بما إن كده كده مش هتعجب حد وكل واحد هيفسر الي بتعمله على مزاجه .. اعمل الي يريحك .
بما إن كده كده كلامك هيتفسر مليون تفسير حسب الودن الي بتسمعه .. قول كلمة الحق الي تريحك .
بما إن كده كده شخصيتك هيبقى عليها انتقادات كتيرة حسب شخصية الي قدامك .. ارسم شخصيتك بالطريقة الي تريحك .
بما إن كده كده الحياة دي حياتك أعمل فيها الي انت عاوزه كلام الناس العادات والتقاليد التي لا تمت بصلة للدين الصح والغلط الي من وجهة نظر الناس كل دي قيود لازم تكسرها عشان تعيش حياتك , لأنك مهما عملت القيود دي هتخنقك وهتموت ناقص حياة .
اتكلم زي مانت عاوز , عيش حياتك بحرية , اجري ورا احلامك, اتجنن وقت اللزوم, اختفي وقت اللزوم, غني, اجري, اضحك, علي صوتك, وابري قلمك, انت اتخلقت لرسالة انت الوحيد الي تقدر تعملها, رسالتك انك تعيش حياتك زي مانت قادر تتخيلها راعي حدودك ارسم خطوط حريتك راعي ضميرك والأهم اتقي ربنا في الي بتعمله وعيش زي الطيور سارح في الفضا .
لقد دق جرس انذار اشواقنا واعلنت الساعة حسب توقيت حبنا اننا عدنا الى حيث بدأنا انت هنـــــاكـــ وانـــــا هنـــــا بعد انـــ كنـــا انتــــ وانــــا حتى اصبــــحتــــ الســاعة الان انــــــا الا انتـــــ وبدونكـــــ لست انـــا.....
