اختر حرف : ا - ب - ت - ث - ج - ح - خ - د - ذ - ر - ز - س - ش - ص - ض - ط - ظ - ع - غ - ف - ق - ك - ل - م - ن - ه - و - ي -

كلمات ترنيمة علاقة محدودة

1- بسأل مين بيحبني بعد اما قلبي ياما اتباع و اللي باعوني مكلفوش خاطرهم حتى لو بوداع والوحدة لو بتهدني .. إلهي يجي يشدني لا عايز مني مال و جمال .. ولا بأنانية و استعجال و برضه بكرر في السؤال .. هو مين بيحبني

قرار : (ملقتش حد يحبني حب حقيقي أصدقه كل علاقاتي بتنتهي من قبل حتى ما يبدأوا) ج-

أما علاقتنا يا رب إنت اللي جيت و بدأتها و انا زي ما قالولي بقولك كل شئ بيننا إنتهى أغلط و أعاندك لحد عندك آجي أعاتبك برسالة مقصودة لو فيه علاقة يا رب بيننا تبقى للأسف علاقة محدودة

2-بسأل مين بيحبني و الحب يبقى من الطرفين كل اللي قلبي دور عليهم لسة بيسأل راحوا فين حبيت زمان و محبونيش .. حبوني ناس و مناسبونيش ..

و عايش ليه كأني غريب .. برغم معايا أغلى حبيب .

لو أرفع عيني عل صليب .. هعرف مين بيحبني .. إنت يا رب بتحبني

____________________

* كلمات: مايكل مجدي - ألحان: بيشوي أمير - ترنيم: كورال

إيبارشية طنطا و توابعها: كورال نبرة فرح (أداء فردي: بيشوي أمير - مايكل مجدي

/ أداء كورال: كورال : مايكل مجدي - بيشوي أمير - مينا مجدي - بولا رضا - مريم مسعد - مريم وحيد - مادونا نبيل - يوستينا صموئيل - جوسيان رأفت - ماري جورج كمال - سارة جورج ) - ألبوم: ليك حكاية.