اختر حرف : ا - ب - ت - ث - ج - ح - خ - د - ذ - ر - ز - س - ش - ص - ض - ط - ظ - ع - غ - ف - ق - ك - ل - م - ن - ه - و - ي -

كلمات ترنيمة هاج البحر وساد الليل

1- هاج البحر وساد الليل عصفوا رياحو وحل الويل وصاروا مواجوا ميل لميل يودوا هالمركب فينا طلوع نزول وباضطراب بنبض البحر وبالعذاب ظلمة ليل وارتياب وصرخة خوف تلوينا عالصبح بآخر هزيع طل السيد الشفيع وجلجل صوتو بالتشجيع بوسط المحنة يواسينا أنا هو لا تخافوا كلمة حلوة عشفافو قالا وأظهر ألطافو ومد الإيد ينجينا

2- ماشي فوق مواج البحر وفوق جبينو تاج النصر وجاي وسط رياح الدهر يعيد المركب للمينا متسلط من علياءه وعالبحر وكبرياءه كل مواجه وأنوائه بتسكت لما بيجينا عالصبح بآخر هزيع طل السيد الشفيع وجلجل صوتو بالتشجيع بوسط المحنة يواسينا أنا هو لا تخافوا كلمة حلوة عشفافو قالا وأظهر ألطافو ومد الإيد ينجينا

3- أنظر نحو الرب الحي وامشي صوبو فوق المي ولو بالسير غرقت شوى بيمسك إيدك فادينا ثبت عينك عالمسيح ولا تبدا تغرق وتصيح الماشي عا أجنحة الريح قادر جنبو يمشينا يا خيي العتلان الهم اطمن مهما اهتاج اليم هو اتكلف فينا الدم وجوا بقلبو مخبينا أنا هو لا تخافوا كلمة حلوة عشفافو قالا وأظهر ألطافه ومد الإيد ينجينا