بعد 11 سنة تفوقاً.. نتيجة «مريم» فى «الثانوية»: صفر%

[oesi no]

بخصوص الطالبة مريم ملاك ذكري التي زورت لها وزارة التربية نتيجتها وحصولها على صفر... حبيت بس اتكلم من منطق شغلي وعملي طوال 17 سنة في الجامعة:
1- أولا تقرير الطب الشرعي صحيح.. لأن الورق من جوة فاضي ومفيهوش أي كلام ممكن مقارنته مع ما كتب على وجه كراسة الأجابة اللي بنسميها احنا بلغتنا (المراية) يعني زي ما هو في الصورة كمثال.. دي ورقة اجابة طالب في كلية علوم الفرقة الرابعة في امتحان مادة الفيزياء النووية... هنلاحظ هنا ان الطالب هو اللي بيكتب بياناته بخط ايده... وبعد ما بيسلم المراقب على اللجنة ورقته المراقب بيمضيه حضور وانصراف وبعد نهاية الأمتحان بيسلمها للكنترول.. وهنا بيتهي دور المراقب.
2- الكنترول أول حاجة يعملها انه يضع رقم سري على ورقة الطالب ويقص الربع التحتاني اللي فيه رقم الجلوس ويكون الرقم السري للورقة من فوق هو هو نفس الرقم السري على تيكت رقم الجلوس.
3 – بيسلم الكنترول ورق الأجابة للدكتور او المصحح اللي امتحن الطالب مادته... مثلا زي ما انا عامل كمثال دي مادة مشترك فيها انا وزميل لي .. انا باصحح الجزء الخاص بي .. وزميلي بيصحح الجزء الخاص به.. ولو المادة فيها دكتور واحد او مصحح واحد بيصححها لوحده ويحط درجات كل سؤال كما هو مبين على مراية الكراسة من فوق دون معرفة اسم الطالب... ويجمعها ويرجعها للكنترول تاني.
4- هنا بقى اللعب كله... لو حد في الكنترول عايز يخدم الطالب ده هايقوم شايل الدبوسين بتوع ورقة اجابة الطالب ويحط مكانهم ورق فاضي مفيهوش اجابة ... يعني لو الطالب رفع قضية كل اللي بيحصل ان بتتكون لجنة لرصد درجات مراية الكراسة من برة مع دراجات الأجاية من جوة.. بس.. ده كل اللي بيحصل... اوعي تتخيل ان حتى لو رفع قضية بيتصحح له تاني.
يعني اللي شال ورقة البنت بتاعة الثانوية عضو بالكنترول مش أي حد تاني... لأني طول حياتي في الجامعة عمري ما قابلت طالب سايب كل ورق المواد اللي امتحنها فاضية... ده لو حمار هايرفس في الورقة وهايبان مكان رفسه.. الطب الشرعي طبعا قارن خط مريم بالخط اللي مكتوب على مراية الورقة من برة.. وطبعا طلع خطها.. ولأن مفيش أي كتابة من جوة ... فمفيش دليل ولا كتابة ممكن تقارن بخط البنت مع خطها على المراية بتاعة كراسة الأجابة.
الموضوع ده تم في كنترول المدرسة اللي البنت امتحن فيها لأن محدش يقدر يعمل كده غير حد في الكنترول... وحد له مصلحة او طالب تاني كان بيغير له ورق مريم ويشيل وش كراسة مريم ويحطها على ورقة فاضية ويحط كراسة مريم اللي مجاوبة فيها على كراسة الطالب اللي عايزه ينجح... صدقوني طول عمري ما قابلت طالب سايب ورقته بيضاء.... ولو حصلت.. ودي نادرا ... بتكون في ورقة واحدة من مجموع المواد كلها ... ده طلبة السجون اللي بنمتحنها برغم اللي هي فيه مبتسبش ورقتها فاضية.. علشان كده لازم التحقيق في موضوع البنت دي لأن ده تزوير رسمي ... واقل ما فيه يتقدم وزير التربية والتعليم لمحاكة ويترمي في السجن.. وقبله كل اعضاء كنترول المدرسة اللي الطالبة مريم كانت فيها... البنت دي اتظلمت ظلم كبير.. مش هايعرفه غير اللي زينا مهنتهم التصحيح والمراقبات وشغل كنترولات.
حرام عليكم ضعتوا مستقبل البنت يا فسدة
أساتذتي وزملائي الاعزاء هايفهموا كلامي .. أو كل واحد له علاقة بمهنة التعليم هايفهم قصدي.. دي جريمة تزوير يجب ان يقال فيها وزير التربية والتعليم
منقوووول

 

[ابن يسوعنا]

يا عم كانت مكتوبة الاسئلة فقط
مش ورق فاضي ؟؟؟؟؟؟؟؟؟؟؟؟؟

 

[ابن يسوعنا]

الان مريم علي قناة الحياة
تردد122506
فرتكال
27500

 

[سمعان الاخميمى]

الان مريم علي قناة الحياة
تردد122506
فرتكال
27500

شكرا ياغالى تم متابعة اللقاء وعجبنى وقوف ايهاب رمزى معاها وواضح جدا ان البنت اعصابها شبه منتهيه ربنا يكون معاها
فى ملحوظتين وده من باب ذكر الامر ليس اكثر
1- قناة الحياة موجوده فى كل بيت مصرى وبالتالى يكفى ذكر اسم القناة بدون تردد
2- التردد زايد رقم لان التردد دايما بيكون 5 ارقام.
وشكرا لتعاونك الكبير ياغالى

 

[سمعان الاخميمى]

[YOUTUBE]h37FwRWJMcQ[/YOUTUBE]​

 

[سمعان الاخميمى]

ق المستشار علي عمران النائب العام المساعد القائم بأعمال النائب العام، على قرار حفظ التحقيقات في القضية المعروفة إعلاميا بـ (صفر الثانوية العامة) وذلك بعد ورود تقرير قسم أبحاث التزييف والتزوير بمصلحة الطب الشرعي، والمتضمن فحص أوراق إجابات طالبتي الثانوية العامة مريم ملاك ذكري، و رضوى محمد علي، والذي انتهى إلى أن جميع الإجابات الواردة بكراسات الإجابة في امتحانات شهادة الثانوية العامة لهذا العام، بخط يد كل منهما، وعدم وجود أي تلاعب أو استبدال في الأوراق.
وترجع وقائع القضية إلى البلاغ المقدم من طالبتي الثانوية العامة مريم ملاك ذكري تادرس، ورضوى محمد علي أحمد، والذي ورد به قيامهما بأداء امتحانات الثانوية العامة للعام الحالي 2015 ، غير أن النتيجة الخاصة بهما جاءت متدنية، مما حدا بهما التظلم من النتيجة لإعادة التصحيح، غير أنهما فوجئتا أثناء عرض كراسات الإجابة عليهما، أنها لا تخصهما.
وأنكرت الطالبتان المذكورتان مضمون ما جاء بمحتوى كراسات الإجابة المعروضة عليهما، وأقرت كل منهما أن البيانات الخارجية الخاصة بهما، والمدونة على الغلاف الخارجي لكراسات الإجابة، تخصهما وصادرة عن خط كل منهما، وأنه تم استبدال أوراق الإجابات بأوراق أخرى مما أدى إلى حصولهما على نتائج متدنية في نتيجة هذا العام.
وقامت النيابة العامة باستدعاء رئيس لجنة النظام والمراقبة بوزارة التربية والتعليم، والذي قرر بأقواله باستحالة استبدال محتوى كراسات الإجابة، وذلك وفقا للإجراءات المتبعة في هذا الصدد، وعليه فقد تم التحفظ على جميع أوراق الإجابات الخاصة بالطالبتين في الصفين الأول والثاني الثانوي، بالإضافة إلى أوراق الصف الثالث الثانوي وإرسالهم إلى قسم أبحاث التزييف والتزوير بمصلحة الطب الشرعي لإجراء الاستكتابات اللازمة بمعرفة الطب الشرعي، وإجراء المضاهاة اللازمة، لبيان ما إذا كانت هذه الإجابات صادرة عن يد كل منهما من عدمه، وما إذا كان قد حدث بأي من أوراق إجابات الطالبتين تلاعب من عدمه.
وأفاد تقرير الطب الشرعي – الذي تسلمته النيابة - أنه باستكتاب الطالبتين المذكورتين ومضاهاة الخطوط، تبين أن جميع الإجابات الواردة بكراسات الإجابة، صادرة من يد كل منهما ولا يوجد ثمة استبدال أو تلاعب في أي من كراسات الإجابة الخاصة بالطالبتين، وهو الأمر الذي انتهت معه النيابة العامة في التحقيقات إلى استبعاد شبهة الجرائم المثارة في الأوراق وحفظ التحقيقات.​

 

[Desert Rose]

ونحن صغار، فتحوا لنا مدارسَهم على وسعها، وفتحوا لنا قلوبهم على وسعها. علّمتنا راهباتُهم الأخلاقَ والقيم. وفاض علينا معلّموهم من علمهم ومعارفهم. أفهمونا أن مصر وطنٌ لكل المصريين، وأن الأرضَ وطنٌ لكل البشر، وأن الإنسانية ناموسُ الأرض.

وأن المحبة قانونُ الحياة. لا فرق بين إنسان وإنسان إلا بقدر أخلاقه وعلمه ومساعدته للآخر. تربينا فى مدارس مسيحية، فلم نشعر بالتمييز بيننا وبين زملائنا المسيحيين. مدرستى المسيحية التى نشأتُ بها فى طفولتى، كانت تضم بين أسوارها مسجداً صغيراً أنيقاً ونظيفاً. نُصلّى فيه متى شئنا.

ونتناول من رفوف مكتبته ما شئنا من مصاحفَ وكتبٍ إسلاميةٍ تناسبُ أعمارَنا الصغيرة، مثلما كانت تضمُّ بين أسوارها كنيسة أنيقة. يدخلها زملاؤنا المسيحيون للصلاة متى شاءوا. وندخل حديقتها لنطارد الفراشات الملونة، ونقطف من أشجارها أوراق التوت الخضراء، لكى نُطعم دود القزّ الذى كنا نربيه فى أبريل. نسمع ترانيمهم الطيبة يمجدون فيها إله الكون الواحد.

الذى يعبده ستة مليارات إنسان يعمّرون هذا الكوكب، كلٌّ عبر منظومته التى اختارها، أو بالأحرى التى ورثها عن أبويه. تعلمنا معاً، مسلمين ومسيحيين، أن ندعو اللهَ أن ينثر المحبة والسلام بين الناس، لأن من يحبُّ اللهَ، لا يكره مخلوقات الله.

صغاراً كُنّا. أنبتتنا أرضٌ طيبة وترعرعنا فى بيئة صحية، فنشأنا صالحين؛ قلوبنا بريئة من البغض والحقد والحسد والعنصرية والتضاغن. كانت مصرُ آنذاك ما زالت نقية من سموم العنصرية التى هبّت علينا رياحُها من فضاءات غريبة لا تُشبهنا، فظننا أن النقاء والمحبة هى طبائعُ الأمور وقانون الأشياء. علّقنا معاً زينة رمضان فى شوارعنا.

وحملنا معاً الفوانيس الملونة لتضىء شموعُها ليالى القاهرة التى كانت تزغرد بالفرح. ما عرفنا أيَّنا مسلمٌ وأيَّنا مسيحىّ. فنحن إنسانٌ ونحن مصريون. علّقنا معاً زينات أشجار الكريسماس وتبادلنا هدايا العام الجديد، ونسينا أن نسأل: أيّنا مسلمٌ وأينّا مسيحى، فنحن إنسانٌ، ونحن مصريون.

وكبرنا معاً، وتزاملنا فى الجامعات ثم فى العمل. ونحن صغار، ما كنّا نحسب أن لحظةً مُرّة ستأتى على مصر لتخلعَ وجهها الذكىّ الطيب وتستبدل به وجهاً جهولاً عنصرياً. حاشاها مصر أن تبدّل وجهها! إنما وضعوا على وجهها، رغماً عنها، ذلك القناع البغيض الذى لا تحبُّ أن تعتمره.

صغاراً أبرياءَ كنّا. ما كنا نتخيل، فى أسوأ أحلامنا، أن يوماً قريباً سيحلُّ على مصر، ليغلق المسلمون فيه أبواب المدارس فى وجه المسيحيين الذين فتحوا لنا أبواب مدارسهم وأدخلونا قلوبَهم، وعلّمتنا راهباتُهم ومعلّموهم المعارفَ والأخلاق وحب الوطن!

هذا ناظر مدرسة فى سوهاج قالها بالفم الصريح يقطّر بُغضاً: «مفيش مسيحى هيدخل المدرسة طول ما أنا مسئول عنها!» وبالفعل، منع ثمانية عشر تلميذاً من الالتحاق بمدرسته رغم استيفائهم كافة الشروط المطلوبة.

بصفتى مواطنة مصرية، تعلّمت على يد أساتذة فضلاء مسيحيين فى مختلف سنوات دراستى، أطالبُ بالتحقيق الرسمى فى هذا الأمر، فإن ثبت ما قال كما سمعنا فى نشرات الأخبار، فأننى أتقدّم ببلاغ رسمى ضد المواطن: «عادل زين الدين»، ناظر المدرسة، الذى خالف الدستور واخترق القانون، ومن قبل ومن بعد، خالف قانون الجمال والتحضر.


فاطمة ناعوت ..


احنا مبينضحكش علينا يا مستر عبود اللى بنشوفه وبنعيشه اكبر من اننا يكون مضحوك علينا
الغريب اننا متأكدين ان الفساد فى كل مكان وشايفيين اضطهاد وتعصب تجاه مواطنين مش لاى سبب غير انهم مواطنين مسحيين درجة تانية ومع ذلك مطالب نقول اننا مية فل و لو حصلت مشكلة هنا ولا هناك وابتدينا ندافع عن حقوقنا ونقول انا بنضطهد فى بلادنا يقال عننا اصحاب عقد نفسية بداخلنا واننا مرضى نفسيين ومضحوك علينا !!!

اما بالنسبة باقى مشاركتك واسلوبك مع روز فأنا بصفتى عضوة بالمنتدى اولا ومشرفة ثانيا فأسلوبك غير مقبول ابدا و ميصحش تقولها كده انا اصلا مش شايفة انه ينفع اصلا يكون دا اسلوبنا مع بعض ومن حضرتك كمان فدى صعبة اوى !!!
انا اسفة ليكى يا روز

اولا شكرًا علي المقال
ثانيا ياحبيبتي متتأسفيش ، لان انا أصلا مزعلتش ولا يمكن أزعل ، مش علشان حاجة ، بس دائماً اللي بحاول أوضحه هنا ان انا مش بتعامل مع المنتدي بمشاعري خالص ، فأنا سايبه مشاعري بره المنتدي ، علشان كده لا بزعل ولا بتجرح ولا بتهان ولا بتوجع ولا بحس من اصله :t31: بجد صدقيني ، يمكن زمان اول ما دخلت المنادي كنت فعلا بزعل وبتعامل بمشاعري ، إنما بجد بعد ما رجعت المرة الاخيرة مبقاش عندي اي مشاعر من اي نوع بتعامل بيها في المنتدي وعلشان كده مش بحس بأي جرح ولا بزعل حتي لو حد شتمني شتيمه وحشه بردو مش بزعل :smil12: مش عارفه اشرحها بس هو انا بقيت كده دلوقتي

توضيح كمان ، انا هتكلم عن نفسي عمري ما اتكلمت في موضوع ان البنت مسيحية او لا ، لا انا مش شايفه ان الموضوع اضطهاد ديني ، انا شايفاه فساد مش اكتر من كده ، وربنا يعلم لو كانت مسلمه كنت بردو هتعاطف معاها بنفس الشكل وبنفس القوة ، لكن كل واحد بيشوف الحاجة والنَّاس وافكارهم بطريقته هو او يمكن بيقيس علي نفسه هو ، احنا مش مضطرين نوضح نوايانا لحد ولا نثبت احنا متعاطفين مع البنت ليه ، يكفي اننا متعاطفين معاها بأنسانيتنا والنوايا ربنا هو اللي يعرفها ويحكم فيها
القضاء في اي حته في العالم فيه مشاكل وثغرات حتي في اكبر الدول ،وعندي قصص كتيره جدا عن ناس في أمريكا وصلو للإعدام واتعدمت وبعد سنين اكتشفو برائتهم يعني زي ما بيقولو بالمصري يا ما في الحبس مظاليم ، فحكم القضاء مهما كانت الدوله عادله لا يعني انه سليم 100٪ وخصوصا لما يكون فيه معطيات تخلينا نشك فيه ، منها ان البنت متفوقة ولم يثبت مرضها النفسي او تاريخ ليها في المرض النفسي مثلا
المصيبه الأكبر في مصر هو اننا كلنا عارفين ولامسين الفساد المنتشر في كل اجهزة الدوله ، اشمعنا الكنترول مش هيصيبه الفساد وقبلها كان فيه فضايح تسريب الامتحانات ؟ وبلاوي كتير ؟ ايه اللي يخلي الطب الشرعي ميبقاش فيه فساد ؟ في دوله كل اجهزتها فاسده وكلنا عارفين ده؟ ايه اللي يخليني اثق في اي حكم قضائي او نتيجة تحقيق والدوله عمرها ما ادتني معطيات لتصديقها في اي شيء قبل كده؟
بالنسبه للمعطيات اللي تخلينا نصدق البنت فهي كتيره من تصريحات الوزير لتفوقها لمطالبتها بحقها بقوه لرد فعلها علي الظلم لعدم إمكانية ان حد حتي لو حمار مش بيفهم يجيب صفر في كل المواد
لسنا مجموعه من السذج او صغار العقول علشان يبقا مضحوك علينا ،واحنا كمان متعلمين ومعانا شهادات وبنشتغل في مراكز عاليه وفوق ده كله عندنا عقل نميز ونحلل بيه
سلام

 

[سمعان الاخميمى]

كثيرون منا ذاق طعم الظلم فى مواقف مرت عليهم وشعرو كم هو مرٍ وكلما كانت المشكله التى نواجهها كبيرة كلما ازداد معها الأحساس بالمرارة والالم، وهذا ماحدث مع مريم طالبة الثانوية العامه وصاحبت أشهر صفر، بعد ان كانت كادت ان تستنشق رائحة الحق والانتصار وعودة حقها لها بعد ان نشرت البوابة نيوز والمواقع الالكترونيه خبر يفيد بأن تحقيقات النيابة العامة أثبتت انه تم التلاعب بالمستندات المقدمة إليها من الكنترول، وإلزام التربية والتعليم بمحاسبة المتورطين فى التلاعب ومعاقبتهم إداريا وجنائيا وقال وزير التربية والتعليم انه سوف يقدم اعتذار رسمى من الوزارة إلى الطالبة، ولكن فجأة خرج علينا تقرير الطب الشرعى الذى كان يمثل ضربة قوية من جبار لمريم ذات لجسد النحيف، فلم تحتمل مرارة الظُلم وهَول الصدمة، فخارت قواها وغابت عن الوعي.

غابت عن الوعى وكأنها ترفض الواقع المرير فيما يحدث لها وهى لم تعد تحتمل ما تقدمه لها الدنيا وما تعاني منه فى بلدها، أعتقد كان هذا شعورها بعد ان كانت تتعب وتستثمر كل وقتها فى المذاكره من أجل ان تحصل على مجموع به تلتحق بكلية الطب التى تحلم بها والذى تؤهلها لتأدية رسالتها الانسانية فى الحياة، الانسانيه التى افتقدها هؤلاء المسؤولين فى بلدنا، فهى متيقنة ومدركة وتعى جيداً ما كتبته فى كراسة الاجابة فى الامتحانات، لكنها لم تستوعب ما يحدث لها !

ورغم من كل ماحدث ورغم احساس معظم المصريين بالظلم الواقع على مريم، يبقى لنا الأمل ويبقى لنا عدل من لايسهو ومن لا ينعس ولا ينام والذى يعلم كل شىء، فهوا عيناه تخترق استار الظلام ويعرف كل تفاصيل ماحدث ونحن نثق فى الله وننتظر عدله.

يقول الكتاب المقدس فى سفر الجامعة :"إِنْ رَأَيْتَ ظُلْمَ الْفَقِيرِ وَنَزْعَ الْحَقِّ وَالْعَدْلِ فِي الْبِلاَدِ، فَلاَ تَرْتَعْ مِنَ الأَمْرِ، لأَنَّ فَوْقَ الْعَالِي عَالِيًا يُلاَحِظُ، وَالأَعْلَى فَوْقَهُمَا" (سفر الجامعة 5: 8)

أخيرا، يامريم تشددى وتشجعى انتى مثل داود الصغير الذى وقف امام جليات ليجابه الظلم، انتى حقاً بَطَلَة وقوية بالحق ونحن ننتظر عدل الله الذى يلاحظ والعالم بكل شىء وهو فوق الكل.

] ابرام تاوضروس - كاتب ومدرب تنمية بشرية

 

[سمعان الاخميمى]

[YOUTUBE]gkuifdM16jI[/YOUTUBE]​

 

[ابن يسوعنا]

 

[+إيرينى+]

مش ممكن خبراء الخطوط يبقوا مزورين كلهم


و بعدين فيه كلام كتير

1- البت صحتها فى داهية _ تانى يوم البت فى كل البرامج بتتكلم بربند فى الكلام

2- الورقة فاضية - لا الورقة منقول فيها ورقة الاسئلة

و هو ممنوع اصلا تسيب الورقة فاضية حيتعمل لها محضر دايركتلى

3- البنت عايزة تطلع على كل الورج بتاع المدرسة _ كلام غريب


ما أنا بفاهم

بصراحة عندى إحساس إن البنت مريضة نفسيا ​

 

[Maran+atha]

مش ممكن خبراء الخطوط يبقوا مزورين كلهم ​

و بعدين فيه كلام كتير ​

1- البت صحتها فى داهية _ تانى يوم البت فى كل البرامج بتتكلم بربند فى الكلام ​

2- الورقة فاضية - لا الورقة منقول فيها ورقة الاسئلة ​

و هو ممنوع اصلا تسيب الورقة فاضية حيتعمل لها محضر دايركتلى ​

3- البنت عايزة تطلع على كل الورج بتاع المدرسة _ كلام غريب ​

ما أنا بفاهم ​

بصراحة عندى إحساس إن البنت مريضة نفسيا ​

شكرا للمشاركة

بصراحة البنت مستحيل بعد ان كانت من الاوائل ان تصبح صفر

اما ممكن جدا ان المسؤلين عن الخطوط تحت ضغط من مسؤل ان يكتبوا سهادة زور
فكل خبراء الخطوط فى اسيوط تحت مسؤل ما وللأسف كلهم ملتزمين برضاء المسؤل

نحن شعب يخاف من المسؤل اكثر من الله
فلو قالت التعليمات لكل خبراء الخطوط بان يقولوا كلام كذب سوف يكذبوا بدون تردد

الامر واضح ان خبراء الخطوط اخذوا تعليمات وناقشوا هذة التعليمات حتى يضمنوا امنهم
ولكى ياخذوا الوقت كانوا يكرروا كتابة البنت حتى لا يشعر احد بما يحدث من خلف الامور

ربنا يباركك

 

[حبو اعدائكم]

مش ممكن خبراء الخطوط يبقوا مزورين كلهم

و بعدين فيه كلام
كتير

1- البت صحتها فى داهية _ تانى يوم البت فى كل البرامج بتتكلم بربند
فى الكلام

2- الورقة فاضية - لا الورقة منقول فيها ورقة الاسئلة

و
هو ممنوع اصلا تسيب الورقة فاضية حيتعمل لها محضر دايركتلى

3- البنت عايزة
تطلع على كل الورج بتاع المدرسة _ كلام غريب


ما أنا بفاهم


بصراحة عندى إحساس إن البنت مريضة نفسيا

ايه الى خلاها مش ممكن ان كل خبراء التزوير يبقوا مزورين كلهم!!!
هل كنتى معاهم يا ايرو ؟ هل دخلتى فى ضماير الناس!!
متقوليش مش ممكن لانه ممكن و ممكن جدا كمان فى ظل الفساد الى موجود دا..
وظل البلبله الى ممكن تحصل لو اثبتوا ان البنت صح-- دى تقلب الدنيا و مش هيخلصوا--
وقاعده عامه لما شىء ممكن يعمل مشكله كبييره علطول لازم هيتجهوا لظلم الفرض و التضحيه بيه -- كبش الفداء علشان الهدوء العام للبلد...
و لا محدش سمع عن الموضوع دا !

محدش قال بتموت صحتها فى داهيا.... دا اكتئاب و حصره و بكاء على الى هى فيه- طبعا تموت و تبقى صحتها النفسيه فى ستين داهيا -
و طبيعى تبقى بربنط قدام الشاشات اعتقادا منها ان دى الوسيله الوحيده الى فاضله الى ممكن تجيب لها حقها و تعبها الى راح-- ليه متبقاش بربنت!

الورقه فاضيه او منقول فيها اسئله-- دا شىء لا يدينها-- بالعكس دا شىء يفضح ان فيه شىء خطاء ضدها--
لو فعلا مكتوب الاسئله كانت اخذت درجه على الاقل--

هى قالت انها حله كل الاسئله و مراجعه الاجابات مع المدريسن و المدرسين هنوها على اجابتها يبقى النقطه دى بتدينها فيه ايه؟-- دى تظهر ان فيه شىء مش طبيعى منهم و انها صح .

تمام ممنوع تسيب الورقه فاضيا-- و يتعملها محضر--
فين المحضر الى اتعمل؟؟
و لا هما افتكروا انها مش هتصعد الموضوع و لما طلبت راح اتعمل ورقه و اتكتب فيها الاسئله !! بس نسيوا ساعتها انهم مديين صفر!
دا شىء فى صالحها هى -- مش ضدها!!

اما بئا للنقطه الاخيره مش فاهما يعنى ايه الورج بتاع المدرسه هههههههههههههههههههههه
انا اعرف الورج بتاع الفرخه هههههههههههههههه الكلمه دى اول مره اسمعها -- محتاااجه شرح ههههه

و احساسك بردوا يا ايروا انتى حره فيه-- بس انا عن نفسى احساسى مجبنيش نحيه احساسك 0-- و دا شىء طبيعى ان احاسيس الناس تبقى مختلفه--
بس انا يمكن نظرتى للموضوع تبقى مختلفه و دا خلى حكمى مختلف و احساسى مختلف--
و فى النهايه
بردوا محدش يقدر يعرف الحقيقه ايه--
الموضوع غريب-- مسمعتش عن حد جاب صفر فى الثانويه! فى كل المواد--
بس سمعت عن تزوير درجات و تبديل اوراق اجابات و حالات حصلت قدامى و تسببت فى انهيار عصبى للطالب او الطالبه--
و محصلتش فى مسيحيين بس-- حصلت فى مسلمين كتيير كمان و على يدى و شوفت الحصره-- و رغم ان كل شىء صح بردوا مفيش شىء اتغير و البنت المتفوقه طوول حياتها جابت 60 % و التانيه الى بتعدى بملاحق طول حياتها جابت 99%
علشان بنت مسئول-- و رفعوا قديه و عملوا اللالى و لا حياه لمن تنادى--
دخلوها خاص و بعدين هجرت من البلد-- يعنى حصل و بيحصل و هيحصل--

 

[soul & life]

[FONT=&quot]ممكن برضه ​

[FONT=&quot]...ناس أتلطت أوم النيابة تتفق معاهم ومع الطب الشرعى [/FONT]​

[FONT=&quot]اللى أنتى بنفسك قلتى ( أنه أنصفك ) [/FONT]​

[FONT=&quot]طبعا و ( قاعدة عامة أنا عارفها كويس ) أن لو الحكم فى صالحنا يبقى مُنصف [/FONT]​

[FONT=&quot]ولو غير كدة يبقى طبيخ وناس تقيلة وفساد وناس مرتشية[/FONT]
[FONT=&quot]ودة العادى
[/FONT]​

[FONT=&quot]وأتفق الكل من اول وزير التعليم لغاية أصغر موظف فى الكنترول[/FONT]​

[FONT=&quot]ومعاهم النيابة الأدارية والنيابة العامة والطب الشرعى [/FONT]​

[FONT=&quot]وطبعا لسة المستشار محامى عام أسيوط هيكمل معاهم الخلطة السحرية [/FONT]​

[FONT=&quot] والله كله جايز ...لية لأ ؟ [/FONT]​

[/FONT]

أنا قولت فعلا بناء على تجربة شخصية ان الطب الشرعى انصفنى وقدروا خبراء الخطوط يعرفوا الحقيقة لكن كمان قولت ان اى مكان فى الدنيا متواجد تحت ادارة البشر قابل للفساد ووارد جدا يكون فيه فساد !!!

استاذ عبود احنا لو شايفين بنت اصلا بتاعة لف ودوران ومستواها الدراسى مش اد كده كنا ممكن نكون مقتنعين اوى بالحكم واللى حاصل ده ازاى بنت شكلها دحيح ومتفوقة سنتين ورا بعض فى نفس المرحلة الثانوية وقادرين ببساطة تصدقوا فى 3 تجيب صفر مش حتى مجموع وحش لا صفر !!!

 

[soul & life]

ايه علاقة ان البت مسيحية والمسيحيين متعاطفين معاها ، دي مصر كلها ياماما متعاطفه معاها !!!!!
قلبنا هايضعف مثلا وتصعب علينا (تصعب ع الكافر) لما تكون مسيحية هههههههه

انا سبب عدم تصديقي هو رقم صفر في كل المواد
البنت كاتبة في ورقة الاجابة ولو عندها امراض الدنيا النفسية كلها مش هاتاخد صفر متين في كله طالما كتبت ..




​

مقصدتش حكاية مسيحى ومسلم من ناحية التحيز ولا جات على بالى لحظة الا من بعد مشاركة استاذ عبود وهو بيوصفنا بالمضحوك عليهم وده لمجرد اننا مصدقين ان البنت اتظلمت وهو بيدافع عن الفساد وزى ميكون متأكد ان البنت مريضة نفسيا وكدبت كدبة كبيرة عليها ولاحظت انه بيلمح ان لو البنت دى مكنتش مسيحية الموضوع مكنش كبر كده ومكناش اتعاطفنا معاها وبالتالى هو كالعادة اخد الجانب الاخر من الدافع وحتى الفساد اللى دايما بنوصفه ومتفق على وجوده اصبح مش موجود واصبحت النزاهةة والشرف سمة من سمات اجهزة الدولة سواء وزارة تربية وتعليم او طب شرعى او قضاء !!
علفكرة يا استاذ ياسر انا اصغر من انى اكون ماما :2: ده للتوضيح فقط

 

[soul & life]

مش ممكن خبراء الخطوط يبقوا مزورين كلهم


و بعدين فيه كلام كتير

1- البت صحتها فى داهية _ تانى يوم البت فى كل البرامج بتتكلم بربند فى الكلام

2- الورقة فاضية - لا الورقة منقول فيها ورقة الاسئلة

و هو ممنوع اصلا تسيب الورقة فاضية حيتعمل لها محضر دايركتلى

3- البنت عايزة تطلع على كل الورج بتاع المدرسة _ كلام غريب


ما أنا بفاهم

بصراحة عندى إحساس إن البنت مريضة نفسيا ​

اه فعلا مش ممكن يكون خبراء الخطوط كلهم مزورين وفاسدين لكن الاعلى منهم وفىى ايده التقرير النهائى ممكن كمان لو حضرتى امبارح كانت متواجده مع المستشار ايهاب رمزى واخوها قال انه اثناء استكتابها فى بعض الخبراء اكدولهم ان الخط بعيد عن خطها وده كان فى حضور محامى معاها وسمع الكلام ده بنفسه !

كمان مش هى اللى عاوزة تشوف الورق يا ايرينى البنت مصدومة وحالتها تحت الصفر دى بتنطق بالعافية متكلمتش ولا قالت اشوف ولا مشوفش ده اقتراح اقترحه اخوها والمستشار ايهاب وده كان لقاء مع لميس الحديدى

واللى اكده اخوها وطلب انه يكون فى تحقيق وناس تشهد اللى معاها فى اللجنة والمدرسين بتوعها اللى كانوا بيراجعوا معاها الامتحانات يوميا بعد اللجان

اللى معاها باللجنة شايفينها وهى بتكتب ومش بتسيب القلم غير عند انتهااء الوقت ومدرسينها بيرجعوا معاها يوميا وفى يوم الاحياء كانت منهارة لانها كانت متلغبطة فى نقطة من سؤال ولما رجعت مع المدرس طلعت صح يعنى فى ادلة وشهود ولو كان فى شوية جهود مبذولة زى ما بيقال فعلا كان اقلها يكون فى تحقيق وسماع شهادة مدرسينها !! مش كده ولا ايه ؟!

 

[ياسر رشدى]

علفكرة يا استاذ ياسر انا اصغر من انى اكون ماما :2: ده للتوضيح فقط

طب نقول اُختشى الزوغننة :blush2:
تمشي كده :flowers:
​

 

[soul & life]

طب نقول اُختشى الزوغننة :blush2:
تمشي كده :flowers:
​

طبعا يا استاذ ياسر يكون ليا الشرف :flowers:

 

[+إيرينى+]

اه فعلا مش ممكن يكون خبراء الخطوط كلهم مزورين وفاسدين لكن الاعلى منهم وفىى ايده التقرير النهائى ممكن كمان لو حضرتى امبارح كانت متواجده مع المستشار ايهاب رمزى واخوها قال انه اثناء استكتابها فى بعض الخبراء اكدولهم ان الخط بعيد عن خطها وده كان فى حضور محامى معاها وسمع الكلام ده بنفسه !

كمان مش هى اللى عاوزة تشوف الورق يا ايرينى البنت مصدومة وحالتها تحت الصفر دى بتنطق بالعافية متكلمتش ولا قالت اشوف ولا مشوفش ده اقتراح اقترحه اخوها والمستشار ايهاب وده كان لقاء مع لميس الحديدى

واللى اكده اخوها وطلب انه يكون فى تحقيق وناس تشهد اللى معاها فى اللجنة والمدرسين بتوعها اللى كانوا بيراجعوا معاها الامتحانات يوميا بعد اللجان

اللى معاها باللجنة شايفينها وهى بتكتب ومش بتسيب القلم غير عند انتهااء الوقت ومدرسينها بيرجعوا معاها يوميا وفى يوم الاحياء كانت منهارة لانها كانت متلغبطة فى نقطة من سؤال ولما رجعت مع المدرس طلعت صح يعنى فى ادلة وشهود ولو كان فى شوية جهود مبذولة زى ما بيقال فعلا كان اقلها يكون فى تحقيق وسماع شهادة مدرسينها !! مش كده ولا ايه ؟!

مين الل بتنطق بالعافية ؟؟

ديه بربند فى الكلام و كلامها منظم جدا

مين الل معاها باللجنة اللى قالوا كدة ؟؟؟

كل اللى بتقوليه لا أدلة و لا شهود : دا كلام و خلاص

حتى لو شهادة مدرسينها : المرض النفسى ما لوش دعوة بالتفوق

ممكن تكون متفوقة جدا لكن بعد ما أبوها مات إتغيرت حالتها النفسية و برضوا متفوقة

إيه الل خلاها ما تدخلش إمتحان الثانوية العامة السنة اللى فاتت : مش برضوا موت أبوها ؟؟؟

أنا عاصرت تلات حالات زميلاتى فى كلية الهندسة حصلهم دروب بعد موت أبوهم

و كلية هندسة يعنى مجاميع ثانوية عامة عالية جدا

وصلوا لرسوب تلات مرات و رفت
​

 

[peace_86]

مريم ليست مريضة نفسياً.. لكن بعض الإعلاميين سيردد هذا الكلام طوال الوقت

فوق مصيبتها الأولانية إنها أخذت صفر.. وغير مصيبتها التالية لما تأخر التحقيق

ثم يأتي أحدهم وبكل بساطة يقول عنها مريضة نفسياً .. مما سيسفر لاحقاً عن إصابتها بمرض نفسي حقاً

عتبي على المتنورين الذين يتمسكون بالحيادية.. في ظل المواقف التي تتطلب رأي واضح وصريح يقف مع مظلومية البنت والبقاء بجانبها حتى يثبت العكس.. وهذا العكس أصلاً غير موجود