تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

كلمات ترنيمة حاسس إني ضعيف

1- أنا خاطي يا رب ومش قادر

أرجعلك وأتوب

حاسس إني ضعيف ع الآخر متكتف بذنوب (2)

وانت بتطلب مني تقوللي

ارجع ليا يا ضال

وفـ لحظة ما هترجع ليا

هارجعلك في الحال (2)

القرار:

محتاج إيدك تيجي تحرر

انت الأقوى انت بتقدر (2)

انت يا ربي بلمسة تغير

الشرير إلى بار (2)

2- ياللي مشيت للسامرية

وقابلتها ع البير

طهرتها من كل خطية

ومنحتها تحرير (2)

لما خروف ضل وضاع منك دورت انت عليه

واما لقيته اخدته فـ حضنك

وطبطبت عليه (2)

3- وآدي مريض بركة بيت حسدا مرمي بقاله زمان

وانت بكل الحب يا ربي

شفيته بحنان (2)

مين حول شاول إلى بولس

لمبشر ورسول

لما ظهرت له آمن بيك

واتغير على طول (2)

____________________

* كلمات: راني ثروت - لحن وترنيم: ماجد عيد.