المصطبه النسائيه

[Strident]

طب سؤال بجد بقى لاني مش لاقي له اجابة...

هل هييجي واحد(ة) تحس انه ده\دي غير اي حد تاني في العالم؟ ولا ده شغل افلام، والموضوع هيبقى موازنة ومواءمة...وصفقة بها عيوب ومزايا...تقبلها باقتناع اقل من 100%...لانك مش هتستنى لنهاية حياتك عشان تتأكد اذا كنت هتلاقي حد تحبه اكتر ام لا

 

[Desert Rose]

جونى ممكن فعلا يبتدو تعارف وبعدين لازم يكملو ويتقابلو كذا مرة علشان يعرفو بعض
لكن انه يروح البيت يتفرج وتعجبه وهو يعجبها علشان ظروفه كويسة ومناسب اسفة ده بيع وشرا

جرجس طموحى المهنى لنفسى انا مش للاخرين ليه اعمله للاخرين ؟ هيستفيدو ايه
اذا انا عايزة اشتغل هشتغل لنفسى ولو مش عايزة لنفسى بردو

 

[Desert Rose]

سمير زواج الاقارب مخاطرة ويجيب امراض وراثية وانا شخصيا لا احبه لانى احس ان ابن عمى وابن خالى دول اخواتى ليس اكثر
شئ مش طبيعى اتجوز اخويا

 

[Samir poet]

سمير زواج الاقارب مخاطرة ويجيب امراض وراثية وانا شخصيا لا احبه لانى احس ان ابن عمى وابن خالى دول اخواتى ليس اكثر
شئ مش طبيعى اتجوز اخويا

اعلم ذلك
وهى بمثابة كارثةمجتمعنا
الومين دول يجوزن الاقارب

 

[girgis2]

جونى ممكن فعلا يبتدو تعارف وبعدين لازم يكملو ويتقابلو كذا مرة علشان يعرفو بعض
لكن انه يروح البيت يتفرج وتعجبه وهو يعجبها علشان ظروفه كويسة ومناسب اسفة ده بيع وشرا

صحيح لكن هو بيع وشراء للطرفين مش للبنت بس
​

جرجس طموحى المهنى لنفسى انا مش للاخرين ليه اعمله للاخرين ؟ هيستفيدو ايه
اذا انا عايزة اشتغل هشتغل لنفسى ولو مش عايزة لنفسى بردو

أشكرك على صراحتك

ها يا بنات عايزين اجابات ؟؟؟


​

 

[Strident]

تصبحوا على خير بقى انا هاروح انام

فيه واحد انتحر بسببك يا انجل كده...قتلتي كام واحد قبله؟

 

[girgis2]

طب سؤال بجد بقى لاني مش لاقي له اجابة...

هل هييجي واحد(ة) تحس انه ده\دي غير اي حد تاني في العالم؟ ولا ده شغل افلام، والموضوع هيبقى موازنة ومواءمة...وصفقة بها عيوب ومزايا...تقبلها باقتناع اقل من 100%...لانك مش هتستنى لنهاية حياتك عشان تتأكد اذا كنت هتلاقي حد تحبه اكتر ام لا

هو السؤال ده أهملتوه كدة ليه يا جماعة مع انه مهم فعلاااا ؟!!!

أنا في رأيي - وجايز أكون مخطئ - انها موازنة مش القدر هيبعتلي بنت الحلال زي ما بنشوف في الأفلام كدة

​

 

[هيفاء الهاشمي]

والله ياجرجس نحن نتعلم ونتفوق ونطمح عشان انفسنا ونرضي غرورنا في المقام الاول وبعدين عشان اهلنا وعوائلنا يفتخرو فينا وعشان نكسب احترام المجتمع

 

[Desert Rose]

هيفاء يعنى ايه نرضى غرورنا ؟
انا بتعلم علشان عايزة اتعلم علشان اكون بنى ادمه بشتغل لانى محتاجة للشغل علشان اوفر احتياجاتى ومش افضل اخد مصروف من اهلى
ايه علاقة الغرور بيها ؟ غير انه تحقيق احلام بيساعدنى فى توفير احتياجاتى الاساسية فى الحياة
انا بتكلم عن نفسى جايز يكون فيه حد ليه اغراض تانية

 

[girgis2]

والله ياجرجس نحن نتعلم ونتفوق ونطمح عشان انفسنا ونرضي غرورنا في المقام الاول وبعدين عشان اهلنا وعوائلنا يفتخرو فينا وعشان نكسب احترام المجتمع

شكرااا لردك يا هيفاء

ها يجماعة عايزين اجابات على سؤالي

وسؤال الأخ جوني الأخير

​

 

[girgis2]

هيفاء يعنى ايه نرضى غرورنا ؟
انا بتعلم علشان عايزة اتعلم علشان اكون بنى ادمه بشتغل لانى محتاجة للشغل علشان اوفر احتياجاتى ومش افضل اخد مصروف من اهلى
ايه علاقة الغرور بيها ؟ غير انه تحقيق احلام بيساعدنى فى توفير احتياجاتى الاساسية فى الحياة
انا بتكلم عن نفسى جايز يكون فيه حد ليه اغراض تانية

لا أغراض تانية ولا تالتة

أنا بتكلم عن طموح مش مجرد احتياجات أساسية واستقلال مادي

​

 

[هيفاء الهاشمي]

نجل قصدي طوح المهني مش تعليم ومش عيب الواحد يرضي غروره ويطمح اكثر واكثر في مجال شغله

 

[girgis2]

:new2:

اتنين بس جاوبوني على سؤالي

وسؤال جوني الأخير ذهب مع الريح

​

 

[Strident]

شكراً جرجس....سؤالي تاني هو:

هل هييجي واحد(ة) تحس انه ده\دي غير اي حد تاني في العالم؟ ولا ده شغل افلام، والموضوع هيبقى موازنة ومواءمة...وصفقة بها عيوب ومزايا...تقبلها باقتناع اقل من 100%...لانك مش هتستنى لنهاية حياتك عشان تتأكد اذا كنت هتلاقي حد تحبه اكتر ام لا

يعني اقصد....كيف تعرف(ين) انك لن تقابلـ(ي) شخص انسب بعد مدة؟

 

[Strident]

الطموح ده مش سؤال يا جرجس...او ع الاقل هو مايفرقش حاجة عن لما تسأله للشباب يعني....

من حق كل انسان يكون طموح لنفسه ولروحه....ويتعب لتحسين حياته هو قبل اي حد

 

[girgis2]

الطموح ده مش سؤال يا جرجس...او ع الاقل هو مايفرقش حاجة عن لما تسأله للشباب يعني....

من حق كل انسان يكون طموح لنفسه ولروحه....ويتعب لتحسين حياته هو قبل اي حد

لا هيفرق يا جوني

وأعتقد ان أنت فاهم معنى كلامي

وأنا متكلمتش عن الحقوق والواجبات دلوقتي !!!
مهو من الطبيعي ان كل انسان من حقه يكون طموح لنفسه

أنا لم أحجر على حق أو رأي أي أحد

أنا كنت عايز أخد فكرة عن تفكير أغلبية البنات - وأعتقد ان ده من حقي - وأنت بتعترض على سؤالي وقفلتلي الليلة أكتر ماهي مقفولة أصلاااا

ماعلينا

​

 

[oesi no]

هل هييجي واحد(ة) تحس انه ده\دي غير اي حد تاني في العالم؟ ولا ده شغل افلام، والموضوع هيبقى موازنة ومواءمة...وصفقة بها عيوب ومزايا...تقبلها باقتناع اقل من 100%...لانك مش هتستنى لنهاية حياتك عشان تتأكد اذا كنت هتلاقي حد تحبه اكتر ام لا

بص ياغالى اكيد فى وسط تعاملاتك اليوميه هتلاقيها لكن متقفلش على نفسك وتقول انا مستنيها تيجى اللى هتخطفنى واللى هحبها ووو لان كدة مش هتيجى
اتعامل مع الناس واعمل صداقات وتعارف وصدقنى هتلاقي اللى تخطفك ومتخشش ابدا فى عمليه رخيصه غرضها البيع والشرا بحجه انه العمر مر وفات وانه الظروف مكنتش سامحه
ابدأ من دلوقتى اتعامل مع الناس بشكل ودود اكتر وحب كل الناس وخليك اجتماعى روح رحلات وزور قرايبك وانزل اجتماعاتك مش علشان تلاقيها ولكن عيش حياتك وسط الناس هتعرف فعلا وقتها لما قلبك يطير من الفرح انك واقف مع فلانه وبتتكلم معاها ومش عاوز الكلام يخلص

الكلام عام مش لشاب بعينه وكمان مش لشابه بعينها
يعنى كمان الشابات تنزل وتتعامل مع الناس
متخافش من حاجة محدش هيعضك ومحدش هياخد منك حاجة من غير ما تسمحيله
خليكى اجتماعيه واتعاملى مع الناس من غير خوف خليكى بطبيعتك متقوليش اصلى وصلت التلاتين ومفيش عريس وانا مش لسه هتعرف وانا مش صغيرة وانا وانا وانا
انزلى عيشى حياتك بشكل طبيعى مش علشان تدورى على عريس ياخدك من بيت ابوكى لبيتك
انزلى دورى على نفسك وعلى حياتك دورى على السعادة والاستمتاع بالحياة
محدش يقفل على نفسه ويقول انا مستنى الحب يجى يخبط على باب قلبى بس مجاش فانا مضطر اتجوز اى جوازة مناسبه وخلاص
صدقونى يمكن بعدها تتمنوا انكم ترجعوا تعيشوا ايام زمان وتقولوا ياريتنى حبيت واتحبيت وياريتنى عيشت حياتى ونزلت واتعرفت على ناس وحبيت واتجرحت وحبيت تانى واتجرحت تانى وحبيت تالت ومنجرحتش
الحياة تجارب
متقفلش على نفسك وتعيش على امل مبيجيش غير للى مديله فرصه انه يجى
افتح بابك للحب الحب هيجيلك لغايه عندك
تقفل بابك وتستنى الحب مش هيجى وهتجوز اى جوازه مناسبه وتبقى معرض ل هل هتنجح ولا مش هتنجح
​

 

[عبود عبده عبود]

بص ياغالى اكيد فى وسط تعاملاتك اليوميه هتلاقيها لكن متقفلش على نفسك وتقول انا مستنيها تيجى اللى هتخطفنى
هتعرف فعلا وقتها لما قلبك يطير من الفرح انك واقف مع فلانه وبتتكلم معاها ومش عاوز الكلام يخلص ​

انزلى دورى على نفسك وعلى حياتك دورى على السعادة والاستمتاع بالحياة ​

الحياة تجارب ​

افتح بابك للحب الحب هيجيلك لغايه عندك
تقفل بابك وتستنى الحب مش هيجى وهتجوز اى جوازه مناسبه وتبقى معرض ل هل هتنجح ولا مش هتنجح ​

هل أنت هو ...هو "جو" المدعو بأوسى نو ؟؟؟
مستحيل ياريس
دى أحلى مشاركة قريتها فى التوبيك الطويل العريض دة
طبعا مع أحترامى لكل المشاركات والمشاركين ...لا يقلل منهم أو منهن
ولكن حقيقى أخيراً لقيت المشاركة اللى تنخشش فى نافوخى
شكراًً ياصديقى الغلس ....

 

[oesi no]

هل أنت هو ...هو "جو" المدعو بأوسى نو ؟؟؟
مستحيل ياريس
دى أحلى مشاركة قريتها فى التوبيك الطويل العريض دة
طبعا مع أحترامى لكل المشاركات والمشاركين ...لا يقلل منهم أو منهن
ولكن حقيقى أخيراً لقيت المشاركة اللى تنخشش فى نافوخى
شكراًً ياصديقى الغلس ....

يعنى كل مشاركاتى السابقه معجبتكش وعجبتك دى
اصل دى اول مشاركة بعد النسكافيه فلازم تبقى سخنه
ههههههههههههههه
وبعدين يعنى عاوزنى افرغ طاقتى فى ايه
كل ما الدنيا تغلس على اغلس عليكوا :t33:
​

 

[عبود عبده عبود]

يعنى كل مشاركاتى السابقه معجبتكش وعجبتك دى​

باتكلم فى التوبيك دة
علشان ساعات باحس ان فيه ناس بتتكلم بالشوكة والسكينة
فبطلت أشارك ...خاصة لو ييجى حد ويتهمنى بحاجات كدة مش ولابد :t33: