شخابيط .. بلا صدى !!!!

Dona Nabil

خادمة الرب
مشرف سابق
إنضم
31 مايو 2007
المشاركات
57,233
مستوى التفاعل
4,254
النقاط
0
الإقامة
فى قلب يسوع
يمكن تستغربوا من العنوان اللى اخترته لموضوعى ولكن أكيد فى سبب
السبب ان الموضوع ده هنخصصه للفضفضه بس فضفضه من نوع خاص
يعنى مش هتكون المشاركات تعليق او رد على الموضوع الاساسى لانه مش هيكون فى موضوع ثابت
حاجه كده شكل الخواطر وتفريغ الافكار اليوميه لكن مش هتكون خواطر شخصيه ولكن هنتكلم عن حاجات عامه .
مشاكل عامه أو احداث بنمر بيها أو او او زى ما تحبوووووووووا
يا رب الفكره توصلكم وتعجبكم ونشوف مشاركات ايجابيه لفضفضه تهمنا كلنا .. صحيح هى هتكون بلا صدى يعنى ممكن تكون مجرد كلام بدون تقديم حلول حقيقيه لاى مشكله هنتكلم عنها بس اهى فضفضه وساعات الفضفضه بتريح .
هحاول أمر يومياً وافضفض معاكوا ويا ريت الكل يشارك بس أهم حاجه وأحنا بنفضفض مع بعضنا مننساش القوانين
ممنوع سياسه .. ممنوع كلام طائفى .
تحياتى :Love_Letter_Open:
 

oesi no

GOGOƸ̵̡Ӝ̵̨̄&#4
مشرف
إنضم
29 مارس 2006
المشاركات
16,962
مستوى التفاعل
1,989
النقاط
113
حلوة الفضفضة
واوحش حاجة فى الدنيا الانتظار
ساعات الواحد بيمل منه وساعت بييئس من نهاية فترة الانتظار
ولكنى منتظر

 

Dona Nabil

خادمة الرب
مشرف سابق
إنضم
31 مايو 2007
المشاركات
57,233
مستوى التفاعل
4,254
النقاط
0
الإقامة
فى قلب يسوع
أول حاجه أحب أبتدى بيها هى اللى بيحصلنا اليومين دول فى مصر
كل يوم احداث اضطهاد جديده باشكال مختلفه .. خطف بنات واسلمتهم او تلاكيك لاى مشكله ولو عاديه لتفريغ شحنات غضب مكبوت ضد الاقباط وبنشوف مشكله عاديه وهى بتتحول لاحداث شغب من ضرب وسرقة اموال وحرق واعتداء على كنائس وبيوت ووممتلكات اقباط .
أحياناً بشوف ردود من شباب مسيحى بيتهموا الاقباط بالسلبيه فى التعامل مع المشاكل دى وبيطالبوا برد عنيف لاننا مش ضعفا فبستغرب جدااااا
هو المطلوب مننا نطلع بسلاح وشوم وناخد حقنا بايدينا والا نكون سلبيين .. طيب وقتها هيكون ايه الفرق بيننا وبينهم وبرضه مقلتش نقعد ساكتين نتفرج وخلاص .
أكيد فى حل
من عندك بقى يا رب
 
التعديل الأخير:

KOKOMAN

.
مشرف سابق
إنضم
9 سبتمبر 2007
المشاركات
122,437
مستوى التفاعل
413
النقاط
0
الإقامة
ALEX
زهقت من الصمت
اصبح جزء اساسى من حياتى​

 

النهيسى

مشرف
مشرف
إنضم
27 يوليو 2008
المشاركات
92,328
مستوى التفاعل
3,186
النقاط
113
الإقامة
I love you Jesus
أحياناً بشوف ردود من شباب مسيحى بيتهموا الاقباط بالسلبيه فى التعامل مع المشاكل دى وبيطالبوا برد عنيف لاننا مش ضعفا فبستغرب جدااااا
هو المطلوب مننا نطلع بسلاح وشوم وناخد حقنا بايدينا والا نكون سلبيين .. طيب وقتها هيكون ايه الفرق بيننا وبينهم وبرضه مقلتش نقعد ساكتين نتفرج وخلاص
.

أولا كما تعودنا موضوع جميل وفيه تنفيس وجدانى

أننى أرى

الحكمه ليست سلبيه أنا ممكن أتهور وأعمل مظاهرات ومشاكل فأتسبب فى قتل الكثيرين

وصاحب الرأى أن هذا سلبيه

لازم يراجع الكتاب

الرب يدافع عنكم

عينى عليكم من أول السنه لآخرها

من يمسكم يمس حدقه عينه

لكن السؤال هنا .؟ لماذا الرب يسمح بذلك ولماذا يتركنا ؟

الرب بيجرب أيماننا . زى ما جرب دانيال

بيشوفنا هنتحمل . هنتمسك
أم سنضعف

وآيه بحبها جدا

قاتل يارب مقاتلى . خاصم مخاصمى أمسك مجنا وترسا ودافع عنى

لما يكون الأنسان مع ربنا ويقول الآيه دى
يا سلام

وأنا ذقت تجارب لم يتحملها بشر
لدرجه أننى بكيت وقلت له ليه يارب سايبنى

لكنى عرفت أن ده عدم أيمان منى

تمسكت أكثر بالأعتراف والتناول

وزادت مع ذلك مشاكلى

لا تتعجبوا ربنا لسه بيختبرنى
بيجربنى
لكن تجارب الرب جميله

وفيها الفرح والسلام فى النهايه
لكن بالصبر والصلاه

مراره الرب أحلى من الشهد

موضوع مميز جدا

واعتذر للأطاله
( فضفضه )
 
التعديل الأخير:

صوفيا مجدى

عضو مبارك
عضو مبارك
إنضم
18 يناير 2008
المشاركات
2,407
مستوى التفاعل
50
النقاط
0
موضوعك جميل يا دونا يمكن الواحد لما يفضفض بيرتاح من الضغوط المحيطة بيه من كل الجوانب كملت كمان بالامراض اللى انتشرت ومش معروف لها علاج يمكن دة اللى قال لنا عنه السيد المسيح امراض واوبئة وهذه كلها مبتدئ الاوجاع ربنا يرحمنا ويحافظ على شعبه
 

Dona Nabil

خادمة الرب
مشرف سابق
إنضم
31 مايو 2007
المشاركات
57,233
مستوى التفاعل
4,254
النقاط
0
الإقامة
فى قلب يسوع
مبسوطه كتيير لتفاعلكم ولتفهمكم الفكره ولا داعى لاى اسف عن أى اطاله لاننا اتفقنا انها فضفضه .. كل واحد فينا بيفكر فى حاجات كتير ونفسه يعبر عنها ولو بكلمات بسيطه ودى فرصه حلوه اننا نعرف ونتبادل افكارنا مع بعض.
 

Dona Nabil

خادمة الرب
مشرف سابق
إنضم
31 مايو 2007
المشاركات
57,233
مستوى التفاعل
4,254
النقاط
0
الإقامة
فى قلب يسوع
كنا زمااااااااااان بنقول ان محدش بينام من غير عشا
اكتشفت ان اللى يقول كده دلوقتى يبقى مش واخد باله من الناس حواليه
لانه بجد فى ناس بتنام من غير عشا ويمكن من غير غدا كمان
فى مجموعة شباب نزلوا يعملوا ابحاث فى الاماكن المتواضعه اقتصاديا علشان يعرفوا الناس هناك بياكلوا ايه
اللى عرفته من النتيجه اللى وصلولها صدمنى
عرفت ان فى ناس بتجيب لولادها نواتج تنضيف الفراخ ويسلقوها واهى ظفر والسلام وعرفت ان فى منهم بيروحوا لبتوع الخضار يوصوهم يشتروا منهم الخضار الدبلان والبايظ علشان مش بيبان فى الدمعه واهى وجبه وخلاص .
طيب لو مبصناش للموضوع من ناحيه انسانيه وقلنا واحنا مالنا
مش الناس دى لو زادوا فقر اكتر من كده هيبقوا قنابل موقوته ممكن تعمل كتير اوووى فى مجتمعنا ولا احنا فاكرينهم بعيد عننا .
 

Alexander.t

Help me !
عضو مبارك
إنضم
26 يناير 2009
المشاركات
15,834
مستوى التفاعل
1,572
النقاط
0
الإقامة
Beside you
تعبت من الروتين

كل يوم شغل وشغل وشغل

ومن بكره هيبقى شغل ومعهد وشكرا
حتى النت بقى روتين
مش حاجه تخنق

 

Dona Nabil

خادمة الرب
مشرف سابق
إنضم
31 مايو 2007
المشاركات
57,233
مستوى التفاعل
4,254
النقاط
0
الإقامة
فى قلب يسوع
دوام الحال من المحال
وكل يوم الدنيا بحال
طيب لو بكره جه غير اللى اتعودنا عليه
هنعمل ايه ؟؟
مش بتكلم عن مشكله عاطفيه ولا حبيب ساب حبيبته
انا بتكلم عن حكم بحاكم جديد
أو
وباء هيحبس الناس فى بيوتها !!!!
ربنا يسترررررررر
 
التعديل الأخير:

loly magdy

New member
إنضم
19 أكتوبر 2009
المشاركات
26
مستوى التفاعل
0
النقاط
0
صباح الخير فى الأول
كنت افتكر إن الغربة سهلة طلعت حاجة صعبة اوى
فقدت حاجات كتير معنوية معملتش حسابها
يارتنى مامشيت
اللى حصل بقى محدش بيتعلم ببلاش

فكرة الموضوع بتريح جداااااااااااااااااااااااااااااااااااااا
متشكرة
 

Dona Nabil

خادمة الرب
مشرف سابق
إنضم
31 مايو 2007
المشاركات
57,233
مستوى التفاعل
4,254
النقاط
0
الإقامة
فى قلب يسوع
تعرفوا انا اكتشفت ان الجهل أحيانا بيريح صاحبه
ممكن جدااا يضره لكن على الاقل بيخلى باله مرتاح
مثلا انا قلت ايه لازم انصح مراة البواب شوية نصايح عن انفلونزا الخنازير علشان ولادها بيروحوا مدارس وكده
لاقيتها ولا هى هنا مبتسمه ولا شايله هم حاجه ومش فى دماغها اصلا
تفتكروا من حق كل جاهل انه يقول الحمد لله على نعمة الجهل وكفى بها نعمة ؟؟ :)
 

toty sefo

عضو مبارك
عضو مبارك
إنضم
16 أكتوبر 2009
المشاركات
492
مستوى التفاعل
6
النقاط
0
عايزه اقولك دى احلى حاجه فى الدنيا ان الواحد يتكلم حتى لو ما جالوش رد كفايه يحس ان فى حد سامعه ومهتم بيه ............ ليه بنحس ساعات ان ربنا سايبنااو بيتقل عليناالحمل يمكن عشان احنا بعدنا عنه وبكده بيرجعنا اليه ولا هو زى ما ربنا بيقول من ياتى بثمر ينقيه لياتى بثمر اكتر.. على كل حال انا دايما بقول لربنا بلاش تخفف عنى الحمل بس ادينى اكتاف اشد عشان اقدر اشيل او انت شيل معايا لانى
بدونك لا اساوى شئ
فانت الهى وملكى ربى وقدوتى انت حمايتى وصخرتى انت سندى وقوتى ...الهى انى احبك بكل ما املك بل بكل ما اعطيتنى انت لانى لا املك شئ من دونك فانت واهبنى فلا تتخلى عنى لانى
بدونك لا اساوى شئ
 

meraaa

†كن ضامنى عند نفسك†
عضو مبارك
إنضم
20 نوفمبر 2006
المشاركات
2,625
مستوى التفاعل
7
النقاط
0
الإقامة
بين كفوف ملك الملوك
نفسى امشى فى الشارع مطمنه مش قلقانه من حاجه (هو نشكر ربنا هو دايما اللى بيطمنى وواخد باله منى) بس برده وانا ماشيه فى الشارع لازم عينى تبقه فى وسط راسى قلقانه من الطفل او الشاب او الراجل العجوز اللى جاى من بعيد ... بجد ناس كتيييير دماغهم بقت ماليها حاجات مش كويسه وافكار ومبادىء وحشه ولا خلاص بقوا يقدروا ان البنت اللى ماشيه دى زى اختهم او امهم.. بجد نفسى الشوارع تبقه مليانه بالامان وكل حد يسيب التانى ماشى فى حاله ومايحولش يزعجه ويزعج سلامه الداخلى ... هو حلم بس الله القادر على كل شىء والذى لا يعسر عليه امر قادر انه يحقق الحلم ده ويغير عقول الناس دى

ميرسى يادونا على الموضوع ربنا معاكى يارب وتسلم ايدك ياقمر
 

asmicheal

احبك ربى ياقوتى
عضو مبارك
إنضم
16 يونيو 2009
المشاركات
14,486
مستوى التفاعل
227
النقاط
63
الإقامة
مصر ام الدنيا - القاهرة
عن نفسى


يخنقنى جدا من يدعى الروحانية وداخلة مملوء غشا
يخنقنى جدا من يفتى فيما لا يعرفة
يخنقنى جدا من يقيم نفسة قاضيا يسلخ الناس بقسوة احكامة
يخنقنى جدا من يظهر سلوكيات عكس شهوات قلبة
يخنقنى جدا من يريد ان يتحكم فيا ليبلورنى لشكل يراة هو الافضل لى مهما كانت صدق محبتة واخلاص هويتة
يخنقنى جدا الا اكون انا انا بعيوبى اجاهد فيها ومميزات اللة لى اشكرة عليها

يخنقنى جدا مطبات الشوارع
يخنقنى جدا كلاكس العربية بلا داعى
 

grges monir

عضو مبارك
عضو مبارك
إنضم
9 نوفمبر 2008
المشاركات
15,622
مستوى التفاعل
2,142
النقاط
113
الإقامة
فى قلب يسوع
الواحد ماسكة فكر انى اتنثبت فى الارض خلاص ولا ليطلع اقدام و لايرجع لورا
 

Dona Nabil

خادمة الرب
مشرف سابق
إنضم
31 مايو 2007
المشاركات
57,233
مستوى التفاعل
4,254
النقاط
0
الإقامة
فى قلب يسوع
فى حكمه أو مقوله بحبها خالص وعندى ايمان شديد بمصداقيتها
وهى ان الغبى هو من يظن ان الناس اغبياء
فعلا اغبى الناس من اعتقد أنه ازكاهم واتعامل معاهم على الاساس ده
كتير بنفتكر ان اللى قدامنا مش هيفهم تلميحاتنا ولا هيترجم تصرفاتنا
وانها مش هتوصله لكن دايما بيكون العكس صحيح
بلاش تعتقد ان بعض الناس اقل ذكاءا منك ولا يستحقوا تقديرك
الواقع انك انت بتستصغرهم على جهل منك فلا تحتقر انسانا ولا تستصغر شخصا
ولا تعيب فى مخلوق لانهم ممكن يكونوا احسن منك بكتيييير
تحياتى :)

 

My Rock

خدام الكل
مدير المنتدى
إنضم
16 مارس 2005
المشاركات
27,227
مستوى التفاعل
2,906
النقاط
113
الإقامة
منقوش على كفيه
أفضفض فين بس؟
الجو برد و ثلج مصحوب برياح عاصفة و مطر.. السيارات تتحرك ببطئ النمل و لا ينفع معها لا هورنات و لا الضوء العالي المزعج..
بالرغم من يوم حافل مليئ بالأشغال و الواجبات، تجد نفسك مُجبر على تقضية بقية يومك في دفئ بيتك الوحيد الذي يُلبي الدفئ بدرجتك المناسبة.. لكنه كله للخير، فغرفة العمليات (غرفة الكمبيوتر) جاهزة بأجهزتها وشاشاتها تنادي لإكمال بناء مشاريع منتدى الكنيسة..
 

G.a.L.a.x.y

عضو مبارك
عضو مبارك
إنضم
5 يونيو 2007
المشاركات
7,585
مستوى التفاعل
371
النقاط
0
الواحد مبقاش عارف يرضى الناس ازاى
كل شئ بقى زى الهم الا على القلب
بقى الواحد خايف يقول كلمه ولو بسيطه تقوم عليه حريقه
ماهى الدنيا مبقتش مريحانا ممشيانا على حبل​
 
أعلى