اختر حرف : ا - ب - ت - ث - ج - ح - خ - د - ذ - ر - ز - س - ش - ص - ض - ط - ظ - ع - غ - ف - ق - ك - ل - م - ن - ه - و - ي -

كلمات ترنيمة اشفعلنا اشفعلنا عند المسيح اشفعلنا

1- إحساس بالراحة مالينة وأنا

بحكي معاك وباقول أسرار

وأنت توصلها لربنا

وأنا وياك جوه المزار، حِسَّك قوي وشايفك هنا

وأنا هاحكي وأقول لكل الناس

وأوصفلهم أجمل إحساس

لما قابلته في القداس

وضحك لي ضِحكة حنينة

القرار:

(اشفعلنا، اشفعلنا،

عند المسيح اشفعلنا) 2

2- عايش في الأرض وفى السما

بتصلي عنا باستمرار

ما أنت ملاك مش من هنا

علِّمنا نكون إزاي أبرار

ونعيش في محبة ربنا

أنا شوفت عيون مليانة دموع

ونفوس تعبانة وفقر وجوع

لكن أنت ناديت، صليت بخشوع

علشان تِتْحَل المشكلة

3- تملي حامِل هَمِّنَا

وفي عز الجرح والآلام

تيجي وتضحك وسطنا

وتدارى وجعك في الكلام

وبنبقى فاهمين كلنا

يا أبويا فضلت كتير موجوع

شوف كام عملية في كام أسبوع

لكن أنت عشان قلبك فيه يسوع

فملاك بالروح والتعزية

4- شايل في قلبه حلم زمان

يبني وِيعَمَّر كل مكان

ويكون كنيسة لربنا

فنون ونشاط معهد ألحان

كنايسنا تشهد عننا

وحجارة قديمة بناها قصور

ومنارة طويلة ماليها النور

والناس من كل مكان بتزور

والبركة حَلِّت أرضنا

5- يا أبونا بجد وحشتنا

وسط الملايكة والأبرار

طالبين معونتك في الصلاة

في الخدمة باحكي للأطفال

ونقول مديحك كلنا

أحزان وصراخ، إيه الموضوع؟!

البابا شنودة راح ليسوع

ساب روحه عايشة في دمنا