تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

كلمات ترنيمة الساكن في ستر الله

الساكن ف ستر الله محمي طول أيامه ويسوع هو اللي بيرعاه وهو سر سلامه وقت ما يتعب يبقي شفاه ويشيل عنه ألامه

لا يخاف من أمراض وضيقات ولا بيقل ايمانه عايش عمره ف تعزيات وبيغلب أحزانه

لا وباء يوم يقدر يأذيه ولا شر بيمسه ومفيش شئ ابدآ يحنيه علشان ربنا حارسه

اطمن منتاش متساب ده يسوع ما بينسانا مرشوشه بدمه الأعتاب وهيفضل ويانا

ان هاجت كل الأمواج روح ليسوع واحكيله ده المرض اللي مالوهش علاج هو ف ثانيه يزيله

متركزش مع الأخبار ولا تتعب أعصابك ده انت ف وسط أتون النار ربنا عمره ما سابك

شده ولازم بكره تزول بمراحم سماويه مهما صليب الضيقه يطول بكره قيامتك جايه