بما إن الرئيس السيسى قال إن إحنا مصريين بس مفيش حد يتسئل اكتر من دة. يبقى لازم بقى تتشال خانة الديانة من البطاقة, و لازم كمان نفس قوانين بناء دور العبادة اللى بتمشى على المسلمين هى هى تمشى على المسيحيين.و يإما الدين يتلغى من المواد فى المدارس او يدرس الإتنين الإسلامى و المسيحى و زى ما بدرس قرون تاريخنا الإسلامى, لازم ندرس كمان القرون الكثيرة من تاريخنا القبطى المختفية من كتب التاريخ فى المدارس( اللى بسبب إختفائها متعلمين كتير عندهم فكرة منقوصة مختلة ناقصة عن الهوية المصرية لإن التسلسل التاريخى للهوية إتشال منه جزء من أهم و اكبر أجزاؤه).و لازم المسيحيين يبقى مسموحلهم يرتقوا بنفس الدرجات الوظيفية زى المسلمين فى كل مؤسسات الدولة.دى تبقى الترجمة الحقيقية الفعلية لكلام الرئيس.لو ده حصل هنبقى فعليا حطينا رجلنا على اول سلمة فى محاربة التطرف و الفتنة الطائفية و الإرهاب. بالفعل و تغيير وعى الناس او بمعنى ادق تصحيحة و اصلاحة الى وعى سوى.
copy
copy
