الرسالة التى لم يفهمها سوى عبد الناصر

[عبود عبده عبود]

ﻻ ده ماعملهاش غير بعد ما حاولوا يقتلوه! وﻻ نسيتوا انه كان عضو في الجماعة أصﻻً؟

والناس التانية اللي اتحطت في السجون؟

هو ماحطش الإسﻻميين بس....بل أي حد كان بيقول دولة مدنية أو غيره نفخه!


وأصﻻً جزء كبير من حركة الظباط الأحرار اخوان...وجزء كبير من اهدافهم كان نهب فلوس اغنياء المسيحيين = التأميم

عبد الناصر كان أخوان ؟؟؟؟؟؟؟؟؟؟؟؟
والظباط الأحرار كمان فوق البيعة ؟؟؟؟
واغنياء المسيحين دة أية ؟
أول ناس أتأمموا كانت العيلة المالكة
دول كانوا مسيحييين ؟
اول مرة اعرفها يا جونى
:t33:​

 

[Strident]

لا الاقباط الاقطاعيين من ايام محمد علي

وعبد الناصر كان اخوان اه بس اختلف معاهم وهو في السلطة ولما حاولوا يقتلوه قلب عليهم

السادات كان ايه؟ هات اساميهم كده ونشوف مع بعض كام واحد في جماعة الإخوان المسلمين

 

[Strident]

وحضرتك سبت نقطة القومية وتدمير التيار الليبرالي ليه؟

 

[Strident]

http://www.almasryalyoum.com/node/188365


http://www.aawsat.com/details.asp?issueno=8435&article=114700#.URgRMFkQQyY

 

[Strident]

وعلى فكرة عبد الناصر ما بدأش محب للمسيحيين والبابا كيرلس....وعاملهم وحش اكتر من مرة لحد ما حصل تغير في النص لاسباب مختلفة مش هاخش فيها دلوقتي...

عشان بس الناس اللي فاكراه بيموت في المسيحيين وكده



م الاخر هذا الرجل اول واحد رفع المعول لهدم مصر....وهو بذرة دمارها

 

[عبود عبده عبود]

لا الاقباط الاقطاعيين من ايام محمد علي

أنت بتتكلم عن عبد الناصر والا عن ( محمد على ) باشا ؟
أول ناس أتأمموا وأنطردوا من البلد كان ملك أسمه
محمد فاروق
مسلم من ضهر مسلمين​

وعبد الناصر كان اخوان اه بس اختلف معاهم وهو في السلطة ولما حاولوا يقتلوه قلب عليهم

عبد الناصر ما كانش اخوان
مش دراع أصلها ​

السادات كان ايه؟ هات اساميهم كده ونشوف مع بعض كام واحد في جماعة الإخوان المسلمين

مالنا ومال السادات طيب ؟
والسادات كمان ياسيدى عمره ما كان اخوان​

​

​

هو محمد على باشا على السادات كله مخرم على بعضه كدة ؟​

 

[Strident]

حضرتك برضو كالعادة مش بتركز في كﻻمي...

الإقطاعيين الأقباط اللي كانوا اغنيا من أياااام محمد علي دول بقى امم حاجتهم عبد الناصر.....اعتقد واضحة دي...

واعتقد انا ماقلتش ان المسيحيين بس اللي اتأممت حاجتهم.....انا قلت فوق ان جزء من الدوافع كان ده...

حطيت مقالتين فوق وفيهم المراجع بتاعتهم....والاتنين كانوا اخوان


وطبعاً حضرتك برضو متجاهل القومية وتدمير التيار الليبرالي.....

 

[Strident]

هو فيه سؤال محيرني من زمان يا استاذ عبود معلش....

هو ﻻزم اي حد مختلف مع حضرتك يطلع حمار ومخرم على بعضه ومش فاهم حاجة؟

 

[عبود عبده عبود]

هو فيه سؤال محيرني من زمان يا استاذ عبود معلش....

هو ﻻزم اي حد مختلف مع حضرتك يطلع حمار ومخرم على بعضه ومش فاهم حاجة؟

هههههههههههههههههههههههههههههههههه
انا قلت كدة ؟؟؟
عييييييب
طيب هو بالظبط اللى انا مختلف فيه معاك ؟
انت قلت عبد الناصر كان أخوان
سيبك من مواقع تانية دى مش مرجع
قلت لى أقباط ورجعت قلت محمد على
فعشان كدة أنا مش فاهمك بتتكلم عن مييين
بس كدة​

 

[Strident]

- طيب حضرتك من فضلك اقرا كﻻمي كويس....

المقاﻻت فيها مراجع....بالذات مذكرات ناس من وقتها....

ودي نقطة من 5...فيه 4 نقط اهم منها فوق كلها تدمير عبد الناصر لمصر....

الاختﻻف كله في ده:
عبد الناصر حاجة كويسة في تاريخ مصر، وﻻ سبب اساسي في انحدارها وان دمارها كان على ايده؟

 

[عبود عبده عبود]

وحضرتك سبت نقطة القومية وتدمير التيار الليبرالي ليه؟

تدمير التيار الليبرالى ؟؟
أمال ياجونى ( أحسان عبد القدوس ) و ( نجيب محفوظ )
و ( أنيس منصور ) دول أية ؟؟
عندك فكرة ؟
وغيرهم من الكتاب
( طه حسين ) و ( توفيق الحكيم ) و ( عباس العقاد )
كل دول كانوا فى عهد عبد الناصر
ياجوووونى
مين اللى دمرهم ؟​

 

[Strident]

دول بتوع الليبرالية الاجتماعية...

انما الليبرالية السياسية دمرها.....يا ترى اللي كان بيقول يسقط حكم العسكر كان بيروح فين؟
الاحزاب راحت فين؟
الوفد راح فين؟

 

[عبود عبده عبود]

دول بتوع الليبرالية الاجتماعية...

انما الليبرالية السياسية دمرها.....يا ترى اللي كان بيقول يسقط حكم العسكر كان بيروح فين؟
الاحزاب راحت فين؟
الوفد راح فين؟

ماحدش عمره قال يسقط حكم العسكر
هو كان نظام الحكم ديكتاتورى فعلا
بس احسن من الحكم الأسلامى بكتيييييرررر
اقولك على حاجة
عارف عبد الرحمن الأبنودى طبعا
اللى أتسجن فى عهد عبد الناصر دلوقتى كاتب فيه مرثية
كااااملة​

 

[Strident]

ماحدش عمره قال يسقط حكم العسكر
هو كان نظام الحكم ديكتاتورى فعلا
بس احسن من الحكم الأسلامى بكتيييييرررر
اقولك على حاجة
عارف عبد الرحمن الأبنودى طبعا
اللى أتسجن فى عهد عبد الناصر دلوقتى كاتب فيه مرثية
كااااملة​

انا اكيد عارف ان حكم الإسﻻميين أسوأ حاجة ممكنة...

لكن ده مش معناه ان مبارك او عبد الناصر حلو...

لمجرد انه احسن شوية من الاسوأ، مش معناه انه حلو او مش سيء...

الاهم بقى....

انه حكمه اللي مش أسوأ أوي ده، هو اللي مهد الطريق لحكم الإسﻻميين...

ومبارك بغباوته.....حكمه خﻻ حكم الإسﻻميين بعده، او بالكتير بعد جمال حتتتممممييييي ﻻ مفر منه
ﻷنه سجن كل المعارضين وساب الاخوان عشان يخوف بيهم جورج بوش لما قعد يقول له الاصﻻح والديمقراطية وسيّبهم في 2005 وخدوا 88 كرسي في البرلمان...

ومش يتعلم ﻷ سايبهم برضو يعطوا (اول سنة ليا في الكلية كانوا بيكتبوا "شباب التيار الإسﻻمي")
من أول تاني سنة بيكتبوا علناً "شباب الإخوان المسلمين" )

وعايشين حياتهم...



فمش معنى ان عبد الناصر ماكانش الأسوأ، انه مش سييء......والاهم، انه مهد الطريق للأسوأ الله ينتقم منه

 

[Strident]

ﻻ انا مش فاكر اسامي بس اول كام سنة كان فيها يسقط حكم العسكر وسجنوا ناس كتير

 

[Dona Nabil]

 

[عبود عبده عبود]

لكن ده مش معناه ان مبارك او عبد الناصر حلو...

أديك نطيت بينا على مبارك
بعد محمد على والسادات
الموضوع خاص بعبد الناصر
ياجون​

فمش معنى ان عبد الناصر ماكانش الأسوأ، انه مش سييء......والاهم، انه مهد الطريق للأسوأ الله ينتقم منه

تؤ تؤ تؤ
كدة أزعل منك بجد
هو فيه مسيحى بيدعى على حد بالأنتقام برضه ياجونى ؟​

​

​

خليت اية للسلفيين والمشايخ ؟
ع العموم هسيبك مع حاجة صوغننة تفكر فيها وترد عليا بكرة
عبد الناصر لما مات
كان حيلته أية ؟؟؟؟؟؟؟؟؟؟؟؟؟؟؟؟
دة كان أكبر زعيم عربى فى أكبر دولة
والتأميم وما تأميمشى
كان حيلته أية
؟؟؟؟؟؟؟؟؟؟؟؟؟؟؟؟؟؟؟؟؟
بس كدة ​

 

[Strident]

أديك نطيت بينا على مبارك
بعد محمد على والسادات
الموضوع خاص بعبد الناصر
ياجون​

تؤ تؤ تؤ
كدة أزعل منك بجد
هو فيه مسيحى بيدعى على حد بالأنتقام برضه ياجونى ؟​

​

​

خليت اية للسلفيين والمشايخ ؟
ع العموم هسيبك مع حاجة صوغننة تفكر فيها وترد عليا بكرة
عبد الناصر لما مات
كان حيلته أية ؟؟؟؟؟؟؟؟؟؟؟؟؟؟؟؟
دة كان أكبر زعيم عربى فى أكبر دولة
والتأميم وما تأميمشى
كان حيلته أية
؟؟؟؟؟؟؟؟؟؟؟؟؟؟؟؟؟؟؟؟؟
بس كدة ​

مبارك كان مجرد مثال....باوضح ان اللي سييء شويتين بس مش تﻻتة، بيؤدي للأسوأ...

- الدعوة بالانتقام ده مجرد تعبير......يا ريت احس ان حضرتك بتحاول تفهم قصدي مش بتحاول تتلكك لي على غلطة

- هو كفاية انه كان عايش في قصور الرئاسة لكنه اه ما سرقش واه ما نهبش....لكن جنون العظمة اللي عنده وتشبثه بالسلطة وديكتاتوريته كانوا كارثة لوحدهم....

 

[Dona Nabil]

اوقات بحس أنه حلال فينا مورسى وعصابته ..أكيد التاريخ حابب يدينا درس

 

[++ كيرلس ++]

تؤ تؤ تؤكدة أزعل منك بجد
هو فيه مسيحى بيدعى على حد بالأنتقام برضه ياجونى ؟​

مشكلة الزميل جوني مثاليته وبعده عن الواقع في التحليل، فلا يرَ إلا السلبيات، ويحبس نفسه في التنظير دون كلام حقيقي يأخذ كل النقاط بعين الإعتبار وبعد ذلك يخرج بحل للمشكلة.

حضرتك خايف على الإقطاع، طيب وبقية الشعب المصري (مسيحيين ومسلمين) ياكل من الزبالة يعني؟ عبد الناصر عمل إنجازات لم يعملها أي قائد مصري، أمم القناة، وأتاح التعليم للجميع، وأنشأ المصانع وأصلح الزراعة، وأنشأ جيش يُحسب له حساب بعد أن كان جيش الملك مضحكة للمنطقة، هذا غير تعزيز هوية مصر في العالم كله، وفي عهده كان الكل متساويا أمام الدولة، ولا ننسى أن الكتدرائية المرقسية بُنيت في عهده ولم نسمع عن "مسيحي ومسلم" في عهده.

حتة الديمقراطية والقومية العربية ممكن ناخد وندّي فيهم مش مشكلة، ممكن تعتبرهم سلبيات لو شئت (وأختلف معك طبعا)، لكن كُن منصفا وخذ الصورة كاملة وليس جزءا منها.