تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

كلمات ترنيمة مارمينا يا عجايبي

قرار:

مارمينا يا عجايبي اسمك منقوش على قلبي

عاوز منك تشفع لي

عند يسوع يغفر ذنبي

1- أتولد من أبوين مسيحيين واتقيا

حياتهم كانت نقية كانوا ناظرين للأبدية

2- دخل الجيش الروماني

بقى ضابط عظيم مهول

شاف عذاب المسيحيين

لقى نفسه عنهم مسئول

3- ترك الجيش وراح الصحرا

يعبد ربه القدوس

عاش لوحده واترهبن زي باخوميوس ومكاريوس

4- رجع تاني للعالم علشان يشهد ليسوع

ويقوي ضعيف الايمان

ضد الحكام الطغاة

5- جم قبضوا عليه الأشرار

وشاف منهم الهوان

مارضيش يترك الديان

فضل ثابت في الايمان

6- قطعوا بالسيف رقبته اتهلل بفرح وسرور

مين زيه في شجاعته مين

مين زيه في أمانته مين

7- جم زملائه يدفنوه

على جمل قاموا وضعوه

راحوا به لمكان بعيد بعد ما رضاش يمشي

8- فكروا الجمل تعب جابوا غيره علشان يمشي

برضه وقف في مكانه

ما عداش خطوة واحدة

9- والجمل زي المربوط

في مكان اسمه مريوط

دفنوا الجسد ودعوه عرفوا دي ارادة يسوع

10- والمكان أصبح مشهور

بعد ما كان خالي مهجور

واشتهر اسم القديس بقى معروف بالعجايبي

11- علشان ربنا بيحبه

بعت له البابا كيرلس

جدد ديره وكنيسته

يا رب انفعنا بصلواته

____________________

* نفس لحن ترنيمة: "شفاعتك يا ملاك ميخائيل".