اختر حرف : ا - ب - ت - ث - ج - ح - خ - د - ذ - ر - ز - س - ش - ص - ض - ط - ظ - ع - غ - ف - ق - ك - ل - م - ن - ه - و - ي -

كلمات ترنيمة قَعْدِة صَرَاحَة

1- قعدة صراحة رجعت فيها لنفسي قلت طال البعاد أيام و صعب تعدها آخرتها إيه شوف أد إيه جواك دموع البعد كان حكاية مانتش ادها و بتوحشك طيبة أبوك فتفوق و توعد بالرجوع و بسرعة تنسي الوعد قبل اما تنشف الدموع

قرار :

متقولش بكرة هتوب لأ قول أنا تايب مين قال خلاص مكتوب تعيش بعيد غايب... خايب

2- روحك تتوه وتعيش جبان حيرة و خوف و تقول ظروف جاية عليك و بتظلمك آخرتها إيه أديك جربت وجع الفراق صعبة الحياة و برضه مش بتعلمك ما كفاية غربة و افتكر حضنه اللي فيه عشت مبسوط بالحالة دي مين يقبلك إلا اللي حبه من غير شروط

3- بطنك مليتها لكن جعان و الجوع يزيد عيشة العبيد بالنسبة ليك عيشة هنا آخرتها إيه مستني إيه فاتك كتير ارجع أوام لا العمر يجري مننا و كسبت إيه من الهروب غير خوف و شرخ تكبره و تعيش بعيد عن بيت أبوك و أهله جوة بيكتروا ؟

____________________

* كلمات وألحان: مايكل مجدي - ترنيم: كورال إيبارشية طنطا و توابعها (كورال نبرة فرح): أداء فردي: مايكل مجدي - أنطونيوس القمص مكسيموس -

بيشوي عشم - مينا عماد - صموئيل جمال / أداء كورال: مايكل مجدي - أنطونيوس القمص مكسيموس - بيشوي عشم - صموئيل جمال - مينا مجدي - مارك موريس - مينا عماد

- كيرلس هاني - يوحنا أشرف - جوسيان رأفت - يوستينا صموئيل - نادية نبيل -

ماريا ريمون - مريم مراد.