كان نفسى أكون هى مع (............... ) !!

[YOYO JESUS]

اجماعة اجماعة
انا شوفت كل حاجة
انى افهم كلمة
مافهمتش حاجة خالص
خالص
اية بقى ها ها

 

[إيمليــآ]

,.

فيه حآجآت كدآ برهـ مجآل آلتقييم
مآينفعش نسأل هى آلشمس أشرقت بشكل كويس آلنهآردة .. هى علطول مشرقة ونورهآ بيشع فى كل شئ
زى حبو كدآ فى مكآن ووقت مآ تبقى موجودة , بتتألق وتشع تلقآئية ومحبة ^_^


عآيزة أقولكـ حبو إنتِ قآدرة على إسعآد أسوء آلنآس مزآجاً






.،
​

 

[واثقه فيك يارب]

عآيزة أقولكـ حبو إنتِ قآدرة على إسعآد أسوء آلنآس مزآجاً

وانا بضم صوتي لصوت سكروته
ربنا يخليكي ياحبو للنكديين واللي مزاجهم متقلب

 

[واثقه فيك يارب]

شوفى بئا يا واثقا بعد ما تتنظف بتبقى حلوه إزاى

الله دي امورة خالص
تصدقي فيها ملامح مني وانا في يوم العيد:smile02

 

[خادم البتول]

الكلام كتير، غالبا أكتر مما يتخيل أي حد! .. ولأن الكلام كتير لازم أختصر كتير. بالتالي مش ح اتكلم النهارده عن الأميرة آريال، ولا ح اتكلم عن الإجابات الذكية الرائعة، ولا حتى ح اتكلم عن القفشات اللماحة المرحة. الشيء الأبرز والمفاجئ بالنسبة لي كان استخدام حبو المستمر للصور، مع مراعاة إن الصور تعبر دايما عن كلامها ومواقفها المختلفة! الأسلوب ده من حبو مش بس كان مدهش، قدم لنا "فيلم" جديد لآريال بمعايشة حية، على الأقل من ناحيتها، ومش بس ساهم في إحساس البهجة الجميل في كل رسايلها، إنما كان إبداع في ذاته ماخطرش بالطبع لا على بالي ولا على بال عبود في التحضير المبدئي.. بالتالي حبو في الحقيقة أثرت التجربة كلها فوق ما نتصور. احنا بالطبع كنا عارفين إنها ح تثري الحوار بمجرد وجودها ومشاركتها، لكن لمسات إضافية صغيرة منها ـ زي موضوع الصور ده ـ خلى اللقاء كله بالفعل يتجاوز أي توقع كان عندنا!

لكن بعيدا عن آريال ـ ونظرا لأني لازم اختصر كلام كتير زي ما أشرت ـ ح انتقل مباشرة لشخصية حبو نفسها.. بعضكم يمكن عارف إن أول "قراءة" للشخصية عندي بتعتمد كتير على الاسم والصورة اللي كل عضو بيختارهم يعبر بيهم عن نفسه، وطبعا الصورة هي العنصر الأهم.. النهارده ولأول مرة ح اشارك الجميع: يا ترى الصورة اللي اختارتها حبو بتقولنا إيه عنها؟

طفلة: بكل معاني الطفولة.. ووردة: بكل معاني الجمال!

لكن فيه في الصورة دي شيء مهم وفريد من نوعه، ويمكن يكون بدون مبالغة أحد المفاتيح الرئيسية لفهم شخصية حبو. الشيء الفريد في الصورة هو إن البنت ببساطة مش بتبص ناحية الكاميرا، ويمكن تكون حتى مش عارفه إنها بتتصور. البنت يتشم الوردة و"عايشة" معاها، بتبتسم لها ومستمتعة بيها، وكل ده بغض النظر تماما عن "وضعها" في الكادر أو "شكلها" في الصورة النهائية!

بعبارة أخرى: الطفلة / حبو مش منشغلة كتير بصورتها في العالم! طبعا كل الرموز دي بتكون لا واعية لما بنختار صورنا، لكنها بتكون حقيقية جدا. حبو من زمان ـ على سبيل المثال ـ وهي عارفة إنها بتغلط في العربي وبتلخبط في أبسط قواعد الإملاء، ومن زمان وهي بالطبع تتمنى ماتغلطش، لكن إجمالا في النهاية لسه بتغلط و ح تفضل تغلط.. ليه؟ حبو تقدر في شهر واحد تتعلم تكتب عربي ممتاز.. لكنها ببساطة في أعماقها كل ده بالنسبة لها مش مهم.. مش مهم "كاميرا" الناس بتصور إيه.. مش مهم "شكلها" إيه و"صورتها" إيه أمام العالم.. مش مهم رأي الناس في العربي والإملاء أو في أي شيء بتعمله.. المهم هو الوردة: لحظة الجمال والعطر ولحظة استمتاعها بيها وبنفسها وبالحياة كلها!


عشان كده حبو تقدر تربي كل الحيوانات بغض النظر الناس بتربي إيه ورأي الناس إيه في اللي هي بتربيه.. عشان كده تقدر تنزل البحر وتشوف اللي محدش بيشوفه وكمان تقتنيه وتاخده تغسله وتحتفي بيه وتكشف لنفسها جماله، وبالطبع بدون أي أنانية منها، لأن العالم لو طلب يشاركها الجمال ده هي بدون تردد بتشاركه، بل بالعكس تتمنى تشاركه.. وأخيرا عشان كده تقدر تيجي منتدى زي ده وتصمد وتستمر مهما كانت عواصف وسموم الكلام اللي ممكن تتعرض لها واللي غيرها ما يحتملهاش.. في كل الحالات هي لا يعنيها الكادر والصورة.. أي صورة من أي نوع.. في كل الحالات هي فقط مع لحظة جمال خاصة، لحظة جمال هي بس اللي بتكتشفها وبتشوفها وبتعرف توصلها وتحسها وتحبها ـ في وردة، في حيوان غريب، في شعب مرجانية مهجورة، أو في قلب صديق محب!


سلام سلام ألفين سلام.. رغم اختصاري: طال الكلام.......
على قلب دافي، أبيض وصافي، يوعد يوافي، ولا يوم يجافي... آه يا حبو ياللي: بدر التمام! آه يا حسنه ياللي: ولا في المنام! كان بدّي أشرح.. معنى الغرام! كان بدي افسر.. لولا الملام! يكفيني اقولك.. ألفين سلام.. دانا رغم اختصاري..... طال الكلام!


* * *


​

 

[R.O.R.O]

ايه ده اغيب يوم اجى الاقى كل دى صفح يا ظالمة
ما علينا نرجع لحبوا حبيبة قلبى
انا لسة جايه مقرتش كتير من اجاباتك بس موت من الضحك
مش عارفة لما اكمل هيجرالى ايه ربنا يستر
كنتى متالقة يا حبوا وجميلة وخفة دمك ملهاش مثيل

​

 

[R.O.R.O]

عندنا طلبية صغيرة كده لسه هربانة في موزمبيق عايزين نبعت نجيبها من شعرها.. بتطلع كل يوم والتاني تعمل غارة وترمي صواريخ على التوبيك وبعدين تنزل تغطس تاني في الغابة مع رئيس القبيلة. :smile01

حد بينده عليا مين دى اللى بتقول عليها دى ها مين
انا مش راجعة تانى من موزمبيق
الجو عجبنى هناك يلا بقى يا حبوا خلصتى جولتك تعاليلى بقى
النور قاطع هنا ع طوووووووول
نفسى اشوف حد ابيض ولا حتى اخضر مش لاقيه
تعاليلى يا حبوووووووووا
​

 

[هيفاء الهاشمي]

حبو .. ابدعتي ماشاء الله عايشه في الخيال كويس.. الله يحفظك ويسعدك ويخليك لعين ترجيك

 

[انت شبعي]

حبو حبيبت قلبي الجميلة ميرسي كتير ع نص اللؤلؤة دية احلى هدية من ارق بنوتة٧
شفت مشاركاتك كلها و استمتعت كتير و انا بقراها
و حسيت انك اريال عروسة البحر الجميلة
ربنا يوفقك حبو او اريال الجميلة

 

[+إيرينى+]

بس إنتى طلعتى مية من تحت تبن يا حبو
يسلم إيديكى

 

[عبود عبده عبود]

[FONT=&quot]بعد الأستمتاع بحبو واريال ​

​

[FONT=&quot]هناخد فترة أستراحة من الضحك شوية وفرصة للى مقراش [/FONT]​

[FONT=&quot]المشاركات " المميتة " بتاعتها ...يقرا على مهله[/FONT]​

[FONT=&quot]ونمخمخ فى الضيفة الجاية[/FONT]​

[FONT=&quot]أنا أخدت وعود بالمشاركة من بنات ....فيه اللى عندها أمتحانات[/FONT]​

[FONT=&quot]وفيه اللى وراها شوية مشغوليات بسيطة [/FONT]​

[FONT=&quot]هننتظرهم سوا ....علشان يكونوا متفرغين لينا [/FONT]​

[FONT=&quot]وعندى عضوتين تانيين ( وعد منى ) تهلكوا من الضحك معاهم [/FONT]​

[FONT=&quot]دة غير عضوة تالتة بقى بس مختفية مننا بقى لها فترة[/FONT]​

[FONT=&quot]لو عرفت أوصل لها .... هتتفرجوا على أحلى توبيك فى منتدياتك يامصر[/FONT]​

[FONT=&quot]دة غير انكم هتتفرجوا على " عوبد " و " البتول " وهما بيتبهدلوا منها [/FONT]​

[FONT=&quot]الأعتراف بالحق فضلييية [/FONT]​

[FONT=&quot]فترة أستراحة قصيرة ...ولنا عودة بإذن ربنا [/FONT]​

[/FONT]

 

[Desert Rose]

روز: زي ما كنت لسه بقول: إيملي صحيح توأمتك لكن الفرق بردو واضح.. هي بتيجي عندنا تدينا من محبتها وانتي ما بتجيش.. انتي ما بتجيش ليه؟ أصل هم 3 أسباب مفيش غيرهم! أول مرة شفت الفيلم الأسطوري "قصر الشوق" كنت منبهر بالحوار، خاصة لما ذنوبة (نادية لطفي) بتصد سي السيد (عمنا يحيي شاهين)، ساعتها بيسألها عن السبب وبيختصر كل حاجة في 3 كلمات: كره، وللا تقل، وللا بغدده؟ :smile01

[YOUTUBE]_lcpFrii4SY&t=54m[/YOUTUBE]
​

كره، وللا تقل، وللا بغدده: بداية من الدقيقة 54، أو مباشرة على هذا الرابط



* * *​

بالصدفة لفتت نظرى رسالتك ديه ليا , ورغم انى مش هبقا موجودة فترة معرفش قد ايه , بس كان لازم اوضح الامور بما ان الكلام متوجه ليا
اولا , اشكرك على سؤالك , ثانيا انا اعترض بشدة على افتراض ( كره ) من ضمن الفرضيات اللى حطتها , كره ديه كلمة صعبة اوى اوى ,كره لمين وليه ؟

عدم وجودى فى الموضوع بالرغم من اعجابى الشديد بفكرته , وكمان بمشاركات حبو الجميلة اللى قلبها اجمل قلب قابلته فى حياتى وبقول كده بجد
الا انى اعتقد ان وجودى هيضايق الاستاذ عبود , لان احنا كان بينا اتفاق قديم , صحيح انا كسرت الاتفاق ده قبل كده وهو كمان كسره , لكن ديه كانت حاجات ليها اسبابها , علشان كده انا مش بحب اضايق حد , فكل واحد يرجع لقواعده سالما افضل بدل ما يضايق غيره بوجوده , صح ؟
لكن لاهو كره ولا تقل ولا بغدده , ولا اى حاجة :08::08:
وفكرة الموضوع جميلة , استمروا فيها :Love_Letter_Open:

 

[عبود عبده عبود]

الا انى اعتقد ان وجودى هيضايق الاستاذ عبود , لان احنا كان بينا اتفاق قديم ,

مستحييييييييييييييييييييل
كلام لا أساس له من الصحة
تنورينا وتشرفينا طبعاً وقطعاً وتشفيتاً
وبعدين أتفاق أية ؟!!!!
عليا الطلاق ما فاكر
:closedeye:closedeye:closedeye:closedeye

​

 

[Desert Rose]

كلمة بوجهها لحبو , انتى جميلة ياحبو , والشخصية اللى اخترتيها تنطبق عليكى بجد , انا لسه مقرتش كل مشاركاتك بس انا متوقعة انتى قد ايه جميلة , انتى اجمل قلب قابلته , مش عارفه اذا كان ينفع اهديكى اغنية فى الموضوع ولا استاذ عبود وخادم البتول هيتضايقو , انتى اجمل حبو عرفتها فقولت معلش اكسر القواعد وهما يعاقبونى بقا


ياهوا روح وقلو , قلو كتير اشتقتلو لو بدو عمرى كلو بعطيه
ولما يا حب ترده راح كمل عمرى حدو نارى تطفيلو بردو ودفيه
ردو يا هوا لعندى قصرلى المسافات حامل بأيدى وردة اهات وذكريات

[YOUTUBE]9ursCuM3BkI[/YOUTUBE]
​

 

[tamav maria]

اولا بئا هقوم اخد الخمس لؤلؤات دى و اوديهم عند سمكه المنشار صحبتى—هخليها تجبهملى انصاص—​

​

​

و يبقى عندى 10 انصاص لولى نادر جدا و غالى جدا—
هدى بئا يا سيدى
دونا نبيل- شقشق- وايت-ارينى - نفينا- ديزىو املى توئم هيتقاسمو فى نص واحده - واثقه – نيتتا- كريما- انت شعبى-​

رورو بئا سيبالها نص واحده مع رأيس القبيله فى الموزنبيق—هو ادانى نص(هبقى اديه لاملى علشان تطلع بنص كامل هى و ديزى) و النص التانى ليها هههههههههههههههههههههه


ادينى حلتها لوحدى و شكرا لعرضك :gy0000:

لالالالالالا
ماليش دعوه ياحبو
انا عاوزه اللؤلوؤه كلها
:36_1_4::36_1_4::36_1_4:

 

[tamav maria]

6- أبوكي الملك تريتون شايف إنك كبرتي والكلام زاد عليكي وعايز يجوّزك.. لكن لازم تختاري بين 3 شخصيات طالبين منه زعنفتك:

- السيد "قرش" الشخصية العنيفة المعروفة...
- السيد "حوت" الشخصية المفجوعة الشهيرة...
- "السيد قشطة" الشخصية الكسولة جدا...
​

عايزين ترتيب العرسان التلاتة من حيث الأفضلية؟

يالهووووووووي ياحبو
عرفتي تردي علي الاسئله المرعبه دي ازاي
انا منك اسيب المنتدي واهرب ههههههههههههه
خادم عاوز يأكلك للحوت وسيد قشطه
بالراحه حبه حبه علي حبو ياخادم
طب بالزمه انا اللي اتسرعت مش انتي هههههههههههه

 

[حبو اعدائكم]

يالهووووووووي ياحبو
عرفتي تردي علي الاسئله المرعبه دي ازاي
انا منك اسيب المنتدي واهرب ههههههههههههه
خادم عاوز يأكلك للحوت وسيد قشطه
بالراحه حبه حبه علي حبو ياخادم
طب بالزمه انا اللي اتسرعت مش انتي هههههههههههه

الحقيقه الحقيقه اول وهله حسيت انى نفسى ابقى اريل بجد علشان اهرب من الاسئله :heat:المفترييه افترا جامد ههههههههههههههههههه خصوصا اسئلت الحقنه هههههههههههه
بس اريل بئا هى الى قامت بالواجب و جاوبت مش حبو :99:
و عيونى اجيب لك لؤلؤايه كااامله من رائيس القبيله ههههههه
مش إحنا اتفقنى انك انت الؤلؤه

 

[خادم البتول]

......انا اعترض بشدة على افتراض ( كره ) من ضمن الفرضيات اللى حطتها .....

حكمتـــــــك يـــــــارب!

يعني انتي معترضة على فرضية "كره" ومش معترضه على فرضية إنك انتي "ذنوبة" ابتداء؟!! :smile01

الحقيقة هي دي الفرضية الوحيدة اللي أنا كنت قلقان منها! (قلت في بالي بقا واحدة دكتورة آلاجة يصح نشبهها بواحدة صبي عالمة؟ إيش جاب روز لذنوبة؟ وبعدين قلت ده في الآخر فيلم، وهو يعني إيش جاب البتول لسي السيد؟ :smile01)


بعبارة أخرى: ده مش كلامي يا ست البنات ده مجرد فيلم.. فيلم! ودي مش كلماتي شخصيا.. دي بالأحرى خلاصة صدود المرأة فقط في 3 كلمات، كما وضعها لنا القدير نجيب محفوظ مع السيناريست الرائع محمد مصطفى سامي: كــره.. وللا تقــل.. وللا بغــدده؟

سبب إعجابي بالجزء ده تحديدا إني لما حللت مواقف الصد الأنثوي عبر العصور لقيتها بالفعل لا تخرج عن الـ3 أسباب دول! وطبعا كلمة "كره" هنا ماينفعش تقريها من منظور مسيحي.. كره هنا كلمة أبسط من كده بكتير.. كره صحيح، لكن كما في زمن الفيلم وثقافة الفيلم، يعني التلاتينات وما قبلها، زمن العوالم زنوبة وزبيدة السلطانة، والسيد أحمد عبد الجواد، وأمينة والسوارس والإنجليز.. زمن "ياواش ياواش" و"بضاعة أتلفها الهوى" و"اوعى تكلمني بابا جاي ورايا"...

في الزمن ده والخلفية دي: "كره" معناه ببساطة "القلب وما يريد"... ولما القلب مايريدش يبقا اسمه في الوقت ده كره، بدون كل المعاني السيئة العميقة اللي بترتبط بالكلمة حاليا.. يعني اللي انتي فهمتيه مش هو المعنى المقصود بالطبع. اللي انتي فهمتيه ده الإصدار الأخير.. المعنى الحالي.. لأن كل شيء تطور حتى الكـره نفسه تطور!


أما التقــل فده كمان بالتأكيد غير اللي انتي فاهماه. التقل ده زي "الحب" و"الأنس" وكل المعاني اللي انقرضت دي. طبعا تعرفيه، بس الموجود حاليا كله تايواني ومغشوش.. إنما زمان بقا كان التقل تقل.. وكان التقل صنعة.. وكان ممكن التقل يستمر بالـ 6 شهور وأكتر.. دلوقي لو واحد تقل على واحدة 6 شهور ـ أو العكس ـ ممكن يرجع يلاقيها اتخطبت واتجوزت وحامل في الرابع!


وأما البغـددة فدي معروفة عند البعض والبعض لأ (ناس بالفعل سألوني يعني إيه بغدده؟): بغدده دي من أيام ما كان الخليفة في بغداد يترفع على الوالي في مصر.. ولما كان ييجي مصر ـ إذا جه ـ كان لازم تتفرش له الأرض وتتفتح له القصور وتتفرد له الموائد وينحني قدامه العبيد والجواري. أصبحت الحالة دي على بعضها كده اسمها بغدده، وإن كان التركيز غالبا على معنى الترفع والكبرياء (مثلا كما في قول العاشق لحبيبته: إنتي بتتبغـددي على إيه يا روح أمك؟) وأحيانا على معنى التدليل والدلع والراحة (مثلا كما في قول العوازل والقرشانات: الراجل ده مبغـدد مراته ع الآخر.. شوفي ياختي البت بقت عاملة إزاي بعد الجواز؟ إلخ إلخ إلخ)

.......................
وفكرة الموضوع جميلة , استمروا فيها :Love_Letter_Open:
باى :Love_Letter_Open:

مش عاجباني... مش حاسسها...

فاكرة انتي لما قلتيلي مرة وانا مسافر: عموما ترجع لنا بالسلامة؟

كمان فاكرة هنــا لما اضطريتي تقولي لعبود: كل سنة وحضرتك طيب يا استاذ عبود؟

كذلك هنا وانتي بتقولي: وفكرة الموضوع جميلة, استمروا فيها.. باى..

نفس التعليق اللي قلته يومها:

مش عاجباني... مالهاش طعم! :smile01
(بالمناسبة حبو ضحكت أوي ساعتها على "مالهاش طعم" دي )


يعني باختصار بفقسك أنا على طول لما يكون الكلام براني..
(طبعا عارفة براني يعني إيه، وللا اشوف لك فيلم تاني من القدام اللي مالكيش فيهم؟ )

* * *
​

ربنا معاكي يا روز.. أنا عارف إنك مش في أفضل أيامك.

بس ولا ليكي عليا يمين: تلات تربع اللي بيضحكو دول شرحه!

* * *
​

​

 

[R.O.R.O]

الابقولك ايه يا خادم انت بتجيب ذاكرة منين تكتب كل ده
نفسى اقرالك مشاركة واحدة توحد الله
خمس سطرو حتى بلاش اقولك سطرين ههههههههه
انا مش بقر انا بحقد وبحسد وبنق على ذاكرتك
​

 

[sha2awet 2alam]

الابقولك ايه يا خادم انت بتجيب ذاكرة منين تكتب كل ده

​

مسمهاش ذاكرة .. اسمها صحة :smile02

بيجيب صحة منين يكتب كل دة ؟؟ مش فاهمة بصراحة .. ماسكة الخشب اهو :closedeye