إخلاء سبيل 3 أقباط لاتهامهم بازدراء الأديان بالإسكندرية

[سمعان الاخميمى]

طيب السؤال فين ازدراء الاديان فى القصه دى
فعلا فيه شيطان بيلعب لعبه قذره جدا
​

 

[soul & life]

الكلام ده منشور على موقع مسيحى ومعرفش بصراحة مدى صحته !!


ملخص احداث "قضية البلح "

الساعة 7:00 كلمنى صديق ليا عشان واحد صاحبنا اتمسك وهو بيوزع بلح مسكه شخص اسمه "محمود عبد الحليم موسى " مدير تحرير جريدة ميدان الرياضة " احتجزه فى محل وقام بالتعدى عليه واخذ بطاقته وصورها ثم نقله على نقطية سيدى بشر
وصلت على النقطة مع صديق عشان نشوف حكاية اللى اتمسك
الساعة 8:30 جه المُبلّغ طبعا بيتعامل معاملة لواء فى النقطة لدرجة انه خد موبيل ظابط يتكلم فيه وبيقول لصاحبنا اللى اتمسك انا مش هاسيبك وحساب القسم حاجة وحسابى معاك ومع اهلك حاجة تانية "كل ده عشان بيوززع بلح "
تم نقل صاحبنا اللى اتمسك على قسم المنتزة اول "فكتوريا" – وبعدين وصلنا القسم انا وصديقى اللى بلغنى وهناك فوجئت ان امناء الشرطة بيقولوا انت اللى جاى مع بتاع البلح "خدوهم على الحجز " ومعاملة غير مبررة من كل القسم للمُبلّغ لدرجة انه بيمسك الاحراز بنفسة اللى هى شنطة فيها بلح وبعض نسخ من تعاليم المسيح كتيب لا يزيد عن 10 صفحات فى حجم كتيب الجيب "وهو اللى بيقول للامناء والضابط يكتبوا اية فى المذكرة

تم تلفيق محضر ان فى 3 اشخاص بيوزعوا بلح ومعهم كتيب به تعاليم المسيح " واحنا اصلا مكناش موجودين ولا لينا دعوة باى حاجة
ولما وصلت طبعا خدوا البطاقة والموبيلات وكل حاجة لدرجة ان اهلى معرفوش حاجة الا بليل على 12
اتحولنا على النيابة وخدنا معاودة تحريات امن وطنى تانى يوم اللى فيه ادعى الامن الوطنى ثبوت التهمة وكان التقرير تهمتين من النيابة العامة وهم
1- ازدراء اديان
2- اتباع اسلوب تبشيرى حديث واستقطاب المسلمين لهم.
واحنا اصلا انا وصديقى مكانش لينا دعوة بأى حاجة وصاحبنا اللى اتمسك مكانش بيوزع غير بلح
وبقت قضية وخرجنا ب 10000 كفالة على ذمة القضية لكل واحد
ثم الامن الوطنى "امن الدولة " استدعانا امبارح وعادوا التحقيقات تانى والاسئلة ومصممين انى كنت موجود انا وصديقى وان صاحبنا اللى اتمسك كان بيوزع بلح وكتيبات

للاسف كل اللى اقدر اقوله ان لو واحد كان اتمسك بحشيش ولا بيشرب خمرا فى الشارع كان طلوعه هايبقى اسهل من كل التعنت والاسلوب اللى كان بيتعمل معانا
هل هو دة مقابل رد الجميل عن فعل عمل خير فى رمضان عشان واحد ياخد ثواب افطار اخ صائم
فى ناس فى البلد دى عايزة تعمل فتنة وتعمل كراهية بين المسحيين والمسلمين من لا شئ لكن ده مش هايحصل وهانفضل واحد وفعل الخير حتى ان كان بيتقابل بظلم فى رب هو اللى يعوض عنه .

 

[aymonded]

يا غالي مش مسألة فين مهي التهمة الوحيده اللي ممكن يتمسك بيها حد هي ازدراء أديان مش تبشير، لأن التبشير مش في القانون، يعني مش فيه قانون يقول التبشير جريمة، فهايقبضوا عليهم بأي تهمه غير ديه، مع انها في النهاية هاتبقى براءه لأنها مش محدده، تهمه مطاطة بلا معنى، يعني مش فيه تحديد لشكل الازدراء ده ايه علشان يتم المحاكمة بناء عليه... أنا مش شوفت قبل كده نوع الازدراء ده ايه ولا حد قال شكله ايه أساسا علشان الناس تتجنبه....
​

 

[سمعان الاخميمى]

اعيد اصرارى على ان القصه واضحة جدا
ان الشخص الصحفى ده متواطئ مع جهه خارجيه
بالاضافه الى تورط قسم الشرطه فى الموضوع
وده مش غريب على اقسام الشرطه فى اماكن كتير لما بيبقى المتهم مسيحى او صاحب الحق مسيحى
​

 

[grges monir]

القصة سواء صحيحة ام لا
الا انها تطلق انذار على مستوى الفكر لكثير من فئات المصريين حاليا
الدين اصبح بعبع بطريقة غريبة

 

[ElectericCurrent]

تمر يتسبب فى فتنة طائفية وإزدراء أديان أكيد يبقي تمر ماركة "القمص زكريا بطرس" أو ماركة "براذر راشيد"
أنا إللى مجننى إزاى أخلو سبيلهم بس بكفالة عشرتلاف جنيه .. بينما الناس فى بورما يرتكبون المجازر الدموية ضد الابرياء الروهيجنا ؟؟!!

​

 

[ياسر رشدى]

القصة سواء صحيحة ام لا
الا انها تطلق انذار على مستوى الفكر لكثير من فئات المصريين حاليا
الدين اصبح بعبع بطريقة غريبة

ههههههه طب شوف البعبع ده

[YOUTUBE]3Q9ApIwIf0o[/YOUTUBE]

انا شخصيا معنديش مشكلة في التبشير فهو حق لاي مواطن طالما ليس فيه استغلال او اجبار
​

 

[ElectericCurrent]

أنا شايف إن من حق أى واحد يدعو إلى سبيل ربه بالحكمة والموعظة الحسنة ,,والتمر.​

 

[soul & life]

ههههههه طب شوف البعبع ده

[YOUTUBE]3Q9ApIwIf0o[/YOUTUBE]

انا شخصيا معنديش مشكلة في التبشير فهو حق لاي مواطن طالما ليس فيه استغلال او اجبار
​

يا حول العالم ده الدواعش نفسهم لما بيوزعوا موت و ارهاب مبيقفوش واقفة راجل واحد ويهاجموهم كده !! شكل الكتب دى كانت ملغمة :gun::gun:
حاربوا الكتب النصرانية الكتب النصرانية سلاح مميت فى بيت كل مسلم :smile02

 

[ياسر رشدى]

دا بقي فيديو لشباب مسيحي اسكندراني بيوزع بلح ومعاه ورقة (جوه الكيس) مكتوب عليها ايات محبة من
الكتاب المقدس والشباب بيقولوها عادي

وانا شخصيا مش شايف فيها اي مشكلة
لان الواحد لما بيحب يهادي او يدعو شخص
بيكتبله اغلي حاجة عنده

زي ماران كده كان هاريني ايات كل يوم علي الخاص هههههههههه
قلت اهاديه مرة بأية من عندي ههههههههههه
ومن ساعتها بطل تماما ههههههههه

[YOUTUBE]fj4D05UGxp4[/YOUTUBE]
​

 

[soul & life]

احنا بنعانى فى مصر بسبب جهل الناس او عامة المسلمين وجهلهم بالمسيحية وتلاقى لما تصاحب حد مسلم ويعرف انك كويس ويكون بينكم عشرة ومحبة يجى يعترفلك بانه بصراحة مكنش يتوقع انه فى يوم من الايام هيلاقى حد مسيحى بالاخلاق والطيبة دى !!

وانت تكون فى قمة الاندهاش طيب ليه يا جماعة كده وتبتدى تفهم منه ليه مكون الصورة دى عن المسيحيين وهتلاقى نفسك بتنبهر باللى بتسمعه قصص واساطير ولا فى الخيال ههههه
هما بيعتقدوا اننا بنعبد ثلاثة ولنا 3 آلهة وبيعتقدوا ان عندنا العدرا اتجوزت من ربنا
كمان هما فاهمين ان الكنيسة نادى اجتماعى وله مساوئه وبيحصل فيها اللى احنا كمجتمع شرقى منسمحش بيه وكل المعلومات المغلوطة دى سببها الجهل وعدم الاطلاع
حتى المتعلمين اللى بحكيه ده عرفته وسمعته مرة من واحده بتعمل ماجستير من الشرقية وواحده خريجة كلية علوم باسكندرية
يعنى امر مفزع انك تلاقى اشخاص حاصلين على شهادات عليا ومع ذلك جهلم وعدم اطلاعهم فاق الحد ..

فليه زعلانين اننا بننشر بعض اياتنا وعقيدتنا فى حدود المحبة والاخوية اذا كان الجهل بعقيدتنا المسيحية ولد لنا النبذ والتعصب والتشدد والارهاب والنتيجة كانت اننا بنتعامل فى بلادنا على اننا اشخاص منبوذين كفرة و مغضوب علينا !!!

 

[ياسر رشدى]

أنا شايف إن من حق أى واحد يدعو إلى سبيل ربه بالحكمة والموعظة الحسنة ,,والتمر.​

اينعم .. كلامون صحيحون يامولانا
دعنا نزيد عليها والهجرتو الي بلاد الفرنجة
​

 

[grges monir]

ههههههه طب شوف البعبع ده

[YOUTUBE]3Q9ApIwIf0o[/YOUTUBE]

انا شخصيا معنديش مشكلة في التبشير فهو حق لاي مواطن طالما ليس فيه استغلال او اجبار
​

مش هاعرف اشغل الفيديو يا اخويا
عربى شخصيا معتدهوش مشكلة يبقى المشكلة فين بقى ههههه
زمان مان فية واحد معانا اسمة نصر
اتكلمنا ف النقطة دى ومين لة الحق
قاللى حسب قانون البلد ههههه
قلت لية ماهو انمت بتعمل دعوة برة حد بيقولك حاجة
قال لا نظام البلد هو الى سامح ههههه

 

[grges monir]

احنا بنعانى فى مصر بسبب جهل الناس او عامة المسلمين وجهلهم بالمسيحية وتلاقى لما تصاحب حد مسلم ويعرف انك كويس ويكون بينكم عشرة ومحبة يجى يعترفلك بانه بصراحة مكنش يتوقع انه فى يوم من الايام هيلاقى حد مسيحى بالاخلاق والطيبة دى !!

وانت تكون فى قمة الاندهاش طيب ليه يا جماعة كده وتبتدى تفهم منه ليه مكون الصورة دى عن المسيحيين وهتلاقى نفسك بتنبهر باللى بتسمعه قصص واساطير ولا فى الخيال ههههه
هما بيعتقدوا اننا بنعبد ثلاثة ولنا 3 آلهة وبيعتقدوا ان عندنا العدرا اتجوزت من ربنا
كمان هما فاهمين ان الكنيسة نادى اجتماعى وله مساوئه وبيحصل فيها اللى احنا كمجتمع شرقى منسمحش بيه وكل المعلومات المغلوطة دى سببها الجهل وعدم الاطلاع
حتى المتعلمين اللى بحكيه ده عرفته وسمعته مرة من واحده بتعمل ماجستير من الشرقية وواحده خريجة كلية علوم باسكندرية
يعنى امر مفزع انك تلاقى اشخاص حاصلين على شهادات عليا ومع ذلك جهلم وعدم اطلاعهم فاق الحد ..

فليه زعلانين اننا بننشر بعض اياتنا وعقيدتنا فى حدود المحبة والاخوية اذا كان الجهل بعقيدتنا المسيحية ولد لنا النبذ والتعصب والتشدد والارهاب والنتيجة كانت اننا بنتعامل فى بلادنا على اننا اشخاص منبوذين كفرة و مغضوب علينا !!!

يعنى هو حلو ليهم حرام لغيرهم
دة احنا وفى المدراس كنا بنحفظ كمية ايات واحاديث قرانية اكتر ما حفظين من الانجيل ههههههه

 

[grges monir]

اينعم .. كلامون صحيحون يامولانا
دعنا نزيد عليها والهجرتو الي بلاد الفرنجة
​

بالاضافة الى المحفوظات فى العربى هههههه

 

[ياسر رشدى]

يعنى هو حلو ليهم حرام لغيرهم
دة احنا وفى المدراس كنا بنحفظ كمية ايات واحاديث قرانية اكتر ما حفظين من الانجيل ههههههه

موضوع ادخال الدين في الدراسة ده موضوع فاشل اساسا ... العلوم الروحية لازم يبقي لها اماكن مستقلة عن التعليم ... احنا عندنا تنوع ديني ف مصر
فيه البهائي والملحد والطوائف الاسلامية والمسيحية ... مال ده ومال الدراسة العلمية

الموضوع محتاج دراسة وعدل ... لو الحكام عرفوا ان
العدل هوه اللي بيخلق الرضا كان كله نام سعيد ومبسوط
​

 

[سمعان الاخميمى]

للدرجادى حاسين ان ديانتهم هشه
ولا هو مخطط قذر زى ما انا برجح
​

 

[كليماندوس]

نجيب جبرائيل يعلق على احتجاز مسيحيين في الإسكندرية بتهمة التبشير

قال المستشار نجيب جبرائيل ، رئيس منظمه الاتحاد المصري لحقوق الإنسان، إن واقعة احتجاز الشباب المسيحى في الإسكندرية أثناء تقديمهم تمور للمصلين الأغرب من نوعها، وأثارت الجدل ليس في أوساط القانونيين المسيحيين والمسلمين.
وأوضح «جبرائيل»، توزيع الشباب المسيحى وجبات إفطار مرفق بها ورقة صغيرة بها آيتين من الكتاب المقدس، «الله محبة»، و«إن يسوع المسيح يحب الجميع»، ونشر صحفي الوريقة الصغيرة، وإبلاغ الجهات الأمنية، متسائلا: ما السند القانونى الذي حرر على اساسه ضابط الشرطة محضره، وأحاله مأمور القسم إلى النيابة، لافتا إلى أنه لا توجد مادة في قانون العقوبات ولا في تعديلاته ولا في أي قانون مصرى تسمى جريمة التبشير، كما لا توجد مادة في ذات القوانين تسمى جريمة الدعوة.


وتابع رئيس منظمه الاتحاد المصري لحقوق الإنسان، أنه بالقانون المصرى ما يسمى جريمة إزدراء الأديان، منصوص عليها في المادة 98 مكرر و98 من قانون العقوبات، وتختص بإهانة الذات الألهية والتعرض بالإهانة للأنبياء والرسل، والحض على كراهية دين من الأديان والمساس بثوابته.


وقال«جبرائيل»، إن الأمر يحتاج وقفة من التفتيش القضائى للنيابة العامة، ويتعلق بالأمن القومى للبلاد والمصلحة العليا للوطن، مضيفا «يوميا نُغرق كمسيحيين ومسلميين في وسائل النقل العام وفى الشوارع بنبذات وكتب إسلامية قد نستمتع بما جاء بآيات من المودة والرحمة، وربما تكون بعضها نبذات كتبها متطرفيين ولا نقيم الدنيا ولا نقدعها، وإذ نظرنا إلى هؤلاء الشباب المقبوض عليهم وكان دافعهم المحبة والعطاء، واتهموا بالتبشبر، فماذا تنظر الدولة أذن إلى من وصف المسيحية بأنها ديانة فاشلة مثل الدكتور محمد عمارة، ومن حض على قتل المسيحيين وكراهيتهم وعدم تهنئتهم وتكفيرهم، مثل الدكتور ياسر برهامي .

المصدر
http://www.christian-dogma.com/vb/showthread.php?p=3810260

 

[Desert Rose]

هو الكلام ده طلع صح ولا فبركة؟ فيه ناس كتير بتقول انه متفبرك ، هو كده فعلا ولا هما بيدارو علي خيبتهم وكسفتهم ؟
هو يعني علي ما أفتكر يعني زمان واحنا صغيرين في رمضان وقت الفطار المسيحيين أساسا كانو بيجرو يستخبو ، دلوقتي بقو بيوزعو تمر عادي كده؟ الدنيا اتغيرت ولا ايه؟ انا معرفش بجد لأَنِّي ليا كام سنة مزورتش مصر
المهم ، لو الخبر ده صحيح ، يجو يقبضو علي اللي عندنا اللي بيدعو لدينهم بمنتهي الحرية وكمان في دول تانيه عايزين يشيلو الصلبان علشان بتستفز مشاعر حضارتهم المرهفة؟ يعني انا اروح السعودية أقولهم شيلو الكعبة علشان بتستفز مشاعري؟ ياخي تتحرق مشاعركم ، جايين ورآنا ومش عاتقنا وعايزين الكون يمشي علي مزاجكم؟ ، ولو حد قالهم القانون بيمنع الحجاب في فرنسا مثلا، يقوم الغجر بمظاهرات في باكستان علشان الحجاب في فرنسا وهما عمرهم ما شافو فرنسا أصلا ولا يمكن حتي سمعو عنها ، بجد بقيتم لا تطاقو في العالم كله
ولا اللي يقول في الدول الغربية امنعو البكيني علي الشواطيء احتراما لرمضان ، ياخي جاتك داهيه ارجع لبلدك ، شيء مقزز

 

[BITAR]

انا بنتى وابنى كانوا مع عمهم فى سيدى بشر
فى نفس التوقيت
وتم توزيع عليهم كتيب الموعظة على الجبل
​