المصطبه النسائيه

[واثقه فيك يارب]

ممم السؤال جميل جدا بتاع الدكتور النفسي ده . ولفت انتباهي في المصطبه الرجالي .. ومكنتش اعرف ان فيه مصطبه نسائي ده انا وماشيه كده خبط فيها ^^
وهنقل ردي اللي كتبتوا هناك هناااا




ممم سؤالك قوووي جدا
واخد فتره كبيره بيدور في دماغي
ومن وجهه نظري المتواضعه
اننا كلنا مرضي نفسيين
ومحدش يقدر يقول غير كده .
وفيه نقطه مهمه انت ذكرتها اللي هي <مجتماعنا وناسو >
وماادراك بناسو دول
مش بيسيبوا حد في حالوا والحمد لله
وكل حاجه عندهم عيب وغلط ولالالالا ميصحش وقله ادب !

بس انا عن نفسي لو لقيت حالتي النفسيه محتاجه لدكتور نفساني هروح ومش هترددت ولو لحظه واحده ومش هخبي
وهقول لاني مقتنعه وواثقه اني مش بعمل حاجه غلط لان ربنا خلق الداء والدواء ..
ولو كل الناس فكرت التفكير المتخلف بتاع المجتمع وناسو
يبقي الدكاترا النفسيين يقعدوا في بيتهم احسن لان مش هيبقي فيه شغل .


وانا قريبا جدا هزور طبيب نفسي:thnk0001: ^^:smile01

 

[+إيرينى+]

شوفوا بأة بالنسبة للدكتور النفسى

مش عيب إن الانسان يعترف بإنه مريض نفسيا

مش عيب خالص

المهم إن يبقى الدكتور قادر يعالجه

أو على الأقل يبقى فيه تحسن

بس يا ترى إيه المرض اللى عنده

إفرض مثلا مجنون بجد

يعنى أكيد محدش عايز يتجوز واحد مجنون ...........صح

لازم قبل الارتباط يكون معروف نوع المرض

وسواس

وسواس قهرى

إكتئاب

إنفصام ذهنى

مجنون بجد

كدة

و كمان لازم يتعرف نوع الادوية و تأثيرها عليه .............كدة يعنى

يارب تفهمونى ...........يارب

أما بالنسبة لى

هل أنا رحت لدكتور أمراض نفسية

الحقيقة أيوة ؟؟؟

بس دا لأنى عندى مرض إسمه MS و بالعربى مرض التصلب العصبى

و الحل كان عند دكتور لعلاج الامراض العصبية

بصراحة أول ما عرفت إن علاجى عند دكتور المجانين

إتضايقت أوى أوى:190vu:

و قعدت أقول : أنا اللى بيضرب بى المثل فى الذكاء و الرزانة و و و و ...........حبة أنانية كدة

أروح لدكتور المهابيل

أهو دا اللى مش ممكن أبدا و لا ح أفكر فيه أبدا أبدا

بس روحت

و بعدن قعدت معاه و كتب شوية أدوية جابوا أجلى

و قال لى : على فكرة إنت روحك حلوة أوى

قلت ( فى سرى يا دي النيلة الدكتور مجنون ):sami31:

بس إتضطريت أكمل عشان أخف

 

[Critic]

مين اللى اخترع حكاية ان الدكتور النفسى = دكتور مجانين !
محدش يستغرب اننا عالم تالت

 

[+إيرينى+]

مين اللى اخترع حكاية ان الدكتور النفسى = دكتور مجانين !
محدش يستغرب اننا عالم تالت

عندنا فى مصر

بس بجد لما دخلت العيادة لاقيت مدمنين و مكتئبين و عصبيين

و ناس بتعيط ....ناس إتشلت من القهرة

 

[حبو اعدائكم]

بره عيشين مع الدكترا النفسيه اقل مشكله بيروحو لدكتور نفسى... هنا الى بيبوصو لها نظره مش كويسه!!؟
و لو عليا و لقتنى تعبانه نفسيا و محتاجه لدكتور اكييد هروح---
بس انا بقا عندى طبيب نفسى خاص مفعوله سحرى..
لدرجه ان ممكن يتقال عليا مجنو ههههههههه
و طبعا كلنا عرفينه مفيهاش كلام

 

[حبو اعدائكم]

عندنا فى مصر

بس بجد لما دخلت العيادة لاقيت مدمنين و مكتئبين و عصبيين

و ناس بتعيط ....ناس إتشلت من القهرة

عندك حق يا ايرو
لإن الى بيروح فى مصر بيبقا إلى هما حالتهم مصتعصيه---
او بالغصب كدا لحاله علاج معينه..
غير كدا بيفضل يجى على نفسه لغايه لما يوصل لمرحله حرجه.

 

[هشام المهندس]

بصى من وجهة نظرى انا مبحبش فكرة الدكتور النفسى لانى بحس انة بياخد مكان الله
بمعنى انى هروح اقولة على اللى تعبنى واحكيلة على كل حاجة بصراحة بحكم انه هيساعدنى
وهو هيسمع كويس جداااا وفى الاخر هيدينى يا اما نصيحة او علاج يهدينى
لو فكرتى فيها هتلاقى ان نفس الموضوع بيحصل مع الله بتحكيلة بصراحة . بتطلبى منة مساعدة . بتصلى بيهديكى . لكن فكرة انى اروح لدكتور عندى انا لا
لكن مش ببصلها بنظرة ان اللى يروحلة دا مجنون لا طبعا دا اسمة تخلف اللى يفكر بالطريقة دى​

كلام جميل لكن السؤال الا يمكن ان يكون الطبيب النفسي هو تدبير من الرب..؟؟​

 

[Dona Nabil]

الغريبه ان الكل دايماا يقول ان الطبيب النفسى زيه زى اى طبيب بتخصص تانى ومفيهاش حاجه اننا نروحله
والغريبه ان وقت اللزوم والحاجه نفس الكل دول بيقولوا يا خبرررر تروح لطبيب نفسى طيب والناس تقول ايه عليك انك اتجننت
الظاهر كده والله اعلم ان الكل دول محتاجين فعلا لطبيب نفسى ..

 

[حبو اعدائكم]

كلام جميل لكن السؤال الا يمكن ان يكون الطبيب النفسي هو تدبير من الرب..؟؟​

عند هضرتك حق .. فعلا ممكن يبقا الدكتور ده تدبير من الرب..
فكرتنى بقصه الراجل الى فى عماره كانت بتغرق من فيضان و كل شويه المايه تعلى و هو يصلى و يقول انا يا رب عندى ايمان بيك فوق الوصف و متئكد انك هتنقظنى ---عدى عليه ناس بعوامه مرضيش قال ربنا هو الى هينقظ.
عدى بعد شويه مركب و هو رفض بردو مستنى وواثق ان الرب هينقظو فى الهزيع الاخير... المايا وصلت على الاخر و وقف على السطح عدت عليه طياره هليكبتر-- يا سيدى إطلع مافيش فايده انا عارف إن ربنا هو هينقظنى..
و فى الاخر للاسف مات!!
سئل ربنا كدا بردو يا رب متنقظنيش و انا الى كنت كلى إيمان إنك هتنقظنى--الرب قال له انا بعت لك تلاته ينقظوك و انت مقبلتش إنقاظى !!

 

[عبود عبده عبود]

مين اللى اخترع حكاية ان الدكتور النفسى = دكتور مجانين !

أسماعيل يس :smile01​

 

[white.angel]

انا جيييييييييييت :smile01

موضوع الطبيب النفسى حلو اوى بس احنا فاهمين فيه حاجات غلط
هو ايه الفرق بين المرض العضوى والمرض النفسى والمرض الروحى؟؟

ليه لما يجيلنا دور برد او اى مرض ... نروح للدكتور فوراً
ولكن لما نعانى من مشكله نفسيه منرحش ....!!
ونقول نروح لربنا ...

دة ربنا نفسه حاطط بينه وبينا اب كاهن او قسيس
عشان لو حسيتى بمشكلة روحيه ... تروحيله تاخدى منه ارشاد وعلاج ...

يبقى وقفت على المشاكل النفسيه اللى ربنا هيعالجها بنفسه ..؟؟؟

احنا بنخلط كتير بين علاقتنا بربنا ... ودور ربنا
دور ربنا انه يوفقك فى علاجك .... نفسى عضوى روحى
انما مش انه يعالج لو مرحناش للدكتور

يعنى ينفع يجيلى دور انفلونزا وسخونيه ومعرفش ايه
واقول مش هروح لدكاتره ربنا هيشفينى ...؟؟؟

اكيد لا طبعاً ...
طيب اشمعنى لو عاني من مرض نفسى اقعد واقول ربنا يشفينى

وبعدين مش اى حاجة بتستدعى طبيب نفسى ... يعنى مش واجهتنا مشكله فا متضايقين حبه ... نقول محتاجين طبيب نفسى
لا ... دى محتاجه شله مجنونه وحاجة ساقعه ومصاصات ... ومكان مفتوح ... هتلاقى نفسك بقيتى زى الفل

انما مريض الشك .. الوسواس .. البخل .. الانفصام .. مرض الاكتئاب ... على فكره فى فرق بين مرض الاكتئاب وحالة الاكتاب العامه اللى بتسود الشعب المصرى ...!!

دى كلها حاجات ماتنفعش تتعالج غير بدكتور وادويه ... لان الحاله النفسيه غالباً بتتأثر بهرمونات بيفرزها جسم الانسان ... ممكن يبقى عندك خلل فى احدى الهرمونات دى ... ولازم تتعالج ...

يعنى الدكتور النفسى لا بتاع المجانين .. ولا ربنا اللى بيعالج الامراض النفسيه ....

بس مش معنى كلامى ان ربنا مش بيدي سلام واشباع نقص .. بس دة ملوش علاقه بالامراض النفسيه اللى ذكرت امثله منها فوق .. عشان محدش يفهمنى غلط ويقولى معنى كدة ان ربنا ملوش دعوه
​

 

[حبو اعدائكم]

شايفين الموضوع عند المصطبه الرجالى--" البوشه الحنك" بين الخطاب--مش انا لما جيت اكلمكم عن السلام بالبوس بين الصديقات البنات و بوس الاطفال حسستونى انى اتكلمت فى حاجه مش كويسه و كل واحد قعد يقول الرقابه و هنطير و بتاع...

خلينا احنا فى الدكاترا النفسيه و هما فى البوش ههههههههههههههههههههههههههه

 

[عبود عبده عبود]

خلينا احنا فى الدكاترا النفسيه و هما فى البوش ههههههههههههههههههههههههههه

كل واحد وحسب " علامه " بقى ...
وهو أنتوا رحتوا للدكاترة النفساويين من شوية ؟:smile01

 

[حبو اعدائكم]

كل واحد وحسب " علامه " بقى ...
وهو أنتوا رحتوا للدكاترة النفساويين من شوية ؟:smile01

و إيه الى دخل العلام فى البوش؟
و مين انتو دول الى بتتكلم عنهم؟؟
من انت؟


مش قاصدى اقوم حد عليك طبعا يا عبود :smile01

 

[white.angel]

تعالى نتناقش فى موضوع مطروح عند مصطبه الشوباب اللى جنبنا :smile01
ان الخطيب والخطيبه او اتنين حبيبه
ممكن اعوذ بالله كدة ... يبوسوا بعض :bud:

احنا اتناقشنا قبل كدة فى الحدود بين المخطوبين
ولكن تخيلى معايا لو خطيبك كان بيتعدى حدوده معاكى
هى ايه اصلاً حدوده ...
يمسك ايدك عشان يعديكى :t23:

ولا يحط ايده على كتفك

طيب لو طلب منك ان يبوسك مثلاً :act23:..
رد فعلك هيكون شكله ايه
وايه انطباعك عنه ...
هل معنى كدة انه شخصيه مش كويسه لانه ميقبلش
ان اخته خطيبها يطلب منها كدة .. ولا دة عاتيييي :thnk0001:
​

 

[حبو اعدائكم]

معتقدش انه خطيب ممكن يسئل خطيبته ممكن بوسه هههههههههه
اعتقد الحجات دى تيجى خطف--- هههههههههههههههههههههههههههه
بس كلام جد اعتقد الموضوع ده هيختلف على حسب بيئه الشخص و ثقافته!!

 

[عبود عبده عبود]

معتقدش انه خطيب ممكن يسئل خطيبته ممكن بوسه هههههههههه

اعتقد الحجات دى تيجى خطف--- هههههههههههههههههههههههههههه

هههههههههههههههههههههههههههههههههههههه
كله سخن على البوس .........
يخرب بيتك ياعبود على بيت أفكارك

 

[white.angel]

معتقدش انه خطيب ممكن يسئل خطيبته ممكن بوسه هههههههههه
اعتقد الحجات دى تيجى خطف--- هههههههههههههههههههههههههههه

كماااااااااااان .. هار اسوح
المشكله انه لو خطفها انا كمان هخطفه قلم ...
ينام يحلم بيييييه :smile01

لا بجد .. لو طلبها لو خطفها ... المفروض رد فعل البنت يبقى ايه
​

 

[white.angel]

هههههههههههههههههههههههههههههههههههههه
كله سخن على البوس .........
يخرب بيتك ياعبود على بيت أفكارك

انت فتحت عنينا على حاجات لسه بدرى علييييييها :smile01
هنتفصل كلنا بجرة قلم واحده انشالله :act23:
​

 

[عبود عبده عبود]

لا بجد .. لو طلبها لو خطفها ... المفروض رد فعل البنت يبقى ايه ​

عيل غشيم مين دة اللى هيقولها هاتى بوسة ؟؟؟
والحاجات تيى لو خطف مالهاش طعم ...:smile01
تبقى شوربة نابت