انا محمد .. مسلم .. سلام الله عليكم

[YOYO JESUS]

ماشى عندك حق لازم الصداقة ميبقاش ليها دعوة بالككلام فى الدين من الطرفين

وانت بتقول دخلت هنا فى اقسام ولقيت مش بيعجبك
هو هو نفس الكلام اللى سعات ممكن مسيحى يدخل منتدى اسلامى ومش يعجبه الكلام

وانت قولتها اهو
كل واحد بيقتنع بدينه
وكل واحد بيقول اللى عاوزه

المهم ربنا يباركك ويارب تكون مبسوط معانا يامحمد
وانا بجد بتمنلك حياة سعيدو
وحضرتك بتقول عاوز تتطلع على الديانة المسيحية هنا فى اقسام كتيرة اوى

 

[انا مش معاكم]

شكرا لشعورك الجميل يا بنت الملك

الرائعة

وفعلا انا اتصفح المنتدى منذ امس فقط

ومنذ قليل وضعت مشاركة فى احد المواضيع

وفوجئت بعد ثوانى معدودة انها تحولت الى موضوع عام
فى قسم الاسئلة والاجوبة

ممكن يكون خطا من المنتدى
ولا انا مش فاهم طبيعة المنتدى

ازاى مشاركة فى موضوع تتحول الى موضوع عام

شاهديه بنفسك فى قسم الاسئلة والأجوبة

والموضوع باسم سؤال عن الصليب ​

 

[انا مش معاكم]

Marina coptic

لمذا تسألينى عن السن ؟

انا 29 سنة

​

 

[GoGo No Way]

مبدئيا نورت المنتدى ...

اهلا بيك ...

نتمنى انك تكون اخ لينا طبعا ...

استاذى بالنسبة ان المسيحين منطويين .. الصراحة انا مش بحب الاسلوب دة لكن طبعا فيه سبب

وهو كالتالى ... الصراحة لا اتذكر بالظبط ولكن تقريبا المنصورة اعرف صديق ليا اقاربه عايشين هناك ...

بيقول مضطهدين جدا جدا جدا هناك ... وفيه بعض مدارس البنات مينفعش حد يخش الا اذا كانوا محجبين حتى لو مسيحين واضهطاد فظيع ومعاملة سيئة جدا .. فممكن يكونوا زى المثل الى بيقول ابعد عن الشر وغنيله ..
مش بقول على المسلمين شر ولكن فيه متعصبين ومتشددين ومعملتهم مش بتتوصف بكلمة " سيئة "

ولكن بالنسبة فى القاهرة ..عندى .. الصراحة بالنسبة لمنطقتى مفيش فرق تماما تماما ... وعادى يعنى وكلنا اصحاب وحبايب والدنيا تمام ...

بالتوفيق يا استاذى فى حياتك ومنتظرين مشاركاتك فى المنتدى ..

 

[انا مش معاكم]

جوجو حبيبى انت

انا عارف ان فى القاهرة العملية تمام اوى
ولا فى حد بيسال حد ان كان مسيحى او مسلم
ولما بنزل القارهة بشوف شباب مسيحى محترمين
وشكلهم يفتح النفس
وببقى نفسى اصاحبهم
وبتعلم منهم الحاجات الحلوة .. وده بشوفه لما بنزل القاهرة فى الزاوية عند اختى

وبشوف جيرانهم واصحابهم

بس ممكن صاحبك اللى يقولك انهم مضطهدين هنا دا كلام غلط والله والله اعلم

انا كنت باخد درس عند استاذة مسيحية وابنها كان صاحبى فى الفصل
ولما اقابله دلوقتى بيسلم عليا من بعيد لبعيد

وكنت بدخل بيتهم طبعا

يمكن ده الوحيد اللى اعرفه اسمه مينا

وبعدين دلوقتى كلنا مضطهدين مسلمين ومسيحين كلنا دلوقتى كفار عن الاخوان امسلمين

يا عم سيبك

مفيس احلى من الصداقة الحلوة
والاخلاص

اشكرك على ترحيبك بيا ​

 

[Fierce fighter]

مرحبا بأخونا المسلم
انا مش معاك
بمعني لااوافقك في رأيك
ولااعرف هل القسم هنا يسمح بالمناقشة أم لا لتوضيح بعض الامور
ارجو من المشرفين الرد علي وان لم يكن القسم لايسمح
فأي قسم ممكن المناقشة ؟؟؟
مرحبا بأخونا المسلم
ومرحبا بأهل المنصورة

 

[انت شبعي]

اهلا بيك يا محمد ف منتدى الكنيسة
كلنا هنا اخواتك و اصدقاءك
اهلا بيك

 

[انا مش معاكم]

Fierce fighter

اهلا بك واشكرك على ترحيبك بيا

وبدون مناقشات دعونا نكون اخوة واصدقاء هنا فى الموضوع ده

واذا حابب تناقشنى فلنتحدث عبر الميل حتى نكون اصدقاء

 

[انا مش معاكم]

انت شبعي

اهلا بك واشكرك على ترحيبك بى

وبالفعل نحن اخوة واصدقاء

واتمنى ان نكون اصدقاء دائمين​

 

[+إيرينى+]

Marina coptic

لمذا تسألينى عن السن ؟

انا 29 سنة

​

تصدق أنا كمان كنت هأسأل عن سنك !!

بس عارف ليه ؟؟

عشان حسيت إنك و لا عارف حاجة عن المسيحية

فقولت فى سرى : دا يطلع كام سنة العيل دا ؟؟

دا تلاقيه 10 أو 11 سنة بالكتير ____ دا بيسأل أسئلة زى أسئلة العيال المسلمين اللى مع إبنى فى المدرسة

الحقيقة إنت فاجئتنى إنك 29 سنة

إنت أثبت لينا إن المسلم حتى لو وصل لسن الشباب __ لايفقه ألف باء فى المسيحية __ و بيكرر نفس اسئلة العيال الصغيرة اللى فى المدرسة

 

[Fierce fighter]

Fierce fighter

اهلا بك واشكرك على ترحيبك بيا

وبدون مناقشات دعونا نكون اخوة واصدقاء هنا فى الموضوع ده

واذا حابب تناقشنى فلنتحدث عبر الميل حتى نكون اصدقاء

كلام عجيب ومنطق غريب
يعني حضرتك تشتكي من المسيحين ومش عاوز تتناقش وفي الاخر ترغب في صداقتي
ياسلام!!!
علي فكرة انا لي صداقات جميلة جدا مع مسلمين وتربطني بهم عشرة سنين طويلة واعتبر هذا امر عادي جدا
الحاجة التانية اللي عاوز افهمها منك
انت شايف تصرفات الحكومات منذ ايام السادات حتي مرسي منصفة للمسيحين
وياتري شايف ان فتاوي شيوخكم عن المسيحن جميلة وتدعو للمحبة
وياتري شايف ان تصرفات المسلمين من حرق الكنايس وقتل مسيحين وخطف بنات أمر طبيعي ولايستحق التحدث فيه
وياتري شايف جنابك ان كل القضايا منذ احداث الكشح حتي احداث ماسبيرو لم يصدر حكم واحد لصالح المسيحين أمر طبيعي
هقولك ايه ولا ايه
بجد مافيش منتدي ادخله الا واري العديد من المسلمين يفكرون مثلك يتركون سبب المشكلة الحقيقي ويتكلموا فقط في ردود افعال المسيحي المطحون وطالعة عينه في بلده
كلمة اخيرة لسيادتك ولكل مسلم
عمر ماهينصلح حال مصر والمصرين طول ما المسيحي مضطهد في بلده وتعاملونه علي انه مواطن درجة تانية
يااما ناخد حقنا بالكامل وبدون نقصان تحققيقا لمبدأ المواطنة
ياأما لاتتحدث حضرتك ومن يسير علي خطاك عن انطواء بعض المسيحي وتجنب مصادقة المسلم

سلام

 

[sebit]

مرحبا بك اخى محمد والله يحمى مصر وكل دولة من كيد الاعداء ...
لكن لنرى ما يخبيه الايام لنا انتمى ان تومن بالمسيح يسوع ربى وربك والفادى العظيم .

 

[انا مش معاكم]

Fierce fighter

بكلام حضرتك ده اقدر اقول انه تعصب

بلاش نتكلم فى امور انا ارضها وانت كذلك
يا سيدى الفاضل انا لا اوافق على وضعنا ككل فى بلدنا
والى متى يظل المسيحى مخبئ فى وطنه
والى متى يظل المسلم يجامل المسيحى
والى متى يظل الناس فى غيبة واوهام

انا ارفض مثلك تماما كل هذه الامور

لكن لو رجعت الى موضوعى هذا انه يتكلم عن الصداقة
ولا يتكلم فى السياسة او امور نعيشها

بالأمس هنا فى المنتدى قفلوا موضوع
وموضوع تانى اخذت مخالفة
ولكن هل وقفت الدنيا

لا لم تقف .. اتعلم من أخطائى ولا اكررها
واتمنى ان يصبح شعب مصر كذلك يصلح من نفسه

واسمح لى ان نقفل الموضوع الى هذا الحد
لأننى ابحث عن اصدقاء ولا اتواجد هنا لأتكلم عن امور اخرى

ارجو ان تتفهم الأمور جيداً ​

 

[انا مش معاكم]

sebit


بالفعل أخى انا اتعرف على المسيح من المنتدى
واشكرك على ترحيبك بى
​

 

[Fierce fighter]

​

​

​

ولن أضحك عليكم اننى كرهت المسيحين فى بلدى لأنهم لا يصاحبون الا الذى على ديانته
بالرغم من انى احبهم جدا وابحث عن صديق مسيحى فى بلدى ​

​

​

من يقرأ جملة كرهت المسيحين تفتكر حضرتك انطباعي عنك ايه؟؟؟

Fierce fighter

بكلام حضرتك ده اقدر اقول انه تعصب

​

بالتأكيد تعصب من بعض المسلمين وليس مني لأني كما ذكرت لك ان لي صداقات كثيرة مع مسلمين
وانا لااحملك اخطأ الاخرين ولكن يهمني رايك حتي اتمكن من معرفة مستوي تفكيرك ورأيك فيما يحدث

بلاش نتكلم فى امور انا ارضها وانت كذلك



يا سيدى الفاضل انا لا اوافق على وضعنا ككل فى
بلدنا

عارف حضرتك ايه اكبر مشكلة نواجهها
اننا ندفن مشاكلنا واخطأنا ونرفض الحديث عنها لمحاولة علاجها
وبهذه الطريقة مافيش مشكلة سيتم حلها

والى متى يظل المسيحى مخبئ فى وطنه



والى متى يظل المسلم يجامل
المسيحى


والى متى يظل الناس فى غيبة
واوهام

الاجابة علي كلامك ليست عندي
الي متي؟؟؟​

انا ارفض مثلك تماما كل هذه الامور ​

لكن لو رجعت الى موضوعى هذا انه يتكلم عن
الصداقة


ولا يتكلم فى السياسة او امور نعيشها

حبيبي مرحبا بك صديق واخ كمان
ولكني لاحظت انك بترغب في النقاش وقد طرحت حضرتك موضوعين للنقاش في امور مسيحية
يعني بتحب تناقش امور معينة وترفض الاخري​

سلام

​

​

 

[انا مش معاكم]

لا انا احب النقاش ونحب نعالج امورنا بس كل حاجة تبقى فى مكانها يا صاحبى
انا قولك ان ده موضوع صداقة

يعنى احنا ممكن نعمل اى حاجة نغلط ونعبر ونضايق
بس احنا نكون اصدقاء مخلصين مسامحين
ومحدش قال اننا نسيب الامور من غير ما نصلحا
انا نفسى نعيش زى امريكا فى حريتها او اى بلد تانية فيها حرية

وياريت يا صاحبى نقفل الكلام بقى لغاية كده

خلى الموضوع ده بعيد عن السياسة واى امور اخرى

​

 

[Fierce fighter]

وياريت يا صاحبى نقفل الكلام بقى لغاية كده ​

خلى الموضوع ده بعيد عن السياسة واى امور اخرى ​

خلاص زي ماتحب نقفل الكلام لغاية كده
ومرحبا بك​

 

[انا مش معاكم]

حبيبى انت ​

 

[Desert Rose]

ده اغرب موضوع ترحيب شوفته فى حياتى :smile02:smile02

مرحبا يا محمد نورت :Love_Letter_Send:
وبالنسبة لملاحظتك على انطواء المسيحيين على نفسهم , حط نفسك مكانهم وانت هتلاقى نفسك بتعمل نفس رد الفعل بتاعهم
مشكلتنا فى الحياة ان محدش بيحط نفسه مكان التانى
كل حاجة ليها اسباب ولكل فعل رد فعل

 

[انا مش معاكم]

Desert Rose

ايتها الجميلة

الحقيقة عندك حق ده اغرب موضوع ترحيب

انا كنت داخل اتعرف واصادق ناس محترمة وفعلا لقيت هنا ناس محترمة
ودمهم خفيف جدا واصل للرموز المصرية
انا بفتخر انى موجود هنا فى المنتى

بس معرفش انا اتكلمت بكل تلقائية وقولت حاجة انا شايفها ووضحت
ومعرفش فى ناس حاولت تدخلنى فى سياسة وامور تانية
احنا كلنا بنرفضها

انا سعيد بمرورك وترحيبك
تقبلى تحياتى وخالص شكرى وتقديرى
​