تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

كلمات ترنيمة كنت جاي أحكي

* أول مرة اكون جايلك عشان اقعد براحتى معاك واقوللك ع اللي جوايا وافضفض بالكلام وياك والاقي نفسي مش بانطق ومش عارف أقولك إيه

* ماقلتش كلمتين على بعض وماعرفش الكلام راح فين ومن ساعة ماجيت ساكت وبدل الساعة فاتو اتنين وكل ما اقول هاقول ماباقولش ومش عارف أنا ساكت ليه

* يا رب انا كنت جاي احكي لكن فجاة لاقيتني بكيت فسبت الدمع يتكلم وقلت أكيد .. أكيد حسيت عشان عارفك بتفهمني ومش محتاجنى اقول حكايات

* بصراحة الدمع ريحني ووفر من كلامي كتير وطلع خنقتي مني وتعبي وحيرة التفكير كأني حكيت معاك بالظبط بس حكيت بدون كلمات

* مافيش ف الدنيا شئ أحسن من القعدة معاك يايسوع سواء قلت اللي جوايا كلام او حتى قلته دموع ما دايماً آخرة القعدة معاك إنى باكون مرتاح

* خسارة افضل كدة بيني وبين نفسي حزين محتار ده انا لو قايدة نار فيَّ قعادي معاك هايطفي النار ولوشفت انها اتقفلت .. أكيد انت معاك مفتاح

____________________

* من مرنمي الترتيلة: كورال فريق "المس إيدينا" - كلمات: إميل يوسف - ألحان: فادي طلعت.