يوميات مينا ومريم ... قصة حب بين الصعيدي الاصيل والبنت الاستيل

[max mike]

رد على: يوميات مينا ومريم ... قصة حب بين الصعيدي الاصيل والبنت الاستيل

لا بأمانة انا مش قصدى كده انا بقول بس انى لقيتها بس وانا بصيت عليها بصة سريعة مقريتهاش انا مستنى سيادتك عشان انا بأمانة لاحظت فرق فى التنسيق بينك وبين اللى كاتبها هناك وانا مش قصدى ازعلك او اى حاجة وارجو انك تفهم وجهة نظرى
:big36::big33::8_8_35[1]::81ls:

 

[kajo]

رد على: يوميات مينا ومريم ... قصة حب بين الصعيدي الاصيل والبنت الاستيل

لا بأمانة انا مش قصدى كده انا بقول بس انى لقيتها بس وانا بصيت عليها بصة سريعة مقريتهاش انا مستنى سيادتك عشان انا بأمانة لاحظت فرق فى التنسيق بينك وبين اللى كاتبها هناك وانا مش قصدى ازعلك او اى حاجة وارجو انك تفهم وجهة نظرى
:big36::big33::8_8_35[1]::81ls:

دونت ورى

ولا يهمك
المهم تنبسط منها

 

[mero_engel]

رد على: يوميات مينا ومريم ... قصة حب بين الصعيدي الاصيل والبنت الاستيل

احنا نروح القسم وكل واحد ياخد حقه
كاجو متطولش كتير
وانجز في الحلقه الجايه
سامعني يا شطور​

 

[max mike]

رد على: يوميات مينا ومريم ... قصة حب بين الصعيدي الاصيل والبنت الاستيل

ههههههههههههههههههههههههه سمعت التحذير وانا بضم صوتى ليها انجز فى الحلقة بلاش تحرق اعصاب الناس انت شكلك هتخلص على اعضاء المنتدى عشان بستنوا كل حلقة وحلقة على ناااااااااااااااااااااااااار

 

[gigi angel]

رد على: يوميات مينا ومريم ... قصة حب بين الصعيدي الاصيل والبنت الاستيل

بقلك يا كاجو متخلص وتجيبها بسرعه بقى
حرام عليك

 

[kajo]

رد على: يوميات مينا ومريم ... قصة حب بين الصعيدي الاصيل والبنت الاستيل

الحلقه الاثنين والعشرون​

وقفنا المرة الى فاتت عند ريم كانت تعبانه وكانت في لحظه رومانسية هي ومينا دي بتبص في عنيه وهوه بيبص في وشها ​

ريم ​

ريم ​

ريم ​

ريم ​

ياتري كان عايز يقولها ايه ​

مينا : ريم
ريم : نعم يامينا في ايه خضتنى
مينا : انتي وشك اصفر شكل الكشري بتاع المحلات بتاع طنطا
ريم : بجد
مينا : اه بجد
ريم : طيب هاتلي دكتور ولا اعمل اي حاجه
مينا : حاضر حاضر هنزل اشوفلك دكتور تحت في اي حته
ريم : طيب يلا بسررعه
نزل مينا تحت وبيسأل ممرضة
مينا : لو سمحتي يا نيرس
الممرضه : ايوة تحت امرك
مينا : الامر لله يا قمر
الممرضه : بصت ليه كدا وقالتوا خير يا فندم عايز حاجه
مينا : اه واحد كابتشينوا من ابو رغوه وباكوين بسكويت لو سمحتي
قامت الممرضه ضحكت كدا وقالتوا
الممرضه : حضرتك دا مش كانتين دي مستشفي محترمه
مينا : اه مانا عارف عندنا زيها في بلدنا
الممرضه : بلدكوا ؟؟
مينا : اه بلدنا انا شايف الفضول في عنيكي وعايزه تعرفي ايه البلد
الممرضة : ههههههههه بصراحه اه
مينا : طيب مش هقولك
الممرضه : طيب مش مشكله المهم انت كنت عايز تقول ايه ؟
مينا : انا معايا واحده زملتي فوق رجليها مكسورة ولونها اصفر لو سمحتي عايز حد يشوفها
الممرضه : اه طيب اوكي تعالى هاجي معاك اشوف الموضوع يستلزم دكتور ولا لاء
مينا : اوكي اتفضلي
طلعت الممرضه معاه وساعه ماشافت ريم بنوته حلوه وعسولة وشكل نانسى عجرم
(راحت مسكت ايديها كدا علي اساس انها بتقيس ليها النبض يعني وقالت لمينا )
الممرضه : عايزاك ثواني
مينا : طيب حاضر هشوفها يا ريم شكل الموضوع خطير ولا شكلك هتموتي ونخلص منك
ريم : بعد الشر عليا يا رخم
مينا : انتى هترغي يا ستي استني لما اشوف الممرضه الى بره دي
ريم : طيب
خرج مينا بره لقي الممرضه مستنياه
مينا : ايه مالها خير
الممرضه : بص يا استاذ ....امممممم
مينا : اسمي مينا وبلاش استاذ دي شيلي التكليف حضرتك
الممرضه : ميرسي كلك زوق
مينا : اه مانا عارف البلد كلها بتقولي كدا حتي مريم بتقولي كدا
الممرضه : مريم مين ؟
مينا : هو انتي علي طول عندك الفضول ده ههههههههههه
الممرضه : سوري اني ادخلت في حاجه مش ليا فيها
مينا : لا عادي مفيش مشاكل المهم قوليلي ريم مالها
الممرضه : لالالا هى معندهاش حاجه هي بس لونها مخطوف من الخضه
مينا : ايه دا يعني هيا رجليها مش مكسورة
الممرضه : لا مكسورة بس دلوقتي بقيت كويسة وتقدر تروح كمان 10 ايام ان شاء الله
مينا : عشر تيام ينهار اسود ده احنا مسافرين بكره
الممرضه : مسافرين فين
مينا : رايحين القاهرة تاني احنا طالبه وجاين رحلة
الممرضه : اه طيب مهي مش هتنفع تخرج قبل كدا
مينا : خلاص هنسبها ولما تخف تبقي تيجي
الممرضه : لا متسبهاش هي ممكن تخرج النهارده
مينا : ايه الدوخه دى هههههههههههههههه الا قوليلي يا اسمك ايه
الممرضه : اسمي نهي
مينا : عاشت الاسامي يا نهي علي فكرة اسمك جميل اوي وانا بحبه
الممرضه : ميرسي ليك كلك زوق
مينا : ايوه مانا قولتلك عارف البلد كلها بتقول عليا كدا
الممرضه : هههههههههههههههههه
مينا : هههههههههههههه هوه انتي معاكي شبكة ؟
الممرضه : اه معايا
مينا : طيب ممكن رقم موبيلك
الممرضه : اها طبعا اتفضل 0000000000
مينا : طيب انا هروح اشوف بقيت صحابنا وهتصل بيكي اطمن علي ريم وانتي خدي بالك منها
الممرضه : طيب هتيجي امته علشان لو عايزين حاجه في الرسبشن
مينا : علي طول هشوف مريم بس واجي
الممرضه : طيب اوكي هستناك
مينا شكله علق الممرضه
في نفس الوقت دا مريم قلبت الدنيا علي ريم ومينا مش لاقيه حد ومش عايزه تسأل حد علشان ميبقاش شكلها وحش وفي الاخر اكتشفت انهم مع بعض هتعمل ايه بقي تعمل ايه تعمل ايه تعمل ايه فضلت تفكرر شويه وفي الاخر وصلت لفكررررررررة
ياتري هتعملي ايه يا مررررررررررررريم ؟​

طبعا كلكوا عايزين تعرفوا مريم هتعمل ايه دا الى مش هنعرفوا مع بعض النهارده​

لاني هسبها للحلقه الجايه​

انتظرونا​

 

[MarMar2004]

رد على: يوميات مينا ومريم ... قصة حب بين الصعيدي الاصيل والبنت الاستيل

حرام عليك ياكاجو ده انا تعبت من كتر الانتظار ومن كتر التعب عملت الزيدة ارحمني شوية ونزل باقي الحلقات

 

[kajo]

رد على: يوميات مينا ومريم ... قصة حب بين الصعيدي الاصيل والبنت الاستيل

حرام عليك ياكاجو ده انا تعبت من كتر الانتظار ومن كتر التعب عملت الزيدة ارحمني شوية ونزل باقي الحلقات

حاضر حاضر

براحه من غير زعيق

 

[رانا]

رد على: يوميات مينا ومريم ... قصة حب بين الصعيدي الاصيل والبنت الاستيل

بجد جميله خالص ربنا يعوض تعب محبتكم

 

[kajo]

رد على: يوميات مينا ومريم ... قصة حب بين الصعيدي الاصيل والبنت الاستيل

بجد جميله خالص ربنا يعوض تعب محبتكم

ميرى رانا لمرورك

تابعينا بقى

 

[max mike]

رد على: يوميات مينا ومريم ... قصة حب بين الصعيدي الاصيل والبنت الاستيل

ههههههههههههههههههههههههههه حلوة الحلقة وخلص فى اللى بعديها ياعم كاجى متلعبش فى عداد عمرك :a82::t32:

 

[engy_love_jesus]

رد على: يوميات مينا ومريم ... قصة حب بين الصعيدي الاصيل والبنت الاستيل

مطبل ياد رخامة وتلم نفسك
وتنزل بقية الحلقات لحسن انت عارف​

 

[kajo]

رد على: يوميات مينا ومريم ... قصة حب بين الصعيدي الاصيل والبنت الاستيل

مطبل ياد رخامة وتلم نفسك​

وتنزل بقية الحلقات لحسن انت عارف​

اجرى بعيد ياشاطره

عشان هنرش ميه

انا زعلان منك

 

[gigi angel]

رد على: يوميات مينا ومريم ... قصة حب بين الصعيدي الاصيل والبنت الاستيل

نزل باقى الحلقات بقى يا كاجو

 

[kajo]

رد على: يوميات مينا ومريم ... قصة حب بين الصعيدي الاصيل والبنت الاستيل

نزل باقى الحلقات بقى يا كاجو

عشان خاطرك انتى بس يا جرمين

 

[kajo]

رد على: يوميات مينا ومريم ... قصة حب بين الصعيدي الاصيل والبنت الاستيل

الحلقه الثالثه والعشرون


نرجع مع بعض لررررررريم ومينا والممرضه
دخلت الممرضه الاوضه بتاع ريم
وقعدت تتكلم معاها
الممرضه : ازيك يا ريم دلوقتي عاملة ايه ؟؟
ريم : الحمد لله كويسة احسن شويه
الممرضة : لا لا انتي بقيتي كويسة خالص ايه دلع البنات ده بقي
ريم : هههههههه والله مش دلع بس فعلا رجلي تعباني شويه
الممرضة : ان شاء الله هتبقي كويسة
ريم : ميرسي ربنا يخليكي
وسكتوا الاتنين شويه
وفجأة
ريم والممررضة : امال مينا فين ؟
اتغيررر معالم وش ريم باحمرار غريب كدا ونرفزه والممرضه بكسووف
ريم : خير انتي عايزاه في حاجه
الممرضه : لا ابدا بسأل عليه
ريم : مش عارفه والله راح فين
الممرضة : هوه كان قايلي انه رايح يشوف واحدة صحبته اسمها مريم
ريم : ياربي علي مريم دي .حتي في الوقت دا بيفكر فيها
الممرضه : بيفكر فيها ازاي يعني
ريم : انتي فضولية اوي
الممرضة : مينا لسه قايلي كدا دلوقتي
ريم : هوه مينا دا مش سايب حد غير لما يعرفوا ياربي علي كدا
الممرضة : هوه انتوا اصحاب دراسه ولا ايه بالظبط
ريم : بصي يا.....اممممم
الممرضة : اسمي نهي
ريم : بصي يا نهي احنا اصلا طللبه مع بعض واحنا التلاته جايين في رحلة تبع الجامعه بس للاسف احنا التلاته الى صحاب اوي يعني ملناش كلام اوي مع بقيت الناس
الممرضة : اه طيب وايه حكايه مريم
ريم : حكايتها ازاي يعني
الممرضة : يعني مش عارفه اقصد ايه
ريم : لا عارفة بس ايه
الممرضة : ايه
ريم : اصل مفيش حاجه اقدر اتكلم فيها لاني مش متأكدة من حاجه
الممرضة : طيب لو عايزه تقولي شكك في ايه قوليلي وانا هخلي دا سر بيناا ومتقلقيش انا معرفش حد اوي يعني مينا اتكلمنا مع بعض علشانك بس تصدقي اني استريحتلك
ريم : وانا كمان والله
الممرضة : ( طيب قولي يا هبلة ) - بس في سرها
الممرضة : ربنا يخليكي يا ريم
ريم : هقولك يا ستي اول حاجه من ساعه متكلمت مع مينا وهوه اهتمامه الكلي مريم كأن مفيش حد تاني معااه بس مش عارفه بقي في حاجه بينهم ولا لاء
الممرضة : وانتي تضايقي ان يكون في حاجه بينهم ؟
ريم : لا طبعا بس
الممرضة : ايه ؟؟؟ طيب خلاص فهمت
ريم : لا متفهمنيش غلط انا قصدي ان المفروض يعرفوني لو فيه حاجه علشان بس مش ابقي ماشيه معاهم كدا
الممرضة : ويمكن يكون اصحاب عادي
الممرضة : ممكن الله اعلم
وسكتوووووووا فجأة وبعدين
الممرضة : طيب عندي سؤال عايزه اسألهولك
لكن جه دكتور النبطشى ونده على نهى
.
.
.
.
.
.
.
.
.
.
.
.
.
.
.
.
.
.
.
.
.
.
طب حد عرف السؤال
طيب اسيبتكم تفكروا شويه يمكن تعرفوا



انتظرونا​

 

[mero_engel]

رد على: يوميات مينا ومريم ... قصة حب بين الصعيدي الاصيل والبنت الاستيل

ايه السؤال بقي يا كاجوووو:dntknw:

متطولش في الحلقه الجايه
اديني بقول​

 

[kajo]

رد على: يوميات مينا ومريم ... قصة حب بين الصعيدي الاصيل والبنت الاستيل

ايه السؤال بقي يا كاجوووو:dntknw:​

متطولش في الحلقه الجايه

اديني بقول​

حاضر

يا ميس ميرو

 

[engy_love_jesus]

رد على: يوميات مينا ومريم ... قصة حب بين الصعيدي الاصيل والبنت الاستيل

اجرى بعيد ياشاطره

عشان هنرش ميه

انا زعلان منك

انا عارفة انت زعلان من ايه
بس صدقنى لما اشوفك هقولك
انا مقدرش على زعلك ابدا
ابدا
وانت عارف ​

 

[sosana]

رد على: يوميات مينا ومريم ... قصة حب بين الصعيدي الاصيل والبنت الاستيل

ههههههههههههههه
حلوة اوووي