انا اللى بجيب الوان استرى عليا بقا يا فضيحة :wub: 
ازاي ملكيش دعوه امال التقييم فيه ايه مش قولتي دول معجبين جوني ههه
ههههههههههههههههه انا غلبانة يا ستى
الحياة من غيرنا مالهاش معنى يا بنتى
ههههههههههه ماليش دعوة جونى يبقى يجرى وراهم :999:
تؤ تؤ يا قمر .. انتى برا الحسابات خالص .. انت فى القلب يا جميل :wub: بس برضه لسة فيه واحد فيهم :a63:
اقول وبﻻش تحرجيني؟
ان لو اكتر من 36 معجب يبقى بتوع جوني.....يعني معجبيني كتير اوي
هههههه طب ارد اقول ايه
خليك كده:a63:
ههههههههههههه قولي اللي كنتي قاصداه في التعليق الاول...
انا ما بازعلش عادي والدليل اني مستغرب وباقول لك هو انا فهمتها صح؟
لو هيعدو يعني هيزيدو صح؟
وحتى لو 36 حلوووو هو انا هازعل ان يبقى لي 36 معجب؟
الدلع ده لو الست استعملتو غلط وبتخطيط يبقى هنا يتقلب ل كيد النسا مش دلع بقى
واللي بيفهم من الرجاله هو اللي يدلعها من نفسو وبذكاء ..هنا بيبقى احلى دلعع...
بس نصيحه مش يعودها
ومش ماشين فى الحياة نتدلع على الناس علشان يمشولنا امورنا
لا الكلمة مزعلتنيش , متعملش الموضوع شخصى على اساس انها زعلتنى انا , لا , انا شايفة ان الكلمة نفسها غلط ومهينة , وكويس انك شلتها
طيب ما أنا برضة سألت نظرتكم آيه للراجل ؟؟
هل هو عبيط وتعبان موله ؟؟
أشمعنى الكلمة دي يعني ؟؟
وهل أفهم من كلامك كدة إن نظرتكم للراجل إن دي إستجابة طبيعية منه ؟؟؟
أصل المشاركات اللي أقتبستها فوق دي حتى لو كانت هزار فتوحي بأن في نوع من الهبل عند الراجل من وجهة نظركم
يعنى ايه حاجة مش صح ؟ احنا كنا بنتكلم على مواقف صغيرة بتحصل فى الحياة اليومية , مش اننا بنعمل جرايم كبيرة تستحق العقاب وبنفلت منها علشان احنا بنات وبنتدلع
وفى حياة كل شخص فينا ولد او بنت مواقف زى ديه بيكون فيها اخطاء غير مقصودة وبنطلب من المسئول التغاضى عن الخطأ ده المرة ديه لانه غير مقصود ومفيش منه اضرار
لو كل انسان هيتعاقب على كل خطأ بيعمله من غير قصد كان زمان البشرية كلها فى السجون , او مرفودين من مدارسهم او اشغالهم
قصدى بالاستجابة انك لو قلبت الوضع وكان ولد هو اللى بيطلب من بنت كنت هتلاقى البنت بتعديهاله ولكنها فى نفس الوقت ممكن تغلس على بنت زيها فى نفس الموقف
بيقال مثلا انك لو خليت راجل هو اللى يوقف يبيع فى محلات ملابس الستات بيكون نسبة البيع اعلى والعكس صحيح
لان كل نوع بيستجيب اكتر ويننجذب اكتر للنوع الاخر
فى النهاية احنا كل واحدة فينا بتتحمل المسئولية وفيه منا اللى بيشتغل او يدرس او يعمل الاتنين
ولا بندخل للدكاترة فى الامتحانات نضحكلهم علشان ينجحونا :t17: