اختر حرف : ا - ب - ت - ث - ج - ح - خ - د - ذ - ر - ز - س - ش - ص - ض - ط - ظ - ع - غ - ف - ق - ك - ل - م - ن - ه - و - ي -

كلمات ترنيمة هغمض عينيا

1- هغمض عنيا و اشوفك بروحي و اشوفك بقلبي هغمض و اقرب لحد اما احسك قريب و جنبي وهفضل مواصل عبور الفواصل لحد اما اجيلك واريح وافضفض واقولك على المستخبي

القرار:

هغمض لاني حفظت تفاصيل الظروف وكل اما افتح وابص مابشوفش الا خوف هغمض عشان كل اللي متشاف ليل وضلمة انا باختصار هاقفل عنيا عشان اشوف

2- وهاقفل وداني عشان ادي فرصة لصوتك يقوللي وهافقل عليا فيدخلي نورك وتبقى انت ضلي هسكت واسيبك تمتعي وداني برقة كلامك و احس بوجودك واحس بسلامك لامسني و واصلي

3- هاقفل وداني وابطل اسمع اي صوت

بيقولي حزن وخوف وشر وليل وموت وعشان مايبقاش حد صوته واصلي غيرك و ان عوزت اقولك مش هاقول الا في سكوت

____________________

* كلمات: إميل يوسف - ألحان: فادي طلعت - ترنيم: فريق إلمس إيدينا