يوميات مينا ومريم ... قصة حب بين الصعيدي الاصيل والبنت الاستيل

[engy_love_jesus]

رد على: يوميات مينا ومريم ... قصة حب بين الصعيدي الاصيل والبنت الاستيل

بجد حلقة حلوة
بس لو مجيبتش الحلقة الى بعديها بسرعة
هجيبالك انا مشابك واعقلك على باب المنتدى
واهوه حتى تلعب عقلله ​

 

[kajo]

رد على: يوميات مينا ومريم ... قصة حب بين الصعيدي الاصيل والبنت الاستيل

بجد حلقة حلوة ​

بس لو مجيبتش الحلقة الى بعديها بسرعة
هجيبالك انا مشابك واعقلك على باب المنتدى

واهوه حتى تلعب عقلله ​

عقله

اطول اكتر من كده ده يبقى حرام

ماعلينا

حاضر يا ميس انجى هنزل جديد حاضر

 

[cuteledia]

رد على: يوميات مينا ومريم ... قصة حب بين الصعيدي الاصيل والبنت الاستيل

ههههههههههههه الحلقة المرة دي جميلة اوي تسلم ايدك
متتأخرش علينا في الحلقة الجديدة
يسوع معاك ويباركك

 

[max mike]

رد على: يوميات مينا ومريم ... قصة حب بين الصعيدي الاصيل والبنت الاستيل

ههههههههههههههههههههههههههه حلوة اوى الحلقة دى

متتأخرش فى الجاية وحياة عطيات هههههههههههههههههههههههه

 

[gigi angel]

رد على: يوميات مينا ومريم ... قصة حب بين الصعيدي الاصيل والبنت الاستيل

الحلقه جميله اوى
بس انت بخيل اوى مطولها حبه هتخصر ليه

وجيب الحلقه بسرعه

 

[kajo]

رد على: يوميات مينا ومريم ... قصة حب بين الصعيدي الاصيل والبنت الاستيل

الحلقه جميله اوى
بس انت بخيل اوى مطولها حبه هتخصر ليه

وجيب الحلقه بسرعه

هخصر حلقه

 

[gigi angel]

رد على: يوميات مينا ومريم ... قصة حب بين الصعيدي الاصيل والبنت الاستيل

مفهاش حاجه يعنى علشان خاطر المنتدى

 

[kajo]

رد على: يوميات مينا ومريم ... قصة حب بين الصعيدي الاصيل والبنت الاستيل

مفهاش حاجه يعنى علشان خاطر المنتدى

عشان خاطر المنتدى

لازم استنى شويه

لازم اثاره وتشويق

 

[gigi angel]

رد على: يوميات مينا ومريم ... قصة حب بين الصعيدي الاصيل والبنت الاستيل

متخلص بقى وتجيب الحلقه بسرعه

 

[kajo]

رد على: يوميات مينا ومريم ... قصة حب بين الصعيدي الاصيل والبنت الاستيل

متخلص بقى وتجيب الحلقه بسرعه

حاضر

 

[kajo]

رد على: يوميات مينا ومريم ... قصة حب بين الصعيدي الاصيل والبنت الاستيل

الحلقه الثانيه والعشرون


وقفنا المره الى فاتت ان مريم سابت مينا ومشيت وهى مضايقه اوى
رجعت لقيت ريم بتعيط ياترى كانت بتعيط ليه
ده الى هنعرفه الحلقه دى مع شويه حاجات مثيره تانيه



مريم : مالك يا ريم
ريم : مفيش يا مريم انتي كنتي فين ؟
مريم : كنت تحت بشتري شويه حاجات
ريم : اه سألت عليكي بتاع الرسبشن قالي انك خرجتي مع مينا
مريم : بصت ليها كدا وراحت معيطه
ريم : بتعطتي ليه دلوقتي مع انك كنتي مع مينا يعني
مريم : تقصدي ايه يا ريم بالي بتقوليه دا
ريم : مقصدش حاجه هانت اهي وكل حد فينا يروح لحالة
مريم : انا مش مطمنه لكلامك دا يا ريم ياريت توضحي كلامك
ريم : لا كلام ولاحاجه يا مريم انا هنزل اتمشي شوية
مريم : طيب براحتك مهي العمليه نقصاكي اصلا
ريم : انا نازلة
المهم ريم نازلة علي السلم فوقعت رجليها وجعتها ومينا كان داخل بالصدفه الفندق
مينا : يانهاار مدوحس دي ريم ولا ايه ؟؟؟؟
بتاع الامن : والله معرفشي حضرتك
مينا : وانت مالك يا عم هوه حد كان سألك
بتاع الامن : سوري حضرتك كنت فاكرك بتكلمني
مينا : اروح اشوف البت دي حصل فيها ايه
اوعوووا يا جدعااان جحا اولي بلحم طوووورة اوعوو بس انا هشوفها
مينا : ريم مالك
ريم : رجلي بتوجعني اوى يا مينا
المهم مينا سمع الكلمتين دول ونسي المشبك ونسي الدنيا كلها
وشال ريم ( اخوي يعني ) وراح بيها المستشفي
نرجع بسرررعه لمريم
مريم : ياتري ريم زعلانه ليه ؟ اممممممم مش عارفه ربنا يستر وميكونشي عملت حاجة تزعلها دي بردوا صاحبتي ومش عايزاها تزعل مني
وفي نفس الوقت كان في حوار صغير كدا في البلد عند مينا بين ابوه وامه
ابووه : شوفتي يا وليه الواد تريبتك النجصه سايب دراسته وعمال يتسرمح في شرم الشيخ مع البنات الى لبسه هدوم مجطعه
امه : يا ابو مينا.. مينا مش صغير اكيد بس بيغير جووو زي زمايله وانت عارف ان الطلبه بتغير من بعضيها
ابووه : مكان جه غير جو في الترعه حدانا او في المصرف الى في اخر البلد
امه : هتلاجيه نسي
ابووه : ده انا لما يجي هشوف شغلي معااه علي شان ميعملش كدا تاني
امه : ربنا يجيبوا بالسلامة بس وبعد اكده ابجي اقطع رجبته
ابووه : وهيجي ليه بجي لما انا هجطع رجابته يا وليه انا خايف عليه
امه : ما انا عارفه يابو مينا ربنا يخليهولك يارب
ابووه : يا وليه اعملينا صنيه البطاطس علشان هموت من الجوع
امه : عنيا
ابووه : تسلم عنيكي يا غالية
وقامت تعمل صنيه البطاطس
ابووه : ياتري يابني عامل ايه مع الحريم الي لابسه من غير هدوم في شرم الشيخ
جتنا نيله في حظنا الهباب قاعد في وش الوليه دي ليل ونهار مش عارف اشوف غيرها
الواد دا مكنش جال كنت روحت معاه اتفرجتلي يومين ولا حاجه
لا والمصيبه الاكبر جارته يالهوي علي ضحكتها مسخرررة بجد يعني
يارتني كنت انا الى ساكن عندها
وبسرعه نروح تانى لريم في المستشفي
ريم : اه .... اه ..... اه يا رجلي
مينا : حمدالله علي السلامة ياريم
ريم : الله يسلمك يامينا هوا انا فين
مينا : في بيتك ومترحك يااختي هههههههههههه
ريم : لا بجد يا مينا انا فين
مينا : في المستشفي يابنتي
ريم : وانا ايه الى جابني هنا انا كنت كنت كنت والله مانا فاكرة
مينا : ايه دا يا ريم انتي فقدتي الذاكرة
ريم : يامينا متهزرش
مينا : حاضر يا ريم انتي وقعتي من علي السلم ورجليكي اتكسرت وانا شيلتك وجبتك هنا علي الله يطمر فيكي بقي
ريم : ميرسي يامينا علي زوقك وعلي انك جبتني هنا
مينا : وميرسي دي اصرفها منين هتيلي حاجه ساقعه احسن وياريت باكو بسكوت شمعدان ونص كيلو مشبك لابويا
ريم : انت بتقول ايه يا مينا ؟ مش فاهمة منك حاجه
مينا : لا لا متخديش في بالك
ريم : طيب
مينا : طيب معاكي علي رأى خالتك سميرة سعيد
ريم : ههههههههههههههه ماشي يا خفة
سكتوا الاتنين فترة كده وريم عاملة تبص في عنين مينا و مينا مركز في وشها اوي
وفجأه مينا قالها




ريم





ريم





ريم




ريم





عايزين تعرفوا مينا قالها ايه

استنوا الحلقه اللى جابه بقى



انتظرونا​

 

[استير]

رد على: يوميات مينا ومريم ... قصة حب بين الصعيدي الاصيل والبنت الاستيل

ya abnea akhlas
zahqatny
aqoleak ma ta3mleha film ahsan
base bagad helw qoea
we yareat matatkhereseh 3ala al 7alqa al tanea
god bless u

 

[kajo]

رد على: يوميات مينا ومريم ... قصة حب بين الصعيدي الاصيل والبنت الاستيل

ya abnea akhlas
zahqatny
aqoleak ma ta3mleha film ahsan
base bagad helw qoea
we yareat matatkhereseh 3ala al 7alqa al tanea
god bless u

ايه ده زهقتك

طب ما انا ممكن امشى ومش اكمل مدام زهقتى

عادى يعنى

ربنا يباركك

 

[max mike]

رد على: يوميات مينا ومريم ... قصة حب بين الصعيدي الاصيل والبنت الاستيل

هههههههههههههههههههههههههههههههه حلوة الحلقة دى يالا اللى بعدها بسرعة ياكاجو اعمل معروف

 

[kajo]

رد على: يوميات مينا ومريم ... قصة حب بين الصعيدي الاصيل والبنت الاستيل

هههههههههههههههههههههههههههههههه حلوة الحلقة دى يالا اللى بعدها بسرعة ياكاجو اعمل معروف

هى هيصه

ايه ياعم اتقل شويه

يومين على الاقل

امال يبقى فين الاثاره بقى ؟

 

[engy_love_jesus]

رد على: يوميات مينا ومريم ... قصة حب بين الصعيدي الاصيل والبنت الاستيل

حرام عليك
الى بتعملوه ده
انا هبعتلك فيرس واسحب كل المفات الى على جهازك
وابقى سمعنى سلام صعبت عليا نفسى ​

 

[استير]

رد على: يوميات مينا ومريم ... قصة حب بين الصعيدي الاصيل والبنت الاستيل

kameal al moslseal ya kajo
a3meal haga ya akhea
we ba3dean ana maqolteseh tamshea
ana qolt ta3betena we al wahead a3sabo ta3beat
akhalse baqa
ribna eabrkeak ya baseha

 

[max mike]

رد على: يوميات مينا ومريم ... قصة حب بين الصعيدي الاصيل والبنت الاستيل

اوك ياكاجو هتقل واستنى بس ان منزلتهاش بعد اليومين انت حر :spor22: :t32:

 

[max mike]

رد على: يوميات مينا ومريم ... قصة حب بين الصعيدي الاصيل والبنت الاستيل

على فكرة ياكاجو انا لقيت القصة دى فى منتدى تانى كاملة للآخر بس محبتش اقراها او انزلها عشان نقراهل كلنا مع بعض انجز فيها

 

[kajo]

رد على: يوميات مينا ومريم ... قصة حب بين الصعيدي الاصيل والبنت الاستيل

على فكرة ياكاجو انا لقيت القصة دى فى منتدى تانى كاملة للآخر بس محبتش اقراها او انزلها عشان نقراهل كلنا مع بعض انجز فيها

عايز تروح تقراها من منتدى تانى روح

بس برهان

مش هتلاقى فيها بعض القفشات الى انا حاطتها

تحياتى