اختر حرف : ا - ب - ت - ث - ج - ح - خ - د - ذ - ر - ز - س - ش - ص - ض - ط - ظ - ع - غ - ف - ق - ك - ل - م - ن - ه - و - ي -

كلمات ترنيمة يا سمكة بسرعة قوليلي إزاي وليه

1-(يا سمكة بسرعة قوليلى إزاى وليه اللى خلقنى وخلقك بتسبيحيه

طب بتغنيله ولا بتعملى إيه

ولا بطريقتك وحدك بتفرحيه)2

الله خلانى أعوم لو صاحية أو وقت النوم لو باكل أو لو كان صوم علشان باعرف أعوم فباعوم

بس أنا مش باعرف أعوم .... ما يهمكش

القرار

(لو أعوم أو أبلبط لو أرسم أو أشخبط لوصوتى ملخبط ربى بيقبل تسبيحى)2

2-(وانتى يا رسامة قوليلى إزاى وليه اللى خلقنى وخلقك بتسبيحيه

طب بتغنيله ولا بتعملى إيه

ولا بطريقتك وحدك بتفرحيه)2

الله إدانى عيون وإيدين تمسك فرشة ولون وخيال يتشاقى بجنون إزاى أبطل أرسم لون

بس أنا مش باعرف أرسم ... ما يهمكش

3- (ياللى بتقول ترنيمة إزاى وليه اللى خلقنى وخلقك بتسبيحيه

طب بتغنيله ولا بتعملى إيه

ولا بطريقتك وحدك بتفرحيه)2

الله إدانى لسان وكلام من قلبى وألحان الله إدانى لسان وكلام من قلبى وألحان عايزة أفضل أغنى كمان وكمان إزاى أبطل أغنى فى يوم

بس أنا مش باعرف أغنى ... مايهمكش

(لو أعوم أو أبلبط لو أرسم أو أشخبط لوصوتى ملخبط ربى بيقبل تسبيحى)2

أنا قلبى مزقطط فرحان يتنطط الله بيظبط كل صلاتى وتسبيحى