تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

كلمات ترنيمة يا رب قويني

يا رب قويني على اللي انا فيه

أعِنِّي

كام حاجة واجعِنِّي

الدُّنيا والناس والحاجات

مابقوش نافعِنِّي

بيترِعِب قلبي وتِعِب

مش لاقي دوا يشفيه

يا رب قويني على اللي انا فيه

فاحص القلوب انت وأفكاري قُصاد معاليك

وانا لو هاخبِّي عالبشر ماقدرش اخَبِّي عليك

وانا عارف انك لن تِحَمِّل قلبي فوق طاقته

والجُب مهما بان غَويط لازم تبان طاقته

لازم ببان تِبان وتفتح لي الببان دي إيديك

فلو انت هتزيح حِملي ده فالأمر يرجع ليك

ولو انت هتسيبه فَسيب كام طبطبة وياه

فلو تِقِل ألمح إيديك مِسيطرة وشايلاه

الموج عِليْ قول كلمتك هَدِّيه

لما باعِد الإحسانات من كُترها أنسى

روحي بمراحمك الكتيرة تملي متآنسة

اسمك ده برج حصين نجدني لما نَـطَـقته

مامنعتش الخير عنِّي لأ ولا حتَّى بَطَّأته

وكل ما فـ الأمر مِختار أنسب المواعيد

فلا انت قاسي ولا انت َ ناسي ولا انت عني بعيد

هتغيَّر الحاصل ولكن كُله لِيه وقته

وصوتي ليك واصل ده شيء من صُغري صَدَّقته

وكل ألمي إنت حاسس بيه