المصطبه النسائيه

[Strident]

لا 20 و ركز فى ال 6 الفاضلين :beee:
[/B]

هو انا ولد ومالاحظتش اني باطرد ولاد اوي يعني لكن مش فارقة...ماشي


ارحمونا بقى وهاتوا موضوع عدل...انا عامل الاحصائية دي عشان كده!


كوبتك لاين:
الناس اللي بتتفرج بس دي مش بتحط بوستس...فاكيد مش هتخش في الاحصائية

 

[Desert Rose]

يعنى يابنات وقت ما اكون انا موجودة انتو تهربو ؟ فينك ياشقاوة ؟ وهيفاء ؟
المصطبة مفروض نسائية صح ؟ طيب مادرى وش خلى اولاد ادم يدشو مصطبتنا ؟:t33::t33:

طيب مش عارفه ليه افتكرت فيلم تيمور وشفيقة (اللى انا شوفت فيه اجزاء مش كل الفيلم اصلا ) افتكرت حاجة لما هى كانت وزيرة تقريبا ولا سفيرة مش فاكرة وهو قالها انه علشان يتجوزو لازم تضحى بسمتقبلها المهنى لانها كانت اعلى منه
طيب لو انتى فى نفس الموقف ووصلتى لدرجات عاليه فى وظيفتك وجه الاستاذ قالك لا كده مش هينفع لازم تتنازلى عن طموح المهنى اللى انتى تعبتى فيه علشان نتجوز مع العلم انك بتحبيه
وطبعا الفيلم انتهى زى اى فيلم مصرى انها سمعت كلامه وسابت شغلها
انتى شو راح تعملى ؟

 

[sha2awet 2alam]

انا مهربتش انا هنا اهو فى الغالب هيفا لسة نايمة او مشغولة ..
مبدئيًا لو حبيته يبقى اكيد متفاهمين .. منين متفاهمين و يقولى كدة ؟؟ ماهو كله بالتفاهم .. لو المنصب الجديد هياخدنى من بيتى او هيشغلنى اوى عن البيت و الولاد .. من غير ماهو يتكلم انا هوازن الموضوع و احاول اتنازل عنه لو بياخد وقت كبير .. انا مش عايزة ابقى حمارة شغل و بس و طول النهار مناصب و مراكز فين اسرتى من الموضوع ؟ لكن لو المنصب مش هيأثر فى الوقت لكن مشكلته انى ابقى اعلى منه ساعتها يبقى كلام تانى .. لانى المفروض بحب واحد عاقل و فى الغالب هيكون اعلى منى فحتى انا لو اترقيت هيفضل هو مركزًا اعلى فمش هيبقى مشاكل اوى و مش هتفرق معاه كتير

 

[Strident]

يعنى يابنات وقت ما اكون انا موجودة انتو تهربو ؟ فينك ياشقاوة ؟ وهيفاء ؟
المصطبة مفروض نسائية صح ؟ طيب مادرى وش خلى اولاد ادم يدشو مصطبتنا ؟:t33::t33:

طيب مش عارفه ليه افتكرت فيلم تيمور وشفيقة (اللى انا شوفت فيه اجزاء مش كل الفيلم اصلا ) افتكرت حاجة لما هى كانت وزيرة تقريبا ولا سفيرة مش فاكرة وهو قالها انه علشان يتجوزو لازم تضحى بسمتقبلها المهنى لانها كانت اعلى منه
طيب لو انتى فى نفس الموقف ووصلتى لدرجات عاليه فى وظيفتك وجه الاستاذ قالك لا كده مش هينفع لازم تتنازلى عن طموح المهنى اللى انتى تعبتى فيه علشان نتجوز مع العلم انك بتحبيه
وطبعا الفيلم انتهى زى اى فيلم مصرى انها سمعت كلامه وسابت شغلها
انتى شو راح تعملى ؟

تيمور كان حيوان اوي انا كرهته....ده لا يمكن يكون واحد بيحب مراته ابداً...

لو انا مراتي مرشحة لرئاسة الجمهورية هاقف جنبها جداً....وانا شخصياً اثق في مراتي انها هتعرف تفرق بين السلطة بره، وبين التكافوء جوه البيت

 

[Strident]

انا مش قادر افهم ازاي هو بيحبها ويقول لها كده....لو بيحبها بجد كان وقف جنبها مش في طريقها

 

[حبو اعدائكم]

انا بتفرج و متابعاكو اهو

 

[Desert Rose]

شقاوة معنى كده انك هتتنازلى عن تعبك لو هو قالك ان ده هيأثر على وجودك فى البيت ومجهودك فيه
طيب مين اللى يحدد اذا كان مأثر ولا مش مأثر ماهو مكن بغرض ودافع انه يخليكى تسيبى شغلك يقولك ان شغلك مأثر على البيت وانا مش عاجبنى البيت
وبعدين احنا قولنا قبل موضوع شغل البيت مفروض يتقسم على الاتنين على حسب شغلهم وظروفهم يبقا المفروض لو انتى بتشتغلى اكتر منه يبقا هو يشتغل فى البيت اكتر ايه رأيك فى كده ؟

مش فهمت نقطة انه هيكون اعلى منك فى جميع الاحوال ؟ يعنى ايه اعلى منك ؟ واعلى منك فى ايه ؟

 

[Desert Rose]

جونى تيمور انا كرهت هذا البنى ادم بردو بس مش رضيت اقول كده لانى خوفت الناس ممكن تضربنى هنا لان فيه ناس بتعتبره مثال للراجل الرومانسى المحب وانا اشوفه عنده ساديه وحب تسلط وتحكم ومش كان بيحبها اصلا لكن بيحب نفسه اولا واخيرا
لان اللى بيحب بجد مش يضغط على اللى بيحبه بهذا الشكل من اجل انانيته وكرامته التافهه :t33::t33:

 

[sha2awet 2alam]

و هو انا مش فيا عقل ؟ اعقل هل انا مقصرة فعلا ولالا ؟؟ كنت بشتغل كام ساعة و بشتغل دلوقتى اد ايه ؟؟ بيتى نظيف ولالا ؟ ولادى بذاكرلهم و محافظة عليهم و عندى وقت اكلمهم و العب معاهم فيه ولالا ؟؟ هو ااما بيرجع بيلاقينى ولا برجعله بليل ؟؟ لو حاجة من دول كان فيها تقصير يبقى لازم اقعد مع نفسى و اظبط الدنيا تانى و اقلل ساعات الشغل او اكثفها او اعيد تنظيم يومى تانى بطريقة تسيع كل الحاجات دى ..
و بعدين يعنى ايه انا اشتغل اكتر منه دى ؟ اذا كنت انا ناوية بالكتير اشتغل 4 او 6 ساعات فى اليوم دة بالكتيييييير .. اكتر من كدة مش هشتغل بصراحة مش هموت نفسى فى الشغل انا و افوت على نفسى متعتى بالحياة و البيت و الاسرة و اضيع احلى لحظات عمرى فى المستشفى .. فاكيد هو هيشتغل اكتر منى او على اقل تقدير هيبقى زيى مع انى مظنش ان فيه راجل بيشتغل 6 ساعات بس فى اليوم

اعلى منى مركزًا .. يعنى مش هبقى انا نائبة فى قسم ما و اخد دكتور امتياز .. بسبب اختلافات كتير .. اولاً ماديًا كدة هبقى اعلى منه فهيحصل خلل فى المصاريف و تنظيمها .. ثانيًا هو هيحس انه مش عارف يحتوينى .. على الاقل هاخد واحد زيى أو اكبر سنًا ( مع العلم ان السن هنا بيحكم انه هيكون اعلى مركزًا بالتأكيد ) بس كدة

 

[Desert Rose]

اه اوكيه فهمت يبقا انتى اصلا مش عايزة تشتغلى كتير
لكن على حد علمى انك ممكن فى مستشفيات مصر تاخدى night shifts وده بيبقا بالجدول على نواب المستشفى ( على حسب كلام اللى قالى ) هتعملى ايه ساعتها ؟ وهل ممكن انك مثلا تظبطى الشغل بحيث انه مش يكون فيه حاجة زى كده علشان مش تباتى بره او ترجعيله متأخر زى مابتقولى ؟:dntknw:

طيب انسى انك دكتورة لو انتى اى مهنة تانية فى شركة مثلا وانتو الاتنين شغالين فيها او فى اماكن مختلفة وحصل انك اترقيتى قبل منه لاى سبب ما وبقا مرتبك ومركزك اعلى
شو راح تعملى وقتها؟ مع العلم ان ترقيتك الجديدة مش اثرت على وقتك فى البيت انما هى مجرد منصب جديد ومرتب اعلى منه
وانتى بتقولى انه لازم يكون اعلى منك فى المركز علشان يحتويكى , صراحة مش عارفه ايه علاقة المركز فى الشغل بالاحتواء فى البيت ؟

 

[sha2awet 2alam]

النايت شيفت بتبقى فى الامتياز اكتر و فى التكليف بيبقى فيه ناس يغطوكى فى النايت شيفت و انتى تغظيهم الصبح و هكذا .. فانا هظبط الموضوع دة على اد ما اقدر باذن ربنا ..

لو افترضنا انى فى اى وظيفة تانية .. و اترقيت قبله فى الغالب هيترقى بعدى بحبة صغيرة يعنى فمش هيبقى فيه حرج كبير له .. و اعرف ناس اتحطو فى الموقف دة و عدى يعنى .. ماهو اكيد مش هنظبط ترقياتنا سوا يعنى وارد جدًا ان حد فينا يسبق التانى .. و لو هو انسان واثق فى نفسه و ناجح فى شغله مش هيفرق معاه الالقاب فى حاجة و مسيره يبقى زيى و أعلى كمان ..

الاحتواء نابع من احساس داخلى .. لو هو حاسس انه اقل منك عمره ماهيعرف يحتويكى ! مش فكرة بيت او شغل .. فكرة احساس متداخل .. احنا فى مجتتمع مبيعرفش يفرق اوى بين مجال العمل و العواطف و العلاقات الشخصية .. كله سلطة .. فلو هو مش متأكد و حاسس بجد انه هو الاقوى و الاعلى و حاسس انك اعلى منه الى حد ما هيحس ان فيه حاجة غلط و ان فيه حاجة فى علاقتكم ناقصة ( كلامى عن الرجالة الشرقيين طبعا )

 

[Desert Rose]

طيب ربنا معاكى وتعرفى تظبطيها

بالنسبة لاى وظيفة تانية مين قالك ومين يضمنلك انه هيترقى بعدك بشوية صغيرين ؟ ومين يضمنلك انه هيترقى اصلا ؟ ماهو ممكن تكونو بتشتغلو فى مكانين مختلفين وهو عنده مفيش تريقات ولازال الموقف كما ه انتى فى منصب اعلى ومرتب اعلى
طيب لو فضل الوضع بالشكل ده ؟ هل هى نهاية الكون ؟
المهم هتعملى ايه لو قالك تسيبى الشغل بعد ما اترقيتى لانك بقيتى اعلى منه وطبعا هو مش هيقولك كده مباشرة علشان كرامته لكن هيجبهالك فى ان شغلك الجديد او منصبك الجديد مأثر عليكى فى البيت والبيت مش عاجبه :t33:

بالظبط ياشقاوة المفروض ان الاحتواء نابع من جوه مش من الظروف المحيطة
لانه طالما انتو ارتبطو ده معناه انكم متوافقين فكريا وعلميا واجتماعيا انما التريقات فى الشغل ديه بتخضع لحاجات تانية طبقا لظروف العمل ( خاصة فى الدول الرأسماليه ) اذن هو مفروض يكون واثق من نفسه no matter كان شغلك ايه
ثانيا ياشقاوة الحياة الزوجية علاقة شراكة بين اتنين علاقة حب وتفاهم واستقرار مش علاقه مين اقوى ومين اعلى وانه هو مفروض يكون اقوى واعلى مين قال كده ؟ المفروض هما الاتنين يحتو بعض ويكملو بعض

 

[sha2awet 2alam]

لا لو هو شغله مفهوش ترقيات هعمله ايه بقا يعنى ؟؟ هو مش اخدنى و عارف نظام شغلى و المفروض انه عارف كل الاحتمالات و انى فى يوم هترقى و هو اللى قبل الوضع دة ؟؟

و بعدين هو يقول اللى يقوله و انا فيا دماغ اعرف هل انا فعلا قصرت ولالا ؟؟ مش اى كلمة هو يقولها تبقى منزلة يعنى و صح دايما .. فيه مناقشات و تفاهم

قلبك ابيض كل الكلام اللى بتقوليه حلو بس هيفضل فى مجتمعنا الشرقى مجرد كلام و ابقى شوفى ردود افعال الشباب .. هيفضل الراجل متمسك بفكرة انه هو لازم يكون الاعلى و الاقوى .. مش هيقبل مراته تكون مديرته ولا مركزها اعلى منه .. هتسألى عن الاسباب هيقولو كلام كتير ملخصه كبريائهم ميسمحش .. مش قولتلك ان الحياة هنا سلطة .. و تقوليلى لو اترقت عنه احساسها ايه و فيه رجالة فى مجتمعنا لسة متمسكين ان الست لبيتها و جوزها و متشتغلش .. دى ثقافة فى شعبنا هنتكلم كتير بس هيفضل الطبع يغلب التطبع و أدعاء التحرر

 

[Desert Rose]

حاولت اقيمك ياشقاوة مش نفع قالي يجب ان تضع بعض السمعات :t33:

طيب ايه الحل لو قالك لازم تسيبى الشغل مادام انتى بتقولى ان كل الرجالة الشرقيين بنفس العقلية ديه علشان كرامتهم مش تسمح ؟

 

[Strident]

و هو انا مش فيا عقل ؟ اعقل هل انا مقصرة فعلا ولالا ؟؟ كنت بشتغل كام ساعة و بشتغل دلوقتى اد ايه ؟؟ بيتى نظيف ولالا ؟ ولادى بذاكرلهم و محافظة عليهم و عندى وقت اكلمهم و العب معاهم فيه ولالا ؟؟ هو ااما بيرجع بيلاقينى ولا برجعله بليل ؟؟ لو حاجة من دول كان فيها تقصير يبقى لازم اقعد مع نفسى و اظبط الدنيا تانى و اقلل ساعات الشغل او اكثفها او اعيد تنظيم يومى تانى بطريقة تسيع كل الحاجات دى ..
و بعدين يعنى ايه انا اشتغل اكتر منه دى ؟ اذا كنت انا ناوية بالكتير اشتغل 4 او 6 ساعات فى اليوم دة بالكتيييييير .. اكتر من كدة مش هشتغل بصراحة مش هموت نفسى فى الشغل انا و افوت على نفسى متعتى بالحياة و البيت و الاسرة و اضيع احلى لحظات عمرى فى المستشفى .. فاكيد هو هيشتغل اكتر منى او على اقل تقدير هيبقى زيى مع انى مظنش ان فيه راجل بيشتغل 6 ساعات بس فى اليوم

اعلى منى مركزًا .. يعنى مش هبقى انا نائبة فى قسم ما و اخد دكتور امتياز .. بسبب اختلافات كتير .. اولاً ماديًا كدة هبقى اعلى منه فهيحصل خلل فى المصاريف و تنظيمها .. ثانيًا هو هيحس انه مش عارف يحتوينى .. على الاقل هاخد واحد زيى أو اكبر سنًا ( مع العلم ان السن هنا بيحكم انه هيكون اعلى مركزًا بالتأكيد ) بس كدة

انتي قلتي انك ناوية تسافري....وبما انك طبيبة اعملي حسابك على الاقل في 8 ساعات شغل وفيهم بالليل وكده...

 

[sha2awet 2alam]

شالله يخليكى و ميرسيه على التقييم اللى هناك

ما انا قولتلك كلامى عن حد غيرى لانى كدة كدة مش هتحط فى الموقف دة بسبب ظروف شغلى .. فلو غيرى بقا و قالها سيبى شغلك هيختلف رد فعلها باختلاف شخصيتها .. واحدة عايزة الدنيا تمشى فهتقول ماشى و تقعد و تظبط حياتها على مرتبه و بس .. واحدة تانية لئيمة تقوله و ماله حاضر طب اخد اجازة بدون مرتب و نشوف الحياة و المصاريف شكلها ايه .. و تطلع عينه فى فترة الاجازة مصاريف لحد مايرفع الراية البيضة و ينزلها الشغل عشان مش مستحمل المصاريف .. واحد عنيدة من الاول دماغها ناشفة لا انا هترقى و اللى عندك اعمله و تقلب البيت حريقة .. واحدة تروح تسلط عليه حد من اهله ولا من الكنيسة يكلمه و هيفضل برضه فيها حساسية

كل واحدة و مشورتها مع ابليس بقا:t33:

 

[sha2awet 2alam]

انتي قلتي انك ناوية تسافري....وبما انك طبيبة اعملي حسابك على الاقل في 8 ساعات شغل وفيهم بالليل وكده...

بتختلف من دولة للتانية و من مستشفى للتانية .. و انا قولت هسافر اكمل دراسة مجيبتش سيرة هجرة لسة

 

[Desert Rose]

اوكى شقاوة فهمتك

بس لو هتكملى دراسة بره زى ما بتحلمى هيبقى فيها شغل بردو وبعد ما تكملى دراسة مش هيهون عليكى تسيبى اللى عملتيه وترجعى مصر فأعتقد انك هتكملى بره
ولو كملتى بره ( الدول الرأسماليه ) تنسى تماما موضوع الشغل لساعات قليلة ده واسألى مجرب :t33::t33:

 

[Strident]

بتختلف من دولة للتانية و من مستشفى للتانية .. و انا قولت هسافر اكمل دراسة مجيبتش سيرة هجرة لسة

هو فيه حد يسافر يكمل دراسة ويرجع؟ هنهزر؟ امال لازمتها ايه بقى!

 

[sha2awet 2alam]

لا معنديش فكرة يهون عليا دى .. انا بضيع فرص جبارة صدقينى قدام ولا حاجة فى سبيل انى اختار الحياة اللى انا عايزاها ..
و لو كملت حياتى برا فيه حاجات كتير هتتغير .. الاولاد و مدرستهم و طريقة المذاكرة و زوجى نفسه و تعامله و عدد ساعات تنظيف البيت .. كل حاجة هتتغير مش الشغل و عدد ساعاته بس