خواطر عابره (( متجدد )) ..

[Meriamty]

رد على: خواطر عابره (( متجدد )) ..

خواطر راااااااااااااااااائعه

ربنا يبارك حياتك



​

 

[tina_tina]

رد على: خواطر عابره (( متجدد )) ..

+

أشكركم احبائى على مشاركاتكم ..



و أشكرك تينا على كلامك بالرغم من أنني لم أتحدث معكي سوى بضعة دقائق قليلة ..

لا شكر دى حقيقة وموهبتك جميلة
ربنا يرعاها وينميها لاستفادة الجميع​

و عند سؤالي عن أسامة منير هذا وجدت أنه شخصية غير سوية للاسف فهو تقريبا مقدم برنامج إذاعي و يتناول كل ما يخص النساء من مشاكل و أمور غريبة بعض الشىء .. و الحقيقة لا أدرى هل ما سمعته عن هذا الرجل هو حقيقة أم إفتراء ..

على أية حال أكيد أنتى تقصدى الجانب الحسن فى هذا الرجل .. ليس لانني أستحق هذا الجانب .. و لكن لانك فتاة مليئة بالمحبة للجميع

تحياتى و أنتظرى الخواطر القادمة

متخفش ياسيدى صوتك مش زية
واكيد احب اشبهك بالجانب الحسن منه لانه صوتة دافى اوى صوت مصرى
صوت اد المسئولية صوت مليان حب للكل
ده اللى فى صوت أسامة
وبالنسبة لشخصية أسامة
فى مثل بيقول تعرف فولان قاله اه قاله عشرتة قاله لاء قاله يبقى متعرفهوش
فى ناس كتيرة ضد أسامة وبتقول علية زى ما انت قولت وفى ايضا" ناس سمعته وحللت كلامة ووجدت انه انسان عاقل جدا وزكى جدا جدا
اه مفيش انسان كامل بس فى ناس بتعرف تقرب كويس من اللى حواليها وهو عمل كده
اسامة بيقدم برنامج مشهور جدا منذ سنين على اذاعة الاف ام وهو برنامج شبابى من الجنسين ليس للاناث فقط
حب يقرب من الشباب اكتر ويدخل جواهم اكتر ولان هو زكى عرف يدخلهم منين
عن طريق مكان محدش بيتجرئ يتكلم فيه بصراحة وشبابنا محتاج ده اوى
اسامة انسان مسيحى ارثوذكسى وكل كلامة لو سمعته هتلاقية هو العقيدة اللى انت وانا متربين عليها
ارائه صحيحة رغم ان فى بعض الاحيان بتبقى حادة جدا وةقاسية جدا على اللى قدامة بس هو كل مهمته انه يقول الصح رغم قسوتة
الشباب محتاج حد يتكلم معاه من غير حزازية انسان ملهوش مصلحة فى الموضوع
جرب انك تسمعه واحكم علية بعد كده وفى الاول وفى الاخر كل واحد ليه وجه نظر مختلفة عن التانى
ياريت كان كل بيت فيه واحد زى اسامة كانت الدنيا هتبقى مختلفة
واسامة يتلخص فى حرية الحوار بكل بساطة ووضوح
اسفى انى طولت عليك فى ردى
واسفة انى اتاخرت فى الرد بس مش بدخل المنتدى كتير
ربنا معاك ويقويك
وياريت تمتعنا بخواطرك الجديدة
سلامى ليك

 

[باراباس]

رد على: خواطر عابره (( متجدد )) ..

جامد جامد جامد جدا جدا بجد ربنا يباركك وعاشت ايداك وافكارك الجميله وانا اتمنى اننا نكون اصحاب

 

[REDEMPTION]

رد على: خواطر عابره (( متجدد )) ..

+

أكيد يا باراباس يشرفني أننا نكون أصحاب ..

لكن إحنا أخوات من زمان ..

أخوات بالمعمودية و الإيمان بالمسيح تبارك إسمه

أهلا بيك وسط أخواتك

 

[+Nevena+]

رد على: خواطر عابره (( متجدد )) ..

هاي طارق ازايك فين كتاباتك المعزيه والجميلة شكلك مش عايزنا نتمتع بيها
ع العموم ربنا يبارك حياتك ويعوض تعب محبتك

 

[نيفين ثروت]

رد على: خواطر عابره (( متجدد )) ..

جميل ربنا يباركك

 

[sameh7610]

رد على: خواطر عابره (( متجدد )) ..

السلام والنعمة
خواطر جميلة اوووووووووى
ربنا يباركك

 

[lody]

رد على: خواطر عابره (( متجدد )) ..

QUOTE=]

REDEMPTION
اهنيك على موهبتك يلي الرب اعطاك هيه .
كلامك بيدخل للقلب واسلوبك سهل بيخترق الفؤاد دون اي استئذان
و انا اكيدة انك راح تغنينا اكتر واكتر من خواطرك الجميلة
الرب يباركك ويعظم موهبتك ويستخدمك لتمجيد اسمه
:smi106:​

[/QUOTE]

 

[REDEMPTION]

رد على: خواطر عابره (( متجدد )) ..

+​

ربنا لا يمكن يغير كلمته

ربنا لا يمكن يغيركلمته​

شوفت حنيته​

لما جابوا الزانية على الطريق جر​

بالايدين السمر ، يجرجروا انسانه ميته​

كانت ميته​

قالهم ​

مين فيكم معصوم و عايش حُر ​

ليه تدينوا .. ليه المُر​

ما فيش داين هيدخل جنته​

ربنا قالها انه سامحها ​

يا ترى سامحها ؟​

و لا كلمتين طيب خاطرها​

و فى النهار يسيحوا فى الحر​

مش بقولكم ​

ربنا لا يمكن يغير كلمته​

ولا محبته​

فاكرين لما بطرس انكره زمان​

قلة ايمان​

وهنعمل ايه فى الانسان​

و كل ده و لا كّلمه​

يدوب بصله و فهمه​

ان لما يقول حاجة ربنا​

لا يمكن يغير كلمته​

حتى الزانية لما جابوها​

و بهدلوها​

قالها فين اللى جايين يموتوكي​

جريوا و سابوكي ؟ ​

و لا انا ادينك كمان​

طيب فاكرين زمان​

لما جاب طفل صغير كان أدنا​

لما كنا نلعب و نفرح بضحكة قلب ، كان زينا​

قال وقتها خليكوا اطفال​

الاطفال بريئة جواها حنيته​

مش بقولكم​

ربنا لا يمكن يغيركلمته​

 

[+Nevena+]

رد على: خواطر عابره (( متجدد )) ..

طبعا مستحيل ربنا يغير كلمتة ابدا
دا وعده صادق امين
ميرسي يا طارق عي الكلمات الرائعه
والبسيطه في المعني
ربنا يبارك ثمرة خدمتك​

 

[engy_love_jesus]

رد على: خواطر عابره (( متجدد )) ..

رائع جدا يا استاذ طارق ربنا يبارك خدمتك وموهبتك
ومستنين باقى روائعك​

 

[lola_samer]

انا عضوه جديده واحب الخواطر جدا وعجبنى كلامك جدا جدا يا طارق احسن حاجه ان القلم يكون صديقك لانه عمره ما هيخونك و ساعه غدر البشر يصونك ربنا معاك

 

[عاشق عيونك]

مشكور يا redmpitionعلى هذه الكلمات والمواضيع الرائعه

 

[REDEMPTION]

+

ضياع

أمازلت تحلم ؟! .. ألديك أمل ؟

من أنت ؟!

أنت لست من أعرفه ! ...

لم أعرفك من قبل ..

أو ربما كنت تحيا بداخلي و أنا أخنقك كي لا تصعد

كانت لدي قوة ..

أما الآن ... لا أدري .. ربما خابت قواي ..

ربما ..

كنت أظن أنني قوي جداً .. لا أخشى شىء .. لا أتردد .. مغامر .. مقدام .. شجاع

كانت ظنون ..

و كان جنون ..

حقيقةً أود أن أعرف .. من أنت ؟!!

لست أنت من كان يهمس للنجوم .. و يتأمل فى ضوء القمر .. و يبتسم فى براءة ..

لست أنت من كان يمتلك قلب برىء .. طفل .. حنون

لست أنت بإنسان ..

بل حتماً أنت لست كائن حي ..

أنت شىء لا ملامح له

أنت مُبهم ..

هل ظننت أنك بدونه ستحيا ؟!!

هل ظننت أنه بعلمك و ثقافتك ستجلس في الصفوف الاولى؟!!

هل ظننت أنه بوسامتك ستفوز ؟!!

إلى متى ستظل حساباتك فاشلة ؟!!

إلى متى ستظل في غفلة ؟ .. جاهل ... أحمق ... غبي

إلى متى أنت أنا ؟؟!!!

أنت لست راهباً ... و لكن ..

يكفي أنك خليقته

فهل تعتقد أنه بكونك مجرد إنسان .. إن كنت إنسان .. مُطالب بالقليل ؟

ألم أقل لك .. مازلت فى غفلتك

إستيقظ قبل أن يغلبك النُعاس الدائم ..

فهناك ستستيقظ .. و لكن .. لن ترى شيئاً ..

لانه سيكون ظلام .. أبدي

ليتك تنصت

______________________________

إهـــداء إلى من ألح في طلبها .. ربما تُحرك ساكناً

 

[العيون الحزينه]

خواطر هايله يا طارق
انت مبدع وفنان

توتو​

 

[joee_7590]

ابكى
ــــــــــــــــــــــــــــ
ابكى يمكن اى دمعة من عيونك تفرح قلبهم
ابكى يمكن اى دمعة من عيونك تمسح دمعه
اللى ياما نزل على فرحنا
اللى ياما سال على حبنا
اللى يامل جرى على دنيا كانت يوم بتحبنا
بس دلوقت خلاص وبدون اى اخلاص
تصرخ الدمع وتقول

خلاص يا دنيا ارحمينا
معدتش حاجة عايشة فينا
دموع ومشاعر ةاخلاص
كلها بقت مشاعر دفينة

 

[joee_7590]

ابكى
ــــــــــــــــــــــــــــ
ابكى يمكن اى دمعة من عيونك تفرح قلبهم
ابكى يمكن اى دمعة من عيونك تمسح دمعه
اللى ياما نزل على فرحنا
اللى ياما سال على حبنا
اللى يامل جرى على دنيا كانت يوم بتحبنا
بس دلوقت خلاص وبدون اى اخلاص
تصرخ الدمع وتقول

خلاص يا دنيا ارحمينا
معدتش حاجة عايشة فينا
دموع ومشاعر ةاخلاص
كلها بقت مشاعر دفينة

 

[+Nevena+]

إستيقظ قبل أن يغلبك النُعاس الدائم ..

فهناك ستستيقظ .. و لكن .. لن ترى شيئاً ..

لانه سيكون ظلام .. أبدي

ليتك تنصت

الله يا طارق بجد رائع
وطبعا دا مش جديد عليك
ربنا يباركك​

 

[نرمين2010]

كل خاطرة تحوى بين سطورها معان كثيرة..
فأعجبتُ بها كثرا وقرأتها جميعا من الصفحة الأولى حتى الصفحة الثامنة..
أشكرك أخى طارق الرب يبارك موهبتك..
أرجو المذيد..............................
ســـــــــــــلام الرب معك

 

[tina_tina]

إهـــداء إلى من ألح في طلبها .. ربما تُحرك ساكناً

اول مرة طارق يقدم اهداء
بس جميلة
يابختها ياطارق ​