للعزاب والعازبات حصريا.. asmicheal

[asmicheal]

​

طاجن الكبد والقوانص سهل جدا وطعمه خطيير

المقادير :
نصف كيلو كبد وقوانص
بصلة كبيرة
فصين توم
قرن فلفل حامى او بارد
طمطماية مقطعة مربعات
بهارات لحمة
فلفل اسود
ملح

الطريقة:
نقطع البصلة ترنشات وندعها بالملح والفلفل الاسود والبهارات لحد ما
ميتها تنزل ومعاهم فصين التوم ونحطهم على الكبد والقوانص
نسوى الاول القوانص مع حتة سمنة على نار هادئة جدا ومنحطش ماء خالص هى هتنزل ميتها
بعد كدة هنحط الكبد ونقطع قرن الفلفل ونحطهم فى طاجن وندخلة الفرن لحد ما يحمر الوجة


https://www.youtube.com/watch?v=t8MEOT9lpik&ab_channel=مشمنقول_الوصفةبايدكعلىموبيلكفىمطبخك


=

 

[asmicheal]

​

البفتيك
=========
المقادير :
كيلو لحم بفتيك
( لحم البفتيك يكون صغيرا وخاليا من الدهون والشعت تقطعى طروفة بشق طولى خفيف من ال 4 جهات من الطرف حوالى 1 سم حتى لا يتقوس )

عصير 2بصلة كبيرة حلقات +ملح +فلفل + 2 ملعقة خل


4 بيضة مربوبة
كوب دقيق
بقسماط + ملعقتين بودرة بصل
زيت غزير للقلى



الطريقة :
- تجيبى البفتيك وتغسليه كويس من الدم بتاعه وبعدين تبتدي تدقيه بايد الهون عشان يسهل سواه

- فى الخلاط عصير البصلة المفرومه وتحطي عليها الملح والفلفل الأسود و ملعقتين خل وكوب الزبادى
تحطي البفتيك في طبق كبير وتحطي عليه التتبيلة السابقة ويضع في الثلاجة من ساعة الي ساعة ونصف


- تطلعي البفتيك من الثلاجة

- تضعى لحم البفتيك المتبل فى دقيق الاول
و بعدين البيض و البقسماط المخلوط بملعقتين بودرة بصل
ولازم يدخل الثلاجةعلى الاقل نصف ساعة
( مهم تركة بالثلاجة متبل بالدقيق والبيض والبقسماط )


- تجيبي طاسة وتحطيها علي النار وتحطي فيها شوية زيت وتسيبيه يسخن جامد علي النار
و2 ملعقة سمنة ( خليط يغطى البفتيك )
(بقلية بزيت فقط لكن اغيرة لو تغير لون الزيت )

- وبعدين تحطي البفتيك ويراعي عند وضع البفتيك في الطاسة يكون علي نار متوسطة عشان يستوي من جوه ومن بره
يوضع البفتيك كل وجه 10 دقايق علي نار متوسطة حتي يتم نضجه ويحمر من الخارج
لا يقلب كثيرا حتى لا تنفصل قشرتة

- ينشل البفتيك من الزيت ويوضع علي ورق نشاف

بالهنا والشفا


=

 

[asmicheal]

المحشى

​

المحشى
- كيلو محشى ورق العنب
فى سلق ورق العنب اعصرى ليمون كتير (6 ليمون )ليحتفظ بلنة الاصفر المخضر الجميل )

يسقى ب 2 كوب شوربة فقط مع عصير ليمونة وياخذ 5 كوب ارز + كيلو لحم عصاج

-المحاشى المنوعة المقورة (كوسة - باذنجان -فلفل رومى -طماطم )
ياخد نصف كوب ارز لكل كيلو يسقى ايضا ب 2 كوب شوربة فقط

احب اقول انى لا اكروت المحشى
يعنى
- الارز يغسل
- تصفر بصلة يحمر معها الارز كمان تريكة بحط ملعقة كبيرة صلصة على الارز تعطية لون وردى جميل وطعم مميز
- عصاج لحم
- عصير طماطم مقشرة كيلو طماطم لكل كيلو محشى
- الكمية
كيلو لحم مفروم + 4مج ارز = للورق عنب وكرنب
كيلو لحم مفروم + نصف مج ارز لكل كيلو محاشى التقوير
(ورق العنب لا تضاف لة خضرة )
الخضرة
3 بقدونس
3 كزبرة
2 شبت

ملعقة كبيرة نعناع جاف مفرى


يوضع بقاع الحلة ورق فويل مجوز ثم شرائح طماطم
وعروق الكزبرة والشبت والبقدونس تعطى ريحة جميلة


ويسقى 2 كوب شوربة (2كوب مغلى + 3 مرقة لحم او دجاج )


=






=

 

[asmicheal]

​

لكل محبى البطاطس المحمرة
اختراع لى بس هيعجبكم
قشرى البطاطس ( حوالى 5 بطاطاسات (تقطع بالمربعات الرفيعة نايسر ديسر )
اغسليها
قطعيها اصابع
ضعى عليها 3 -4ملاعق دقيق ورشة ملح وقلبيها
واقليها فى زيت يغطيها على نار عالية
لا تشرب زيت - تكون مقرمشة - مستوية من الداخل -لونها ذهبى فاتح

asmicheal





=

 

[asmicheal]

​

فول نابت روووووووووووعة
طريقه تنبيته (بنبته من الاثنين - الجمعة )

1 - نجيب الفول الناشف و ننقيه كويس ونحطه في علبهالفول النابت


2 - ننقعه في ميه من الحنفيه " مش مغليه ولا سخنه " لمده يومين بس نغيره الميه اليوم التاني علشان مايعفنش....



3 - نصفيه كويس و نشطفه و نجيب صنيه و نحط فيها فوطه مبلوله كويس " مش منديه" و نحط فيها الفول و نغطيه بباقي الفوطه .....



4 - و نغطيه بكيس نايلون لمده يومين برضه بس اليوم التاني نفتح عليه و لو لقينا الفوطه نشفت شويه نروح بلينها بحبه ميه علشان الفول ينبت حلو



5- نشيل الفول من الفوطه و نشطفه كويس و بكده يبقي جاهز علي الطبخ..


لو مش عايزه تطبخيه يومها ممكن تشيله في التلاجه في كيس نايلون و تطبخيه تاني يوم

طريقه طبخه

1- نجيب الفول بعد ما نشطفه كويس


2 - نجيب زيت ونحمر النابت قليلا بة نشوحة


3 -نشوحه كويس بتاع 3 دقايق كده....


4 - نكون غالين ميه -انا بسخن البويلر علي ما اشوح الفول يكون غلي- و اول ما الفول يتشوح نروح حطين الميه المغليه عليه و نحطله ملح و كمون وبصلة كبيرة تسلق معه ثم ترفع بنهاية السواء
و نسيبه يستوي

تقريبا بيستوي في حوالي ربع ساعه



5 - نجيب طبق حلو كده و نغرف الفول و هو سخن مولع ... و ممكن نعصر عليه لمون بيبقي حلو قوي

و مغذي جدا جدا

و شوربه الفول النابت فيها معظم العناصر اللي في شوربه اللحمه


اضافة روعة بعملها

بعمل تقلية توم  اطشها بمعلقة خل 
ملعقة زيت وحمر ملعقة توم حتى تصفر واطشها بملعقة خل 
واضيفها للفول النابت قبل سواه بدقيقة 




https://www.youtube.com/watch?v=v59Bn3bWqiU&ab_channel=مشمنقول_الوصفةبايدكعلىموبيلكفىمطبخك





=

 

[asmicheal]

​

جلاش اصايع باللحمة المفرومة
( ويمكن عمله صنف حلو بالكسترد وتسقية نصف كوب شربات ساخن بعد السواء )
المقادير
لفة جلاش (نصف كيلو )
نصف كيلو لحم عصاج ( سمنه تحمرى بها بصلة حتى تصفر ثم تضعى فيها اللحم المفروم الى ان يشرب ماءة ويفلفل )
انا اسقية نصف كوب شوربة - يمكن سقية ايضا بنصف كوب لبن علية ملعقة سمنه

الطريقة
- تدهنى الصينية سمنه
-تقطعى الجلاش 4 اجزاء
- ورقتين جلاش مربعة تدهينها سمنه وتضعى بها ملعقة صغيرة عصاج وتقفليها كمحشى ورق العنب
- حين الانتهاء من رص الكمية تدهنيها من فوق بسمنه
- لو هتضعى نصف كوب لبن وملعقة سمنه تدخلية الفرن يسخن ثم تضيفى النصف كوب لبن بسمنه
- انا بضعه بالفرن حتى يحمر للون ذهبى جميل
- اسقية بنصف كوب شوربة بيغلى بعد ما يستوى لو حابة يكون مقرمش لا تضعى شوربة هوه بيبقى تحفة

لو هتستخدمى نصف كوب اللبن بملعقة السمنه لا تضعلى شوربة
(لا يوجد بيض نهائى بهذا الصنف


اضافة
ممكن يتحشي مكسرات
وممكن يتحشي خضار مقطع صغير جدا
أو خضار
مبشور زي بطاطس وجزر ومشروم بس في حالة إضافة المشروم بنحمر بصله ولما تصفر تحمر معها المشروم مقطع صغير ونضيفه
الي الخضار وبالهنا والشفاء



https://www.youtube.com/watch?v=i3uj4aqWdyk&ab_channel=مشمنقول_الوصفةبايدكعلىموبيلكفىمطبخك


=

 

[asmicheal]

مكرونة باشاميل

​

نييجى بقى للكلام المهم
المكرونة باشاميل بطريقتى
المقادير
كيس ونصف مكرونة (الكيس 400 جرام )
2 كيلو لبن
تريكة روعة لطعم خرافى برطمان جبنة شيدر بريزيدوان تضيفيها على الباشاميل بعد ما يستوى
6 ملاعق دقيق كبيرة
3 - 6 ملاعق كبيرة سمنة للباشاميل
1 ملعقة كبيرة سمنه توزع على وجة الصينية بعد رصها
لا اضع الا 2 بيضة مربوبة فقط
عصاج نصف كيلو لحم مفروم (نحمر بصلة نضع اللحم المفروم حتى يشرب ماءة يمكن اضافة عصير 2 ثمرة طماطم ويترك على نار هادئة ليشرب ماءة )
ملعقة سمنه وملعقة بقسماط مطحون (احسن نوع ريتش بيك ) لدهن الصينية
ملعقة بقسماط ترش على وجة الصينية بعد تمام رصها


الطريقة
- تسلق المكرونة ناشفة قليلا
-نضع ال 3ملاعق سمنه تسخن يضاف ال 6 ملاعق دقيق ويقلب جيدا على نار هادئة حتى يصفر
- يضاف اللبن
-يضاف كوب اللبن ب3 ملاعق الدقيق الباقية
يقلب على نار هادئة حتى يتخن لدرجة شريط ترفعية بملعقة يكون شريط
- تريكة روعة لطعم خرافى برطمان جبنة شيدر بريزيدوان تضيفيها على الباشاميل بعد ما يستوى
- يترك ليبرد
-يضاف ال 2 بيضة مربوبة ويرب كلة
-نصف الباشاميل يخلط بالمكرونة المسلوقة والنصف الاخر للوجة
- تدهن الصينية بالسمنة ثم نرشها بملعقة البقسماط المطحون
-نضع نصف المكرونة
-نضع العصاج
-نضع النصف الاخر من المكرونة
- نصب الباقى من الباشاميل على الوجة
- ملعقة سمنة قطع متفرقة على وجة الصينية مع رشة بقسماط مطحون
- تدخل فرن 150 درجة لمدة ساعة تقريبا
-يختبر السواء كالكيك بسكينة تغرس تطلع بلا باشاميل



https://www.youtube.com/watch?v=ZWVc4ml-3Z8&ab_channel=مشمنقول_الوصفةبايدكعلىموبيلكفىمطبخك



=

 

[asmicheal]

​

للتغيير اكثر من طريقة ل عمل كبدة لذيذة
المقادير:

1-حبة بصل مفرومة فرم ناعم

2-مقدار طبق كبدة مقطعة إلى قطع صغيرة

3-مقدار حبة فليفلة مفرومة فرم ناعم وقليل من البقدونس

4-نصف فنجان زيت

5-ملح , فلفل أسود مطحون , بهار مشكل , ثوم, قرفة مطحونة , سماق
وطبعا الكمية حسب الرغبة



الطريقة:
أولا :نضع البصل المفروم مع الزيت في المقلاة

ونحرك جيدا حتى يبدأ البصل بالذوبان مع مراعاة عدم تحميره لأن ذلك سيؤثر على النكهة
ثانيا :نضع الفليفلة على البصل

ونحرك جيدا حتى يبدأالفلفل الرومي بالذبول

بعد ذلك نضع الكبدة عليه

ونحرك جيدا

عندما تقارب على الاستواء نضع عليها الملح والبهارات

ونحرك جيدا حتى تستوي الكبدة وبعد ذلك نضع البقدونس المفروم

ونحرك جيدا ونتركه فقط مدة دقيقتين ونطفىء النار

ونسكبه في طبق التقديم ونزينه بشرائح الليمون

--------------------------------------

الكبده المحمرة بالدقيق


المقادير
كيلو كبده مقطعة شرائح ,2 م دقيق , بقدونس مفروم , عصير ليمون وعصير بصل , ملح وفلفل, سمن او زيت للتحمير , بطاطس شيبس



الطريقة:


تتبل الكبدة وتترك قليلا ثم تغطى بالدقيق جيدا ثم تقدح السمن وتحمر فيها شرائح الكبده من جهتين حتى تنضج ثم تقدم ساخنه على فرشه من البقدونس


-------------------------------

الكبد المشوي

المقادير


كيلو كبده , عصير بصلتين عصير ليمونتين ملح وفلفل


الطريقة


يشطف الكبد بالماء البارد ويقطع شرائح وتتبل بالملح والفلف وعصير الليمون والبصل لمدة ربع ساعة ثم تشوى وتقدم بالبقدونس
----------------------------------

صينية الكبدة المشوية


المكونات والمقادير


نصف كيلو كبدة ترنشات
يصلة كبيرة ترنشلت
حبة فلفل رومى كبيرة ترنشات
ملح فلفل كمون بابريكا بهارات عصير ليمونة
2 قرن فلفل حار
2 فص ثوم مقطع
قطعة فحم
زيت



طريقة التحضير


تتبل الكبدة بالملح و الفلفل و الكمون و البهارات و البابريكا و عصير ليمونة


ترص الكبدة فى صينية و فوقها شرائح البصل و الفلفل و الثوم


تغطى الصينية بالفويل و تزج فى الفرن


عند النضج تجهز الفحمة و توضع بفنجان صغير به سمن


وتوضع فى وسط الصينية و تغطى لمدة لا تقل عن ربع ساعة


-------------------------

-------------------------

الكبدة الاسكندرانى

المقادير:


1/2 كيلو كبدة مقطعة صغيرا .
ملح . كمون .
3 ملاعق كبيرة خل .
فلفل حار (اختيارى) .
3 ملاعق كبيرة ثوم مفروم .
حلقات فلفل أخضر .
عصير ليمون .
1/4 كوب زيت للتحمير .




الطريقة:


يخلط الثوم والخل والكمون والملح والشطة(الفلفل الحار) جيدا ثم تتبل بها الكبدة وتترك فى الثلاجة لمدة1/4 ساعة .
يضع الزيت على النار حتى يسخن ثم تسقط فيه الكبدة وتقلب وستظهر فورا الرائحة الطيبة .. تخفض الحرارة بعد ان يتغير لون الكبدة ونضيف حلقات الفلفل الاخضر ليكمل نضجه مع الكبدة وتغطى وتترك ربع ساعة .. بعد ذلك يرفع الغطاء ويقلب جيدا حتى تتشرب مائها وتتحمر فى زيتها ... توضع فى طبق التقديم وترش بعصير الليمون (الليمون ضرورى للمذاق المميز للكبدة الاسكندرانى ) تقدم مع الجرجير والبطاطس المحمرة والخبز المصرى .

---------------------------------

طريقة الكبدة والكلاوي

المقادير


تغسل الكبدة والكلاوي وتقطعينهم شرائح رفيعة وبطول لا يتجاوز اربعة سم .


ثم تجهزين بصل مقطع قطع طويلة نسبيا بمقدار نصف حبة بصل متوسطة الحجم لكل 150 غرام كبدة وكلاوي


وربع ملعقة صغيرة ثوم مدقوق لنفس الكمية اعلاه


وفلفل حار او بارد ( رومي ) حسب الذوق مقطع قطع شرائح نحيفة.
..


الطريقة


نبدأ بحمس ( قلي ) البصل والفلفل في مقلاة فوق نار عالية جدا بحيث ينتج لدينا بصل يكون سطحه شبه محروق ولكن داخله ما يزال ني متماسك.


في نفس الوقت وفي مقلاة أخرى وبنفس الطريقة نحمس الكبدة على نار عالية لمدة قصيرة جدا من دقيقتين إلى ثلاث دقائق مع التقليب المستمر


بعد ذلك اضيفي الثوم وقليل من الفلفل الاسود والملح وذرة صغيرة جدا جدا من الكمون على الكبدة والكلاوي وقلبي لمدة نصف دقيقة ثم اضيفي البصل المحموس وقلبي لمدة نصف دقيقة اخرى وقدميه حار مع خبز بر حار وربع حبة ليمون وبالهناء والشفاء

---------------------------

كبدة بالطماطم
المقادير


كبدةحسب عدد الأشخاص
وطماطم مقطعه مربعات
وثوم مدقوق ناعم وفلفل اسود وكمون وملح
وزيت للقلي ومقلاة واسعه وجيدة


الطريقة


تغسلين الكبدة بماي بارد ثم
تشرحين الكبدة شرايح عريضة ثم طولية تطلع مثل وحدات البطاطس المقليةالطولية ثم تحطين زيت كافي بالمقلاة الين يسخن وتحطين الكبدة على نارقووووية جداالين لونها يصير فاتح ولازم النار تكون قوية عشان الكبدة تكون طرية من الداخل عند النضج وبعد دقيقتين تحطين الطماطم والملح
طبعا حسب كمية الكبدة مثلا اذا كمية الكبدة ربع كيلو يبيلك حبة طماط كبيرة اوحبتين صغار
وتحركين باستمرار على نارقويه الى ان ماتنشف ميه الطماطم ثم تحطين الثوم المدقوق مع الفلفل الاسودوالكمون وتقلبينه مع الخليط دقيقتين

-----------------------------------

الكبدة البانية اللذيذة

المقادير


كبده مقشره
1 فص ثوم
ملح,فلفل,كمون
ليمون
دقيق
لبن
بيض
بقسماط
زيت للقلى



الطريقه:


نقشر الكبده من الطبقهالرقيقه الخارجيه
تتبل الكبده بالملح و الليمون و الفلفل و الكمون و الثوم وتترك ساعه ثم نضع الزيت فى طاسه و نضع اللبن على البيض ثم نأخذ الكبده و نضعها فى الدقيق ثم البيض و اللبن ثم البقسماط.
و تقلى و نخرجها من الزيت على فرشه من البقدونس.
و بالهنا و الشفا


----------------------------------
الكبدة المحمرة

المقادير


نص كيلو كبدة _ملح _فلفل _عصير ليمون _ سمن للتحمير


الطريقة


تقطع الكبدة شرائح و تبليها بالملح و الفلفل وعصير الليمون و سيبيها شوية فى التتبيلة ، نضع السمن فى مقلاية ولما تقدح احمر الكبدة الاول مرة على الوش الاول و مرة على الوش التانى ،وبعدين حطى عليها شوية فى شوية ماء لحد ما تستوى


------------------------------------

الكبدة بالفلفل و الطماطم
المقادير


نص كيلو كبدة _ملح _فلفل _فلفلة رومى كبيرة _بصلة كبيرة _طماطماية كبيرة +م زيت او سمن _ م ص خل +فصين ثوم.


الطريقة



نقطع الكبدة قطع صغيرة و كذلك الفلفل و البصل و الطماطم .نضع السمن فى حلة و نشوح فيها البصل و الفلفل و فصين الثوم لحد ما يصفروا ثم نضع الطماطم و الخل و نقلب ثم نضع الكبدة و نقلب نقلب لحد ما تاخد لون محمر اضع ربع كوب فى ربع كوب ماء لحد ماتستوى و يكون فيها صوص بنى.

----------------------------------

الكبدة بالردة

المقادير


كيلو كبدة شرائح +رأس توم مفرومةناعم جدا - ملح -فلفل - نصف ملعقة صغيرة كمون - 2 ملعقة كبيرة كزبرة ناعمة -2 كزبره ناعمة + نص كوب دقيق - ( تخلطيهم مع بعض )+زيت للقلى


الطريقة


تبلى الكبدة و ضعى عليها و الملح و الفلفل و التوم و الكزبرة و الكمون و قلبيهم كويسوحطيها فى الثلاجة تقريبا ساعتين علشان تشرب من كل التتبيلة كويس طلعيها من الثلاجةو سخنى الزيت ،نضع شريحة شريحة فى خليط الردة بالدقيق و اضغطى عليها با يدك كويس من الناحيتين ،و ضعيها فى الزيت لحد ما تحمر من الناحيتين بس خلى بالك الكبدة اساسابتستوى بسرعة يعنى ما تسبيهاش على النار دى يادوب بتاخد ثوانى،طلعيها من المقلاية وبالهنا و الشفا
ملحوظة لو عاوزة الكبدة مشوية :تعملى كل اللى عملناة عادى لحدمتخرجيها من الثلاجة و بعدين تشويها
------------------

------------------

طريقة سريعة للكبدة

المقادير


1/2 ك كبدة +2 طماطم متوسطة+4 او 5 فصوص ثوم+1 م ك سمن، او زيت لو بتحبيها بزيت+ملح وفلفل اسود


الطريقة


قطعي الكبدة مكعبات صغيرة. قطعي الطماطم مكعبات صغيرة. دقي الثوم بالملح (الملح بيسهل دق الثوم جدا لما نحطه معاه و بعد كده نظبطه لو محتاج تاني في الحلة). حطيهم في حلة و معاهم السمن او الزيت و الفلفل الاسود و ظبطي الملح. قلبيهم كويس لحد ما تحسي ان الكبدة اتشوحت، وطي النار و سيبيها تستوى براحتهاو ممكن تضيفي لها شوية مية صغيرين لو محتاجة. و عند التقديم اعصري عليهاليمون و قدميها مع سلطة و مكرونة اوا عيش او ارز

----------------------------------------------

سندويشات كبدة روعه


يقدم لـ 8 أشخاص، مدة الاعداد 25 دقيقة.



المقادير:



300 جرام كبدة غنم مقطعة شرائح، نصف ملعقة صغيرة فلفل أسود، نصف ملعقة صغيرة فلفل أحمر حار، 4 ملاعق كبيرة عصير ليمون، ملعقة كبيرة خل، فص ثوم مهروس، شريحة زنجبيل مهروسه، ملعقة صغيرة ملح، 2 ملعقة كبيرة طحين حمص، أوراق خس مقطعة ، شرائح طماطم، زيت الزيتون للقلي، 8 خبزات عربية صغيرة.



طريقة الاعداد:


اخلطي عصير الليمون والخل مع الثوم والزنجبيل واتركي الخليط لمدة 15 دقيقة، ثم صفي الخليط بصفاة واسكبيه على شرائح الكبدة. رشي شرائح الكبدة بالفلفل الأسود والأحمر والملح واخلطيها جيدا ثم ادخليها الثلاجة لمدة ساعة على الأقل.



سخني الزيت في مقلاة غزيرة وصفي الكبدة من خليط الخل وعصير الليمون. اقلي شرائح الكبدة حتى يتغير لونها ثم اضيفي لها طحين الحمص وقلبيها جيدا ثم غطي المقلاة واتركيها على نار هادئة لمدة 20 دقيقة. اقطعي الخبزة الى نصفين وافتحى كل جزء واحشيه بالطماطم والخس والكبدة.صفي السندويشات في طبق التقديم وزينيها بالنعناع.

---------------------------------------------


كبدة جاد


المقادير



كيلو كبدة


بصلة كبيرة مفرومة

7فصوص ثوم مفروم

فلفل أخضر حسب الحاجة

فلفل أسود وكمون وملح

3 ملاعق طعام زيت

2 ثمرة طماطم مقطعة مكعبات



الطريقة



تغسل الكبدة جيداً ثم نضعها في صينية أو وعاء الطهي ثم تضاف كل المقادير عليها ويغطى الوعاء.

يوضع على النار العالية حتى تغلي ثم نهدء النار حتى تتشرب وتنضج وتقدم مع الفينو وسلطة الطحينة.



--------------------------------------------
الكبده بالصلصه

المقادير:



نصف كيلو كبدة مقطعه شرائح رفيعة
ربع كوب خل
ربع كوب ليمون
2كوب عصير طماطم
كوب بضل مفروم
4 ملاعق ثوم مفروم
نصف كوب فلفل رومى شرائح
توابل-زيت اوسمن


الطريقة:

تغسل الكبدة جيدا وتتبل بالتوابل و الليمون و تترك
يقدح الزيت و تشوح الكبدة و ترفع من على النار
يشوح البصل و الثوم و يضاف الخل و الفلفل والطماطم و تترك لتسبك
تضاف الكبدة و قليل من الماء و تغطى حتى تنضج
تغرف و تقدم مع الارز و البطاطس المحمره فتقدم وجبه كامله وبالهنا

------------------------------------


كبدة الخروف المشوية


المقادير


كبدة مقطعة بشكل مكعبات كبيرة شوي بالحجم و طبعانظيفة
لية خروف أيضا مقطعة بشكل مكعبات
بصل بحيث يكون حجمه صغير
بندورة أيضا حجمهاصغير
سماق
ملح
فحم
فلفل
و طبعا كالعادةكله حسب الرغبة


الطريقة


بعد تنظيف الكبدة نضيف الملح والفلفل و السماق الى الكبدة و نخلطها جيدا
ثم نغرز قطع الكبدة في سياخ الشوي و نضع في كل سيخ 5 قطع كبدة و بينهم قطعتين من لية الخاروف حتى تسويهم
و بعد ذلك نغرز البصل و البندورة بالسياخ(سياخ منفصلة عن سياخ الكبدة وأيضا نضع بينهم قطع من اللية)
نجهز الفحم ضمن منقل الشوي و نشعله حتي يجمر
ثم نضع أسياخ الشوي و نحركهم بحنية فوق المنقل
و حين تستوي الكبدةيمكن ان نقدمها بصحبة السلطة أو الحمص أو المتبل

---------------------------------------

كبده حميس

هذه مشهوره في اهل نجد والحجاز سميت بهاذا الاسم لانها تتطبخ بدون
ماء حمس فقط


المقدير



نصف كيلو كبده وزيه كلاوي وزيه لحم مقطعه صغار
بصله + فلفل أخضر(أختياري)
نصف كاس زيت + ملح+ بهار


الطريقه


ضع الزيت في التاوه وضع البصل والفلفل الى ان تصبح ذهبيه ومن ثم اللحم (لانه ياخذ شوي وقت) ويغطى ويترك على نار هادئه الى انا ينشف ماؤه
ومن ثم الكبده والكلاوي والبهار والملح ومن ثم تحمص على نار قويه الى ان
تنضج ومن ثم قدمها بالهنا والعافيه وتعال شوف الطعم يييييييميي
ملاحظه
لا يوضع ماء ابدا



كبده بالبصل والبطاطس

المقادير


نصف كيلو كبده
نصف كيلو كلاوي
3 حبه بصل كبير مقطع شرائح
2حبه بطاطس متوسطة الحجم ومسلوقه نصف استواء ومقطعه صغير
حبه واحده طماطم متوسطة الحجم مقطعه صغير
ملح+ بهار+6ملاعق اكل زيت


الطريقه


نضع الزيت في تاوه كبيره ونضع عليه البصل ويقلب الى ان يصبح ذهبي
اللون ومن ثم البطاطس ويقلب خمس دقائق ومن ثم الطماطم ويقلب ومن ثم
الملح والبهارومن ثم نقطع الكبده والكلاوي ونضعه عليها وتغطى وتترك على
نار هادئه الى ان تضج وبا الهناء والعافيه

--------------------------------------

كبده بالفلفل والقشطه

المقادير


1 كيلو كب
1فلفل اخضر (رومي)
علبه قشطه
ملح + فلفل أسود
نصف كاس زيت


الطريقه


نقطع الفلفل شرائح رقيقه و نضعه في تاوه ونضع عليه الزيت ويقلب الى ان
يذبل ونضع عليه الكبده بعد تنظيفها وتقطيعها الى شرائح متوسطه ومن ثم
الملح والفلفل وتقلب وتترك على نارهادئه الى ان يجف ماؤها ومن ثم نضع
عليها القشطه وتقلب لمدة خمس دقائق وتقدم وبالهناء والعافيه

---

كبده بالخضار
المقادير



نصف كيلو كبده منظفه ومقطعه
وزيها كلاوي وزيها لحم مقطع صغار
2 حبه كوسا مقطعه
2حبه بطاطس مقطعه
2 حبه جزر مقطع
نصف كوب فاصوليا مقطعه
كوب قرنبيط(زهره)مقطع
نصف كوب بازلا مجمده
ملح +بهار +فلفل احمر حار(اختياري)
بصله مقطع شرائح بنص+ طماطم مقطع+ فلفل اخضر مقطع+ نصف كاس شاي زيت
الطريقه

نضع في تاوه الزيت و البصل والفلفل ويقلب الى ان يصبح ذهب اللون ونكب
عليهاالطماطم ونقلب ونكب البهار والملح عليها ونقلب ونكب اللحم
عليهم ونقلب ونغطيها نتركها على نار هادئه الى ان ينضج اللحم ومن ثم نكب
على اللحم الكبده والكلاوي وتقلب وانت تقلبن اقلي جميع الخضار ماعدا
البازلا اسلقها في كوب ماء مع ملعقة صغيره كمون (عشان ريحة التخزين
ونكهته تروح)وكب جميع الخضار على الكبده وتقلب خمس دقائق وتقدم

-----------------------------------

كبده بكشنة الطماطم

وهاذي سهله جدااا والكل يعرفها ومتبي لها فن او تعب


المقادير


كيلو كبده مقطعه شرائح
بصله + طماطم + فلفل اخضر
ملح + بهار + خمس ملاعق زيت


الطريقه


يوضع الزيت في تاوه ويقطع البصل الى قطع صغيره ويوضع على الزيت ومن
ثم يقطع الفلفل ويوضع على البصل ويقلب ومن ثم الكبده والملح والبهار
ويقلب الى تشرب الكبده ماوها ومن ثم نضع الطماطم ونقلب لمدة خمس دقائق
وتقدم
------------------------

كبده بالباشميل

المقادير



كيلو كبده
2فص ثوم مدقوق
نصف بصله مفرومه ناعم
نصف مكعب ماجي
بهار + كاري+3ملاعق اكل حليب مذوبه في كاس ماء
3ملاعق اكل دقيق
كاس ونصف شاي زيت



الطريقه


اول شي نعمل الباشميل
نضع في قدر كاس شاي زيت ومن ثم البصل ويقلب لدقيقه ومن ثم الثوم
وتقلب الى ان تصبح ذهبيه ومن ثم يكب الدقيق عليها ويحرك ومن ثم الماجي
والبهار والكاري ويقلب لدقيقه ويكب عليها الحليب ويحرك الى ان يغلظ
ويصبح باشميل
وفي هذا الوقت تعمل الكبده
يوضع الباقي من الزيت في التاوه وتوضع عليها الكبده وتقلب الى ان تنضج
ومن ثم تكب عليها الباشميل وتقلب لمدة خمس دقائق وتقدم بالهناء والعافيه

-----------------------------------

الكبدة المحشوة
المقادير

1 كيلو كبد بتلو + ملح + فلفل + ملعقة كبيرة دقيق متبلة بالملح والفلفل + نصف منديل خروف


الحشو:


2 ملعقة سمن سائح + 1 ملعقة كبيرة بصل مبشور + فنجان بقسماط + 1 ملعقة صغيرة كرفس مفرى + 1 ملعقة صغيرة بقدونس مفرى + 2 ملعقة كبيرة من بهريز أو لبن حليب أو ماء + ملح + فلفل


الطريقة:


1- تغسل الكبد وتجفف جيداً بقطعة قماشه جافة ثم فى الجزء السميك منها نعمل قطع مستعرض بسكين حاد وتتبل بالملح والفلفل.


2- تخلط مقادير الحشو بعضها ببعض وتتبل جيداً بالملح والفلفل ثم يملأ تجويف الكيد وتخاط أطرافها بعناية.


3- تغطى الكبد المحشوة بمقدار من الدقيق المتبل بالملح والفلفل وتوضع فى صينية مدهونة جيداً بالسمن وتغطى بقطعة منديل الخروف ويضاف إليها البهريز أو اللبن او ماء، وتغطى الصينية وتزج فى فرن متوسط الحرارة مدة حوالى ساعة ونصف أو حتى تنضج الكبد مع ملاحظة رفع غطاء الصينية فى العشر دقائق الأخيرة.


4- يفك الخيط وتقدم الكبد ساخنة وحولها الصلصة المتبقية فى الصينية وتجمل بالبقدونس.




كبدة فرنساوى


المقادير:


نصف كيلو كبد + عصير بصلة + عصير ليمونة + ملح + فلفل + 2 ملعقة كبيرة من السمن + بصلة مفرية + ملعقة كبيرة من الدقيق + 3 أكواب ماء .


الطريقة:


1- تغسل الكبد وتقطع شرائح ثم توضع فى إناء وتتبل بالملح والفلفل وعصير الليمون وعصير البصل وتترك حوالى ساعة.


2- يرفع الإناء على النار وتقلب الكبد حتى تمتص جميع عصارتها ويضاف إليها السمن وتحمر خفيفاً ثم ترفع من الإناء.


3- يحمر البصل المفرى فى السن المتخلف وعندما يصفر يضاف إليه الدقيق ويستمر فى التقليب حتى يصير لونه بنياً، فيضاف الماء تدريجياً مع التقليب بعيداً عن النار حتى لدينا صلصة بنية.


4- يرفع الإناء على نار هادئة حتى تغلى الصلصة فتضاف الكبدة المحمرة ويغطى الإناء وتترك حتى تنضج ثم تغرف وتغطى بالصلصة وتجمل بالليمون والبقدونس.


5- تقدم مع الأرز أو البطاطس البيورية وتقدم ساخنة.


-----------------------------

كرات الكبد

المقادير:

ربع كيلو كبد بتلو + بصلة صغيرة + ملح + فلفل أسود + ربع كيو بطاطس مسلوقة ومهروسة + 2 ملعقة كبيرة من المخلل المفرى + بيض + بقسماط + سمن للتحمير .

الطريقة:

1- تغسل الكبدة جيداً بالماء والملح ثم تغلى على النار مدة 10 دقائق.

2- تغسل الكبد وتفرى مع البصل والمخلل بالمفرمة.

3- تخلط البطاطس وتعجن جيداً وتتبل بالملح والفلفل، تشكل كرات فى حجم عين الجمل الكبير ثم تتبل فى الدقيق وتغطى بالبيض والبقسماط وتحمر فى السمن الغزير.

4- توضح على ورقة لتمتص المادة الدهنية الزائدة، ثم ترص فى صحن مفروش بالبقدونس ويقدم معها صلصلة بيضاء مضاف إليها ملعقة كبيرة من المقدونس المفرى.

-------------------------------

الكبدة المسبكة


المقادير:

نصف كيلو ضأن أو بتلو + فنجان من مكعبات الجزر المسلوق نصف سلقة + 3 ملاعق كبيرة من السمن + 2 كوب من الماء + ملح + فلفل + نصف فنجان من حلقات البصل + ملعقة كبيرة من بقدونس مفرى.

الطريقة:

1- تقطع الكبدة مكعبات متوسطة وتغسل بالماء البارد ثم توضع فى إناء ويصب عليها كمية من الماء المغلى تكفى لتغطيتها مع قليل من الملح وتترك مدة ربع أو نصف ساعة.

2- تنشل الكبدة من الماء وتوضع فى إناء وترفع على نار هادئة مع التقليب حتى تمتص عصلارتها.

3- يضاف إليها السمن وتحمر فيه ثم تضاف الخضر والماء وتتبل.

4- تغطى وتزج فى الفرن حتى ينضج الكبد أو تطهى على نار متوسطة.

5- توضع الكبدة فى وسط صحن وحولها الخضر وتقدم ساخنة.

-----------------------------------

كبد وكلاوى بالصوص مع الارز الابيض


المقادير

1* كيلو كبدة ضانى .
* عدد 3 كلاوى.
* عدد 2 قلب .
* 2فلفل اخضر رومى او حامى.
* رأس ثوم مفصصة ومفرومة.
* ملح – فلفل – كمون.
* ربع كوب زيت.

الطريقة

- يقطع الكبد والكلاوي والقلوب إلي شرائح رفيعة او مكعبات
- ثم تغسل بالماء وتصفي في مصفاة كل واحد لوحدة
- ثم يسخن الزيت وتقلب شرائح القلوب والكلاوي كويس لحد ما ينزلوا مايتهم ويشربوها
- وبعدين تضاف شرائح الكبدة إلي القلوب والكلاوي وتقلب جيدا ثم يضاف الثوم و الملح و الفلفل و الكمون والفلفل الأخضرثم يقلب كله مع بعض ويترك علي نار هادئة لحد ما يستووا مع اضافة القليل من الماء كلما احتاجوا ويقدم مع طبق من الارز الابيض
ملحوظة :ازا كنتى عوزاها بالصوص يبقى قبل ما تطفى النار وبعد ما تستوى تسيبى فيها شوية صوص
وازا كنت مش عيزاها بصوص يبقى بعد ما تستوى والماء بتاعها ينشف تقلبيها فى السمنة اللى معاها فى الحلة .

----------------------

* كبدة الكباب حلة *


المقادير

- 1/2 كيلو كبدة.
- 3 معالق سمنة.
- 1/2 راس ثوم.
- كوب عصير طماطم.
- ملح – فلفل – بهارات.

الطريقة

- بعد مانغسل الكبدة كويس ونجهزها نقطعها مكعبات.
- اقدحى السمنة وحمرى فيها الثوم (بس يكون مقطع حلقات مش مهروس ) لحد ما لونه يصفر
- ضعى مكعبات الكبدة على الثوم وتقلبى وتغطى الحلة وتكون النار هادية لحد ما الكبدة تنشف مايتها
- اضيفى عليها عليها عصير الطماطم و الملح والفلفل والبهارات
- اتركيها على نار هادية لحد ما تتسبك وتبان السمنة .
- - حمرى فيها الكبدة وتقدميها.

-----------------------------------

* كبدة بالدقة *

المقادير


* ½كيلو كبدة بتلو.
* 1/2 راس ثوم مهروس.
* 3 معالق زيت.
* عصير ليمون.
* معلقة كبيرة بقدونس مفروم.
* ملح وفلفل و كمون.

الطريقة

- تغسل الكبدة كويس بالماء والخل
- وتشطف بالماء وتقطع شرائح رقيقة
- ندهن مقلاية بالزيت ونشوح فيها الكبدة كويس على نار عالية لحد ماتستوى ونشيلها من على النار
- نخلط كل مقادير الدقة اللى عندنا مع بعض الثوم والبقدونس و عصير الليمون والملح والفلفل والكمون ونضعهم على الكبدة اول ما تنزل من على النارونقلبهم كويس لحد ما الدقة تتخلط كويس بالكبدة ونقدمها ساخنة.

والف هنا عليكم بالطعم

 

[asmicheal]

مسقعة صيامى من غير لحم مفروم

​

مسقعة صيامى من غير لحم مفروم هىء هىء هىءد
حد عاوز
استنوا للصايمين طريقتها بس روعة
المقادير
باذنجان مربعات او دوائر
فلفل حامى مقطع
ملعقة ثوم مفرى
ملعقة متوسطة خل
كوب عصير طماطم
الشطة الحمراء والفلفل الاسود والملح.

1 مكعب مرقة خضروات
بصلة حلقات تملح وتقلى مع الباذنجان والفلفل
(يمكن اضافة انشوجة للوجة )



الطريقة
- صينية البطاطس والباذنجان بقطعهم مربعات مش شرئح بيقى اظرف واحلى
- تجهزى الفلفل الحامى و الباذنجان بعد تقشيره بالكامل الى مربعات نرش علية ملح ونسيبة فمصفاة يصفى المية شوية حوالى من ساعتين لتلاتة علشان مايشربش زيت فى التحمير

- يقلى بالزيت وينشل
- يحمر الثوم المفري في الزيت حتى يصفر لونه. ثم نضيف اليه الخل ثم كوب الطماطم والشطة الحمراء والفلفل الاسود والملح.
-غطي الإناء وهدئي النار وأتركي الخليط حتى يغلظ قوامه ويطفو الزيت على سطح الصلصة.
-أضيفى الباذنجان والفلفل. واتركيهما على النار حتى يختلط المقدار ببعضه ثم أرفعي الاناء من على النار واتركيه حتى يبرد ويقدم مع البطاطس المحمرة



اضافات
Ingy El Banna
أقولكوا على طريقة سوسة بس عبقرية تقلل الزيت علشان التخن ؟؟
بعد القلى - ما تخليهاش تستوى قوى فى القلى علشان ما تتهريش - تجيبى مية مغلية و تصبى على البتنجان و هو فى الصفاية بعد القلى بالراحة رايح جى هاينزل معظم الزيت اللى فيه و بتبقى خفيفة قوى و تستمتعى بطعمه

Nagat Ali
رئيستي في الشغل فلسطينيه.. قالتلي علي شطف البادنجان بعد قليه .. بس هم بيشطفوه بمرقه..







=

 

[asmicheal]

​

نييجى بقى للكلام المهم
Susis Mexican - سوسيس مكسيكي
المقادير

سويس بقطعة دوائر
اربع فلفلات خضراء
ثلاث طماطمات
زيتون "حسب الرغبه"
معلقة زبده كبيره وربع كوب زيت
بصل مقطع صغير
ملح وفلفل أسود


الطريقه



نرفع الاناء الى هنسوي فيه السويس ونضيف معلقة الزبده والزيت لحد ما يقدح.
ثم نضيف البصل ونسيبه لحد مايدبل.



نضيف نص كمية الفلفل الاخضر الى قطعناه ونقلب دقتين كدا لحد ما يمتزجوا.



نضيف نص كمية الطماطم الى قطعناها وربع كوب ماء (شوية ميه صوغنين) ونقلب دقتين او تلاته .



نضيف شوية ملح وفلفل (حسب الرغبه) نضيف كل كمية السوسيس وهنسويها ني فى ني .. بمعني اننا هنسويها من السائل بتاعها وسائل الطماطم والبصل .. لكن ناخد بالنا لو حسيتي ان السائل موش موجود زودي شوية ميه عشان موش تلصق .



بعد 10 دقايق من التابعه نضيف باقي الخضار ( الفلفل الاخضر و الطماطم ) عشان يبقا شكلهم باين مع السوسيس .. ونضيف زيتون قليل ( حسب الرغبه وحسب نوع الزيتون لو حادق موش تزودي عشان الاكله متخربش) ...

وكدا انتهت الاكله .. أدعولي بقا



وبالهنا و الشفا

منقول ومجرباة روعة وتغيير موفر

asmicheal



=

 

[asmicheal]

​

بطاطس مشويه
المقادير:
أربع حبات بطاطس
ربع قالب زبدة
بقدونس مفروم
ملح

طريقة التحضير:

قشري عزيزتي حبات البطاطس و اغرزيها بالشوكة حتى تدخل الحرارة إليها و تنضج جيدا من الداخل و الاّن لفي كل حبة من البطاطس بورق الألومينيوم

ضعي حبات البطاطس في الفرن لمدة ساعة او حتى تنضج تماما

و الاذن عزيزتي قطعي كل حبة الى نصفين ورشي الملح فوقها وضعي قطع صغيرة من الزبدة عليها

رشي البقدونس المفروم فوق حبات البطاطس و قدميها مع طبق سلطة من اختيارك أو مع صلصة لذيذة


asmicheal



=

 

[asmicheal]

​

فول بالسجق
المقادير:-
فول مدمس - بصلة مقطعة قطع صغيرة - 4 فصوص ثوم مقطعة قطع صغيرة - 2 حبة طماطم متوسطة - 2 حبة فلفل رومى وومكن اضافة فلفل حامى (شطة) - 200 جرام من السجق او السوسيس مقطع حلقات حوالى 2 سم - فلفل وكمون وملح - زيت - 2 ملعقة صلصة



طريقة العمل:-
1- نضع البصل على الزيت حتى يذبل البصل ثم نضع الثوم المقطع عليه ويقلب



2- نضيف السجق المقطع وبعد ازالة القشرة الخارجية له ويقلب قليلا حتى يحمر السجق



3- نضيف الطماطم المقطعة والفلفل المقطع والصلصة والتوابل والملح ويقلب جيدا ويترك على نار هادئةحتى ينضج البصل





4- نضيف الفول وانا عن نفس بادمس الفول فى البيت ونقلب الخليط جيدا ويترك على النار واذا احتاج قليل من الماء نضيفه ونتركه حتى ينضج ثم يقدم



asmicheal


=

 

[asmicheal]

​

صنف صيامى شوربة سى فود - فواكة البحر
استخدم الكيس المنوع ولا اعرف الكابوريا ولا القواقع
شوربة فواكة البحر صيامى

الكمية على جسب افراد الاسرة ونصيحة ابداى دائما عند التجربة باقل كمية ممكنة وعندما تتمكنى من طريقتك فى تنفيذ الطبق كررى التجربة فى كمية اكبر تناسب عائلتك او ضيوفك

(نص كيلو سمك مقطع لمكعبات وبدون جلد او شوك طبعا
نص كيلو جمبرى مقشر ومسلوق فى ماء لمدة 10 دقائق واسكبى ماء السلق
نص كيلو قواقع او جندوفلى او بكلويز حسب الاسم فى بلدك
كابوريا حبة واجدة او اكثر جسب رغبتك
كاليمارى او سبيط يقطع حلقات مثل البصل الحلقات)

او
كيس سى فود دة اللى بستخدمة


نصف راس ثوم مفروم ناعم
نص كيلو طماطم معصورة ومصفاة من القشر والبذور
زيت زيتون وزبدة
ملح وفلفل اسود وقليل جدا من الكمون المطحون طبعا

خلطة تضاف
نصف حزمة كرفس+2جزر وسط مبشور+3 او 5 فصوص ثوم+ملح+فلفل+كمون+2 طماطم كبير+2 قرن فلفل اخضر(رومي)لو عايزه حامي انت حرة
الخلطة ديه نحطها في الكبة كله يتفرم مع بعضه
بس مش يبقي عصير لا هيكون مقطع ناعم و متجانس مع بعضه



طريقة الاعداد

لابد من مراعاة ان تستخدم اناء من الستانلس او الصاج او اى مادة فيما عادا التيفال او البيركس

(السبيط و الجمبري لان دول اكثر حاجة زفرة انا حطيتهم في ماية فيها شوية دقيق و ملح و ليمونتين كبار لمدة عشر دقائق مش اكتر)

( يغسل الجندوفلى او القواقع جيداااوتخديها فى الحلة على نار قوية وتغطيها بلغطاء المحكم وتتركيها سوف تصدر صوت فرقعة اتركيها ولا تخافى لانها الاصداف بتاعتها هتتفتح كى تخرج الرمل منها اتركيها 5دقائق
اشطفى الاصداف بلماء الجارى وانقليها فى طبق اخر)

نعمل الخلطة ديه و نركنها علي جنب

نصف حزمة كرفس+2جزر وسط مبشور+3 او 5 فصوص ثوم+ملح+فلفل+كمون+2 طماطم كبير+2 قرن فلفل اخضر(رومي)لو عايزه حامي انت حرة



الخلطة ديه نحطها في الكبة كله يتفرم مع بعضه
بس مش يبقي عصير لا هيكون مقطع ناعم و متجانس مع بعضه



نركن الخطة ديه بأه لحد ما اقولكم عليها

جيب بصلة وسط و نبشرها و نحطها في حلة علي النار مع شوية زيت و عليها شوية ملح و فلفل و كمون

يادوب البصلة تبدأ تذبل نحط فواكه البحر الاجمد فالاقل و هكذا



يعني نحط السبيط المقطع و تقلب 3 دقائق

و نحط الكابوريا و الارجل بتاعتها و نقلب برضه 3 دقائق
(الكابوريا تكون مقسومة بالسكين نصفين بالطول و مقطعة الارجل)

و بعدين الأقل تسوية اللي هو الجندوفلي و برضه 3 دقائق و نقلب

و الجمبري المقشر برررضه 3 دقائق

و اخيراً السمك

و نقلب كويس وبسرررعة
نحط الخلطة بتاعتنا اللي عملناها في الاول و نشيل منها ملعقتين كبار علي جنب

و نقلب الخلطة كويس مع فواكة البحر علشان تتجانس و تتغلغل كويس

و بعدين نزود الماية و نسيبها تغلي دقيقتين علشان نتاكد من تجانس الحاجة مع بعض



(كل ده علي نار عالية عااادي جدا)



و نحط ملعقتين الخلطة اللي كنا شايلينهم علي جنب و نقلب كويس و ندوق علشان نشوف لو محتاجة ملح تاني ولا حاجة

و بمجرد ما تغلي تاني نطفي عليها و بالهنا و الشفا







تقدم ساخنة مع الخبر البلدى وسلطة الطحينة او مع الخبز الفرنسى او الصامولى او الكيزرالمحمص والمدهون بخليط من الزبدة والثوم ويجمل ببعض اوراق الكرفس او الكسبرة او البقدونس






=

 

[asmicheal]

نييجى بقى للكلام المهم
طريقة فاهيتا الدجاج بطريقة سهلة
المكونات:
½ كيلو شرائح صدور دجاج
½ كيلو شيش طووق (افخاذ مخلية)
½ كوب خل
بشر ليمونة عصير ليمونة
½ كوب كزبرة خضراء مفرية
1 بصلة مفرية
1 حبة فلفل اخضر جوليان 1 حبة فلفل احمر بارد جوليان 2 حبة فلفل اخضر حار (اختياري) 1 حبة بصل متوسطة جوليان توابل
كوب زبادى
الفاهيتا :
1 معلقة صغيرة ملح – 1 معلقة صغيرة فلفل اسود –1 ½ معلقة صغيرة بابريكا – ½ معلقة صغيرة ثوم بودرة -1/2 معلقة صغيرة بصل بودرة – 1 ½ معلقة صغيرة فلفل احمر حار- ½ معلقة صغيرة كمون – بشر ليمونة خضراء ) التحضير:

1- نبدا بتتبيل قطع الدجاج الصدور والافخاذ المخلية بالتوابل جيدا جدا وبعصير الليمون والخل والزبادى علي الاقل لساعتين ثم ترفع على الشواية مع قطع البصل والفلفل ليشوى أيضا مع مراعاة ترطيبها من بواقى التتبيلة حتى تمام السوى.


2- ترفع قطع الدجاج وتترك لترتاح ل10 دقائق مغطاة بورق فويل قبل ان تقطع لشرائح (راعى الاحتفاظ بكل السوائل الناتجة من الدجاج المشوى عند تقطيعه) ثم تقطع الفلفل والبصل المشوى ايضا لشرائح ثم فى طبق التقديم رصى البصل والفلفل المشوى ثم فوقه شرائح الدجاج ثم رشى عليهم السائل الناتج عند تقطيعك للدجاج المشوى ويقدم ساخنا.
او
نضع علبة زبادي + بهار مشكل +ملح+بابريكا + فلفل أسود + كركم ويحرك ويترك على نار هادئه ويكون جاهز بعد 10 دقائق


منقولة ومجرباها تحفة

=


[/COLOR]

 

[asmicheal]

طرق مبتكرة لتمر رمضان
تحفة ورائعة
كل سنة وانتم طيبين
asmicheal
=====================

​

الطريقة المعتادة
مقادير مشروب التمر باللبن

1 كوب بلح مجفف منزوع النوى
2ملعقة كبيرة سكر أو حسب الرغبة
4 كوب حليب ساخن
ملعقة صغيرة فانيليا

طريقة عمل مشروب التمر باللبن

اكسري البلح إلى نصفين وانزعي منه النواة وانقعيه فى وعاء عميق مع الحليب الساخن لمدة نصف ساعة حتى يصبح لون اللبن بنى فاتح جميل .
ضعي خليط اللبن بالبلح المنقوع فى الخلاط الكهربائي، ثم اضيفي السكر والفانيليا .
اخفقي المكونات كلها جيداً لمدة دقيقتين حتى تتداخل ويذوب التمر، ثم قومي بتصفية العصير فى إناء وضعيه فى الثلاجة حتى موعد التقديم .
اتركي المشروب في الثلاجة لمدة ساعة ثم صبي مشروب التمر باللبن في كأس التقديم وزينيه بقليل من قطع التمر. بإمكانك أن تشربي مشروب التمر باللبن ساخناً أو بارداً حسب الرغبة.
صحتين وعافية!

الطرق المبتكرة

النوع الاول

​

[ تمر بحشوة الطحينه والبسكوت ]

هذا النوع لذيذ جدآ

بسكوت دايجستف او الشاهي نطحنه ونخلط معه 4 ملاعق طحينه كبيره ..

نفتح التمر ونطلع النواه ونحشيه بملعقه صغيره ثم نصفه ونرشه بطحينه ..

----------------------
النوع الثاني

​

[ تمر بالجالكسي ]

نجهز التمر بدون نواة ثم نعجنه مع بسكوت ونكوره .. نضيف عليه خمس ملاعق حليب نستله ونخلطه ..
نذوب 2 جالكسي ونصبها عليه...

نتركه بصينيه بالثلاجه حتى يجمد .. ثم نزينه بشوكلاته هيرشي وحليب نستله .

-----------------------

آلنوع آلثـآلث

​

[ تمر صقعي باللوز والسمسم ]

نفتح التمر ونحشيه لوز محمص في شوي زبده عشان النكهه

ثم نرشه بالسمسم ..

------------------------------
آلنوع آلرآبع

​

[ تمر باللوز والتوفي ]

نحشي التمر لوز محمص بزبده ثم نرشه بالتوفي ..

طريقه التوفي ..

فنجال سكر نذوبه على النار .. ثم نضيف له قشطه ..




جديد
-----

[ تمر بالمارشميلو ]


نفتح التمر نشيل النواه نحشيه حبتين ميني مارشميلو ..
نذوب شوكلاته خام ونصبها على التمر ونزينه بحبه مارشميلو

------------------------

تحشي التمرة بالقشطة والكريمة المخفوقة ويوضع فوقها حبة لوز أو جوز


=





https://www.youtube.com/watch?v=5di8uumFOPc&ab_channel=مشمنقول_الوصفةبايدكعلىموبيلكفىمطبخك




=


=

 

[asmicheal]

​

نييجى بقى للكلام المهم
كشك الماظ روعة
كصعيدية اصيلة بنشترى الكشك بالكيلة وبيكون الكشك معمول بفريك
ببل 20 دائرة كشك بماء حتى يبوش واستخدمة
لكن لان فية ناس مش هتقدر تشترية فدة كشك الماظ الرز
مقدارفرخه كبيره تسلق وشوربة 5 اكواب
10 كوب زبادى
كوب ارز
نصف كوب دقيق
ثمرة كبيرةبصله مقطعه مربعات
عصير 3 ثمرات طماطم
الطريقة
* بعد سلق الفرخه فى مكونتها صفينا الشوربه فى حله جديده ووضعنا فيها كوب الرز بعد غسله ليتم سلقه فى الشوربه
* وبعد نضجه نضيف اليه الزبادى وقد فرغنا الاكواب فى طبق عميق ونربه بالشوكه وننزل بيه على الشوربه المسلوق فيها الرز
* ونقلب الزبادى مع الرز المسلوق فى الشوربه الى ان يغلى
* للدقيق نرب الدقيق فى لبن او شوربه بس تكون بارده او شوية مايه ويكون سمك الدقيق المربوب كانه عجينة الكريب السائله ونضيفه على المقدار السابق ونتركه يغلى على النار مع التقليب المستمر
* بنحمر البصله حتى يصبح لونها دهبى نضيف عصير ال 3 طماطم الى ان يتسبك
* يجمل الطبق بالطماطم المسيكة كما بالصورة

ملحوظة كشك الجاهز (فريك )
-لو الكشك جاهز بفريك يترك فى ماء يدوب يغطية لى ان يبوش
-يضاف الكشك بمائة الى 5 كوب شوربة الفراخ و يسلق فى الشوربة
-قبل تمام سواة يضاف 2 كوب فقط من الزبادى ويقلب
- ثم يصفى او يضرب بالخلاط
-يوضع على النار
-لو لقيتية خفيف يضاف ملعقتين دقيق مذاب فى نصف كوب لبن
ويقلب للسمك المطلوب
- يجمل بالطماطم المسبكة مع البصل





الصورة من النت لكن طريقتى البصلة مسبكة بالطماطم
يقدم مع فرخة مسلوقة محمرة بسمنه او بالفرن تدهن سمنه تحت الشواية وممكن بعد تحميرها تسقيها تجميل بملعقة من صلصة البصل المسبكة



=




Heba Erian
Heba Erian ده اسمه كشك صعيدى لانه بيعمل من الفريك الصعيدى اما كشك الماظ ليتعمل بالزبادى واللبن والدقيق والبصل المحمر على الوش واسمه الماظ علشان بيكون ابيض . اما الكشك الصعيدى بيتحط على الوش تقليه مسبكه بالطماطم .










=

 

[asmicheal]

​

رقاق روعة باللحمة المفرومة
نييجى بقا للكلام المهم
بالنسبة للضانى شوربة الضان لسقى الرقاق (ساعتها تخفى السمنه لان الضانى دسم جدا )
و يمكنك خلط جزء لحم ضانى مع اللحم البقرى المفروم لعصاج الذ واكثر تماسكا

رقاق روعة باللحمة المفرومة
المقادير
-نصف كيلو رقاق ناشف (استخدم الزهار )
-نصف كيلو لحم مفروم معصج ( بصلة تصفريها بالسمنه يضاف ال نصف كيلو لحم مفروم الى ان يشرب ماءة على نار هادئة لو لم يستوى نصف كوب ماء ويترك حتى يشرب ماءة
ثم يضاف ملح وفلفل وبشر نصف ثمرة جوزة الطيب )
-2 كوب شوربة مع ملعقة سمنه كبيرة
-صينية تدهينها سمنه

الطريقة

-يبل الرقاق بالشوربة (يادوب يتبل )
-ملعقة سمنة تفرد بين كل 3 طبقات رقاق ليورق ويستوى افضل
-يرص نصفة بالصينية
-يوضع العصاج
-يرص نصف الرقاق الاخر بعد بلة بالشوربة
-يوضع على الوجةملعقتى زبدة او سمنه سايحة
-يدخل الفرن الساخن حتى يحمر وجه (حوالى 10- 15 دقيقة )
-يسقى بحوالى 4 مغارف شوربة بعد ان يستوى
- ثم يقطع ويقدم

asmicheal



=

 

[asmicheal]

​

نييجى بقى للكلام المهم
حيث ان الياميش غالى نار واللب والسودانى راحوا فى وباء الاسعار
رووووووووووووووووووووووعه
======================
طريقه سهله لعمل لاولادك الشيتوس في البيت
التحضير:
نمزج الدقيق بالملح والكمون والزعتر ونعجنه بالماء حتى تصبح العجينة يابسة نوعا ما ثم نضيف الجبنة حسب الرغبة ونعجنها حتى تختلط جيدا (يمكن الاستغناء عنها).
نترك العجينة ترتاح 10 دقائق ثم تفرد بالنشابة 1/2 سم تقريبا.
نقطع العجينة بعد فردها مستطيلات او مثلثات او مربعات او حروف او بالاشكال اتي تريدينها.
نقليها بالزيت حتى تقرمش ويصبح لونها ذهبي.
نضعها على ورق نشاف حتى نتخلص من الزيت ونقدمها.





=

 

[asmicheal]

​

جميلة وتغيير لكن احب الرنجة سادة للامانه
=======================
المقادير

نصف كيلو رنجة
ثمرة فلفل أخضر
ثمرة فلفل أحمر
ثمرة فلفل أصفر
2 بصلة خضراء
عصير 2 ليمونة
ربع كوب من زيت الذرة مع زيت الزيتون


الطريقة
تشوى الرنجة قليلا على النار حتى يسهل تقشيرها
ثم تقشر وتخلى من الشوك تماما
وتقطع الى قطع صغيرة
وتوضع فى طبق عميق.

تقطع الخضراوات الى قطع صغيرة
وتضاف الى الرنجة
وتقلب.

يضاف عصير الليمون والزيت
ويقلب
وتترك الرنجة داخل الثلاجة لحين التقديم.

تقدم الرنجة مجملة بشرائح الخضراوات وأوراق من النعناع الأخضر




=

 

[asmicheal]

صينيه سردين فى الفرن


اخر الشهر ونخف ف المصاريف
روعة حقيقية صينيه سردين فى الفرن وبمنتهى الطعامة فعلا


المقادير

كليو سردين
بصل وطماطم وفلفل حلقات وتوم مدقوق
بهارات (ملح وفلفل وكمون )


اضافات سبشيال بضعها
-----------------------------------
2 ليمونة مقطعه حلقات
3 فلفل اخضر حامى
زعتر ناشف وعصير ليمون
الطريقه

بتجبيى السردين وتنطفيه زى اى سمك عادى وتغسيله كويس اووى واعصرى عليه نص ليمونه

جهزى الصينيه بتاعتك حطى شويه زيت وعليهمبعض شرايح البصل والطماطم والفلفل ورصى السردين المحشى بالتتبيليه بتاعتك 00توم مدقوق وكمون وملح وفلفل وطماطم صغيرة وفلفل قطع صغيرة وعصرة ليمون ونقطتين خل 00

وعلى الوش نفس الشرايح مع شويه توم من التتبيليه ولو عندك بصل اخضر وبتحبيه قطعيه حلقات وضعيه


وحطى الصينيه على البوتاجاز واول ما تحسى انه دخل فى السوا رشى على الوش زيت واعصرى ليمونه

وبعدين دخليه الفرن يدوب دقايق وشغلى الشوايه ياخد وش ويطلع بالشكل ده


وده بعد ما طلع جزء مقلى وجزء من الصينيه طعمه وريحته مش قادرة اقول



يارب يعجبكوا .




=


[/COLOR]