تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

كلمات ترنيمة ياما أحلى طقوسنا

1- يا ما احلى طقوسنا ياما احلاها

أجمل ما فيها وأحلاها

يوم ما استقبلت الكنيسة

البابا شنودة لما جاها

2- الشمامسة اصطفت صفوف بصلبان وبوارق ودفوف

والناس حواليها ألوف ألوف

تستقبل بالفرحة باباها

3- تستقبل بهتاف عريسها

قديس كنيستنا ورئيسها

اللي بحكمة وحب حارسها

مسئول عن كل نفوسها

4- بالبركة يمد إيده بالحب

يبارك كل واحد م الشعب

حاططنا كلنا جوه القلب

زي ما وصاه المسيح الرب

5- ستات تستقبله بالزغاريد

والتصفيق م الكل بيزيد

وشمامسة ترتل بالأناشيد

يخلص تمجيد يتقال تمجيد

6- وملايكة الكنيسة حارساه

وقلوب الشعب محوطاه

والقديسين حواليه ومعاه

راكعة وساجدة تشكر الله

7- لمجيئه اسكندرية كرسيه

مبروك الكرسي منور بيه

من شوق الشعب التف عليه

ينادي ويقول الله يخليه

8- البابا شنودة في وسطينا

بنهنيه وهو يهنينا

بععظاته الحلوه يهدينا

بإيمان قلبه يقوينا

9- بالضحكة الطاهرة ودموعه

يحوطنا حنان جوه ضلوعه

يحكي لنا ساعات على يسوعه

ويأخذنا معاه لينبوعه

10- وساعات تمضي يباركنا

مش هاين عليه يتركنا

يتركنا ازاي ده بطركنا

بالروح شاركناه وشاركنا