المصطبه النسائيه

[white.angel]

هو اكيد هبقى عصبته .... زى ما قالت شقاوه مش معقوله
ابقى ملاك وطيوبه وبحتويه وييجى يضربنى كدة ...!!

شخصياً بيستفزنى ان راجل يمد ايده على مراته
بس لو حصلتلى .... هحاول امتص غضبى ومش هسيب البيت ... عشان مدخلش طرف تالت فى الموضوع ... هكتفى بالصمت يوم او اتنين ... مع اعلان حالة اضراب عام عن كل شئ بما فيه "صباح الخير"

بعد يوم او اتنين ... "ولانى مش مرتبطه بمريض نفسى " هيشعر بغلطته وييجى يعتذر .. ساعتها هقبل اعتذاره "لانى مش هعلقله المشنقه" ولكن ... هوضحله خطأه واحط نقط على الحروف .... واخد منه وعد ان التجاوز دة مش هيتكرر .. ولو اتكرر هتخذ رد فعل قوى .....!!!

والدنيا تمر .... انما انى اثور او اضربه زى ما ضربنى او اسيب البيت والاهل يتدخلوا .... كل دة تكبير للأمور وفضايح ملهاش لزوم ... البيت ومشاكله واسراره متخرجش ....لاى مخلوق .... دة بيتنا ومشاكلنا نحلها بأى اسلوب جوه البيت .... مش بره البيت

ومفيش مانع من اننا نروح لكاونسلر متخصص ... يعالج المشكله ... انما الاهل مش بحبهم يتدخلوا فى المشاكل

وبعدين انشاء الله عريسى هيبقى محترم ... مش هيبقى بطيخه ... فا قليل الاحتمال انى اتعرض للموقف دة !!
​

 

[Desert Rose]

انا معاكى ياوايت مسألة انك تسيبى البيت وتدخلى طرف تالت ديه هتكبر المشاكل ومش هتحلها
المكشلة هى مشكلة الزوجين مع بعض وهما يحلوها
بس انا مش متفقة معاكى فى نقطة انك اكيد عصبتيه انا اعرف رجالة عملت كده من غير سبب لمجرد انه هو كان متعصب ومخنوق من حاجة تانية خالص ومجرد ما شافها قدامه راح عمل كده من غير اى سبب
ثانيا كمان الضرب مش وسيلة فى كل الاحوال طيب ماهو ممكن بردو يعصبك ويستفزك هل ده مبرر انك تروحى تضربيه ؟ وليه الستات مش بيضربو اجوازهم بأى حاجة فى ايديهم لما اجوازهم بيعصبوهم ؟

وانا كمان معاكى فى نقطة الاضراب العام ديه مش لحاجة قد ماهو لازم يعرف ان الموقف اللى حصل مش سهل ويعدى بسهولة علشان مش يكررها تانى فى المستقبل

بس مفيش حد فيكو اتكلم عن الجرح النفسى اللى سببو الموقف ده هل تقدرى تتخطيه لما يعتذر ؟ ولا هتفضلى فاكراه على طول ؟

 

[white.angel]

رجالة عملت كده من غير سبب

هل من الطبيعى ان شخص يضرب شخص من غير سبب ... مش طبيعى .. اذا اللى هيعمل كدة انسان مش طبيعى ... واحنا متفقين اننا مش هنربط بمرضى نفسيين احنا هنرتبط بناس طبيعيه ....
انما الزوجه اللى اتجوزت "بطيخه" وطلعت مريضه .... تتحمل مسئولية اختيارها ... محدش قالها تختار بطيخ !!!
​

بس مفيش حد فيكو اتكلم عن الجرح النفسى اللى سببو الموقف ده هل تقدرى تتخطيه لما يعتذر ؟ ولا هتفضلى فاكراه على طول ؟

الجرح هيبقى نسبى .. بالنسبالى هيبقى عميق اوى لانى شخصيه حطه كرامتها على رف عالى ... وانه يضربنى دى كارثه !!

ولكن الصح ... انه بعد ما يعتذر ... وهى تسامحه .. تطلب منه يديها فرصه انها تتجاوز الجرح دة ... وتعالج نفسها وهو بشطارته يساعدها على العلاج والتجاوز ... عشان يرجعوا يستأنفوا حياتهم بشكل سليم من غير "كلاكيع"
​

 

[Desert Rose]

ما هو البطيخ كتير فى السوق ياوايت :smile02

انا كمان بالنسبالى الجرح هيكون عميق جدا لان انا اصلا عمر ما حد ضربنى قبل كده حتى باباوماما عمرهم ماضربونى

وزى ما انتى بتقولى الجرح هياخد وقته علشان اتخطاه ولازم هو يساعدنى

 

[white.angel]

ما هو البطيخ كتير فى السوق ياوايت :smile02

ماهى دى المشكله
فى بنات عايزه تتجوز بطيخ ... وفى بنات عايزه تتجوز بنى ادم
وهنا الفرق !!

انا كمان بالنسبالى الجرح هيكون عميق جدا لان انا اصلا عمر ما حد ضربنى قبل كده حتى باباب وماما عمرهم ماضربونى

نفس الوضع ... عشان كدة مش متخيله انى ممكن اتضرب
وبتضايق اوى من مجرد التفكير فى الموضوع دة :vava:

بقول رغم كل اللى هحاول اعمله ربنا يستر واعرف امتص غضبى و مضربوش :smile02 ههههههههههههههههههه
​

 

[Desert Rose]

بس صدقينى بغض النظر عن البطيخ الكتير فيه رجالة بردو كويسين مش مرضى يعنى وعملو التصرف ده بحجة الضغط النفسى وانه مش كان فى وعيه وكده :08:

هههههههه مش عارفه الواحد ممكن يعمل ايه لان رد الفعل الطبيعى لما حد يضربك هو الصدمة والذهول الاول وممكن بعد ده تردى الضرب تانى
ربنا يستر عليه :nunu0000:

 

[white.angel]

بس صدقينى بغض النظر عن البطيخ الكتير فيه رجالة بردو كويسين مش مرضى يعنى وعملو التصرف ده بحجة الضغط النفسى وانه مش كان فى وعيه وكده :08:

ماهو دة سبب .. احياناً بتبقى مضغوطه او فى مشكله وصلتك ... اول حد يكلمك تتخانقى معاه :smile02 !!!
بتعتذرى بعد كدة وتبررى ... بس اللى حصل حصل .... :vava:

ممكن يكون الطرف التانى مضغوط وفى مشكله بيحاول يمنعها وتيجى زوجته تتناقش معاه على المصاريف .... من غير ما تشعر انه تعبان ومحتاج راحه .... فا بتضغط على اعصابه اكتر وبيخرج منه رد فعل مش صح ... بس النوع دة بيعتذر علطول لانه بيكون عارف ان مش ذنبها ..... وبيعرف غلطه ..

انما فى رجاله فعلاً مريضه بتضرب وخلاص ... دول حلال فيهم القتل :gun:
​

 

[Desert Rose]

ههههههه حلال فيهم القتل ؟
بقيتى نازية ياوايت :smile02

 

[إيمليــآ]

أعتذر لمقاطعة موضوعك يا هيفاء
بس عايز أسأل بخصوص المشاركة دي:




يعني آيه تحت تصرف ؟؟؟ كأنك بتتكلمي عن عروسة لعبة !!
هل معنى كدة ان الخوف من الأهل على البنت والاهتمام أو الغيرة (الناتجة عن حب) من الزوج تبقى تحكم وسيطرة ذكورية وعدم تحضر من وجهة نظرك ؟؟


ممكن توضحي أكتر ؟؟؟


يعني معنى كدة ان مفيش حالات اعتداء (مش شرط جنسي ممكن سرقة) موجودة في الغرب ؟؟؟

هتقوليلي مش بالصورة اللي في مجتمعنا عشان احنا مجتمع منغلق أو مكبوت والمرأة فيه غير متاحة

معاكي بس ده ميمنعش ان عقلية المجرم أو الخارج على القانون هي هي سواء في الغرب أو الشرق بل على العكس ده ممكن تكون أكثر بشاعة ؟


طالما ان البنت أو الست حاطه في دماغها الفكرة دي يبقى أي تصرف من الراجل هتفسره على هذا الأساس


​

فيهـ شعرة رفيعة بين آلسيطرة وآلخوف
وشعرة أرفع بين آلنصيحة وآلتدخل
توجيهـ آلأهل لبنتهم شئ ضرورى طبعاً ومن أسآسيآت آلتربية
وخوف آلزوج على زوجتهـ آلممزوج بآلمحبة وآلأقنآع بردو مطلوب
لكن آللى مآينفعش أنهـ يتحول لسيطرة كآملهـ وتحكم فى قرآرآتهآ .. آلبنت زى آلشآب آلأتنين عندهم عقل يحكموآ بيهـ على قرآرآتهم
خصوصاُ للبنت آلرآشدة


وعن تربية آلبنت وتشكيلهآ لتصلح زوجة مستقبلية
تتجمل ولآ تتعلم تفآصيل فى آلبيت أوتدرس حتى مجآل مميز علشآن تلفت نظر آلعرسآن
خطأ كبير فى آلتربية
وهوآلسبب فى نظرة آلنآس لتأخر سن آلزوآج وكأن قيمة آلبنت تكمن فى صلآحيتهآ للزوآج
مفروض تتربى علشآن تكون أنسآنة صآلحة .. وقتهآ بديهى هتكون زوجة صآلحة


أمآ بآلنسبة لآخر فقرتين
فـ كلآمنآ كآن بيستهدف رصد ظآهرة مجتمعية
ولمآ تحآول تحكم على فكر مجتمع بيكون مؤشركـ هو آلأغلبية
وبعيداً عن إن آلمجتمعآت آلغربية فيهآ آلأعتدآءآت دى أقل
هنآكـ آللى بيتجآوز بيتحآكم
هنآ بيتوجد لهـ ألف مبرر دآ لو مآجبوش آلخطأ على آلبنت أصلاً

وأرجع وأقولكـ بنتكلم على أغلبية مش آلكل
ولو لآحظت بدآية آلموضوع هتعرف أننآ قولنآ أن آلسبب فى دآ فكر مجتمع بأكملهـ
مش آلرجل بس


​

سيكرت وينك جرجس شرشحك هههههه..

هههههههـ
هيوف شكلكـ عآيزة تشوفى دم

عآدى أستآذ جرجس يستفسر برآحتهـ
وأحنآ نجآوب عليهـ مآعندنآش حآجة نخآف منهآ .. كله بآلدلآئل وآلسيديهآت :smile02



,.

وسورى يآ بنآت أنى قطعت آلموضوع

هرجع أرد عليكـِ آنجل دآ لو لآقيت حآجة بعد كلآمكم هههههـ ^_^



.،

​

 

[إيمليــآ]

,.

من موقعى هذآ فأنآ أؤيد وآيت فى كل رأيهآ تقريباً
مآعدآ موضوع آلنآزية دهـ ههههههـ


أنآ ممكن أبقى أجرهآ تقتلهولى :smile02



.،
​

 

[Desert Rose]

,.

من موقعى هذآ فأنآ أؤيد وآيت فى كل رأيهآ تقريباً
مآعدآ موضوع آلنآزية دهـ ههههههـ


أنآ ممكن أبقى أجرهآ تقتلهولى :smile02



.،
​

هههههههه تبقى نازية بردو :smile02

 

[white.angel]

ههههههه حلال فيهم القتل ؟
بقيتى نازية ياوايت :smile02

:36_22_25::36_22_25::36_22_25:

 

[إيمليــآ]

هههههههه تبقى نازية بردو :smile02

هههههـ لآ طآلمآ مُحرضة بس يبقى متهيألى يجوز ..
وآلله أعلم :smile02



.،

​

 

[Desert Rose]

هههههـ لآ طآلمآ مُحرضة بس يبقى متهيألى يجوز ..
وآلله أعلم :smile02



.،

​

هههههه مرحبا بكم فى الحزب النازى :smile02

 

[Samir poet]

هههههههههههههههههه
ههههههههههههههههههههه

 

[عبود عبده عبود]

كلمت المعلم حمودة بتاع ( شادر البطيخ ) ...ووصيته على بطيختين شيليان من النوع المُعتبر ...لأتنين حبايبى
والبطيخ أنواع وأرض ...يعنى مش كل أرض بتطرح بطيخ ينفع يتاكل
الشاطر هو اللى بيعرف ينقى ...

 

[Desert Rose]

عبود انا مش فاهمه ولا كلمة من اللى انت كاتبها :smile02
يعنى ايه بطيخ شيليان ده ؟ ويعنى ايه باقى الكلام ؟
القدرات اللغوية عندنا عالية جدا اعذرنى :smile02

 

[عبود عبده عبود]

عبود انا مش فاهمه ولا كلمة من اللى انت كاتبها :smile02
يعنى ايه بطيخ شيليان ده ؟ ويعنى ايه باقى الكلام ؟
القدرات اللغوية عندنا عالية جدا اعذرنى :smile02

أقولك حاضر :
أنا كان من رأييى أن الجواز دة زى البطيخة
خلاص كدة ؟؟
مسكتنى وايت عليها ورفضت الفكرة قلباً وقالباً
فصليت لربنا انه يوعدها بعريس ( ع السكين ) :smile02
من ساعتها بقى وهى ماسكها لى ...فجابت السيرة هنا
علشان عارفة انى هقراها ...يعنى بتنكشنى وخلاص
البطيخ الشيليان هو أجود واغلى أنواع البطيخ بيحتاج الى أرض مخصوصة ( يعنى مش أى أرض تصلُح له )
وغير متوافر الا عند التجار الكبار

 

[Desert Rose]

ميرسى على التوضيح
طيب وايت وفهمناها مين بقى التانية ؟ انت اصلك قولت اتنين حبايبى مين التانية ؟:08:

ويعنى ايه على السكين ديه بقى ؟:smile02

اول مرة اسمع عن البطيخ ده شكرا على التوضيح

 

[+إيرينى+]

لا الاحتمال مش وارد عندى أصلا .. الراجل اللى يمد ايده على بنت ينتقص من رجولته أيًا كانت الاسباب .. و ان الراجل يوصل لمرحلة انه يفكر أصلا انه يرفع ايده على مراته بيبقى الغلط من الطرفين .. هى مش حكيمة انها تمتص غضبه و تناقشه بهدوء و مش تستفزه للدرجة اللى تخليه يمد ايده عليها فيها .. ماهو مش معقول هى هادية و طيبة و ملاك و هو المجنون بيلطش و خلاص .. و الغلط منه انه حتى لو هى مستفزة و عايزة القتل المفروض انه يتحكم فى نفسه عن كدة ..
فى عيلتنا مفيش الهمجية و الضرب ولا اتربيت على كدة فبأذن ربنا اللى هختاره هيكون عاقل ميعملش كدة و انا اكيد مش هستفزه للدرجة دى نهائى طبعا

هو اكيد هبقى عصبته .... زى ما قالت شقاوه مش معقوله
ابقى ملاك وطيوبه وبحتويه وييجى يضربنى كدة ...!!

شخصياً بيستفزنى ان راجل يمد ايده على مراته
بس لو حصلتلى .... هحاول امتص غضبى ومش هسيب البيت ... عشان مدخلش طرف تالت فى الموضوع ... هكتفى بالصمت يوم او اتنين ... مع اعلان حالة اضراب عام عن كل شئ بما فيه "صباح الخير"

بعد يوم او اتنين ... "ولانى مش مرتبطه بمريض نفسى " هيشعر بغلطته وييجى يعتذر .. ساعتها هقبل اعتذاره "لانى مش هعلقله المشنقه" ولكن ... هوضحله خطأه واحط نقط على الحروف .... واخد منه وعد ان التجاوز دة مش هيتكرر .. ولو اتكرر هتخذ رد فعل قوى .....!!!

والدنيا تمر .... انما انى اثور او اضربه زى ما ضربنى او اسيب البيت والاهل يتدخلوا .... كل دة تكبير للأمور وفضايح ملهاش لزوم ... البيت ومشاكله واسراره متخرجش ....لاى مخلوق .... دة بيتنا ومشاكلنا نحلها بأى اسلوب جوه البيت .... مش بره البيت

ومفيش مانع من اننا نروح لكاونسلر متخصص ... يعالج المشكله ... انما الاهل مش بحبهم يتدخلوا فى المشاكل

وبعدين انشاء الله عريسى هيبقى محترم ... مش هيبقى بطيخه ... فا قليل الاحتمال انى اتعرض للموقف دة !!
​

فيه حاجات لا بتكون هى السبب و لا حاجة

و لا هو مريض نفسيا و لا حاجة

إنتوا لسة ما إتزوجتوا و مش فاهمين حاجة

و يبدوا إنكم رومانسيات زيادة عن اللزوم

جبتولى شلل :nunu0000: