المصطبه النسائيه

[!! Coptic Lion !!]

يبقى العيب فى مين ؟؟؟؟؟؟؟؟؟؟؟؟؟؟؟ :ura1:

طيب ايه هو الاول تعريف العيب
هل العيب في عدم وجود اسماء مصممات عربيات
ولا العيب في ان الراجل هو اللي تعمق في المجالات دي ؟
​

 

[عبود عبده عبود]

وبعدين مين قال ان مفيش شيفة ست ؟مممممم امال جوليا شايلد الامريكية ا

ازاى مفيش مصممات ازياء عالميات ؟ امال فيرا وانج اللى بتصصم ازياء سيدات امريكا الاولى

مالنا ومال أمريكا بس ؟؟؟؟؟؟؟؟
بنتكلم عن المجتمع المصرى الذكورى

امال دونتيلا فيرساتشى

هههههههههههههه فيرساتشى مات يا خلف

 

[عبود عبده عبود]

طيب ايه هو الاول تعريف العيب
هل العيب في عدم وجود اسماء مصممات عربيات
ولا العيب في ان الراجل هو اللي تعمق في المجالات دي ؟​

اللى مابتعرفش ترقص
تقولك الأرض عوجة ....:smile01

 

[عبود عبده عبود]

فيه أتنين أنفيزيبل فى الموضوع
عياد واحد
خايف التانى يكون اللى فى ( بالى )
أنسحب انا بقى قبل ما يتطرقع لى

 

[Desert Rose]

عياد الراجل تعمق فى مجتمعنا لانو عندو الفرصة اكتر متاحة

عبود انا عارفه اننا بنتكلم عن المجتمع المصري بس انت لما سألت الاسئلة ديه سألت فى المطلق ( يعنى الستات كلهم ف اى حتة ) وانا جبتلك امثلة من مجتمع تانى صحيح لكن الست ست فى اى حتة لو حد بس يديها الفرصة
لكن انت سبت كل اللى انا قولتلو ده وعلقت بس على كلمة امريكى ؟:ura1:
ده انا مرضتش اجيب اسامى عالمات الفضاء اللى طلعو القمر ورئيسات الوزرا ورئيسات الجمهوريات وسيدات الاعمال ولاعبات الرياضة العالميات ومذيعات التلفزيون والاعلاميات :ura1:
ادينا بس نص اللى عندهم وشوف بناتنا هيعملو ايه

 

[!! Coptic Lion !!]

عياد الراجل تعمق فى مجتمعنا لانو عندو الفرصة اكتر متاحة

فرصه ايه اللي متاحه

مهي كل الستات بتعرف تطبخ
بس فين الابداع بتاع الشيف اسامه مثلا ؟.
​

 

[Desert Rose]

فيه أتنين أنفيزيبل فى الموضوع
عياد واحد
خايف التانى يكون اللى فى ( بالى )
أنسحب انا بقى قبل ما يتطرقع لى

هههههه مين اللى فى بالك ؟:smile01

 

[عبود عبده عبود]

و يعنى هو جمال عبد الناصر هو اللى عدل

مش عايزة أغير الموضوع

من غير ما نغير ولا يحزنون ...
أيوة هو أعدل من اللى موجود طبعاً
وأقولك باختصار سريع جداً :
سمعتى عن كنيسة أنضربت فى عهده ؟
سمعتى عن مسيحى أتهجر من بلده ؟
سمعتى عن سايح أندبح فى عهده ؟
سمعتى عن أراضى وقصور له ؟
بس كفاية دول ع الماشى

 

[عبود عبده عبود]

هههههه مين اللى فى بالك ؟:smile01

أنتى بتدخلى متأنفزة ؟؟

 

[Desert Rose]

فرصه ايه اللي متاحه

مهي كل الستات بتعرف تطبخ
بس فين الابداع بتاع الشيف اسامه مثلا ؟.
​

ومين قالك انو مفيش ستات مبدعات زى اسامة واحسن منو فى بيوتهم انا والدتى مبدعة ف المطبخ رغم انو مش مهنتها
الابداع شئ والاحتراف شئ تانى الشيف اسامة مبدع لكنو احترف المطبخ
فيه ستات تانيين مبدعات لكن مش احترفو مهنة الطبخ لان الفكرة نفسها لازالت جديدة على المجتمع ان واحدة ست تكون محترفة مهنة الطبخ وتشتغل فى فنادق واماكن سياحية
الراجل اقتحم مجال الاحتراف قبلها والطبيعى انو مش سابلها فرصة انها تحترف فيه لانو اخد المجال بالفعل

 

[!! Coptic Lion !!]

ومين قالك انو مفيش ستات مبدعات زى اسامة واحسن منو فى بيوتهم انا والدتى مبدعة ف المطبخ رغم انو مش مهنتها
الابداع شئ والاحتراف شئ تانى الشيف اسامة مبدع لكنو احترف المطبخ
فيه ستات تانيين مبدعات لكن مش احترفو مهنة الطبخ لان الفكرة نفسها لازالت جديدة على المجتمع ان واحدة ست تكون محترفة مهنة الطبخ وتشتغل فى فنادق واماكن سياحية
الراجل اقتحم مجال الاحتراف قبلها والطبيعى انو مش سابلها فرصة انها تحترف فيه لانو اخد المجال بالفعل

السؤال بقي بيقول
علل \ ليه محترفووووووووووش
​

 

[عبود عبده عبود]

السؤال بقي بيقول
علل \ ليه محترفووووووووووش​

مع أنهم بيدخلوا كلية سياحة وفنادق :love34:

 

[Desert Rose]

انا جاوبت ياعياد مش احترفو لان مش كان فيه مجال
انما عن نفسى بره مصر شوفت سيدات كتير مسئولين عن مطاعم بحالها ومسئولين عن فنادق كمان ومشهورات كمان

 

[!! Coptic Lion !!]

انا جاوبت ياعياد مش احترفو لان مش كان فيه مجال
انما عن نفسى بره مصر شوفت سيدات كتير مسئولين عن مطاعم بحالها ومسئولين عن فنادق كمان ومشهورات كمان

مش عارف بتلفوا ليه وتجيبوا نماذج خارجيه
التزمي بكتاب الوزاره

هههههههههههههههه

 

[Desert Rose]

هههههههههه بتلفو وتدورو فى حلقة مفرغة
الاول كنتو بتتكلمو عن الستات فى المطلق ولما جبنالكم امثلة عالمية رجعتو تتكلمو عن الستات فى بلدنا
رغم اننا قولنا السبب هو المجتمع الذكورى عندنا :ura1:

 

[Desert Rose]

مش عارف بتلفوا ليه وتجيبوا نماذج خارجيه
التزمي بكتاب الوزاره

هههههههههههههههه

هههههه مش انا اللى لفيت انتو اللى بتلفو الاول اتكلمتو عن الستات فى المطلق فى اى مكان ولما جبنا امثلة عالمية عن ستات اتيحت لهم الفرصة فابدعو مش عرفتو تردو فرجعتو تتكلمو عن الستات المصريات
السؤال هما الستات العالميات دول مش ستات بردو ؟:smile01

 

[!! Coptic Lion !!]

هههههههههه بتلفو وتدورو فى حلقة مفرغة
الاول كنتو بتتكلمو عن الستات فى المطلق ولما جبنالكم امثلة عالمية رجعتو تتكلمو عن الستات فى بلدنا
رغم اننا قولنا السبب هو المجتمع الذكورى عندنا :ura1:

ومين اللي ذكره
ال يا فرعون مين فرعنك
ال ملقيتش حد يلمني :ura1:

 

[Desert Rose]

ههههههههه ياعينى ياربى
ما هو ده اللى انا قولتو فى اول مشاركة ليا ارجع واقراها
قولت ان الستات بيساهمو فى اضطهادهم فى المجتمع
والموضوع اصلا عن عيوب المرأة الشرقية مش عليكو اساسا لكن انتو اللى قلبتوه عليكو

 

[!! Coptic Lion !!]

الذين يشاهدون محتوى الموضوع الآن : 7 ( الأعضاء 4 والزوار 3) ‏!! Coptic Lion !!*, ‏Hero_Sameh.G, ‏عبود عبده عبود

المصطبه مسطبيتنا والموضوع موضوعنا
يا ريت بقي يا انجل تهوينا شويه وابقي ابعتي طقم شاي ههههههههههه
​

 

[عبود عبده عبود]

رغم اننا قولنا السبب هو المجتمع الذكورى عندنا :ura1:

يعنى أحنا السبب ؟
مع انى شرحت لك تاء التأنيث بتعمل أية ...
لو قريتى مُصيبة ...بتاء التأنيث = كارثة
شيلى منها ( تاء التأنيث ) كدة وأقريها
مُصيب = على حق
مال المجتمع الذكورى بقى ؟