المصطبه الرجالى

[amgd beshara]

يا جداعان انا بستغرب علينا بصراحة
لما ايام العزوبية نطلع رحلة مع صحابنا كل واحد بيشارك في التنضيف و الغسيل بالجزمة
ولما نتجوز فاكس هي اللى تشيل البيت هو انا هشتغل و اصرف ولا اشتغل في البيت
دة علي اساس انها مش بتشتغل و حتي لو بتشتغل يقولها دي مسؤليتك

 

[amgd beshara]

عن نفسي انا هشارك في شغل البيت بس مش كل حاجة طبعا هيكون عليها نصيب اكبر مني شوية انما هساعدها اكيييييد

 

[amgd beshara]

وواجبات الزوجة اول حاجة انها تاخد بالها من جوزها كويس و تدلعة و تراعية
ودة طبعا يبقي متبادل
و الاولاد اساسي الام بتراعيهم اكتر و دة طبيعي لكن الاب لازم يشارك في التربية و في التعليم كمان و مزاكرتهم
يعني من الاخر لازم يكون في مشاركة ايجابية من الطرفين في كل شئ بس بنسب متفاوتة

 

[dawquinas]

انا للاسف طبعاً مجتمعي المصري خلاني طلعت اظن ان الست مسئوليتها الحاجات دي....

لكن بعد قليل من الانفتاح (الحمد لله) ادركت ان ده ارث سييء من ايام استقواء الرجال على النساء....

واليوم لم يعد مقبولاً ان تدخل الزوجة مرهقة من عملها عشان تخدم على سي السيد....

ربما لم اصل لايماني التام بتقسيم المسئوليات بالتساوي لكني اسعى جاهداً لذلك...
وعلى الاقل...طالما اتركها تعمل اكثر مني...ساشعر على الاقل اني مقصر معها

 

[marcelino]

انا للاسف طبعاً مجتمعي المصري خلاني طلعت اظن ان الست مسئوليتها الحاجات دي....

لكن بعد قليل من الانفتاح (الحمد لله) ادركت ان ده ارث سييء من ايام استقواء الرجال على النساء....

واليوم لم يعد مقبولاً ان تدخل الزوجة مرهقة من عملها عشان تخدم على سي السيد....

ربما لم اصل لايماني التام بتقسيم المسئوليات بالتساوي لكني اسعى جاهداً لذلك...
وعلى الاقل...طالما اتركها تعمل اكثر مني...ساشعر على الاقل اني مقصر معها

الرجعيه والتقاليد المتخلفه اللى ورثناها فى بلادنا العربيه هتفضل ماسكه فينا سنين طويله لحد ما تسيبنا

دة لو احنا حاولنا نسيبها يعنى وكنا عايزين
​

 

[girgis2]

انا للاسف طبعاً مجتمعي المصري خلاني طلعت اظن ان الست مسئوليتها الحاجات دي....

لكن بعد قليل من الانفتاح (الحمد لله) ادركت ان ده ارث سييء من ايام استقواء الرجال على النساء....

واليوم لم يعد مقبولاً ان تدخل الزوجة مرهقة من عملها عشان تخدم على سي السيد....

ربما لم اصل لايماني التام بتقسيم المسئوليات بالتساوي لكني اسعى جاهداً لذلك...
وعلى الاقل...طالما اتركها تعمل اكثر مني...ساشعر على الاقل اني مقصر معها

هو فين سي السيد ده ومين دي اللي هترجع من شغلها عشان تخدم عليه ؟؟؟؟

يابني الكلام ده مبقاش موجود دلوقتي بالصورة اللي أنت متخيلها دي

الدلع ده خلاااااااص مبقاش موجود

دا الست من دول دلوقتي لو طبخت ممكن تقعد شهر بحاله تذله بيها انها طبخت لأنها بتشتغل ومشغولة برضة وأغلب الرجال بيكبروا دماغهم في المسائل دي لو فيها تقصير طالما هما مش قادرين يساعدوا ولو اتكلموا أو اتزمروا فزوجاتهم هيطلعوا كل التعب على عنيهم

أنا شخصياااا هساعدها باللي هقدر عليه واللي مش هقدر أعمله لازم هي تكبر دماغها فيه

​

 

[marcelino]

هو فين سي السيد ده ومين دي اللي هترجع من شغلها عشان تخدم عليه ؟؟؟؟

يابني الكلام ده مبقاش موجود دلوقتي بالصورة اللي أنت متخيلها دي

الدلع ده خلاااااااص مبقاش موجود

دا الست من دول دلوقتي لو طبخت ممكن تقعد شهر بحاله تذله بيها انها طبخت لأنها بتشتغل ومشغولة برضة وأغلب الرجال بيكبروا دماغهم في المسائل دي لو فيها تقصير طالما هما مش قادرين يساعدوا ولو اتكلموا أو اتزمروا فزوجاتهم هيطلعوا كل التعب على عنيهم

أنا شخصياااا هساعدها باللي هقدر عليه

​

حلو الواقع الاليم اللى انت طرحته بكل صراحه دة يا جرجس :hlp:
​

 

[girgis2]

حلو الواقع الاليم اللى انت طرحته بكل صراحه دة يا جرجس :hlp:
​

الله !!!

مش دي مصطبتنا برضة يبقى لازم نتكلم بصراحة :t13:

​

 

[marcelino]

الله !!!

مش دي مصطبتنا برضة يبقى لازم نتكلم بصراحة :t13:

​

براحتك يا معلم

افتحلنا موضوع حيوي بقى كدة
​

 

[+إيرينى+]

أقولكم رأيى بصراحة فى موضوع مشاركة الرجل فى البيت

الراجل لو شارك فى البيت ......ح يسأل فى كل حاجة
اليكم الحوار

الرجل : الطماطم بكام .....و االفلفل بكام

و الفراخ بكام .......طيب جبتى اللحمة بكام

الزوجة :الطماطم بكذا و الفلفل بكذا و الفراخ بكذا

الرجل
ييييييييييييييييي

دا فيه واحد أرخص أنا أعرفه

إنتى كدة دايما غاوية تبعترى فلوس البيت

الزوجة :
بأبعتر إيه .....قال يعنى أنا ما بأشتغلش و حطة فلوسى فى البيت زيى زيك
روح إنت إشترى يا عم الامور

الرجل :
إنتى ح تذلينى عشان بتحطى فلوسك ف البيت
طب من النهار دا ما تشتغليش

الزوجة :
لولولولولوللولولى ...........بتتكلم جد

الرجل : إنتى ما صدقتى

الزوجة : أيوة .....هو إنت كنت بتهزر

الرجل : أيوة

الزوجة طب خش إغسل المواعين

الرجل : نعم يا روح أمك

الزوجة : طب ذاكر للعيال

الرجل : أنا تعبان و مش ناقص

الزوجة : طب نام ( فى سرها نوم الظالم عبادة )

الرجل : بتبرطمى بتقولى إيه يا وليه

الزوجة : و لا حاجة .......خش نام نااااااااااااام

 

[marcelino]

أقولكم رأيى بصراحة فى موضوع مشاركة الرجل فى البيت

الراجل لو شارك فى البيت ......ح يسأل فى كل حاجة
اليكم الحوار

الرجل : الطماطم بكام .....و االفلفل بكام

و الفراخ بكام .......طيب جبتى اللحمة بكام

الزوجة :الطماطم بكذا و الفلفل بكذا و الفراخ بكذا

الرجل
ييييييييييييييييي

دا فيه واحد أرخص أنا أعرفه

إنتى كدة دايما غاوية تبعترى فلوس البيت

الزوجة :
بأبعتر إيه .....قال يعنى أنا ما بأشتغلش و حطة فلوسى فى البيت زيى زيك
روح إنت إشترى يا عم الامور

الرجل :
إنتى ح تذلينى عشان بتحطى فلوسك ف البيت
طب من النهار دا ما تشتغليش

الزوجة :
لولولولولوللولولى ...........بتتكلم جد

الرجل : إنتى ما صدقتى

الزوجة : أيوة .....هو إنت كنت بتهزر

الرجل : أيوة

الزوجة طب خش إغسل المواعين

الرجل : نعم يا روح أمك

الزوجة : طب ذاكر للعيال

الرجل : أنا تعبان و مش ناقص

الزوجة : طب نام ( فى سرها نوم الظالم عبادة )

الرجل : بتبرطمى بتقولى إيه يا وليه

الزوجة : و لا حاجة .......خش نام نااااااااااااام

برغم انى متمسك بموقفى بعدم الرد غير على الرجاله فى الموضوع دة بس هارد عليكي :

الراجل دلوقتى بقى يعمل اى حاجه وكل حاجه ومن غير كسوف او حرج

فى رجاله كتير بينزلوا يشتروا الخضار ومستلزمات البيت ودة من نفسهم على اساس أراحه الزوجه ..

انا نزلت اشتريت خضار كتير ومن غير ما أسأل قبل ما انزل هو ممكن اجيب حاجات بايظه بس اهو الواحد بيتعلم مع الوقت وبقف وسط الستات انقى ولو حسيت سعر الخضار غالى بعمل زى ما بيعملوا الخيار بــ 4 جنيه ؟ ليه ؟؟؟؟؟؟؟؟؟ ما كان بــ 2 جنيه امبارح وهكذا ..

بس أفتكر فى مره مكنتش عارف اجيب طماطم للطبيخ بتبقى جامدة ولا طريه يعنى فقولت لوحدة واقفه بتشترى ممكن لو سمحتى تنقيلى كيلو ينفع للطبيخ .. طبعا كنت فى نص هدومى و موقف وعدى الحمدلله

كمان انا مذاكر الغساله بتاعتنا كويس علشان لو احتاجونى اغسل اعرف اتصرف

عندى افكار لا بأس بها من أساسيات الطبيخ .. هى صحيح مش بتزيد زى الاول بس دة لضيق وقتى بسبب شغلى

بس اهو عندى فكره واعرف اتصرف واعمل اكل حلو نوعا ما

اغلبيه الشباب كدة دلوقتى .. متعاون وعايز يريح اللى معاه سواء اخته او امه او مراته

ومحدش يقولى دة قليل ونادر لا بالعكس السلبيين هما اللى قليلين

الراجل بيتغير عن الاول بس محتاج الطرف التانى يتغير معاه مش دايما واخد دور المستضعف المغلوب على أمره

يعنى انتى برغم انك شوفتى مثال للراجل المثالى المتعاون بالرغم من كدة مشاركتك كلها بتوصف الراجل بالسلبيه دون ادنى تلميح للراجل المثالى اللى موجود بكثره عن الاول

​

 

[girgis2]

برغم انى متمسك بموقفى بعدم الرد غير على الرجاله فى الموضوع دة بس هارد عليكي :

الراجل دلوقتى بقى يعمل اى حاجه وكل حاجه ومن غير كسوف او حرج

فى رجاله كتير بينزلوا يشتروا الخضار ومستلزمات البيت ودة من نفسهم على اساس أراحه الزوجه ..

انا نزلت اشتريت خضار كتير ومن غير ما أسأل قبل ما انزل هو ممكن اجيب حاجات بايظه بس اهو الواحد بيتعلم مع الوقت وبقف وسط الستات انقى ولو حسيت سعر الخضار غالى بعمل زى ما بيعملوا الخيار بــ 4 جنيه ؟ ليه ؟؟؟؟؟؟؟؟؟ ما كان بــ 2 جنيه امبارح وهكذا ..

بس أفتكر فى مره مكنتش عارف اجيب طماطم للطبيخ بتبقى جامدة ولا طريه يعنى فقولت لوحدة واقفه بتشترى ممكن لو سمحتى تنقيلى كيلو ينفع للطبيخ .. طبعا كنت فى نص هدومى و موقف وعدى الحمدلله

كمان انا مذاكر الغساله بتاعتنا كويس علشان لو احتاجونى اغسل اعرف اتصرف

عندى افكار لا بأس بها من أساسيات الطبيخ .. هى صحيح مش بتزيد زى الاول بس دة لضيق وقتى بسبب شغلى

بس اهو عندى فكره واعرف اتصرف واعمل اكل حلو نوعا ما

اغلبيه الشباب كدة دلوقتى .. متعاون وعايز يريح اللى معاه سواء اخته او امه او مراته

ومحدش يقولى دة قليل ونادر لا بالعكس السلبيين هما اللى قليلين

الراجل بيتغير عن الاول بس محتاج الطرف التانى يتغير معاه مش دايما واخد دور المستضعف المغلوب على أمره

يعنى انتى برغم انك شوفتى مثال للراجل المثالى المتعاون بالرغم من كدة مشاركتك كلها بتوصف الراجل بالسلبيه دون ادنى تلميح للراجل المثالى اللى موجود بكثره عن الاول

​

آيه رأيك يا أخ مارسو نغير السؤال شوية

ويمكن جاتلي الفكرة من حوار أخواتنا مع بعضهم في مصطبتهم عن نفس الموضوع بعد ما لطشوه من عندنا :giveup:

وأي حد عايز يقول رأيه يقوله برضة دا سؤال عام

طبعاااا يعني هو يساعد ولا لأ ؟ متفقين انه يساعد طبعاااا

ولكن ..........

في فرق بين مساعدة في بعض الأعمال اللي يقدر يعملها لأن البيت هو مملكة الست وهي عايزة تحس بأنها هي صاحبة التنظيم فيه

وبين مسألة تقسيم الأدوار بالتساوي المطلق

أنت مع أي رأي فيهم ؟؟؟

لأن في رأي ممكن يقول الست ممكن تستهبل وتسرسب شغل البيت واحدة واحدة على الراجل في حين هي قادرة على الشغل وفي الحالة دي لازم نوضح حدود الراجل وحدود الست في شغل البيت ورعاية الأطفال

آرائكم يا شباب ويا رجال ؟؟؟؟؟

​

 

[Critic]

لو الست بتشتغل عدد ساعات ادى يبقى النص بالنص لا محالة
لو هى هتطبخ مثلا انا هنضف او العكس , وهتعلم اللى معرفوش مع الوقت
ومدى مشاركتى فى البيت يتناسب عكسيا مع عدد ساعات شغلها بالنسبة لى

 

[marcelino]

آيه رأيك يا أخ مارسو نغير السؤال شوية

ويمكن جاتلي الفكرة من حوار أخواتنا مع بعضهم في مصطبتهم عن نفس الموضوع بعد ما لطشوه من عندنا :giveup:

وأي حد عايز يقول رأيه يقوله برضة دا سؤال عام

طبعاااا يعني هو يساعد ولا لأ ؟ متفقين انه يساعد طبعاااا

ولكن ..........

في فرق بين مساعدة في بعض الأعمال اللي يقدر يعملها لأن البيت هو مملكة الست وهي عايزة تحس بأنها هي صاحبة التنظيم فيه

وبين مسألة تقسيم الأدوار بالتساوي المطلق

أنت مع أي رأي فيهم ؟؟؟

لأن في رأي ممكن يقول الست ممكن تستهبل وتسرسب شغل البيت واحدة واحدة على الراجل في حين هي قادرة على الشغل وفي الحالة دي لازم نوضح حدود الراجل وحدود الست في شغل البيت ورعاية الأطفال

آرائكم يا شباب ويا رجال ؟؟؟؟؟

​

لو فرضنا كلامك دة صح وممكن يحصل

ما تسيب كل حاجه عليك فيها ايه يعنى ؟ مش راجل البيت ؟

الرجوله مش كلمه يا جرجس على أد ماهى فعل وفعل صعب مش سهل

الراجل الحنين لو يطول هايخلى زوجته ملكه البيت فعلا متعملش اى حاجه خالص وهو يعمل كل حاجه .. بس سيبك يمكن دة كلام افلام مع انه عند البعض واقع يتمنوا يحققوه ...

وايه الست تسرسب اعمل البيت على الراجل ؟؟ مش منطقيه الجزئيه دى !

على اى حال وعمليا عجبنى رد كريتك طالما عايز تمشى بالورقه والقلم وتنظم الدنيا
​

 

[girgis2]

لو الست بتشتغل عدد ساعات ادى يبقى النص بالنص لا محالة
لو هى هتطبخ مثلا انا هنضف او العكس , وهتعلم اللى معرفوش مع الوقت
ومدى مشاركتى فى البيت يتناسب عكسيا مع عدد ساعات شغلها بالنسبة لى

يعني معنى كلامك ان حدود مشاركتك هتكون على أساس ساعات عملها مش على أساس التساوي ؟؟؟؟

​

 

[Critic]

يعني معنى كلامك ان حدود مشاركتك هتكون على أساس ساعات عملها مش على أساس التساوي ؟؟؟؟

ما هو ساعات عملها يعنى التساوى
لو ساعات عملها قليلة وانا كتير يبقى هشارك فى البيت اقل وهى اكتر والعكس صحيح
وبكدة نوصل للتساوى ومفيش حد هيحس انه شايل حمل اكتر من التانى او حد مستهلك وحد مرتاح اكتر

 

[girgis2]

لو فرضنا كلامك دة صح وممكن يحصل

ما تسيب كل حاجه عليك فيها ايه يعنى ؟ مش راجل البيت ؟

الرجوله مش كلمه يا جرجس على أد ماهى فعل وفعل صعب مش سهل

الراجل الحنين لو يطول هايخلى زوجته ملكه البيت فعلا متعملش اى حاجه خالص وهو يعمل كل حاجه .. بس سيبك يمكن دة كلام افلام مع انه عند البعض واقع يتمنوا يحققوه ...

وايه الست تسرسب اعمل البيت على الراجل ؟؟ مش منطقيه الجزئيه دى !

على اى حال وعمليا عجبنى رد كريتك طالما عايز تمشى بالورقه والقلم وتنظم الدنيا
​

مين قالك انه مش منطقي ؟!

ده كلام حقيقي ومن ناس متجوزين يا مارسو لو مش عايز تصدق أنت حر

وبعدين معنى الرجولة بالنسبة للست مش شغل البيت

معنى الرجولة بالنسبة ليها يعني حماية ويعني احتواء وحجات تانية هما لما بيتكلموا عنها مش بيجيبوا سيرة شغل البيت خالص

وبعدين الحنية لا تتعارض مع الحكمة

​

 

[+بنت الكنيسة+]

انا شدني جدااا الموضوع دا بس بصراحه في كذا رأي عجبني هنا

بغض النظر عن عدم تقبل وجودي هنا
قلت ارد وخلاص

دلوقتي الست بتشتغل وبترجع علي خدمه البيت
وبتعمل كل حاجه من طبيخ وتنظيف
ومفيش راجل بيساعد اي ست غير ممكن يجيب الطلبات فقط
بس ملاحظه مهمه جداااا ان الرجل ممكن يغسل ويطبخ ويكنس ويعمل كل حاجه في البيت بجد بيعمل كدا
في حاله واحده بس في اول شهر في الزواج فقط !!!
او لما تكون حامل بس
ودا بيحصل بجد
ودا من نماذج قدامي كتيييييييييير

​

 

[marcelino]

مين قالك انه مش منطقي ؟!

ده كلام حقيقي ومن ناس متجوزين يا مارسو لو مش عايز تصدق أنت حر

وبعدين معنى الرجولة بالنسبة للست مش شغل البيت

معنى الرجولة بالنسبة ليها يعني حماية ويعني احتواء وحجات تانية هما لما بيتكلموا عنها مش بيجيبوا سيرة شغل البيت خالص

وبعدين الحنية لا تتعارض مع الحكمة

​

الرجوله مالهاش قوانين تحدها وتحددها

انك تعمل ما لايخطر على بالها دى رجوله

أنك تقرب من اماكن مسلم بها من المرأه انها عليها هى وبس وتغير الفكره انك مكمن تعمل كدة مكانها دى رجوله

أنك تريحها بكل قدرتك دى رجوله

احتواء وقوة وشجاعه وامور تانيه اعملها وهى اصلا ميته من شغل البيت ؟ وكل حاجه عليها .. هى دى الرجوله ؟


الاحتواء يا حبيبى مش كلام دة فعل ممكن احتويها وأريحها من كل الخدمه اللى عليها وأحسسا انها ملكه زمانها


الموضوع كبير وكل راجل شايفه من وجهه نظره

زى الراجل اللى مقتنع ان الرجوله كلها تتلخص فى الجنس !

هو عقله كدة ومقتنع تماما بكدة لكن لو غسل مواعين او لو جاب الخضار هو كدة مش راجل ..! !

زى اللى مقتنع انه بيعامل مراته كويس ومحتويها على رأيك هى كدة رجوله

هى اة رجوله بس رجوله محدودة وناقصه

الرجوله مداها بعيد اوى محدش هايقدر يفهمها او يقدر يوصفها غير فى المواقف الصعبه والمواضيع الكبيره

انا عملت فى مره موضوع عن الرجوله محدش جاب شرح وافى يحسسنى بمنعاها اللى حاسه حتى انا نفسي معرفتش اكتب و اوصفها

الرجوله تتلخص فى كلمه واحدة وهى المواقف

كل المواقف الصعبه قبل السهله مش أنقى اللى على مزاجى واللى مش على مزاجى او هتتعبنى او هتحرجنى قدام الناس يبقى بلاش منها ..

الموضوع كبير .. كبير اوى
​

 

[girgis2]

أنا متفق معاك في ان من الرجولة والمروءة ان الزوج يساعد مراته في شغلها عشان متحسش انها مستهلكة زي ما قال كريتيك

لكن مختلف معاك في ان الراجل يبقى هو المسؤل عن شغل البيت عشان تحس انها ملكة زمانها ومتعملش حاجة حتى لو هي قادرة انها تشتغل !!!

والأهم من كل ده لازم يكون الراجل (بكامل ارادته) بيساعد أو حتى شايل الشغل كله لأنه شايف ان مراته مش مقصرة معاه في حاجة ودايماااا بتبزل مجهودها وطاقتها لاسعاده ولكن ظروفها هي اللي تمنعها أحياناااا من كدة

الرجوله مالهاش قوانين تحدها وتحددها
انك تعمل ما لايخطر على بالها دى رجوله
أنك تقرب من اماكن مسلم بها من المرأه انها عليها هى وبس وتغير الفكره انك مكمن تعمل كدة مكانها دى رجوله

اممممم
طيب وياترى المرأة نفسها هتكون مبسوطة بكدة ؟؟؟

وياترى نظرتها للراجل بشكل عام والي بيعمل كدة بشكل خاص هتكون ازاي ؟؟؟

أنا عايز أقولك على حاجة ويمكن متصدقنيش فيها بس دا رأيي وكل واحد حر في رأيه :

في ستات عندها عقدة من الأنوثة وشايفة الأنوثة دي ضعف

لأنها مش مقدرة أهمية دورها في الحياة ومش مقتنعة ان في تقسيم أو تخصيص أدوار

ودايماااا بتبص للراجل وامتيازاته بشكل أحادي (يعني مش شايفة نفسها) ممكن يكون ده بسبب التربية أو ممكن يكون بسبب شخصيتها أو طبيعتها كدة

وعشان كدة هي عايزة تشعر انها زي الراجل (في لبسه وفي شغله وفي كلامه) عشان تشعر انها القوية

أعتقد ان المرأة اللي من النوع ده هتكون مبسوطة بان شغل البيت كله يكون على الراجل !!!

وفي ستات تانية مش بيكون عندها الاحتياج الأساسي هو ان الزوج يشيل كل شغل البيت عليه لأن بالنسبة ليها (الرجولة مواقف زي ما بتقول) ومش محتاجة راجل في حياتها عشان يشيل كل شغل البيت

والنوع ده بتكون محتاجة راجل يساعدها وفي نفس الوقت تشعر معاه بالأمان لأن شغل البيت مش مشكلة أساسية بالنسبة ليها

مش شرط كل حاجة مسلم بيها فهتبقى بالتبعية غلط

وبعدين مفيش ست زي التانية (يعني كل ست واحتياجها الخاص بيها) وأعتقد ان هو ده السبب فان موضوعك لم يحدد الرجولة كويس لأن كل ست عايزة حاجة معينة من الراجل وبتقنعك بيها

أنك تريحها بكل قدرتك دى رجوله

احتواء وقوة وشجاعه وامور تانيه اعملها وهى اصلا ميته من شغل البيت ؟ وكل حاجه عليها .. هى دى الرجوله ؟

مارسو ركز معايا أنا مقولتش كدة !!!

أنا من البداية قولت اننا كلنا متفقين انه يساعدها

هو مفيش اعتدال في المسألة خالص يأما نشيل كل حاجة يأما نسيب كل حاجة !!

الراجل فعلاااا ممكن يشيل كل حاجة ودا مطلوب منه ولكن امتى ؟؟؟
الكلام ده لو هي تعبت أو هي مش موجودة في البيت

أنت بقى شايف غير كدة أنت حر
​