بصراحة دائماً يدهشني الاستاذ ياسر الجندي
مع كل الاحترام لشخصه ، لكن بصراحة وممكن أكون غلط وانت تصححني ، هل من بعد الجريمة البشعة ديه ليك اي تعليق تدين او تشجب او تترحم علي الشهداء اللي أتدبحو بمنتهي الخسه والندالة؟ لو ليك تعليق فيه الكلام ده ياريت توريهوني جايز أكون غلط
زي بالظبط مشوفتش ليك تعليق يدين حرق الشهيد معاذ رغم انه مسلم زيك ، طيب دول ونصاري كفرة ، طيب ومعاذ؟
المدهش فيك انك لا تلتفت نهائيا للامر الإنساني في المواضيع الوحشية ، طبعا الأمور ديه لا تعنيك ، إنما كل اللي بتعمله انك اول ما تلاقي حد بيقول حاجة عن الاخوان او غيره علي طول تدخل وتعمل نفسك مش شايف الموضوع الأساسي اللي هو عن شهداء ليبيا أصلا او عن الشهيد معاذ وتدخل بس تدافع وتبرر ، هل احنا مستنين دفاعك وتبريرك؟ ما شبعنا منهم وعرفنا بالحرف انتو هتقولو آيه
يا اخي بدل ما تهلك نفسك دفاع علي الكيبورد ، ادخل قول كلمتين في صلب الموضوع ، أشجب العنف ده ، قول ده حاجة لا انسانيه ، قول انك بترفضه ، عزي أهالي الشهدا ، ده آيه ده؟ للدرجة ديه الانسان مش مهم عندكم
كل اللي في بالك الدفاع عن الاخوان ، ان المسيحين في مصر هما أساس الفتنة معرفش ازاي؟ ، ان المنتدي وأعضائه ولاد ستين في سبعين وهما اللي بيزرعوا الفتنة ، معرفش ازاي بردو ، شهداء رابعه ، المسلمين في بورما وإفريقيا الوسطي والهنود الحمر
انتو آيه؟ ، طبعا انا حافظة وعارفه تعليقك علي مشاركتي ديه لو علقت
انك هتقول عليا عنصرية ومن زارعي الفتنة وخلافه
بصراحة انا بقا ميهمنيش لانه كفايه طبطبه العالم خلاص بينتهي ، العالم كله بيولع وناس غلابه بتروح هدر ، وأنتو لازم تفوق وترجعو لإنسانيتكم ،او تشوفو كوكب تاني تعيشو فيه
... عشان نشوف مين العنصرى فينا ؟؟