المصطبه النسائيه

[+بنت الكنيسة+]

بصى عندنا فى المسيحيه .... مفيش حاجة اسمها اب كاهن يفتى ويقول كزا ...
هو بيعرض وجهة نظره
اللى ممكن تبقى صح وممكن تبقى غلط ....
لان ربنا ادانا الحريه الشخصيييييه ....
يعنى انت اللى من حقك تقررى ايه الصح وايه الغلط ...
بناءً على مفهومك انت ...

فى اباء كهنه بتقول ان الافراح غللللللللللط ...
المسيحين لازم يعملوا الاكليل ويروحوا خلاص ....
وفى اب كاهن حرم ان يتعمل افراح فى منطقته .... ودى قصه واقعيه .....

يعنى عايزه اوضحلك ان كلام ابونا مش انجيل ....
بيتطلب حكمه ووعى منك انت ... عشان تقولى اها او لا
​

اووووووووووك في دي معاكي
بس انا من وجهه نظري مع ابونا لان بعتبره هو ليه الكلمه الاوله والاخيره
بس الاباء الكهنه اللي عندنا بيروحوا الافراح عادي ويباركوا

بس هقولك حاجه
في اخوات طبعا محترمه كتيير
لكن في اخوات شباب غير كدا
فا لو البنت رقصت قدام اخوها في البيت
اكيد هتحرك مشاعره وهو غصب عنه مش هيفكر ان دي اخته
ودا بيحصل فعلا
فهماني...؟
​

 

[عبود عبده عبود]

يؤكل هاذا :a63:

ما انتى مذاكرة أهوه ....
أيوة ياستى فيه صينية ( كولدج ) باللحمة المفرومة
بيحبوها " المعيدين" قوى ..لما تطلعيها من الفرن تسيبها تبرد شوية ...وبعد كدة تمسكيها "بمادتين" ..وتقسميها "مدرجات"
وتغرفى للمعازيم كل واحد "سيكشن" قدام منه
"نتيجتها" هايلة ...
واللى يعوز من المعازيم " دور تانى " مش تبخلى عليه :smile01
أديله "الكورس" اللى هو عايزه
ولما تخلص الصينية " علقيها " على باب المطبخ عشان كله يعرف النتيجة " جيد" اً

 

[Critic]

معلش بقا دى قضية رأى عام ولازم اقول رأيى
انا فى صف انجيل
ده رأى ابونا الشخصى (ممكن يكون صح او غلط) , اما رأينا احنا الشخصى (وده اكيد صح الصح)
الرقص حلال ويجوز طبعا , بل واجره عند الله عظيم

 

[Critic]

فا لو البنت رقصت قدام اخوها في البيت
اكيد هتحرك مشاعره وهو غصب عنه مش هيفكر ان دي اخته

انتى بتتكلمى جد ؟!!!!!!!! لا استنى خدى دول كمان ( !!!!!!!!!!!) ؟؟؟؟

 

[عبود عبده عبود]

الرقص حلال ويجوز طبعا , بل واجره عند الله عظيم

ههههههههههههه
بارك الله فيك يارجل
بارك الله فيك ....حصلنى ع التراويح بقى :smile01

 

[sha2awet 2alam]

أحنا سألنا ابونا
قال مش ترقصي حتي لو قدام اخواتك في البيت لانه غلط قدسه قال كدا

امال الرقص قدام الناس في الافراح
بيكون ايه دا يعتبر مصيبه علي كدا:thnk0001:

ومن يوم ماسمعت الكلام دا نفسي اتسدت عن الرقص هههه:giveup:
اصل بيني وبينكوا بموت في الرقص هههه

بس بجد ابونا قال غلط حتي لو قدام الاخوات في البيت
وعلي مااظن
ومفيش عندنا في المسيحيه حاجه اسمها حرام وحلال

​

هههههههههههههههه انا ابونا بيقولى الموسيقى حرام .. بقوله ياه بجد طيب .. و كان محفظنى وعظة كدة اى بنت بتقول الاغانى و بتاع اقوم نازلة بيها يفرح بيا اوى ... اول ما يمشى يقولولى و انتى يا شقاوة بتعملى ايه اقولهم بنزل البوم اليسا الجديد اما الراجل هيموت منى قريب و هو عارف كويس انى بسمع اغانى و بحفظها و فقد فيا الامل :ura1:
و مرة موبايلى رن فى خلوة فى نص الوعظة بأغنية أطفال و عاملة اعلى دوشة :smile01

بصى احنا مش عندنا فتاوى ... انتى شايفة دى حاجة تليق بيكى اعمليها شايفة انها متليقش متعمليهاش .. لاحظى ان مش الكاهن اللى هيحاسبك و انتى ادرى باللى حواليكى و الموقف اللى هترقصى فيه .. انتى حكيمة نفسك محدش بيحكمك ..

لو بتحبى الرقص ارقصى .. لو حاسة انه بيفرحك ارقصى .. لو بيشيل همومك ارقصى .. لو فى مناسبة حلوة و اللى حواليكى شيفاهم محترمين و محدش هيتطاول و عايزة تجاملى صاحبة المناسبة و تفرحى معاها برقصة ارقصى ..

محدش فى الدنيا دى هيفرحك .. الكاهن اللى قالك الرقص حرام يمكن هو ااما بيتضايق بيفرح نفسه بكوباية شاى لو روحتى قولتيله الشاى حرام تفتكرى هيبطله ولا هيفكر و يقولك ايه الحرام فيه ؟؟ فرحتك و راحتك بايدك لوحدك .. اما تتخنقى و واحد محرم عليكى حاجة مهياش حرام مش هتفرق معاه هتفرق معاكى انتى

افرحى باى طريقة مادام مفيش نص صريح يحرمها

 

[حبو اعدائكم]

​

بس هقولك حاجه
في اخوات طبعا محترمه كتيير
لكن في اخوات شباب غير كدا
فا لو البنت رقصت قدام اخوها في البيت
اكيد هتحرك مشاعره وهو غصب عنه مش هيفكر ان دي اخته
ودا بيحصل فعلا
فهماني...؟​

!!!!!!!!!!!!!!!!!!!!!!!!!!!!!!!!! لا مش فاهما الحقيقه!!
حبيبى دول حالات شازه الى بتقولى عليها دى-- و هى مش هترقص فضا كدا اكيد فى مناسبه وسط البنات!!
و حتى لو-- !!!!!!!!!!!!!!!!!!!!!
لا هيفكر ان دى اخته و اصلا الفتاه بتبقا خجوله ترقص قدام اى شخص----
الا لو كانت رقاااصه بئا و بترقص الرقص التانى مش العادى

 

[Critic]

لو بتحبى الرقص ارقصى .. لو حاسة انه بيفرحك ارقصى .. لو بيشيل همومك ارقصى .. لو فى مناسبة حلوة و اللى حواليكى شيفاهم محترمين و محدش هيتطاول و عايزة تجاملى صاحبة المناسبة و تفرحى معاها برقصة ارقصى ..

someone give sha2awa a golden medal please

 

[+بنت الكنيسة+]

معلش بقا دى قضية رأى عام ولازم اقول رأيى
انا فى صف انجيل
ده رأى ابونا الشخصى (ممكن يكون صح او غلط) , اما رأينا احنا الشخصى (وده اكيد صح الصح)
الرقص حلال ويجوز طبعا , بل واجره عند الله عظيم

الاول مفيش حاجه عندنا اسمها حلال ولاحرام
في يليق ولايليق
الرقص انا مش ضدده خالص
لان جميل جدا للنفس وبيعالج مشاكل كتير سواء نفسيه او جسديه

​

انتى بتتكلمى جد ؟!!!!!!!! لا استنى خدى دول كمان ( !!!!!!!!!!!) ؟؟؟؟

انا مش برفض ان الواحده ترقص قدام جوزها لكن بعترض علي اي بنت تيجي وسط فرح مليان وترقص قدام الشباب
لكن هقولك حاجه
هو الرقص دا مش يعتبر أغراء ؟
علشان كدا بقول ابونا عنده حق
​

 

[sha2awet 2alam]

معلش بقا دى قضية رأى عام ولازم اقول رأيى
انا فى صف انجيل
ده رأى ابونا الشخصى (ممكن يكون صح او غلط) , اما رأينا احنا الشخصى (وده اكيد صح الصح)
الرقص حلال ويجوز طبعا , بل واجره عند الله عظيم

هههههههههههههههههههههههههه بقا حلال و قضية رأى عام ها هقول لامين اسرتك فى الخدمة انك بتقول كدة .. حسابك معايا بعدين :act23:

ههههههههههههه
بارك الله فيك يارجل
بارك الله فيك ....حصلنى ع التراويح بقى :smile01

اهلا .. بقلق اما بلاقيكو متفقين كدة بعرف ان فيه مصيبة جاية :smile01

 

[Critic]

انا مش برفض ان الواحده ترقص قدام جوزها لكن بعترض علي اي بنت تيجي وسط فرح مليان وترقص قدام الشباب
لكن هقولك حاجه
هو الرقص دا مش يعتبر أغراء ؟
علشان كدا بقول ابونا عنده حق

لا انا اتعجبت على نقطة "اخوها" !
هو فيه واحد طبيعى هيثار من اخته ؟!!
لا احنا نروح القسم بقا وكل واحد ياخد حقه
افتحولنا موضوع يا جدعان دى قضية رأى عام وانا مش هقدر اطول فى مداخلاتى هنا
دى اخر مداخلة ليا للأسف علشان مبقاش سخيف المكان ليه حرمته برضو

 

[dawquinas]

لكن في اخوات شباب غير كدا
فا لو البنت رقصت قدام اخوها في البيت
اكيد هتحرك مشاعره وهو غصب عنه مش هيفكر ان دي اخته
ودا بيحصل فعلا
فهماني...؟
​

يا نهار اسود....دي ناس مريضة اللي تتحرك مشاعره ناحية اخته!!!!

انت بتتكلمي جد؟


طبعاً تحريم الرقص والغنا ده بسبب الثقافة الهباب اللي عايشين وسطها....

والكاهن مش هيبقى استثناء عن مجتمعه برضو للاسف لكن طبعاً التحريم ده تهريج!!

معلش اصلي ماقدرتش اسكت لما شفت الاخوات اللي تتحرك مشاعرهم....
ده الملحدين اللي في الغرب يقرفوا من مجرد التفكير ده (ان اخ يفكر في شيء ناحية اخته) فكيف بالمسيحيين اصلاً؟

كمان الكهنة بتوعكم دول فكروني بالشحات:

الرقص والغنا اصلاً حرام

 

[sha2awet 2alam]

!

الا لو كانت رقاااصه بئا و بترقص الرقص التانى مش العادى

حبو هو فيه رقص عادى و رقص تانى ؟؟:bud:

someone give sha2awa a golden medal please

هههههههههه طب و تطلب من الغريب و انت موجود يا راجل .. هو فيه عداوة بينك و بين التقييمات ولا ايه ؟؟ :act23:

 

[+بنت الكنيسة+]

هههههههههههههههه انا ابونا بيقولى الموسيقى حرام .. بقوله ياه بجد طيب .. و كان محفظنى وعظة كدة اى بنت بتقول الاغانى و بتاع اقوم نازلة بيها يفرح بيا اوى ... اول ما يمشى يقولولى و انتى يا شقاوة بتعملى ايه اقولهم بنزل البوم اليسا الجديد اما الراجل هيموت منى قريب و هو عارف كويس انى بسمع اغانى و بحفظها و فقد فيا الامل :ura1:
و مرة موبايلى رن فى خلوة فى نص الوعظة بأغنية أطفال و عاملة اعلى دوشة :smile01

بصى احنا مش عندنا فتاوى ... انتى شايفة دى حاجة تليق بيكى اعمليها شايفة انها متليقش متعمليهاش .. لاحظى ان مش الكاهن اللى هيحاسبك و انتى ادرى باللى حواليكى و الموقف اللى هترقصى فيه .. انتى حكيمة نفسك محدش بيحكمك ..

لو بتحبى الرقص ارقصى .. لو حاسة انه بيفرحك ارقصى .. لو بيشيل همومك ارقصى .. لو فى مناسبة حلوة و اللى حواليكى شيفاهم محترمين و محدش هيتطاول و عايزة تجاملى صاحبة المناسبة و تفرحى معاها برقصة ارقصى ..

محدش فى الدنيا دى هيفرحك .. الكاهن اللى قالك الرقص حرام يمكن هو ااما بيتضايق بيفرح نفسه بكوباية شاى لو روحتى قولتيله الشاى حرام تفتكرى هيبطله ولا هيفكر و يقولك ايه الحرام فيه ؟؟ فرحتك و راحتك بايدك لوحدك .. اما تتخنقى و واحد محرم عليكى حاجة مهياش حرام مش هتفرق معاه هتفرق معاكى انتى

افرحى باى طريقة مادام مفيش نص صريح يحرمها

ابونا بيقول الاغاني غلط يقصد الاغاني اللي بتحرك المشاعر
وبنفكر في الكلمات وكدا

فهماكي بس فكري بالمنطق يعني ممكن تيجي وسط قاعه مليانه شباب وترقصي دا اللي بقصده فهماني طبعا

اما حكايه الرقص خلاص ممكن ارقص لوحدي في الاوضه هههههه
لان مش برتاح نفسيا غير لما ارقص

وبرضو انا ابونا عندي ذي ربنا علي الارض وكل كلامه صح
بس في اباهات بتزودها حبتين بس بيكونوا روحيين اووي


​

 

[white.angel]

وبرضو انا ابونا عندي ذي ربنا علي الارض وكل كلامه صح
بس في اباهات بتزودها حبتين بس بيكونوا روحيين اووي

​

لحد كل كلامه دى .... واقولك ربنا معاك
التآليه دة مودينا فى داهيه :act23:
​

 

[حبو اعدائكم]

انا مش برفض ان الواحده ترقص قدام جوزها لكن بعترض علي اي بنت تيجي وسط فرح مليان وترقص قدام الشباب
لكن هقولك حاجه
هو الرقص دا مش يعتبر أغراء ؟
علشان كدا بقول ابونا عنده حق ​

لا يا توتا مش إغراء
انت لو عايزا إغراء ده كلام تانى-- تقدرى تجاملى و ترقصى بطريقه كويسه و محطرمه--- منغير زيادات--
على حسب المكان و الموقف و البئه و الناس و انت تحددى المكان ده ينفع ارقص فيه و لا نو--؟
المكان ده ينفع ارقص فيه إذاى-؟-
يعنى فى افراح مزودش عن التصقيف و لو بدماغى ميلت يمين و شمال-- و فى افراح إحم إحم برقص-- بس بردو لى حدودى و رقص بئدب مش زياده--
مش كل رقص إغراء

الاغراء ممكن بنظره عين او نبره صوت-- مش لاذم رقص!!

 

[+بنت الكنيسة+]

!!!!!!!!!!!!!!!!!!!!!!!!!!!!!!!!! لا مش فاهما الحقيقه!!
حبيبى دول حالات شازه الى بتقولى عليها دى-- و هى مش هترقص فضا كدا اكيد فى مناسبه وسط البنات!!
و حتى لو-- !!!!!!!!!!!!!!!!!!!!!
لا هيفكر ان دى اخته و اصلا الفتاه بتبقا خجوله ترقص قدام اى شخص----
الا لو كانت رقاااصه بئا و بترقص الرقص التانى مش العادى

اه ماانا بقول كدا ان الولد اللي يفكر في اخته
نادرا تلاقي كدا


اما حكايه الرقص الرقص كله واحد
بس في بيكون اوي ومش أوي فاهماني طبعا
​

 

[white.angel]

الاغراء ممكن بنظره عين او نبره صوت-- مش لاذم رقص!!

شابـــوه
وعارفه بقى ... فى شوباب بتتغرى من اول ما تشوفك
من غير ما تعملى اى حاجة ... بتتغرى على روحها علطول
هههههههههههههههه

يعنى الاغراء مش واقف على الرقص هما مغريين لله فى لله
​

 

[sha2awet 2alam]

ابونا بيقول الاغاني غلط يقصد الاغاني اللي بتحرك المشاعر
وبنفكر في الكلمات وكدا

فهماكي بس فكري بالمنطق يعني ممكن تيجي وسط قاعه مليانه شباب وترقصي دا اللي بقصده فهماني طبعا

اما حكايه الرقص خلاص ممكن ارقص لوحدي في الاوضه هههههه
لان مش برتاح نفسيا غير لما ارقص

وبرضو انا ابونا عندي ذي ربنا علي الارض وكل كلامه صح
بس في اباهات بتزودها حبتين بس بيكونوا روحيين اووي


​

هو فيه اغانى بتحرك المشاعر و اغانى مبتحركش ؟؟ على كدة نسمع الاغانى الهابطة اللى الواحد مبيفهمش منها حاجة و صويت و السلام و مفيهاش كلام !! عشان مشاعرنا متتحركش
بدأت اشك انك من كنيستنا على فكرة :smile01

سبق و قولتلك الموضوع يليق ولا يليق و انتى و حكمك على الموقف .. قاعة فيها ناس غرب و شباب متعرفيهاش هتتكسفى ترقصى او تحسى انه اغراء ( مع انه بلا خيبة نادرا ما بشوف بنت بترقص الرقص اللى فيه اغراء يعنى .. اغلبهم بيستهبل و فاكر انه بيعمل معجزة :smile01 ) بلاش ترقصى ساعتها
قاعة مفيهاش غير اهلك و الناس اللى متربيين معاكى و متعودة عليهم ارقصى .. حسب حكمك الشخصى و شخصيتك بس كدة


و مش معاكى ان ابونا ربنا على الارض .. كم من الكهنة غلطو !! لازالو بشر و تحت الضعف زينا و محدش بيتحاسب على حد فعلى الاقل اعمل الغلط و اتحاسب انا عليه بدل ما اتحاسب على غلط غيرى مشيت عليه

 

[+بنت الكنيسة+]

لا انا اتعجبت على نقطة "اخوها" !
هو فيه واحد طبيعى هيثار من اخته ؟!!
لا احنا نروح القسم بقا وكل واحد ياخد حقه
افتحولنا موضوع يا جدعان دى قضية رأى عام وانا مش هقدر اطول فى مداخلاتى هنا
دى اخر مداخلة ليا للأسف علشان مبقاش سخيف المكان ليه حرمته برضو

هههههههههه

تصدق باايه ان في اخواتك ممكن تتأثر
ودا قليل

​