من سنرشحه لحكم مصر ....... فقره بكائية ...!!!!

[Strident]

انا كان ممكن اكمل المناقشة لو حسيت بالأمل وان فيه منطقية في الحوار.....

لكن لو حتى نانسي كمان هتجيب الحجج بتاعت الاعلام المصري......فاعتقد هيكون اسهل اني اقنع مسلم عادي مغيب متربي ف مصر ان الاسلام ده كلام فارغ!


كمثال: الاعلام المصري، اللي تابع لسلطات تكره كلمة حقوق الانسان وانها ف خدمة المواطن، جابوا كلمة ديفيد كاميرون وكأنها:

محدش يقول لي كلام فارغ عن حقوق الانسان طالما الامن متعلق بالامن القومي!

طبعاً مستحيل حد ف دولة غربية يقول كده لانها دول اصلاً قايمة على الحد من سلطة الحكومة وتضع حقوق الفرد قبل اي حاجة!

وما قاله هو:

"phony human rights concerns" will not stop their photographs being identified

http://www.theguardian.com/uk/blog/2011/aug/11/uk-riots-day-five-aftermath-live

يعني مش هنمنع نشر صورهم بسبب اداعاءات زائفة تتعلق بحقوق الانسان

يعني الكلام الفارغ ده هو الادعاءات مش حقوق الانسان نفسها!!



للاسف ماعنديش القدرة لمناقشة غير علمية وحد واخد قناعاته انها دين ﻻزم يطلعه صح....


ولحد ما الناس تفوق - اذا فاقت - ..... تظهر قدامي صورة واضحة جداً وبديهية جداً الآن:


فعلاً، الشعوب تستحق حكامها!




لما تبقوا جاهزين لمناقشة منطقية مش مفترضة نتايج من قبل ما تبدأ، ولما ترسوا كده على حل واحد في المسألتين دول وغيرهم:

1-امريكا متفقة مع الاخوان وﻻ البرادعي؟
2-الفض العنيف كان ضروري ومبرر وبالتالي مفيش اصلاً موقف محرج عشان البرادعي يوقعكم فيه وﻻ هو فعلاً الفض كان غشيم ويستوجب المساءلة والمحاسبة وبالتالي الموقف محرج والغلطان فيه هو اللي فض؟


لما ترسوا على بر كده وتقرروا تبتدوا من قاعدة منطقية ابقوا نادوني تاني..

 

[Desert Rose]

جونى ياحبيبى , مش كل الناس لازم تبقا موافقة على افكارك علشان منبقاش مغيبين
رغم اننا كلنا مش متفقين معاك فى الرأى حد فينا لمح انك انسان مغيب ؟ او قال انه مش قادر يتناقش معاك لان المناقشة معاك مستحيلة ؟
انت مش العبقرى الفذ الوحيد اللى فى الكون وكل الناس اللى حواليك مغيبين

ثانيا بما انك تقدس الغرب , احب اقولك ياجونى ان كلامى اللى انا بقوله عدد مش بطال من الغربيين والاجانب موافقين عليه وبيقولوه ومقتنعين بيه تماما , عادى جدا
وانا قولتلك قبل كده انا مش بقول الكلام اللى بيقوله الاعلام المصرى لانى صدقا مش بتفرج اصلا
بلاش تقتنع بحاجة وتصر عليها بدون مناسبة
وحاول انك متقللش من العقليات اللى حواليك لانك مش اذكى واحد فى الكون
انت ذكى لكن مش اذكى واحد بطل الاسلوب المستفز ده فى النقاش
سلام

 

[Strident]

- ﻻ مش ﻻزم يوافقوا على ارائي....لكن عشان حد ميبقاش مغيب ﻻزم ماينكرش الادلة والاهم يكون متسق مع نفسه مش كلامه متناقض


- ﻻ اختلف معاكي واقول الغربيين مش هيقولوا كده


- حِلّوا التناقضات الاول، ولما ترسوا على موقف نبقى نتكلم فيه....

غير كده ماعتقدش ممكن حد نوصل لحاجة ونبقى بنضيع وقت ﻷني آسف بارفض ادي ودني لحد من غير ما يكون مقنع


ويا ريت تركزي على الcontent اكتر من اسلوبي.....وقتي ووقتك اغلى من اننا نقعد نسمع قواعد الحوار والكلمة دي ما تصحش وانت مش فذ ومش عارف ايه...متهيألي كبار احنا على طريقة ad hominem دي....خلينا في المضمون الله يخليكي!


مرة كمان:

1-امريكا متفقة مع الاخوان وﻻ البرادعي؟
2-الفض العنيف كان ضروري ومبرر وبالتالي مفيش اصلاً موقف محرج عشان البرادعي يوقعكم فيه وﻻ هو فعلاً الفض كان غشيم ويستوجب المساءلة والمحاسبة وبالتالي الموقف محرج والغلطان فيه هو اللي فض؟

 

[Desert Rose]

لا الكلام ده المفروض تقوله لنفسك مش ليا
انت اللى المفروض تركز على ال content
المناقشة كانت ماشية عادى لحد ما جيت انت حطيت مشاركة مستفزة بتلمح فيها على اننا ناس مغيبة وانك انت الواعى الوحيد اللى فى الكون وان المناقشة معانا مستحيلة
مع اننا كلنا مختلفين معاك الا ان مفيش حد فينا لمح عليك بأى حاجة من ديه او اتهم شخصك بحاجة
ملكش دعوة بالغيبوبة اللى احنا فيها وناقش اللى بنقوله بس

نيجى للتناقض
فين التناقض ده اصلا ؟
هو انت متعرفش ان فى السياسة ممكن العب على كل الاحبال فى نفس الوقت علشان اوصل لغرضى
فيه فى الموضوع ده نظريتين
هما
اما ان البرادعى هو خطة امريكا البديلة لو الاخوان منفعوش على اساس انهم يجربو كل التيارات مع الشعب لو الدينى منفعش ياخدو الليبرالى وهما اللى يهمهم يوصلو لمصالحهم فى المنطقة حتى لو هيتفقو مع الشيطان

النظرية التانية وهى اللى انا اميل ليها اكتر ان مفيش اتفاق مباشر بين البرادعى وامريكا يعنى هو مش خاين وعميل
انما هو ليه مصالح شخصية حدث انها تتفق مع مصالح امريكا
وعلشان كده هو استقال بعد فض الاعتصام علشان عارف ان ده موقف هيعجب الغرب جدا
وبالتالى ممكن يساندوه لو حب يترشح للرئاسة وممكن ينجحوه كمان
فين التناقض بقا انا مش فاهمه ؟

نيجى لفض الاعتصام
عنف مفرط ؟؟؟؟؟؟؟ هو انت متعرفش ان الدولة فى كل العالم هى اللى بتحتكر العنف وبتستخدمه لما بيكون حد بيرفع السلاح فى وش الدولة واجهزتها
ناس مسلحة وبتضرب نار على الشرطة , المفروض الشرطة تتعامل ازاى , تضرب عليهم مكسرات ؟؟؟؟؟؟؟
هو ليه حقوق الانسان عندك ماشية فى اتجاه واحد بس ؟
الناس اللى كانو ساكنين فى المنطقة ومتهددة حياتهم وقرفانين اخر قرف دول مش انسان وليه حقوق ؟
جاوبنى انت , الدولة كانت مفروض تستنى قد ايه على اعتصام مسلح بيضر بالامن القومى ؟ قولنا انت بديل

هتقولى اصل الاعتصام مكانش مسلح ومتصدقيش الاعلام دول ناس cute
ياسلام ؟ ايه اللى يخلينى اكدب الاعلام مثلا واصدق الاخوان ؟
على اساس انهم طول عمرهم صادقين ؟ ده كل عيشتهم كانت كدب
ايه اللى يخلينى اصدقهم لما يقولو مكانش فيه اسلحة ؟
ايه اللى يخلينى اصدق الجزيرة ولا ال CNN لما تقول مليون واحد ماتو فى الفض وارقام فلكية ؟ من كتر مصداقيتهم اوى ؟
مش الجزيرة ديه هى اللى هيجت الدنيا على سوريا ؟
وطلع كل اللى بتقوله كدب ؟ وادى الناس عرفت الحقيقة ؟
ايه يخلينى مصدقش ان الناس ديه كان معاها اسلحة فعلا ؟
ايه يخلينى اكدب ده واصدق كلامك ؟
ايه المعطيات اللى تخلينى اعمل كده ؟

بص . انا ضد الحكم العسكرى , واتمنى طبعا لمصر رئيس دولة مدنى منتخب عادى جدا
لكن مش كل حاجة يعملها الجيش علشان اسمه جيش تبقا عيب وغلط وابقا ضدها عمال على بطال
لكل مقام مقال
والجيش ده احنا مش مستوردينه , ده جيش البلد , واقوى جيوش المنطقة
وبالنسبة للجيوش , هو مين اللى بيحمى العلمانية فى تركيا ياجونى ؟ مش الجيش بردو ؟؟؟؟؟؟؟؟
ولولا ان الجيش وقف فى صف الشعب كانت مصر هتخلص من اللى كانت فيه ولا 300 قرن لقدام ؟
كان ايه الحل ؟
مش اى حاجة يعملها الجيش تبقا غلط , ولا اى حاجة يعملها تبقا صح
خلينا نبص على كل موقف لوحده ونقيمه على حسب ظروفه وعلى حسب ادائهم فيه

 

[aalyhabib]

أشكرك علي طرح الموضوع مبكرا حتي تتاح الفرصه للتفكير بهدوء في المتواجدين ع الساحه


البرادعي ..
شخصيه ضعيه ... عينوه في الوكاله الدوليه ليكون عميلا للعم سام .تنفس من هواء فيينا أكثر مما تنفسه من هواء مصر . صاحب مواقف تخاذل تكرم بها علي بلده.
ليس برجل دوله.. من منظور الأداره .. فـ خبره أداره المؤسسات العالميه تختلف كليا عن إداره الدول ولاسيما دوله بحجم مصر ومشاكلها .. كونه ملهما للثوره هذا لا يكفي
لذا لن أنتخب هذا العميل
***********
أحمد شفيق
حتي الأن رجل نظيف اليد ... يتمتع بخبره إداره عسكريه ومدنيه .. هو آثر الأنسحاب حتي لا ينكل به ... لا أستطيع أتهامه بالهروب .. إلا إذا ثبت عليه مايشينه ... هنا يصبح في موقف الهروب .. لكن الأنسحاب خوفا من التنكيل لا أعتبره هروبا .

الرجل خبرته تمكنه من إداره الدوله .. فـ طرازه العسكري المدني السياسي .. تحتاجها مصر
أدرك مبارك بخبره الـ 30 سنه ... أن ألقاؤه كورقه رابحه للمصالحه مع الأنتفاضه .. سوف يعدل من موقفه .. ولكنه رمي الكارت متأخرااا ... فتصاعدت حده الأمور .
سوف أرشحه في حاله عدم وجود السيسي ع الساحه ... لأن ظروف مصر الآن تحتاج لخبره الحزم وقوه الأداره والأراده .. رغما عن تخوفي من أستبداديه العسكريين.

***********************
العــــــــــواء ... الجواب يقرأ من عنوانه
يكذب كثيرا ... يثق فيه مرسي حتي الآن .. شخصيه أراها أنتهازيه بدرجه كبيره .. ممن شاركوا في دفع مرسي نحو الهاويه بأعلاناته الدستوريه الفاشله .
وطبقا لكلام العواء نفسه .. وجد صعوبه في إداره مكتبه المكون من 20 موظف ... وفكر في حل مشكله البطاله ببيع الشباب للشاي علي النيل .. فكيف مثل هذا الرجل يستطيع إداره دوله ... بالتأكيد لن أرشحه .
************
السيسي ..
رجل وطني صادق .. له خبرته العسكريه ( دون المدنيه )في الأداره والحزم تحدث مع وجدان الشعب ببساطه لذا رسخ في القلوب .. وأصبح علي درجات سلم الزعامه الناصريه.
بضربه معلم وولاء وصدق وطني ... حقق لمصر الكثير.
قبوله الترشح للرياسه .. سوف يفقده مكانته في المحافظه علي مصر .. وقد يكتب التاريخ عنه ما لا يقبله ... وأحتمالات خلق عهد ناصري جديد سوف تكون مؤكده .. ويجب أن نتقبلها مقارنه بما نعانيه الآن.
أتمني أن يرشح نفسه للرياسه للفتره بعد القادمه. لكن في حاله ترشحه فـ لن أتخلي عنه

​

 

[+ماريا+]

للأسف الواحد مش شايف حد يستاهل يكون رئيس مصر
البرادعى جبان ومش اد المسؤليه
احمد شفيق هرب وساب البلد ولم يواجه الاخوان
سليم العوا بتاع الكنائس فيها اسلحه ولا حتى مجرد التفكير
صباحى بتاع كلام ومفيش فعل
عمرو موسى كان امين جامعة الدول العربيه فى عهد المخلوع
وكان شايف الفساد والظلم ولم يدافع او حتى يعترض
السيسى راجل محترم وناجح فى الجيش مش كرئيس مصر
مصطفى حجازى شخصيه محترمه ومتحدث لبق لكن مش هنحكم عليه دلوقتى
الايام اكيد هتظهر معدنه اكتر ولدلوقتى هو احسن واحد على الساحه السياسيه

 

[صوت صارخ]

انا كان ممكن اكمل المناقشة لو حسيت بالأمل وان فيه منطقية في الحوار.....

جونى ...... لا تخرج عن سياق الموضوع .... لو انت شايف اننا لسنا من مستواك الفكرى .... الانسحاب هنا يكون فضيلة

 

[tamav maria]

[FONT=&quot]عندما ينجح السيسى أنه يكون " فرعون " سأنتخبه ​

​

[FONT=&quot]حتى الآن هو ( نصف أله ) ​

​

[FONT=&quot]مطلوب يكون أله كامل حتى يُسبِّح المصريين بحمده ويقدسون له [/FONT]​

[FONT=&quot]
[/FONT]
[FONT=&quot]عاشت البيادة الميرى [/FONT]​

[FONT=&quot]شكلها لذيذ و برقبة طويلة وبرباط ...[/FONT]
[FONT=&quot]وتستحمل المطرة والتراب والطين [/FONT]​

[FONT=&quot]كمان نقدر ندخل فيها رِجل البنطلون من تحت [/FONT]​

[/FONT]

ههههههههههههه
علي راي سما المصري لما تقول
احنا عبيد البيادة وبنحب الجيش حب عباده
ههههههههههه[/FONT]

 

[عبود عبده عبود]

ههههههههههههه
علي راي سما المصري لما تقول
احنا عبيد البيادة وبنحب الجيش حب عباده
ههههههههههه

ما هى البيادة فى الآخر هى اللى نفعت ....صح ؟
جربنا الصندوق بمنتهى الهبل والعبط
جاب لنا مين ؟؟
آدى أختيارك يا شعب ...ألبس بقى
أحنا مينفعلناش ديمقراطية ... الديمقراطية رفاهية للشعوب المُترفة
والذين يأكلون مع الكباب طحينة


​

 

[tamav maria]

ما هى البيادة فى الآخر هى اللى نفعت ....صح ؟
جربنا الصندوق بمنتهى الهبل والعبط
جاب لنا مين ؟؟
آدى أختيارك يا شعب ...ألبس بقى
أحنا مينفعلناش ديمقراطية ... الديمقراطية رفاهية للشعوب المُترفة
والذين يأكلون مع الكباب طحينة


​

صدقني البلد دي ما ينفعهاش الا حكم عسكري
او ممكن حكمين مع بعض
يعني يكون المخ مدني والعضلات عسكر
هههههههههههههه

 

[Strident]

نركز على الأجزاء القابلة للمناقشة:

نيجى للتناقض
فين التناقض ده اصلا ؟
هو انت متعرفش ان فى السياسة ممكن العب على كل الاحبال فى نفس الوقت علشان اوصل لغرضى

كلام جميل....بس فين بقى تطبيقه على الوضع؟ محتاجة شرح اكتر قبل ما اعرف احكم

فيه فى الموضوع ده نظريتين

حلو اوي...كده نقدر نتكلم

اما ان البرادعى هو خطة امريكا البديلة لو الاخوان منفعوش على اساس انهم يجربو كل التيارات مع الشعب لو الدينى منفعش ياخدو الليبرالى وهما اللى يهمهم يوصلو لمصالحهم فى المنطقة حتى لو هيتفقو مع الشيطان

وجهة نظر.....بس فيه حاجة اهم انتي ناسياها:

امريكا عارفة ان التيار الليبرالي اضعف تيار ف مصر وان البرادعي عمره ما هيكسب اي انتخابات...

الاهم بقى:

وليه مستبعدين تماماً ان امريكا، لو عليها، نفسها النظام العسكري يستمر، زي ايام مبارك بالظبط؟!

الخطر الوحيد على امريكا هو من الوهابيين ومن ناحية تانية الاشتراكيين القوميين (الناصريين يعني)

الليبراليين اصدقاء للحضارة وللغرب، والاخوان والعسكر كل واحد يهمه مصلحته وبيتسابقوا الاتنين في استرضاء امريكا

النظرية التانية وهى اللى انا اميل ليها اكتر ان مفيش اتفاق مباشر بين البرادعى وامريكا يعنى هو مش خاين وعميل
انما هو ليه مصالح شخصية حدث انها تتفق مع مصالح امريكا
وعلشان كده هو استقال بعد فض الاعتصام علشان عارف ان ده موقف هيعجب الغرب جدا
وبالتالى ممكن يساندوه لو حب يترشح للرئاسة وممكن ينجحوه كمان
فين التناقض بقا انا مش فاهمه ؟

والموقف ده يعجب الغرب ف ايه؟ يعني ايه اللي يضايق الغرب في الوضع القائم حالياً والانقلاب العسكري؟
بالعكس ده كده عودة للصيغة القديمة بتاعت مبارك

التناقض كان ف ان الناس بتقول على البرادعي اخوان

نيجى لفض الاعتصام
عنف مفرط ؟؟؟؟؟؟؟ هو انت متعرفش ان الدولة فى كل العالم هى اللى بتحتكر العنف وبتستخدمه لما بيكون حد بيرفع السلاح فى وش الدولة واجهزتها
ناس مسلحة وبتضرب نار على الشرطة , المفروض الشرطة تتعامل ازاى , تضرب عليهم مكسرات ؟؟؟؟؟؟؟
هو ليه حقوق الانسان عندك ماشية فى اتجاه واحد بس ؟

هو ليه فيه قواعد عندكم ان الشرطي مينفعش يضرب نار الا لو بيتضرب عليه؟ وليه ﻻزم يضرب ف الرجل مش في العين او الدماغ مثلاً؟ ليه اصلأً فيه حاجة اسمها Excessive force؟

طب وهو انا لو عندي ارهابي مستخبي ف حي، اضرب المدينة كلها بقنبلة نووية؟
مش فيه حاجة اسمها Minimizing collateral damage ؟

ثانياً، الحق يقال، بره سينا، مفيش اي مصدر واحد موثوق منه يقول ان كانوا مسلحين!

وعشان كده مثلاً محدش ف اي حتة بيعترض على مكافحة الارهاب ف سينا....لان مفيش collateral damage ومش باقتل 100 مدني اعزل عشان اضرب مسلح واحد

الناس اللى كانو ساكنين فى المنطقة ومتهددة حياتهم وقرفانين اخر قرف دول مش انسان وليه حقوق ؟
جاوبنى انت , الدولة كانت مفروض تستنى قد ايه على اعتصام مسلح بيضر بالامن القومى ؟ قولنا انت بديل

هو الضرر من اعتصام ف ميدان واحد؟ وﻻ الضرر ان فيه مشكلة شرعية وكده؟ ﻻزم تحددي!

ماعتقدش الناس دي كانت قافلة الاذاعة مثلاً او غيره!

وبعدين لو هنمشي بمبدأ ان اللي يضايق السكان بقفل الطريق نروح نقتله يبقى كذلك الاعتصامات العمالية وكل اعتصام او مظاهرة نروح نكسحهم!

هو انا محتاج اوضح اد ايه انا ضد الاسلاميين؟!!

ومع ذلك، انا واحد اعرف كويس اوي ان الدولة مش ممكن ابداً اسمح بإطلاق ايدها بحجة الأمن...وإلا هتقلب شمولية

هتقولى اصل الاعتصام مكانش مسلح ومتصدقيش الاعلام دول ناس cute
ياسلام ؟ ايه اللى يخلينى اكدب الاعلام مثلا واصدق الاخوان ؟
على اساس انهم طول عمرهم صادقين ؟ ده كل عيشتهم كانت كدب
ايه اللى يخلينى اصدقهم لما يقولو مكانش فيه اسلحة ؟

وهو الإعلام المصري عمره قال الحقيقة أبداً؟ للأمانة، الجزيرة - على كراهيتي لها - مصداقيتها اعلى بكتير من الإعلام المصري....مش باصدق كل حاجة منها ﻷني اصلاً معنديش حاجة اسمها مصدر مضمون 100% لكن اثق ف الجزيرة اكتر من القناة الاولى المصرية

وطالما قفلتي كل القنوات ما عدا قنواتك يبقى انتي مخبية حاجة

جملة جميلة حطيها ف ودانك

When you tear out a man's tongue, you are not proving him a liar, you're only telling the world that you fear what he might say

ايه اللى يخلينى اصدق الجزيرة ولا ال CNN لما تقول مليون واحد ماتو فى الفض وارقام فلكية ؟ من كتر مصداقيتهم اوى ؟
مش الجزيرة ديه هى اللى هيجت الدنيا على سوريا ؟
وطلع كل اللى بتقوله كدب ؟ وادى الناس عرفت الحقيقة ؟

Don't push it

مش لدرجة يعني ان سوريا ملايكة والعالم بيتآمر عليهم برضو في البداية كانت ثورة شعبية فعلاً لكن قلبت طائفية

وللمرة التانية....هل الاعلام المصري مصداقيته تساوي حتى مصداقية الناس دي؟

يعني انا المفروض اكدب الناس كلها، البي بي سي والسي ان ان وكل قنوات الدنيا، واصدق الاعلام المصري بس؟! اللي من شوية كان لسه بيقول على الاقباط ضربوا الجيش في ماسبيرو؟

ايه يخلينى مصدقش ان الناس ديه كان معاها اسلحة فعلا ؟
ايه يخلينى اكدب ده واصدق كلامك ؟
ايه المعطيات اللى تخلينى اعمل كده ؟

المعطيات ان فيه فوائد ودوافع كتيرة اوي للكذب من السلطة وانها تقول ان معاهم اسلحة، وان مفيش اسلحة ظهرت فعلاً، وانك قفلتي كل القنوات ما عدا قنواتك الرسمية يعني خايفة حد يطرح وجهة نظر تانية غيرك، ده غير ان مصداقية اعلامك رايحة ف داهية

ودايماً ﻻزم نتمسك بالBenefit of doubt

وإلا بنقول للدولة، امسكوا واقتلوا اي حد لمجرد الشك والاشتباه.....وهتيجي على دماغ كل واحد فينا لوحده ف الاخر


"احرق الكنيسة دي يا بني عشان فيه شك ان فيها اسلحة" - .... إلخ

بص . انا ضد الحكم العسكرى , واتمنى طبعا لمصر رئيس دولة مدنى منتخب عادى جدا
لكن مش كل حاجة يعملها الجيش علشان اسمه جيش تبقا عيب وغلط وابقا ضدها عمال على بطال
لكل مقام مقال
والجيش ده احنا مش مستوردينه , ده جيش البلد , واقوى جيوش المنطقة
وبالنسبة للجيوش , هو مين اللى بيحمى العلمانية فى تركيا ياجونى ؟ مش الجيش بردو ؟؟؟؟؟؟؟؟
ولولا ان الجيش وقف فى صف الشعب كانت مصر هتخلص من اللى كانت فيه ولا 300 قرن لقدام ؟
كان ايه الحل ؟
مش اى حاجة يعملها الجيش تبقا غلط , ولا اى حاجة يعملها تبقا صح
خلينا نبص على كل موقف لوحده ونقيمه على حسب ظروفه وعلى حسب ادائهم فيه

انا اعتراضي على الموقف نفسه مش على ان اللي عمله جيش وﻻ مش جيش!! اياً كانت السلطة مين، الفض ده كان غشيم....

والدستور اللي بيتم اعداده ﻻ يحمي الفرد امام الدولة وبيدي الدولة سلطات واسعة جداً....

جيشنا بقى واخد 40% من اقتصاد البلد...وجيشنا مش بيحمي العلمانية ده بالعكس بدل ما يشيل المادة التانية بينيلها اكتر ويقول لك المسيحيين واليهود بس!

جيشنا اللي انتي فرحانة بيه ده بيستخدم السلفيين كذراع ديني اسلامي ومخلي البابا موظف يتكلم باسمهم

فماتقارنيش بجيش تركيا الله يخليكي!!

وانتي متخيلة انه خلص مصر؟

طب انا اهو وانتي اهو، وكمان 100 سنة وريني لو مصر خطت خطوة واحدة ناحية العلمانية!


الحاجة الاهم بقى، انه مش معقولة بحجة الامن، هاقضي على كافة الحريات ونعمل قانون طوارئ مؤبد!

ماهو الحكومات الاستبدادية كلها كده، ﻻزم تعمل بعبع عشان الشعب يخاف ويوافق...

والشعوب اللي مستعدة تدفع تمن حريتها من امنها بس، هي اللي هتاخد حريتها، واللي هتخاف، هيتسحب منها حريتها، وبعدين امنها، زي الاتحاد السوفيتي كده بالظبط!

 

[Strident]

وبعدين خلّص مصر ايه وفيه لسه التهم دي:

الاساءة للقوات المسلحة - الاساءة للقضاء - الاساءة للرموز الوطنية - ازدراء الاديان - ... إلخ

وقريباً في مصر هيتقبض علينا بتهمة التنفس بصوت عالي!!

 

[Strident]

بعض النشطاء (وانا قاصد اقول اللفظ ده لمجرد اني اعود اللي عنده حساسية انه يبطل حساسية)

عملوا مشروع دستور موازي لمصر........بدل العك اللي بيتكتب دلوقتي....جدير بالقراية لمعرفة كيف تتقدم الدول


http://egyptfuture2013.com/wp-content/uploads/2013/10/Rights-and-state.pdf

 

[عبود عبده عبود]

هو الضرر من اعتصام ف ميدان واحد؟ وﻻ الضرر ان فيه مشكلة شرعية وكده؟ ﻻزم تحددي!
ماعتقدش الناس دي كانت قافلة الاذاعة مثلاً او غيره!
وبعدين لو هنمشي بمبدأ ان اللي يضايق السكان بقفل الطريق نروح نقتله يبقى كذلك الاعتصامات العمالية وكل اعتصام او مظاهرة نروح نكسحهم!!

[FONT=&quot]انا عايز أعلق على الجزئية دى فقط لأنى من سكان المنطقة وشفت بعينى من غير لا جزيرة ولا قناة أولى ​

​

[FONT=&quot]فطالما أنت ما عشتش الفترة دى فى المكان دة [/FONT]​

[FONT=&quot]ولا أتقفل لك مكتب .... ولا خسرت تجارة ... [/FONT]​

[FONT=&quot]ولا أنت عامل أتشردت وقعدت فى بيتكم علشان المحل اللى بتشتغل فيه جاب درفه [/FONT]​

[FONT=&quot]ولا عربيتك أتفتشت وأتقلبت من شوية صُيع مُسجلين خطر[/FONT]​

[FONT=&quot]ولا أنت نفسك بتتفتش على باب بيتكم فى الطالعة والنازلة[/FONT]​

[FONT=&quot]ولا حد أحتل سطح عمارتكم وأحتل مداخلها للنوم والبيبى بيبى ولا حد إليط فى جنينة بيتكم [/FONT]​

[FONT=&quot]
[/FONT]​

[FONT=&quot]يبقى من فضلك ...الله يكرمك ....لا تفتى فيما ليس لك به علم [/FONT]​

[FONT=&quot]والله يحرق الــ [/FONT]​

Minimizing collateral damage[FONT=&quot] [/FONT][FONT=&quot][/FONT]​

[FONT=&quot]على الـــ[/FONT]​

Excessive force[FONT=&quot][/FONT]​

[FONT=&quot]على أوم الـــ [/FONT]​

Collateral damage[FONT=&quot][/FONT]​

[FONT=&quot] [/FONT]​

[FONT=&quot] [/FONT]​

[FONT=&quot] [/FONT]​

[/FONT]

 

[عبود عبده عبود]

بعض النشطاء (وانا قاصد اقول اللفظ ده لمجرد اني اعود اللي عنده حساسية انه يبطل حساسية)
عملوا مشروع دستور موازي لمصر........بدل العك اللي بيتكتب دلوقتي....جدير بالقراية لمعرفة كيف تتقدم الدول

http://egyptfuture2013.com/wp-content/uploads/2013/10/Rights-and-state.pdf

[FONT=&quot]عك ​

[FONT=&quot]؟؟؟[/FONT]​

[FONT=&quot]لهو انت بقيت فقيه دستورى فوق البيعة كمان ؟[/FONT]​

[FONT=&quot]واللى عندنا دول أية ؟؟ بيبيعوا لبن ؟!![/FONT]​

[FONT=&quot]لأ اقروا معايا حضراتكم الوثيقة اللى جونى جايبها ( واللى هى مش عك ) من وجهة نظره الفقهية القانونية
[/FONT]​

[FONT=&quot]
[/FONT]​

[FONT=&quot]أول فقرة ترفيهية فُكاهية [/FONT]​

[FONT=&quot](1) يولد جميع الناس أحراراً ومتساوين فى الكرامة والحقوق والواجبات[/FONT]​

[FONT=&quot]دة على أساس انه فى دستورنا الحالى الناس بتبيض ما بتولدش ؟[/FONT]​

[FONT=&quot]الباقى كلام هراتيل وكلام هواة لايرقى للقراءة أصلاً [/FONT]​

[/FONT]

 

[+إيرينى+]

[FONT=&quot]عك ​

[FONT=&quot]؟؟؟[/FONT]​

[FONT=&quot][/FONT]​

[FONT=&quot][/FONT]​

[FONT=&quot]
[/FONT]
[FONT=&quot]
[/FONT]​

[FONT=&quot] [/FONT]​

[FONT=&quot](1) يولد جميع الناس أحراراً ومتساوين فى الكرامة والحقوق والواجبات[/FONT]​

[FONT=&quot]دة على أساس انه فى دستورنا الحالى الناس بتبيض ما بتولدش ؟[/FONT]​

[FONT=&quot]الباقى كلام هراتيل وكلام هواة لايرقى للقراءة أصلاً [/FONT]​

[/FONT]

:new6::new6::new6:​

 

[عبود عبده عبود]

:new6::new6::new6:​

بتضحكى على أية ؟ ...هَمْ يضحك وهَمْ يبكى بجد
​

 

[+إيرينى+]

بتضحكى على أية ؟ ...هَمْ يضحك وهَمْ يبكى بجد
​

بأضحك على يبيض لا يلد

 

[صوت صارخ]

نرجع للموضوع بعد ما فسحنا جونى في دهاليز ملهاش علاقة بالموضوع ....

من هو الشخص الذى بإمكانه قيادة سفينة مصر في المرحلة الحالية ......

 

[Desert Rose]

انا بردو هرد على الاجزاء القابلة للمناقشة فى كلامك , مش للمناقشة للتوضيح فقط لان واضح ان انت فيه حاجات كتير اوى مش فاهمها فى الحياة ومخدوع فى السياسة الغربية اوى اوى اوى , معلش كلنا كنا كده فى الاول بعدين بنعرف الحقيقة ان فيه فرق كبيييييير جدا بين السياسة الغربية الداخلية والخارجية , اتنين منفصلين عن بعض تماماااااااااااا

وجهة نظر.....بس فيه حاجة اهم انتي ناسياها:

امريكا عارفة ان التيار الليبرالي اضعف تيار ف مصر وان البرادعي عمره ما هيكسب اي انتخابات...

هههههه تيار ليبرالى ايه ؟ الموضوع مش موضوع تيارات خااااااااالص
البرادعى بيقول اى كلام وخلاص , لكن لما هيجى للتنفيذ هينفذ ما هو حسب الخطة الموضوعة وحسب المصالح
وبعدين البرادعى كان عنده تأييد شعبى كبير جدا جدا
ازاى مكانش هيكسب الانتخابات ؟ ده كلام مش واقعى
الحاجة التانية امريكا مالها ومال اللى عنده شعبية فى الشارع ؟
هى ليها فى اللى يديها اللى هى عايزاه وهى مستعدة توقف معاه حتى لو كان الشيطان نفسه

الاهم بقى:

وليه مستبعدين تماماً ان امريكا، لو عليها، نفسها النظام العسكري يستمر، زي ايام مبارك بالظبط؟!

غلط , غلط خااااااااالص , امريكا موقفتش نهائى مع نظام مبارك لما كان بيوقع كان ممكن تعمل زى ماعملت لما سقط حكم مرسى وتفضل متمسكة بمبارك للابد
ورغم ان الجيش وقتها هو اللى استلم الحكم فعليا الا ان اوباما باشا محدش سمع صوته بيقول انقلاب
ليه ؟؟؟؟؟؟؟؟؟
لان الحكم العسكرى كان كويس بالنسبة لامريكا لفترة معينة
استجدت حاجات جديدة وبقا فيها مصالح جديدة ومن ضمنها سينا , ومبارك وحكمه رفض المطامع الامريكية الجديدة فى المنطقة
قعدت تدور مين ممكن يعملنا كل التنازلات اللى احنا عايزنها اتكلمت مع الكل , لقت التيار الدينى قدامها راحت مدعماه
حبيبى ياجونى الادارة الامريكية نفسها مخترقة من الاخوان المسلمين وده مش كلامى انا , ده كلام الامريكان نفسهم , هيلارى كلينتون كانت مخترقة من الاخوان المسلمين

الخطر الوحيد على امريكا هو من الوهابيين

بالظبط وعلشان كده هى عايزاهم فى السلطة :flowers:

الليبراليين اصدقاء للحضارة وللغرب، والاخوان والعسكر كل واحد يهمه مصلحته وبيتسابقوا الاتنين في استرضاء امريكا

ههههههه اصدقاء الحضارة ؟ يانهار اسود
ومال الغرب انشاء الله بالحضارة بتاعتك ؟
مصيبة لا تكون مقتنع انهم عايزينك تبقا قاعد فى حضارة , يالهوى
ديه تبقا نكته بجد

اسمع ياجونى , الخطة كالاتى , ايران شيعة , بتشكل خطر على امن اسرائيل وامن امريكا , امريكا مش عارفه تتفق مع الشيعة
مفيش حد فيهم قدم ليها التنازلات اللى هى عايزاها , فبقا عندها مشكلتين فى المنطقة ايران وسوريا طبعا
تعمل ايه ؟ تعمل ايه ؟
تتعب نفسها مثلا وتروح تضربهم هما الاتنين , سياسيا وامنيا مش هينفع
تعمل ايه ؟
تخلقلهم عدو من منطقتهم يسيطر على باقى المنطقة وهو العدو السنى الوهابى المتمثل فى التيارات الدينية
وهى عارفه ان وجود التيارات الدينية فى اى بلد بيخلق صراعات داخل البلد نفسها وخارجها
وهو ده اللى هى عايزاه
تخلق صراع وجبهتين فى المنطقة , الجبهة الشيعية والسنية
وهما الاتنين كفيلين يخلصو على بعض وهى كده تبقا ضربت عصفورين بحجر
وفى نفس الوقت الدول نفسها المحكومة بالتيارات الدينية داخلها ايضا صراعات داخلية ممكن تتحول الى حروب اهليه يبقا احلوت اوى
سيبوهوم ياكلو فى بعض ويحلو عند دماغنا واهو نبقا خلصنا منهم للابد
ونقدر بعد كده نقسم المنطقة ودولها الى دويلات صغيرة وكان المثل الاول فى السودان وتقسيمها شمال وجنوب , ديه حاجة رائعة
نعمل بقا كده فى كل الدول بعد ما نكون هدينا الجيوش اللى فاضلة
اللى هما الجيش المصرى والجيش السورى
تفسر بأيه وقوف امريكا جنب المجاهدين فى سوريا ؟
وتفسر بأيه الادعاءات على اوباما انه دعم الاخوان المسلمين بفلوس ايام الانتخابات ؟
ده غير طبعا انها لقت ان التيار الدينى مستعد يبيع اى حاجة علشان يوصل للحكم ومن اهم الحاجات ديه هى سينا , وعلشان كده سينا كانت خارجة امنيا عن سيطرة الجيش ودخل فيها ايام مرسى كمية ارهابيين بالهبل واسلحة وكل ده مدعم من الغرب
علشان يفصلوها تماما ويعزلوها عن مصر امنيا وسياسيا
وبكده تبقا جاهزة ياخدوها

والموقف ده يعجب الغرب ف ايه؟ يعني ايه اللي يضايق الغرب في الوضع القائم حالياً والانقلاب العسكري؟
بالعكس ده كده عودة للصيغة القديمة بتاعت مبارك

التناقض كان ف ان الناس بتقول على البرادعي اخوان

علشان اعلامهم الغربى الكذاب والجزيرة اللى انت بتتفرج عليها بتروج لاشاعات ان فيه مليون واحد ماتو فى الفض وكأنها كانت الحرب العالمية التالته
لما الاستاذ البرادعى يستقيل ويقول السبب فض الاعتصام
الحكومات الغربية ساعتها عندها مبرر قدام شعوبها على الاقل لما تقول ان الدولة المصرية استخدمت عنف مفرط
وان اللى حصل ده كان انقلاب
قال انقلاب قال
انقلاب ايه يابنى ياحبيبى بس ؟ انا مرة سألت اللى بيقول انقلاب عسكرى ده فاهم يعنى ايه انقلاب عسكرى فى الاول ؟ يعنى فاهم بيحصل ازاى وبيكون شكله ازاى ؟

هو ليه فيه قواعد عندكم ان الشرطي مينفعش يضرب نار الا لو بيتضرب عليه؟ وليه ﻻزم يضرب ف الرجل مش في العين او الدماغ مثلاً؟ ليه اصلأً فيه حاجة اسمها Excessive force؟

طب وهو انا لو عندي ارهابي مستخبي ف حي، اضرب المدينة كلها بقنبلة نووية؟
مش فيه حاجة اسمها Minimizing collateral damage ؟

ثانياً، الحق يقال، بره سينا، مفيش اي مصدر واحد موثوق منه يقول ان كانوا مسلحين!

وعشان كده مثلاً محدش ف اي حتة بيعترض على مكافحة الارهاب ف سينا....لان مفيش collateral damage ومش باقتل 100 مدني اعزل عشان اضرب مسلح واحد

عند مين ؟ وانت ايه عرفك هو ضرب فين ؟ من الجزيرة بردو ؟ هههههه يافرحتى
انت بتحارب ارهابيين ياجونى فى وسط مدنيين , انت مش بتجرى ورا حرامى سرق شنطة
دول ارهابيين داخلين فى وسط مدنيين معاهم اسلحة كتيرة , الضرر مش جاى من ناحية ضرب الشرطة فقط
ليه مفكرتش ان الارهابيين نفسهم هما اللى بيضربو بالشكل الرهيب ده لقتل المدنيين وعمل خسائر واحراج الدولة
زى بالظبط ما كان بيحصل فى سوريا
وقناة الجزيرة الصادقة الطاهرة العفيفة اللى انت بتصدقها كانت هى اللى بتنشر الكدب ده عن سوريا والجيش السورى
الغلطة هنا مش على الدولة اللى بتحارب ارهابى خسيس راح يستخبى وسط مدنيين
والخساير فى حروب زى ديه للاسف بتحصل غصب عن الكل
الشرطة مش بتجرى ورا حرامى غسيل فأستخدمت معاه عنف زيادة عن الضرورى