تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

كلمات ترنيمة ده العادي

1- محدش قال في يوم انك كسفت إيديه

طلب منك وقلت له ليه

بتسمع للي يلجأ لك ويندهلك على مهلك

وتعمل اللي فيه خير ليه (2)

القرار

وده العادي ألاقي في حضنك الراحة

يا دوب أنادي ألاقي همومي متزاحة

على بابي هناك ألقاك وقلبي معاك

بايت راضي ورحي يا رب مرتاحه (2)

2- وانا موجوع أروح أشكي لمين غيرك

أبكي وساعات أغنيلك

وأقول يا يسوع أشوفك جاي بفرحي الجاي

فتيجي ازاي لو انكرلك في يوم خيرك (2)

____________________

* كلمات: جورج خليل - ألحان وترنيم: مارفي صموئيل.