بصراحة يا تينا الموضوع صعب جدا لأبعد الحدود ان حد يفكر فيه بس ده واقع مؤلم بنعيشه فى مجتمعنا المتخلف اللى الجريمة بقت هى الأساس فيه وعلشان كده لازم نصلى ان ربنا يحفظنا جميعا وناخد بالنا من بعض يعنى لو حد يعرف بنت مشيها مش كويس يحاول يقربها لربنا وينصحها ولو شاب مستهتر يحاول يفوقه من الضياع اللى هو فيه وربنا يحفظ بناتنا وشبابنا من سهام ابليس
بالنسبة للأسئلة
الحالة الاولى :
لاقدر الله لو حصلت حاجة زى دى لازم نراعى حاجة مهمةجدا وهى الحالة النفسية للضحية
واكيد ان الموضوع هيكون صعب جدا على الطرفين فى بدايته وهنا لو الزوج فعلا بيحب مراته هيقدر يحتويها رغم الجرح اللى جواه ويبعدها عن الألم اللى هى فيه وكونه يسامحها هى ما غلطتش لو كانت انسانة ملتزمة والحادثة فعلا مالهاش اى ذنب فيها يعنى كل تصرفاتها ولسها ومعارفها و حركاتها ملتزمة هنا هى مالهاش اى ذنب وما فيش حد بيسامح واحد مظلوم لكن بيساعده ويقف جنبه
اما انه يتركها لو كان هو غلط ودايما غلط الراجل بمزاجه بعكس البنت والموضوع اتعرف للزوجة هيقبل انها تسيبه ولا هايبوس الأيادى علشان تسامحه ولو اصرت تبقى جاحدة وما فيش فى قلبها رحمة
مشكلة الراجل الشرقى انه بيكيل بمكيالين
اما الدين مالهوش اى دخل فى الموضوع لأنه هنا ما فيش سبب يبرر الطلاق فى كنيستنا
وبعدين بتقولى انك لو ما قدرتش ترجع العلاقة ده مستحيل طبعا لأن الزوج لو بيحب زوجته محبة مسيحية هيقدر يحتويها ويحل مشاكله والا ما يبقاش راجل لأن الرجولة موقف مش كلام
الحالة الثانية
مش فارقة كتير عن الحالة الأولى لأن خطيبتى هى المفروض انها زوجتى فى المستقبل
بس بشرط انها تكون صريحة معايا ومش بتخبى حاجة عليا
موضوع العملية ده موضوع فاشل لأن الغشاء ده مش هو اللى بيثبت ان البنت شريفة من عدمه
ممكن حادثة او وقعة او خبطة تضيعه هل معنى كده انها مش محترمة
وكمان فيه كام الف بنت لسه بعذريتهم لكن سلوكهن زى الزفت وبيعملوا اكتر ما بيعملوا بنات الليل
ده مش مقياس من وجهة نظرى الشخصية لأنه ممكن فى عصر العمليات دى بمنتهى البساطة تكون البنت دايرة على حل شعرها وقبل الجواز تعمل العملية ويشربها المغفل ويحس انه ارجل واحد فى الدنيا وهو اهبل واحد والمدام لبسته العمه
اما موضوع البلاغ انا عن نفسى بقول لا لسبب ان الأمن هيبهدل الضحية ويحطمها اكتر ما هيجيبلها حقها واحنا ربنا بيقول يدافع عنكم وانتم صامتون
اما موضوع الحمل ده بصراحة يبقى كارثة
انا بصراحة ضد فكرة الأجهاض لكن فى نفس الوقت مش عارف ممكن يكون الوضع ايه لو لاقدر الله اتحطيت فى موقف زى كدة الطفل مالهوش زنب بس هيفضل زكرى مؤلمة عايشة قدامنا حتى لو ماتكلمناش
وهل استطيع كتابة اسمى على طفل ابوه طعنى فى كرامتى ودمر حياة زوجتى وكمان اربية بصراحة مش عارف وعموما ربنا يحفظنا جميعا وما يكتبش على حد التجربة القاسية دى ويحفظ اولاده وبناته الى انقضاء الدهر
