المصطبه الرجالى

[+إيرينى+]

معلش بأة ح أضطر أحشر نفسى .............غلاسة

شغل البيت بالنسبة للرجل
----------------------------

الموضوع ما نقدرش نعممه

يعنى إيه ؟؟؟

على حسب حالة الزوجين

يعنى مثلا

لو الزوج بيعمل عملين
عمل من 8 ص الى 2 بعد الظهر

و عمل تانى من 6 م الى 12 م

فى الحالة ديه ما ينفعش يعمل حاجة فى البيت لأنه هلك على الاخر
-------------------------------------------------------------------------


فى حالة العكس

الست بتعمل فى شركة استثمارى و مواعيد العمل من 7 ص الى 5 م بعد الظهر

و الزوج مواعيد عمله من 7 ص الى 2 بعد الظهر

يبقى المفروض فى الحالة ديه إن الزوج يشارك جدا فى مسئولية البيت و إلا يبقى بجد مش جدع
-------------------------------------

حالة تانية إن الزوج مُدرس ألعاب

طبعا ما عندوش دروس خصوصية و لا أى حجة

و كمان عنده أجازة الصيف و أجازة نصف السنة

و لو هو متزوج من ست بتشتغل طول النهار

المفروض يبقى جدع و يشتغل هو شغل البيت و خاصة فى أجازات نصف السنة و أجازة الصيف

الموضوع ما نقدرش نعممه

دا يعنى على حسب الظروف

 

[girgis2]

و لو هو متزوج من ست بتشتغل طول النهار

المفروض يبقى جدع و يشتغل هو شغل البيت و خاصة فى أجازات نصف السنة و أجازة الصيف

الموضوع ما نقدرش نعممه

دا يعنى على حسب الظروف

أنا موافق على الكلام ده

بس لازم تكون الست مقدرة ان دي جدعنة من جوزها انه يكون هو المسئول عن البيت لأنه ممكن يشتغل هو شغلانة تانية بعد الظهر ولكن عشان متطلبات المعيشة هو شاف ان عملها هو اللي مربح أكتر

ولا آيه رأيك ؟؟

​

 

[+إيرينى+]

أنا موافق على الكلام ده

بس لازم تكون الست مقدرة ان دي جدعنة من جوزها انه يكون هو المسئول عن البيت لأنه ممكن يشتغل هو شغلانة تانية بعد الظهر ولكن عشان متطلبات المعيشة هو شاف ان عملها هو اللي مربح أكتر

ولا آيه رأيك ؟؟

​

ماشى موافقة بشرط

إنه يكون مقدر جدعنتها فى مشاركتها مصروف البيت

 

[girgis2]

ماشى موافقة بشرط

إنه يكون مقدر جدعنتها فى مشاركتها مصروف البيت

هو طبعاااا مش هتبقى مشاركة دا هيكون الجزء الأكبر في مصروف البيت من مرتبها
وطالما ده قراره ورضاه ان شغلها هو اللي مربح أكتر من شغله التاني يبقى مفيش مشاكل

المشكلة لو هو شاف ان دي عدم قناعة منها هي عشان عايزة تعيش في مستوى أعلى

​

 

[+إيرينى+]

هو طبعاااا مش هتبقى مشاركة دا هيكون الجزء الأكبر في مصروف البيت من مرتبها
وطالما ده قراره ورضاه ان شغلها هو اللي مربح أكتر من شغله التاني يبقى مفيش مشاكل

المشكلة لو هو شاف ان دي عدم قناعة منها هي عشان عايزة تعيش في مستوى أعلى

​

تصدق المفروض نفتح الموضوع دا فى المصطبة النسائى​

 

[girgis2]

تصدق المفروض نفتح الموضوع دا فى المصطبة النسائى​

هههههههههه

ماتنسيش تنزليلي شكر لما تفتحي الموضوع ده هناك عشان أنا كدة صاحب الفكرة

​

 

[marcelino]

بصراحه انا زهقت
​

 

[girgis2]

بصراحه انا زهقت
​

ليه بس يا معلم ؟

أدينا بنتبادل الخبرات والأفكار ومن هنا بتيجي تساؤلات ومشاكل واقعية بنحاول نجاوب عليها ونشوف ليها حلول

لاحظ ان مفيش راجل واحد متجوز كلف نفسه وشاركنا رأيه

​

 

[Samir poet]

عايز اتناقش فى الموضوع
افرضومثلا
الشخص دا حتى لوتاب حقيقى بجداااا
بس كاانسان اصبح عقيم
نتيجةالزانا انتو رايكو اية

 

[عبود عبده عبود]

لاحظ ان مفيش راجل واحد متجوز كلف نفسه وشاركنا رأيه

لا ياعم موجودين أهوه ...
بص ياسيدى المساعدة فى البيت بتبقى حسب أستعداد الراجل والست اللى معاه ..
لأن بعض الستات مش بتحب الراجل يحط أيده فى شغل البيت
وبعض الستات بتتحفظ على الراجل فى منطقة معينة من المنزل أثناء التنظيف ...( تحدد أقامته )
وأحياناً بتوصل لدرجة الطرد من البيت :giveup: عشان تعرف تنضف براحتها ..
لكن فيه مساعدة من نوع تانى لا تقل أهمية ...مثلا
متقلعش ولامؤاخذة شبشبك فى وسط الأوضة أو جزمتك فى وسط الصالة ..
ماترميش هدومك ع السرير مستنى الجارية تعلقها لك ..
لما تعزم أصحابك فى البيت على ماتش كورة وتقعدوا تتسلوا بأى تسالى مأكولة ...
وبعدين لما ينزلوا تسيب لها الدنيا متزبلة وتضرب تقلب ..نضف ورا أصحابك على قد ماتقدر ...وبذمة
لو مع حضرتك عربية مايصحش تسيبها تجيب هى الحاجات من السوق وترجع شايلة يمين وشمال ..
لو مش بتعرف انت تشترى الحاجة من السوق على الأقل خدها معاك تشترى واستناها وشيل معاها ...
عادى جداً باشوف رجالة محترمة طول بعرض واقفين على ناصية السوق وبيشيل عنها ويحط فى شنطة العربية
أو واقف معاها عند الفرارجى وهو بيناوله كأنه عيل من بتوع الكيلو أربعة ونص ...

 

[عبود عبده عبود]

عايز اتناقش فى الموضوع
افرضومثلا
الشخص دا حتى لوتاب حقيقى بجداااا
بس كاانسان اصبح عقيم
نتيجةالزانا انتو رايكو اية

مافيش حد بيبقى عقيم نتيجة للزنا ...

 

[Samir poet]

مافيش حد بيبقى عقيم نتيجة للزنا ...

ناس بتقول
ممكن انجاب الاطفال
معوقين
وناس تقول تعيش على كدا
بدون اطفال
فوق كدا
المشكلةالاساسى
بقى لوالبنت رفضت
يعنى كل مااجى اتقدم لواحدة
مثلى وعرفت موضوع الزانا
شى طبيعى هترفضنى

 

[marcelino]

طب نتكلم فى حاجه جديده ونسأل الرجاله :

ماهو مقياسك للبنت المحترمه ؟

لبس ؟ طريقه كلام ؟ اخلاق ؟
​

 

[عبود عبده عبود]

ناس بتقول
ممكن انجاب الاطفال
معوقين
وناس تقول تعيش على كدا
بدون اطفال
فوق كدا
المشكلةالاساسى
بقى لوالبنت رفضت
يعنى كل مااجى اتقدم لواحدة
مثلى وعرفت موضوع الزانا
شى طبيعى هترفضنى

كل اللى بيتقال دة كلام فارغ مالوش اصل
وبعدين انت اية اللى يخليك تقول للبنت على موضوع زى دة لو كنت عملته ؟؟
مش حاجة تفتخر بيها يعنى عشان تتحكى !!!
يعنى ربنا سترها عليك تفضح انت نفسك ؟؟

 

[Alexander.t]

البنت المحترمه يا ميلاد منعرفش نحط مقياس لاحترامها
من وجهة نظرى البنت المحترمه هى اللى بتتعامل مع كل واحد وهى حاطه حدود وخطوط حمراء مينفعش اى حد يتعدى الخطوط دى
البنت المحترمه هى اللى بتجبرك ع احترامها
حتى لو الواحد محترم الا ربع

 

[PoNA ELLY]

طب نتكلم فى حاجه جديده ونسأل الرجاله :​

ماهو مقياسك للبنت المحترمه ؟

لبس ؟ طريقه كلام ؟ اخلاق ؟
​

مبادئ وافكار وسلوك وتربيه وطريق كلام ولبس طبعاا
​

 

[+إيرينى+]

إنتوا مالكوا كدة

28 صفحة بس

دا إحنا مصطبتنا وصلت 105

إيه ما عندكمش مواضيع تتكلموا فيها

 

[PoNA ELLY]

إنتوا مالكوا كدة

28 صفحة بس

دا إحنا مصطبتنا وصلت 105

إيه ما عندكمش مواضيع تتكلموا فيها

يا اخت ايريني الفضا وحش هههههههههههه
انتوا ما خليتوش حاجه ما تلكمتوش فيها من ميك اب ورقص وغيره وغيره

احنا بنحضر للتقيل اللي هو اغلاق الموضوع هههههههههه

 

[+إيرينى+]

يا اخت ايريني الفضا وحش هههههههههههه
انتوا ما خليتوش حاجه ما تلكمتوش فيها من ميك اب ورقص وغيره وغيره

احنا بنحضر للتقيل اللي هو اغلاق الموضوع هههههههههه

و أدينى متابعة .....يا شماتة العدِّوين فيكوا

 

[Samir poet]

انا طرحت مشكلة معايا
ولكن لما استفد جيدا
وماذلت فى حيرة