تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

كلمات ترنيمة عودة الفردوس | آدم لما كان في الجنة

1- آدم لما كان فى الجنة آدم لما كان فى الجنة

كان لربه بيستنى يقعد معاه ويتهنى

مكانش فيه للشر مكان ولا حتى مشاكل أو أحزان

آدم مع حواء مبسوطين مع ربنا نايمين صاحيين

2- زعل الشيطان شوية وأبتدا يحسب فى القضية

قال أنا آخد شكل الحية وأروح أتكلم مع حوا

ضحك الشيطان على حوا فقالت له الوصية

لكنه ضلل عقلها وقال لها كُلى م الشجرة

3- سمعت حوا كلام الحية أكلت ثمرة لقيتها شهية

ولآدم زوجها راحت جارية تقول له خد كُل من ديَّه

آدم أتغير بالخطية طبيعته بقت مش زى ما هيَّه

فبقى يخاف هو وهى م اللى أداهم الحرية

4- خطية آدم أبينا أحنا اولاده وبقيت فينا

لكن ربنا فادينا صمم على إنه يفدينا

فى الأول بعَت الأنبياء زى موسى وأشعياء

وكان آخرهم يوحنا جه علشان يتوبنا

5- فى الآخر إتولد يسوعنا على الأرض كأنه منا

وعلى الصليب خلصنا لما رضى يموت بدالنا

جسدنا يارب أنت باركته لما فى المزود لبسته

وم الخطية نضَّفته شكرًا لأنك خلصته