المصطبه النسائيه

[white.angel]

وايت التخسيس والتجميل حبيبتى عايز مصاريف اذا هو مش معاه يصرف على المناكير والباديكير والكوافير وكريمات الشعر والوش ومش اى كريمات بالنسبالى انا مثلا لازم تكون حاجات organic مش فيها كيماويات لان بشرتى حساسة وديه بتكون اغلى من العادية
لو مش عارف يصرف يبقا يسكت احسن ويسمعنا صمته :smile01:smile01 ويشوف هو كرشه الاول :smile01:smile01

شئ طبيعى ... المصاريف هتبقى متوفره
امال اللى بتتجوز تيي .. بتقول وداعاً لايام الجمال ولا ايه

لازم تخصص مبلغ ولو شهرى ... ليها هى ... الكوافير بتاعها ... واكلها وصالة الايروبكس ... والميك اب ... والكريمات والمرطبات .... والحاجات دى .... دة امر مفروغ منه ... ولا انا فاهمه الجواز غللللط
​

وبعدين لو فى اهتمام من البدايه ... الدنيا مش هتبوظ ... والمصاريف هتتوفر هتتوفر

 

[Desert Rose]

شئ طبيعى ... المصاريف هتبقى متوفره
امال اللى بتتجوز تيي .. بتقول وداعاً لايام الجمال ولا ايه ​

لازم تخصص مبلغ ولو شهرى ... ليها هى ... الكوافير بتاعها ... واكلها وصالة الايروبكس ... والميك اب ... والكريمات والمرطبات .... والحاجات دى .... دة امر مفروغ منه ... ولا انا فاهمه الجواز غللللط ​

وبعدين لو فى اهتمام من البدايه ... الدنيا مش هتبوظ ... والمصاريف هتتوفر هتتوفر

هههههههه فاهمه غلط طبعا
وايت حبيبتى مين فهمك الجواز كده ؟ عيب عليه
لما يكون فيه بيت ومسئولية واطفال وازمة اقتصادية ياعمرى ممكن ميبقاش فيه اى مساحة لاى حاجة شخصية ليها لان احتياجات البيت والاطفال بالنسبالها هتكون اهم وده شعور طبيعى لاى ام انها ممكن توفر من حاجتها الشخصية علشان متحرمش اطفالها
وبعدين ياوايت حاجات التجميل ديه غاليه مفيش كلام
ثانيا اذا كان هو بكرش ومبهدل فى لبسه يبقا يطالبها هى ليه تكون ملكة جمال ؟ يعنى بس هو اللى عايز يشوف منظر جميل ؟ وهى مش حرام تشوف شكله كده كل يوم ؟يعنى هو براد بيت مثلا ؟ خلينا ساكتين احسن :smile01:smile01

 

[sha2awet 2alam]

ياااااااااااة

اخيرا المصطبة رجعت لنشاطها و بقوة:ura1:


هيوف عايزانى اهزئهم هههههههه عنيا حاضر ... بس بعدين بقا احتياطى حد يبصبص عليا و يجى يضرب جبانة انا


ياست وايت .. فيه بنات بتعمل العجب و بيفضلو عنيهم زايغة على رأى المثل .. ديل ال .. عمره ما يتعدل ... البدائيات انها تبقى نظيفة و محافظة على وزنها دة شئ مفروغ منه اصلا .. انا بتكلم عن المقارنة بواحدة ملامحها كدة او وزنها كدة او جسمها له شكل معين .. هتعمله ايه بقا ؟؟ اصرف يا اخويا


انجيل ... مالهمش علاقة باى حاجة كرش بقا قرعة اى حاجة فى الدنيا هو الراجل ميعيبهوش غير جيبه ( مثل عايز الحرق ) فهو يبقى اى حاجة بس هيصرف على الموزة و خلاص خلصنا .. و يعنى ايه تطلبى من راجل انه يخس مثلا ؟ دول همهم على بطنهم يا ماما :smile01 ( الا من رحم ربى ) و بعدين القرعة بتليق على ناس زى Jason Statham يالهوووووووووى عليه :new8:

 

[white.angel]

هههههههه فاهمه غلط طبعا
وايت حبيبتى مين فهمك الجواز كده ؟ عيب عليه
لما يكون فيه بيت ومسئولية واطفال وازمة اقتصادية ياعمرى ممكن ميبقاش فيه اى مساحة لاى حاجة شخصية ليها لان احتياجات البيت والاطفال بالنسبالها هتكون اهم وده شعور طبيعى لاى ام انها ممكن توفر من حاجتها الشخصية علشان متحرمش اطفالها
وبعدين ياوايت حاجات التجميل ديه غاليه مفيش كلام
ثانيا اذا كان هو بكرش ومبهدل فى لبسه يبقا يطالبها هى ليه تكون ملكة جمال ؟ يعنى بس هو اللى عايز يشوف منظر جميل ؟ وى مش حرام تشوف شكله كده كل يوم ؟يعنى هو براد بيت مثلا ؟ خلينا ساكتين احسن

اولاً انت مش ناويه ترتبطِ بشحات ... او تاخديه تصرفى عليه ... متفقين على كدة ...

ثانياً احنا مش هنقعد فى البيت نقضيها اكل ورحرحه ... اكيد هتشتغلى ومرتبك مش صغير ايه المانع لما توفرى الف ولا الفين جنيه لنفسك وباقى المرتب تديه لجوزك ....؟؟؟

ثالثاً انا مثلاً ... جوزى لو طلعله كرش صغنن ... هقلبه فى جيم واعمله دايت ... من حقى انى اطالب بمنظر سوى اعيش معاه .... انما الزوجه تطنش نفسها وهو يطنش فى نفسه ... ويبقوا كنبتين قاعدين جنب بعض ... يع :giveup: !!!
​

 

[Desert Rose]

لا معلش ياشقاوة راجل ايه اللى مش يعيبه غير جيبه ؟
يعنى الواحد يشوف منظر وحش كل يوم ؟ هعمل ايه بالجيب انشاء الله ؟ :smile01:smile01
وبعدين متجبيش سيرة الناس ديه لان اعصابنا بتبوظ يابنتى :giveup::giveup:
شوفتى chris pine والعياذ بالله :smile01:smile01

 

[هيفاء الهاشمي]

اي انجل ومنهم الكرش بيكون مقسوم نصين نص فوق ونص تحت ولما يضحك يصطدمون ببعض وكمان حته اللي تحت ذقن مدلدله ورقبه مظغوط جوه تقولي شبه كيس شوال ههههههه ويجي يحلم بفنانه ويمكن زوجته احلى بس عيونو فارغه معاج حق المكياج ماركات عايزه فلوس عشان تتجاب مش حتط حاجه رخيصه وتعدم بشرتها.. وكمان البنات مهتمات بانفسهن ادخلي اي موقع نسائي عربي تلاقي تبادل وتنافس في الجمال مو زيهم كويس لو يغسلو وشهم

 

[sha2awet 2alam]

بقولك اقرع تقوليلى chris pine ازاى يعنى ؟؟ دة شعره اطول من بعض البنات يا ظالمة

و بعدين انا بقولك الرجالة بتفكر ازاى مش بقولك رايى الشخصى انا فى موضوع الجيب و الكرش

 

[white.angel]

ياست وايت .. فيه بنات بتعمل العجب و بيفضلو عنيهم زايغة على رأى المثل .. ديل ال .. عمره ما يتعدل ... البدائيات انها تبقى نظيفة و محافظة على وزنها دة شئ مفروغ منه اصلا .. انا بتكلم عن المقارنة بواحدة ملامحها كدة او وزنها كدة او جسمها له شكل معين .. هتعمله ايه بقا ؟؟ اصرف يا اخويا

وانت ترتبطى بواحد عينه زايغه لييييييييييه .. ماهو لو عينه زايغه الموضوع هيبقى اكبر من انه يقارنك بالممثلات ... :act23:

وبعدين هى الممثله ايه فيها مميز عننا اصلا ... الا عمليات التجميل وانها ....... شويه .... الاولى محتاجه مبالغ طائله هو يوفر واحنا نعمل ... والتانيه مش صعبه :smile01
​

 

[هيفاء الهاشمي]

يالهوي بهزا وعبود هنا ههههه انا اسفه ماكنتش اقصد هي الشقاوه اللي حرضتني يابيه شوف شغلك معاها

 

[sha2awet 2alam]

يالهوي بهزا وعبود هنا ههههه انا اسفه ماكنتش اقصد هي الشقاوه اللي حرضتني يابيه شوف شغلك معاها

شقاوة ؟؟؟؟؟؟؟؟؟؟؟؟ هو انا شماعة المنتدى دة ؟ كل واحدة تعمل مصيبة و تعلقها فى شقاوة

ياعم شوف بنفسك لا هزأت ولا كلمتكم ولا جيت جنبكم ربنا يكفينا شركم مش فيا حتة سليمة تتضرب

 

[عبود عبده عبود]

يالهوي بهزا وعبود هنا ههههه انا اسفه ماكنتش اقصد هي الشقاوه اللي حرضتني يابيه شوف شغلك معاها

لأ أنا كنت هشوف شغلى معاكى انتى
بس خلاص أنا باقرأ الدرر اللى بتكتبوها
لأنى لو شاركت وحطيت ردى عليكى
كبيرك مشاركة واحدة :smile01

 

[Desert Rose]

اولاً انت مش ناويه ترتبطِ بشحات ... او تاخديه تصرفى عليه ... متفقين على كدة ... ​

ثانياً احنا مش هنقعد فى البيت نقضيها اكل ورحرحه ... اكيد هتشتغلى ومرتبك مش صغير ايه المانع لما توفرى الف ولا الفين جنيه لنفسك وباقى المرتب تديه لجوزك ....؟؟؟ ​

ثالثاً انا مثلاً ... جوزى لو طلعله كرش صغنن ... هقلبه فى جيم واعمله دايت ... من حقى انى اطالب بمنظر سوى اعيش معاه .... انما الزوجه تطنش نفسها وهو يطنش فى نفسه ... ويبقوا كنبتين قاعدين جنب بعض ... يع :giveup: !!!​

يابنتى انتى تتكلمى على ايه ؟ ديه المدينة الفاضلة اللى انتى عايشة فيها ديه ولا فين ؟
وانتى مش هتتجوزى واحد شحات اكيد , بس بردو حتى لو مرتبه الى حد ما كويس يعنى متوسط من الطبقة المتوسطة العادية ( مع اختلاف تعريف الكويس من شخص للتانى ) وجود البيت والمسئوليات والاطفال ومدارسهم ممكن ميسمحش باللى انتى بتقولى عليه ده
روحى ياوايت شوفى امثلة واقعية على ارض الواقع مش فى ديزنى لاند :smile01 ده كل العالم بيعانى يابنتى من الازمة الاقتصادية اللى من سئ لاسوأ مابالك مصر ؟وحاجات التجميل مهما كان غالية جدا واللى هتقدرى تجبيه انهارده مش هتقدرى بكرة لما الاولاد يكبروا ومصاريفهم تزيد يعنى حتى لو قدرتى تعملى كده فى الاول ممكن متقدريش تكملى بسبب زيادة المسئوليات الا لو هو مرتبه زاد بزيادة اوى


بالنسبة لزيادة الوزن , حبيبتى ياوايت الستات المصريات بالذات عندهم مشكلة وراثية فى موضوع الوزن خاصة بعد الولادة حقيقى بتكون خارجة عن ارادتها ومش بينفع معاها دايت ولا جيم وروحى بردو شوفى الواقع , ده غير ان مشكلتهم مش زيادة بس فى الوزن انما تقسيمة جسم المصريات للاسف مش كويسة الى حد كبير ده غير ان طولهم عادة قصير بالنسبة للغربيات فتقسيمة الجسم بتزداد سوء بعد الحمل والرضاعة ومش بيبقا ليها اى علاقة بالاكل ولا كميته فى اوقات كتير


جوزك مين اللى هتقلبيه على الجيم ؟ ههههههه مش بقولك عايشة فى المدينة الفاضلة ؟ :smile01
بس يمكن يابنتى توقعى فى واحد يكون عقليته غير المعتادة ويرضى يروح الجيم علشان كرش صغير

 

[white.angel]

شقاوة ؟؟؟؟؟؟؟؟؟؟؟؟ هو انا شماعة المنتدى دة ؟ كل واحدة تعمل مصيبة و تعلقها فى شقاوة

انت كل مره اللى بتاكلى الجبنه ... نعمل ايييييييييه :smile01
​

 

[هيفاء الهاشمي]

جوزها ماحيلتوش حاجه يا انجل ده على قده.. هي اللي بتصرف على شراء الجوايز .. بس في نهايه مايصح الا الصحيح امبسي طردتها بعدما شتمت متصلين في الكواليس وكمان سربو لها المقاطع وهي تشتم .. ودي الوقت قاعده تقشر بصل في بيتها دي نهاية كل وحده تتصنع دلع مقرف المحطات تعمل منهن شوية فلوس وبعد كده تترمى

 

[Desert Rose]

ههههههههههههه هيفاء حقيقى وقعت على روحى من الضحك من وصفك للكرش النصين ده

وصراحة مش متابعة اخبار حليمة من فترة كبيرة انا اصلا مكنتش اتابعها
بس فعلا هى لا تطاق

 

[Desert Rose]

بقولك اقرع تقوليلى chris pine ازاى يعنى ؟؟ دة شعره اطول من بعض البنات يا ظالمة

و بعدين انا بقولك الرجالة بتفكر ازاى مش بقولك رايى الشخصى انا فى موضوع الجيب و الكرش

اصلك فكرتينى بيه واحنا بنتكلم عن الناس اللى بتبوظ الاعصاب ديه :smile01

 

[white.angel]

يابنتى انتى تتكلمى على ايه ؟ ديه المدينة الفاضلة اللى انتى عايشة فيها ديه ولا فين ؟
وانتى مش هتتجوزى واحد شحات اكيد , بس بردو حتى لو مرتبه الى حد ما كويس يعنى متوسط من الطبقة المتوسطة العادية ( مع اختلاف تعريف الكويس من شخص للتانى ) وجود البيت والمسئوليات والاطفال ومدارسهم ممكن ميسمحش باللى انتى بتقولى عليه ده
روحى ياوايت شوفى امثلة واقعية على ارض الواقع مش فى ديزنى لاند :smile01 ده كل العالم بيعانى يابنتى من الازمة الاقتصادية اللى من سئ لاسوأ مابالك مصر ؟وحاجات التجميل مهما كان غالية جدا واللى هتقدرى تجبيه انهارده مش هتقدرى بكرة لما الاولاد يكبروا ومصاريفهم تزيد يعنى حتى لو قدرتى تعملى كده فى الاول ممكن متقدريش تكملى بسبب زيادة المسئوليات الا لو هو مرتبه زاد بزيادة اوى

حبيبتى انا فى الشهر بصرف على نفسي مبلغ وقدره ... عايزه تقنعينى انى بعد الجواز مش هلاقى المبلغ دة على الاقل ... يبقى بلاها اصلا :giveup:
​

بالنسبة لزيادة الوزن , حبيبتى ياوايت الستات المصريات بالذات عندهم مشكلة وراثية فى موضوع الوزن خاصة بعد الولادة حقيقى بتكون خارجة عن ارادتها ومش بينفع معاها دايت ولا جيم وروحى بردو شوفى الواقع , ده غير ان مشكلتهم مش زيادة بس فى الوزن انما تقسيمة جسم المصريات للاسف مش كويسة الى حد كبير ده غير ان طولهم عادة قصير بالنسبة للغربيات فتقسيمة الجسم بتزداد سوء بعد الحمل والرضاعة ومش بيبقا ليها اى علاقة بالاكل ولا كميته فى اوقات كتير

يا نانسى اللى عايزه تهتم بنفسها ورشاقتها على الاقل عشان صحتها ... مش هتفرق معاها طويله ولا قصيره وخريطه جسمها مقلوبه ... انا مقدره اللى انت بتقوليه بس دة كان زمان .. ناو اعتقد الناس بقت فاهمه كويس والحاجات دى بقت اساسيات مش ثانويات زى زمان ​

جوزك مين اللى هتقلبيه على الجيم ؟ ههههههه مش بقولك عايشة فى المدينة الفاضلة ؟ :smile01
بس يمكن يابنتى توقعى فى واحد يكون عقليته غير المعتادة ويرضى يروح الجيم علشان كرش صغير

شئ طبيعى ... امال ياكل ويتخن وابقى قاعده مع ديناصور ... انا شخصيه رياضيه ... ماينفعش واحد مأنتخ

كل يوم همرمطه على المشايه يجرى مش اقل من عشره كيلو :smile01
ههههههههههههههههههه
​

 

[هيفاء الهاشمي]

لأنى لو شاركت وحطيت ردى عليكى
كبيرك مشاركة واحدة

ما انا عارفه عشان كذا بضحي بصديقتي شقاوه هي الرمز التضحيه
وانت على فكره واحشنا مش بتجي تسولف معنا تكبرت علينا

 

[إيمليــآ]

,.

أتوهـ عشر دقآيق أرجع ألآقى كل دهـ :smile01


أنآ لفت نظرى جملة بريئة من فيلسوفتنآ وآيت
ألف ولآ ألفين توفير علشآن آلدلع وآلميكب وآلجيم

أدعى عليكـ بأنهى لغة يآ بنت أنتِ
آهـ يآ نى يآ ضغطى إللى على


.،​

 

[white.angel]

أنآ لفت نظرى جملة بريئة من فيلسوفتنآ وآيت
ألف ولآ ألفين توفير علشآن آلدلع وآلميكب وآلجيم
​

طيب انا هزممك يا شيخه لما يبقى مرتبى لا يقل عن 3000 جنيه الكلام دة اقصد بيه اللونج رن ... بعد 4 سنين مثلاً...
مش هدكن لنفسى الفين واديله الف ...:smile01
​