تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

كلمات ترنيمة اشتقنا ليك | جوه قلوبنا يا بابا شنوده

جاهد كتير، حفظ الإيمان وكَمِّل السعي بضمير

إكليل كبير، ده كان مكافأة عظيمة خَدْها من القدير

وساب تأثير في حياة ولاده، وعاش حياته بدون تقصير

اشتقنا ليك يا راعينا

لا مش أجير، كان راعى صالح، كان حامينا من الذئاب

وبيدي خير، ومهما يدي يقول "يسوع هو إللي جاب"

ومفيش فقير قصده في يوم وقفل قصاده في مره باب اشتقنا ليك يا راعينا

جوه قلوبنا يا بابا شنوده أيام وشهور وسنين هاتفوت،

عايش في قلوبنا ومش هاتموت

صَلي عشانا يا بابا شنوده يا طوباوي، يا زاهِد، يا روحاني،

يا ذهبيّ الفم التاني

جوه قلوبنا يا بابا شنوده صَلي عشانا يا بابا شنوده

بالحكمة قال: "ربنا موجود" شعار أعتز بيه

ومفيش سؤال يتسئله إلا لما بيجاوب عليه

ومفيش مجال إلا لو كان عنده خبره كبيره فيه

اشتقنا ليك يا راعينا

في كل يوم دايمًا بيضحك، يبتسم، على طول بشوش

وقت الهموم خبير في رَسْم الإبتسامة على الوشوش

إبليس يقوم يحاربه مهما يحاربه، برضوه مايحزنوش

اشتقنا ليك أوي يا راعينا

جوه قلوبنا يا بابا شنوده أيام وشهور وسنين هاتفوت،

عايش في قلوبنا ومش هاتموت

صَلي عشانا يا بابا شنوده يا طوباوي، يا زاهِد، يا روحاني،

يا ذهبيّ الفم التاني

جوه قلوبنا يا بابا شنوده صَلي عشانا يا بابا شنوده