلات صغيرة
- ضعيها فى كيس مفرودة بالفريزر لتتجمد
لسلامة الكبة
الخضرة المجمدة اول ما تطلعيها اعملى لها كراش بايدك حتى تصبح مفتتته لا تضعى كتل ثلج بالكبة
فقط اوراق مثلجة بكميات صغيرة غير متكتله



- بالكبة اضربيها وهى مثلجة هتصبح بودرة رائعة
-اقدحى 4 ملاعق سمن وحمرى فيها الخضرة قبل ما تنشف ضعى ملعقة الثوم وقلبيها الى ان تصفر الثوم وتنشف الخضرة واحترسى لا تحرقيها


- يقشر القلقاس ويمسح بفوطة
- يقطع مربعات
- تغلى الشوربة ويوضع بها القلقاس مع عصير الليمونة حتى يحتفظ بلونة الابيض ويترك على نار هادئة ليستوى (اوعى يتهرى )
- يوضع الخضرة على القلقاس المسلوق ويغلى على نار هادئة 5 دقائق
بالهنا والشفا

ملحوظة
القلقاس المجمد اروعه بسمة باخد الخضرة اللى بالكيس احمرها بالسمنة مع ملعقة ثوم مفرية

الوصفة بايدك على موبيلك وانتى بمطبخك


https://www.youtube.com/watch?v=zOxrbDZK27g&ab_channel=مشمنقول


=

=
[/COLOR]

 

[asmicheal]

بطة محشية فريك

​

كلة بثوابة بقى
بطة محشية فريك
المقادير
نصف كيلو فريك فايز السوهاجى الاروع على الاطلاق فعلا
ملعقة صغيرة نعناع ناشف
بصله كبيره
سمن وملح وفلفل اسود
1 ونصف كوب شوربة

جوزة الطيب مبشور وعند العطار فى توابل مكس عربية بيكون الطعم روعة


الطريقة :
- حمرى فى السمن بصلة مفرية حتى الاصفرار
- ضعى الفريك ليتفلفل بالبصلة
- ضعى واحد و نصف كوب ماء او شورية واتركية قليلا حتى يبدا فى السواء
- افركى ملعقة صغيرة نعناع ناشف علية تعطية مذاق لطيف
- اتركى الفريك يبرد

- اسلقى الكبد والقوانص
- قطعيها وضعيها بالفريك
- احشى البطة
- خيطىها واقفلى الزور
-سخنى المية حتى الغليان
-ضعى البطة بالماء المغلى اسلقى البطة المحشية مع بصلة وحبهان ومستكة وملح وفلفل
- سخنى الفرن
-ادهنى البطة سمنة
- واتركيها تتحمر بالفرن
- انزعى الخيوط وقدميها
الف هنا
ميم ميم
هههههههههههههههه


لحوظة
باحشيها واغطيها بالفويل المجوز

ترفعى الطيور الكبيرة على جزر او بصل
وتضعى عدة بصلات ب مقشرة وكاملة يين الطيور والفويل حتى لا يلتصق الفويل بلحم الطير وجلدة
للوجة قبل الدخول للفرن
ملعقة كاتشاب كبيرة + ربع ملعقة عسل ابيض
تدهن شبكة الفرن بالزيت
بالنسبة للرومى والطيور الكبيرة توضع بصينية و تغطى بفويل مجوز لمدة ساعة
ثم يمكن وضعها على شبكة الفرن وتحتها صينية الصوص مع سقيها بالسائل كل ربع ساعة

بتاخد ساعتين بالضبط او ساعة ونصف حسب حجمها
وبتطلع اروع من المسلوقة






=



=

 

[asmicheal]

​

التتش المطبخى
اختراع للمحاشى (عملت ورق عنب صيامى يجنن )
- خضرة المحشى اخرطيها بالمخرطة اسرع واجمل (لكل كيلو 1 كزبرة +ابقدونس+نصف شبت ) توضع الخضرة اخر حاجةعلى خلطة حشو المحشى لا توضع الخضرة على النار لتحتفظ بنكهتها

- الارز اما تحمرية يفلفل فى الزيت او تحمرى بصلة وتحمرى معها الارز حتى يفلفل

- عصير الطماطم اضربى معاه بصلة بالخلاط واضيفية على الارز (كيلو طماطم لكل كيلو محشى)

-علبة صلصة مع الطماطم دوبيها
-الكمية
كيلو لحم مفروم + 4مج ارز = ل كيلو ورق عنب او كرنبه متوسطة
كيلو لحم مفروم + نصف مج ارز لكل كيلو محاشى التقوير

- فى قعر الحلة فويل مجوز ثم عروق العنب او عروق الخضرة ثم ترصى المحشى

- يسقى المحشى بشوربة لا تضعى طماطم بالتسوية حتى لا تحترق وتغير طعم المحشى (2 كوب مج شوربة فقط )

ملحوظة
-بسلق ورق العنب تضيفى عصير 5 ليمونات وزيت ذرة للاحتفاظ بلون فاتح وسهولة الرص للاستخدام


=

 

[asmicheal]

​

التتش المطبخى : جربتها وتحفة جربوها
كفتة البطاطس الصيامي
المكونات

1 كيلو بطاطس
2 كوب بقسماط مطحون
1 كوب دقيق
ملح حسب الرغبة
3 ملعقة كبيرة زيت للعجن
زيت للقلي
شبت
بقدونس

طريقة عمل كفتة البطاطس الصيامي

تسلق البطاطس ثم تقطع مكعبات قبل الهرس ليصبح الهرس سهلا
تهرس البطاطس جيدا ثم يصاف زيت العجن مع الدقيق و البقسماط
تضاف الخضرة ثم يسخن الزيت
تشكل البطاطس و تقلي في الزيت و تقدم ساخنة مع خضار سوتيه
يمكن اضافة مكسرات و زبيب حسب الرغبة



=

 

[asmicheal]

​

كفتة داود باشا صيامى
كيلو بطاطس مقشرة و مقطعة
5 فصوص ثوم مهروسين
بصلتين مقطعين مربعات
ربطة شبت وبقدونس
كوب رز مطحون (بطحنه فىمطحنةالحبوب بالخلاط )
( نصف كيلو طماطم معصورة او ( معلقتين صلصة+ كوب ماء
مكعب مرقة خضار او اكثر حسب الرغبة
قليل من جوز الطيب ( اختياري )
فلفل اسود وكمون وملح
شطة حسب الرغبة

الطريقة
1- توضع البطاطس في ماء مغلي مع البهارات المحببة حتي تمام النضج ثم تهرس بواسطة شوكة او هراسة
2 - تضاف لها رز مطحون وشبت وبقدونس والبهارات ثم تفرم المكونات جيدا
3 - تشكل البطاطس مع ملعقة دقيق حسب الشكل المرغوب فيه ثم تقلي في زيت غزير
4 - لعمل الصلصة : تشوح بصلة ثم يضاف لها الصلصة مع كوب ماء و تترك لتغلي حتي الوصول للقوام المطلوب
5 - بعد تسبيك الصلصة نضع البطاطس بها لتغلي مرة واحدة و تقد ساخنة









=

 

[asmicheal]

​

التتش المطبخى : للامانة اكلتها جاهزة روعة لسة هجربها الوصفة مضبوطة وجدا
وصفة كفتة العدس الصيامي
مقادير الاكلة
1/2 كيلو عدس بجبة
1 ملعقة صغيرة ثوم
1 حزمة كسبرة خضراء
1 ملعقة صغيرة بهارات
1 ملعقة صغيرة ملح وفلفل (أو حسب الرغبة)


1 كيلو بطاطس
2 كوب بقسماط مطحون
1 كوب دقيق
كوبين زيت ذرة

1 بصلة مقطعة مكعبات

طريقة عمل وصفة كفتة العدس الصيامي

يغسل العدس جيدا ثم ينقع في الماء6 ساعات أو طول الليل ثم يصفي من الماء جيدا
في اناء عميق يخلط العدس و البطاطس و البصل والثوم والكسبرة الخضراء.

يفرم الخليط السابق في الكبة فرما ناعما جدا

نقوم بتتبيل الخليط بالتوابل ثم نضيف البقسماط بالتدريج مع العجن حتى الحصول على قوام متجانس

تضاف كوبين الزيت و لكن تدريجيا و تعجن جيدا ثم ترص في صينية
وضع الكفتة في الفرن او تقلي علي نار منخفضة




=

 

[asmicheal]

​

نييجى بقى للكلام المهم
التتش المطبخى : لملوخية روعة لا تسقط ومضبوطة
3 كوب شوربة لكيلو الطازج - اثنين ونصف كوب شوربة للمجمدة 400 جم
كيلو الملوخية لو طازجة = 3 كوب شوربة
محفوظة اروع نوع ملوخية بسمة مخروطة مع التقلية بكيس صغير منفصل داخل العبوة (400 جم مجمدة = 2 ونصف كوب شوربة
3 مرقة خضروات ولا تضعى ملح للصيامى
- تغلى المية تضعى الشوربة والملوخية يا دوب تدوب الملوخية تبدائى بعمل التقلية
- التقلية مع الملوخية تضعى زيت ثم تقلى التقلية فيه (لان الثوم الصينى الان يتحول للفيروزى عند القلى )
- تطشى الملوخية بالتقلية
-يادوب تبدا بالغلى ولا تقلب
الملوخية الصيامى الروعة ان شاء الله تعجبكم

=

 

[asmicheal]

فرم الثوم للتخزين

ستاتى المصريات هريحكم طول السنه انا باجيب 30 كيلو اللى لسه اول مرة يجرب فى 5 كيلو اوعدكم هيعجبكم جدا
فرم الثوم للتخزين سنة كاملة

فى خلال ال 20 فبراير وحتى 20 مارس بعد كدة يبدا ينشف
هقول لكم على حاجة هتريحكم طول السنة للى اول مرة يجربه يشترى 2 كيلو حتى 5 كيلو انا شخصيا اخزن 30 كيلو كل سنة
وبيستمر روعة حتى سنتين

بدل التعب اليومى وكم الرابش والثوم الفارغ بنهاية الموسم
اتعبى يوم وارتاحى علية طول السنة
الثوم المصرى هو الافضل على الاطلاق
الثوم اخضر الان للفرم
كيلو الثوم ب 4-6 جنيهات
كل 5 كيلو ثوم تاخد كيس ملح
- تشيلى فقط القشرة الخارجية والجذور
- تفتحى الراس لتزيلى منها العصا الناشفة اللى بوسطها
- تفرمى الثوم فى الكبة او تربو براون او المفرمة
- كل 5 كيلو ثوم تاخد كيس ملح صغير 200 جم
- تعبا بعلب بلاستيكية محكمة وتوضع بكيس يوضع بداخل الكيس فى علبة صغيرة فحمة لتمنع رائحة الثوم ( علب الثوم تحفظ للثوم والبعض يخزن ببرطمانات زجاج
-يخزن بالديب فريزر لسنة كاملة

الصور حقيقية من مطبخى

ملحوظة مهمة
فى العلبة ارتفاع الثوم المفرى لا يزيد عن 3 سم قد عقلة صباع ونصف لضمان التثليج لكل الثوم


--------------

الجزء دة بقلم ا محمد شافعى بس لا اضع زيت على الثوم لما بخزن مفروم راس الثوم
تخزين التوم الاخضر ومش هنرمى منه ولا فتفوته ..طريقة اقتصادية وموفرة قوى..نبدأ بسم الله ..هتجيبى التوم الاخضر وهتنضفى الطينه اللى فيه كويس وهتقسميه الى
تلات اجزاء ..الراس ..والعمود الاخضر ..والعروش الخضرا..
كل جزء هنعمل منه حاجة ..

الراس هتتفرم فى الكبة مع شوية ملح وشوية زيت وده هيبقه توم سادة ..

والعمود الاخضر هيتفرم مع فلفل اخضر حراء وملح وخل وشوية زيت وده هيبقه هريسة لتتبيل السمك او البتنجان المخلل او فى الطبيخ او تستعملية فى اى حاجة تعجبك ..


اما العروش الخضرا هتنشفيها فى الفرن على نار هادية لحد م تنشف قوى وبعدين هتطحنيها فى كبة التوابل قوى وده هيبقه توم بودر راءع ومركز جدا هو غامق شوية لانه معمول من العروش الخضرا وده بيديله لون غامق بس والله ريحته وطعمه مركزييييين جدا احسن من اللى بتشتريه جاهز..


يبقه طلعنا من التوم الاخضر توم سادة وهريسة وتوم بودر واستغلينا كل حاجة فى التوم ومرمناش ولا حاجة منه بس على فكرة لاااااازم يكون التوم اخضر عشان تعرفى تستغلى كل حاجة فيه. يا رب



=

 

[asmicheal]

جل مطهر

​

​

​

لكل ستات مصر
جل مطهر ومنظف رائحتة فوق الروعة
خصوصا لمن يربى كلاب او قطط
وسعره ممتاز 25 جنية
والاستخدام ملعقة كبيرة جل على لترماء










=

 

[asmicheal]

فراولة : افكار روعة للفراولة

​

التتش الحلو ههههههههههههههههههه

افكار روعة للفراولة


-أعواد الفراولة والموز والأناناس

-تفرغ حبات الفراولة وتحشى او تغطي بالشوكولاته

-تفرغ حبات الفراولة وتحشى بمهروس الموز والحليب وتزيين بشرائح اللوز


-تفرغ حبات الفراولة وتحشى بفواكة مقطعة صغنن


- الميلك شيك
------------------------
المقادير
آيس كريم بالفراولة طريقة ملعقة كبيرة
سكر , حسب الرغبة
لتر حليب
كيلو فراولة
الطريقة


- تغسل ثمار الفراولة وينزع الجزء الأخضر منها.
- تضرب بالخلاط الكهربائي مع الحليب.
- ثم يضاف الآيس كريم لإعطاء الميلك شيك كثافة أكثر.
- يضاف السكر حسب الرغبة.
- قبل التقديم تزيين الأكواب بشرائح من الفراولة.



ملحوظة
الجزء الاول .. الجزء المفرغ يمكنك ضربة بالخلاط مع لبن كميلك شيك او ماء كعصير

=

 

[asmicheal]

​

روعة بس احذرى من وضع اى ملح
وتتقطع شرائح سمك 5 مللى
بعدين انقعيها بماء مع بيكنج بودر ساعتين
مهم لكل كوب ماء تضعى ملعقه بيكنج بودر
وحمي الزيت جيداوحطيها بشبكه القلي
واول ماتزليها للزيت هتشوفيها تنفخ زى الصورة تمام






=

 

[asmicheal]

كفتة مشوية فى الفرن

​

كفتة مشوية فى الفرن
كيلو لحم مفروم
بقدونس مقطع
مياة 3 حبة بصل مبشور (العصير فقط وليس تفل البصل )
1 حبة طماطم مبشورة(للطراوة)
2 ملعقة كبيرة بقسماط مطحون(للتماسك)
ملح
فلفل اسود
كاري
توابل لحمة (اسبايسى كفتة الاصفر )
ثوم مفروم
2 بيضة مربوبة

الطريقة:
تخلط كل المقادير جيدا
تعملى حفرة فى الخليط تضعى مزدوج فويل وبه نقطتين زيت وتضعى فيها فحمة مشتعلة وتغطيها
البخار اللى طالع هيعمل نفس رائحة الشوى
تتركيها بالثلاجة ساعتين
ثم تشكليها صوابع
وترصيها فى صينية مدهونة زيت او سمنة بفويل بالقاع
وتضعى بالفرن صينية بها ماء مغلى
بعد 30 دقيقه تقلبيها على الوجة الاخر
وترشرشيها شوربة كل ما تنشف
حتى تستوى

شرح اسهل
الكفته
تضعى البيض بالخلاط ثم تضيفى البقدونس المفرى وعصيبر ال 3 بصلات وطماطماية متقشرة ونصف ملعقة الثوم فى الخلاط يتضربوا
اللحم لا تضعى علية الا كيسين اسبايسى كامينا الكفتة (العلبة فيها 2 كيس )
وتضعى كله على بعضة وتقلبية مع ملعقتين بقسماط مطحون
تعملى حفرة بنصف اللحم
تضعى ورقة قويل مربعة فيها
وتضعى ملعقة زيت
تشسخنى على النار فحمة حتى الاشتعال
بشوكتين تضعى الفحمة المشتعلة على الزيت
هيطلع دخان روعة برائحة الشوى
تغطية بسرعة
وتتركية ساعتين بالثلاجة
ثم ترفعى الفحمة
وتقلبى الزبيت باللحم
وتصبعى على سيخ وتنزليها بصينية مدهونة سمنة
وتتركيها ترتاح ربع ساعة
على ما تسخنى الفرن
تضعيها بالفرنت الحار 240
تاخد 30 دقائق
تقلبيها على الوجة الاخر
تاخد 10 دقائق اخرى
وتسقيها بسمنة القاع
لا تحتاج لشوربة


https://www.youtube.com/watch?v=QKY2jroVwVM
=


فكرة جديدة
Abir Khalifa
بصى انا باعمل كل تجهيز الكفته الى قلتى عليه وبزود معلقتين دقيق بتبقى عجينه تتفرد افردها واقطعها دواير او مستطيلات واحشيها يااما جبنه ودى لها جمهور كبير عند ولادى واصحابهم او خضار مسلوق واقفلها وبعدين بالبيض والبقسماط واحمرها او احطها دوائر فى صينيه فى الفرن وتستوى بشويه دسم او ساعات باعملها زى البيتزا وفوقها جبنه وزيتون بتبقى تحفه جربيها







=