اختر حرف : ا - ب - ت - ث - ج - ح - خ - د - ذ - ر - ز - س - ش - ص - ض - ط - ظ - ع - غ - ف - ق - ك - ل - م - ن - ه - و - ي -

كلمات ترنيمة يا أبونا ياللي في السما أنت أحن قلب

1- يا أبونا ياللى فى السما أنت احن قلب

دايما ابدا ما هاتنسانا ما احنا ولادك يارب

دعيت اسمك علينا وانت اسمك قدوس

خلينا نقدس اسمك يا مخلص النفوس

2- املك على كل حياتنا اجعلنا نعيش ملكوتك

مش قلتلنا انه داخلنا سمعنا يا رب صوتك

فى حياتنا وكل امورنا كمشيئتك عايزين نسلك

طهر يا رب ضميرنا بالحب علينا تملك

3- زى ما فى السما عايزين نسلك كملايكة يا رب

على الارض كمان خلينا دايما يقودنا الحب

خبزنا اللى يكفينا علشان ما نعيش اليوم

يا رب هاتدينا من غير ما نشيل فى هموم

4- خطايانا كتير يا رب لو تسمح تغفرها لنا

علمنا ازاى بالحب نغفر للى اخطالنا

ماتدخلناش فى تجارب ده انت عارف ضعفتنا

ياللى عننا بتحارب بصليبك انتصارتنا

5- نجنا من الشرير على طول دايما يحاربنا

علمنا ازاى بكلامك نغلبه لما يهاجمنا

لأن ليك المجد والقوة كمان والمجد

ياللى اسمك مبارك فى السما وكمان ع الارض