اختر حرف : ا - ب - ت - ث - ج - ح - خ - د - ذ - ر - ز - س - ش - ص - ض - ط - ظ - ع - غ - ف - ق - ك - ل - م - ن - ه - و - ي -

كلمات ترنيمة منتظرينه منتظرينه إحنا بشوق مستنيينه

مجداً ليسوع المسيح جهزنا الزيت للمصابيح

أصل الرب لعرسه دعانا وشويه ونروح داخلينه

إمتى هيجي ؟ مالهوشى ميعاد لكن إحنا على إستعداد

وقت مايجي يسوع يلقانا بنفكر فيه ومش ناسيينه

القرار- منتظرينه .. منتظرينه إحنا بشوق مستنينه

يمسح مننا دمعة عيننا ويجمع شعبه على يمينه

مش ناسيين وهننسى إزاى إنك قلت ف يوم أنا جاى

إنت لآخر الدهر معانا وده شىء حاسينه ولامسينه

لكن جاى تاخدنا معاك وتسكننا ف قلب سماك

تبقى ف بيت الآب ويانا ده الأمل إللى إحنا عايشينه