إخلاء سبيل 3 أقباط لاتهامهم بازدراء الأديان بالإسكندرية

[سمعان الاخميمى]

إخلاء سبيل 3 أقباط لاتهامهم بازدراء الأديان بالإسكندرية


نقلا عن فيتو

أخلت نيابة الإسكندرية سبيل ثلاثة من شباب الأقباط بكفالة 10 آلاف جنيه لكل منهم، عقب إلقاء القبض عليهم أثناء توزيعهم "تمر رمضان" على الصائمين بداخله تعاليم دينية، بشرق المحافظة، ووجهت إليهم تهمة ازدراء الأديان.

وكشفت التحقيقات عن تلقي قسم شرطة أول المنتزه من أحد المواطنين بقيام 3 شباب وهم "ع. م"، و"ك. ن"، و"هـ.غ" بتوزيع تمر على الصائمين المارين بأحد شوارع منطقة المنتزه، وتم تغليفه بورق شفاف حمل في طياته ورقة مطوية صغيرة مكتوب عليها تعاليم الدين المسيحي، متهما الشباب بالتبشير بالمسيحية واستقطاب المسلمين لهم.

 

[سمعان الاخميمى]

الموضوع مش راكب على بعضه
​

 

[عبود عبده عبود]

الموضوع مش راكب على بعضه
​

خاااااااااااااااااااااالص ونهائى يعنى
ماعندناش تهمة أسمها ( تبشير ) يا جماعة
بالعقل كدة كان كل القنوات المسيحية دى قفلت
ومكانش التلفزيون الرسمى المصرى ينقل قداسات الأعياد
ولا كان 7 يناير يبقى أجازة رسمية للدولة
ولا كان الريس راح بنفسه للكاتدرائية للتهنئة
ولا كان المحترم عدلى منصور علمها هو ورئيس مجلس الوزراء

أحترسوا يا أخوانا من الدعاوى الزبالة دى
أحنا مش ناقصين بجد
​

 

[سمعان الاخميمى]

ده مش قصدى يا أخ عبود نهائى
لكن اعتراضى لاكتر من سبب
1- اللى بيوزع التمر فى الطرق فى رمضان وحتى جوه البلد مش مسيحيين نهائى لأن ببساطه المسيحى بيتجنب يكون فى الشارع وقت الفطار احراجا من كل النا اللى هتعزمه على الفطار معاها
2- ان اللى بيوزع التمر بيوزعه فى جو من المحبه واحترام العقيده مش من اجل ايصال رسالة تبشيريه بطريقه ساذجه.
3- موضوع التبشير فى الشوارع انتهى من قرابة عقد ونصف بسبب ظهور الطرق التبشيريه الاكثر انتشارا وفعاليه مثل القنوات الفضائيه والانترنت.
4- اللى بيقوم بالتبشير بالطريقه دى فى جو رمضان بالظبط زى اللى بيرمى نفسه من اعلى ناطحة سحاب ويقول يارب ماموتش.

 

[ElectericCurrent]

ا

لشبان دول يستاهلوا ما حدث لهم
وهما بيوزعوا تمر.. ليه
ممنوع اطعام الوحوش الا فى وجود الحارس.​

 

[ياسر رشدى]

​

دي صورة الكيس والموقع ديني فعلا
بس هل الصورة متلفقة ... الله اعلم

http://life-club.org/main/

​

 

[AL MALEKA HELANA]

ا

لشبان دول يستاهلوا ما حدث لهم
وهما بيوزعوا تمر.. ليه
ممنوع اطعام الوحوش الا فى وجود الحارس.​

هههههههههههههههههههههههههههههههه

 

[عبود عبده عبود]

​

دي صورة الكيس والموقع ديني فعلا
بس هل الصورة متلفقة ... الله اعلم

​

[FONT=&quot]يا عم ياسر ماعندناش تهمة أسمها ( تبشير )​

[FONT=&quot][/FONT]​

[FONT=&quot]لما تلاقى جريدة ألكترونية أو صحفى كاتب كدة ...يبقى نصاب وكذاب وجاهل [/FONT]​

[FONT=&quot]ولو أزدراء ... أزدراء أية دة اللى يكتب المولى والعليم القدير ؟!!!![/FONT]​

[FONT=&quot]وبعدين الخبر لا فيه أسم مأمور القسم ولا وكيل أو رئيس النيابة ولا أى حاجة ؟؟؟[/FONT]​

[FONT=&quot]دولى بيكتبوا أسمائهم لو كحوا أو عطسوا ..!!![/FONT]​

[FONT=&quot]ولو موقع دينى كان أمر بضبط وأحضار صاحب الموقع علشان تبقى القضية [/FONT]​

[FONT=&quot]مكتملة أركانها ...دة لو كان الخبر صحيح يعنى وله علاقة بالبلح فعلاً[/FONT]​

[FONT=&quot]الخبر منشور على لسان حاجة أسمها ( الحرية للجدعان )[/FONT]​

[FONT=&quot]فيه حاجة مش مظبوطة فى الخبر إما هو كذب فى كذب[/FONT]​

[FONT=&quot]أو موضوع تانى خاااالص [/FONT]​

[/FONT]

 

[عبود عبده عبود]

1- اللى بيوزع التمر فى الطرق فى رمضان وحتى جوه البلد مش مسيحيين نهائى لأن ببساطه المسيحى بيتجنب يكون فى الشارع وقت الفطار احراجا من كل الناس اللى هتعزمه على الفطار معاها

أديك قولتها ...ودة فعلاً بيحصل
وفيه عندنا فى المنطقة شباب مسلمين على مسيحيين
بيقفوا مع بعض ويوزعوا ...عااادى جداً
الخبر دة فيه حاجة مش مظبوطة ...ودة رأييى الشخصى
​

 

[aymonded]

الموضو ع انا مش بالعه لعدة اسباب:
أولاً: مش فيه حد مسيحي يعني هايقف يوزع تمر وبلح ومية والكلام ده وقت الفطار، مش حصلت خالص قبل كده ومش اعتقد انها هاتحصل...
ثانياً: الشرطة يعني مش هاتفتش الأكياس اللي بتتوزع لأنها ساعة فطار ومعظم الشوارع فاضية، إلا لو حد بلغ عن حد بيضايقه، فممكن يتعمل محضر إزعاج أو لو هناك حصل تعصب يبقى محضر ازدراء أديان وهايتحكم في النهاية براءه لأنه مش هايبقى فيه دليل لأن التهمة دية مطاطة مش ليها معنى محدد...
ثالثاً: على الأقل كان اتذكر اسم الشرطة والمركز ومين اللي قبض او حتى رقم المحضر أو القضية.. الخ
رابعاً: مش فيه حد يصدق خبر على النت من أصله لأن معظم الأخبار بتبقى تهييس لمؤآخذه
​

 

[soul & life]

هو فى فعلا شباب مسيحى بيوزعوا تمر وعصير ساعة الفطار وده شوفته بنفسى تحديدا عند كنيسة القديسين فى مفرق كده على اول الشارع واقفين وبيوزعوا على كل العربيات والمارين منهم كمان بنات سنهم صغير وتقريبا معاهم شاب سنه كبير عنهم وبعتقد انه مسئول الخدمة ليهم وهو واقف بيباشر معاهم وكل واحد او واحده ماسك كرتونة صغيرة فيها الكياس فيها البلح والعصير لكن لا شوفت معاهم منشورات ولا اى حاجة دى كيسة فيها بلح وعصير وابتسامة حلوة
معرفش بقا اللى بتحكوا عليه ده حصل فين ومن مين؟!

 

[عبود عبده عبود]

[FONT=&quot]والله يا أجمل أخ حلو ...مش عارف مين اللى بينخور فى البلد دى ​

​

[FONT=&quot]وانت جبت المفيد فعلاً [/FONT]​

[/FONT]

 

[soul & life]

هو من ناحية النخورة فالنخورة موجوده وبقوة بس دى افكار ابليس ربنا يسترها

 

[aymonded]

هو انا في القاهرة مش شوفت ولا مرة واحد مسيحي أو حد من كنيسة خادم والا خدام والا أي حد وقف يوزع حاجة زي دية نهائياً، لكن اسكندرية مش عارف، وحتى فعلاً لو حد هايوزع يوزع منشورات ايه !!!!
هههههههههههههههه الخبر ده عامل زي موضوع القنصلية الإيطالية اللي انفجرت في القاهرة والمبنى اصلاًَ مهجور ولا فيه حد ولا حتى واقف قدامه حد، المصابين بس هما اللي مروا من جانبه، في حد يصدق اخبار بتطلع على النت والا حتى من التليفزيون، ده الغريبة الناس صدقت فعلاً أن القنصلية مش عليها حراسة، مع ان مش فيه قنصلية - في محافظات مصر كلها - اصلاً بتسمح لحد يركن عربيته قريب منها.. وعليها يعني حراسة مشددة للغاية... فكلام الناس ده عجيبب بصراحة...

وعامل زي لما موقع ساخر اتكلم عن انتاج البيض النباتي وجاب صورة بتنجان ابيض على الشجر وهو لسه مش كمل نضجه وكان شكله مدور يشبه البيض وكتبوا تحيته أن اول عالم حاول انتاج البيض هو دافنشي، وأنه عمل تجربة بتطعيم دجاجه شمورت في شجرة، المهم الخبر فيه كلام كتير يضحك، المصيبة أن الناس سابت كل ده ومسكت في ان الكنيسة ازاي تسمح ان يكون الصوم بهذا الشكل وأن ده تحايل على الصوم.. الخ الخ، يعني حاجة عجيبة ان حد يصدق أن فيه شجر بيض ههههههههههههههههههه
​

 

[soul & life]

هو فى اسكندرية انا شوفت وعند كنيسة القديسين تحديدا وعطونى فى العربية كيسة فيها البلح والعصير ومكنش معاهم اى منشورات هما كل اللى بيعملوه بيقدموا الكيسة بابتسامة حلوة ودا فى حد ذاته حاجة جميلة وانا انبسط بيهم اوى واقفين جانب كنيستهم وبيعملوا خير مع الصايمين بس فكرة ان الموضوع يتقلب بالشكل ده ده بقا الشىء العجيب فى الموضوع
يعنى تعمل خير يتقلب شر
حكاية القنصصلية دى بقا اللى تجنن مفيش ولا برنامج قال ان المبنى ده مهجور ولا حتى موقع اخبارى من مواقع النت طيب ازاى معقول يعنى دى حقيقة مخبينها ولا ايه الغرض من كده .. عندنا هنا فعلا لو فى سفارة لاى بلد ممنوع الانتظار امامهم وبيكون فى امن والشارع نفسه من اوله لاخره بيكون عليه امن وتدقيق للداخل واللى خارج!

 

[Maran+atha]

خالد منتصر لــ الداخلية: التجسس علي البلاد بـ”قمر الدين”

خالد منتصر لــ الداخلية: التجسس علي البلاد بـ”قمر الدين”




استنكر الدكتور خالد منتصر رئيس قسم الجلدية والتناسلية بهيئة قناة السويس، قبض قوات الشرطة علي شباب (مسيحيين) لتوزيعهم تمر علي الموجودين في الشارع من المسلمين ساعة الإفطار، بتهمة “التبشير” .
وقال منتصر في تداول على صفحنه الرسمية علي موقع التواصل الاجتماعي “فيس بوك”،:”معقول توزيع التمر من مسيحى على أخوه المسلم وقت الفطار يعتبر تبشير ويستحق تهمة ازدراء أديان ..الحمد لله انهم ماكانوش بيوزعوا قمر الدين والا كانوا اتعدموا بتهمة التجسس على البلاد عبر الأقمار !!!”
كانت قوات الأمن في قسم المنتزه تلقت بلاغًا من المدعو محمود عبد الحليم موسى (44) سنة .. صحفى بجريدة ميدان الرياضة .. محل أقامت شارع سينما المنتزة ..
وتم القبض علي3 شباب (مسيحيين الديانة) أثناء توزيعهم “تمر رمضان”قبل ساعة الإفطار اليوم الإثنين بشرق المحافظة ووجهت إليهم تهمة “ازدراء الأديان”.
قررت نيابة المنشية بالإسكندرية، إخلاء سبيل الشباب وهم: فوزى اسامة فوزى سنة (16) سنة والثاني: شادى سعيد رياض صموئيل (20) سنة والثالث: ستيفن محب (21) سنة وذلك بعد تمام تحريات الأمن الوطني، بكفالة 10 آلاف جنيه على ذمة القضية التي قُيدت ضدهم بإزدراء الأديان، بعد قيامهم بتوزيع منشور عن المسيحية داخل تمر إفطار للمسلمين.


كتابة : نورا طاهر

 

[aymonded]

هو فى اسكندرية انا شوفت وعند كنيسة القديسين تحديدا وعطونى فى العربية كيسة فيها البلح والعصير ومكنش معاهم اى منشورات هما كل اللى بيعملوه بيقدموا الكيسة بابتسامة حلوة ودا فى حد ذاته حاجة جميلة وانا انبسط بيهم اوى واقفين جانب كنيستهم وبيعملوا خير مع الصايمين بس فكرة ان الموضوع يتقلب بالشكل ده ده بقا الشىء العجيب فى الموضوع
يعنى تعمل خير يتقلب شر
حكاية القنصصلية دى بقا اللى تجنن مفيش ولا برنامج قال ان المبنى ده مهجور ولا حتى موقع اخبارى من مواقع النت طيب ازاى معقول يعنى دى حقيقة مخبينها ولا ايه الغرض من كده .. عندنا هنا فعلا لو فى سفارة لاى بلد ممنوع الانتظار امامهم وبيكون فى امن والشارع نفسه من اوله لاخره بيكون عليه امن وتدقيق للداخل واللى خارج!

مهو علشان كده انا استغربت جداً، اصل المبنى ده ياما عديت من جنبه بعدد سنين عمري، وبقاله سنين مهجور تماماً، محطوط على بابه قفل مصدي، وكان قدامه كوم تراب يدل على الإهمال الشديد فيه، ومش واقف عليه غير القطط والكلاب وبعض الحشرات هههههههههههه، فجأة وبقدرة قادر بقى مبنى القنصلية، مع انه كان مبنى القنصلية قبل نقلها وسط البلد، بس من زماااااااااااااان وحالياً هو فارغ تماماً... ومش عارف ليه ركزوا انه مبنى القنصلية ومش عليه حراسة، يعني هايحرسوا إيه أساساً، القطط والكلاب والحشرات والتراب والزبالة، يعني في الأخبار وضحوا ان فيه اهمال لحراسة القنصلية، وكمان قالوا أن إيطاليا متراخية في أمنها وعجبي... وألف عجبي على الأخبار المنتشرة والمقلوبة.....
​

 

[سمعان الاخميمى]

شكرا ماران الخبر ده القى الضوء على حاجات كتير وبالتالى الخبر كده صحيح لانه فيه اسماء المتهمين واسم المبلغ وكمان طلع صحفى يعنى فيه حاجه بتتلعب متورط فيها الصحفى ده

 

[soul & life]

شكرا ماران الخبر ده القى الضوء على حاجات كتير وبالتالى الخبر كده صحيح لانه فيه اسماء المتهمين واسم المبلغ وكمان طلع صحفى يعنى فيه حاجه بتتلعب متورط فيها الصحفى ده

والمكان كمان شارع سينما المنتزة كده ده يعتبر نفس المكان اللى انا شوفت فيه الشباب والبنات واقفين يبقا الواقعة صحيحة ومش مجرد خبر متفبرك والسلام !

 

[aymonded]

لو كان الكلام صح يبقى الموضوع اتقال ازدراء أديان مش تبشير... وهناك فرق كبير
مع ان الكلام برضو لازال غامض يعني هما كانوا 3 فقط اللي بيوزعوا والا الباقي هرب
ولكن في النهاية هاتبقى براءه برضو
​