تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

كلمات ترنيمة أيوة بحبك

* أيوة بحبك رغم جحودك

رغم قساوتك رغم عنادك

هأرجع أخبط تانى على بابك

مش راح أسيبك رغم بعادك

ق:افتح يا ابنى الباب أنا أبوك

شايل حملك يحنى كتافى

راح أطيبلك كل جروحك

ده أنا طبيبك وأنا الشافى

* شلت صليبك هنا على كتفى

لسه آثار اللطم في خدى

بص في راسى وشوف الشوك

شوف مساميرك تجرح يدى

* اتحملت الحربة في جنبى

لأجل خلاصك نمت في قبر

لسه بتقسى ولسه بتعند

لسه يا آسى تحب الشر

* حنن قلبك يا بنى وجرب

تفتح بابك على نداىّ

لو راح تفتح بابك هأدخل

وأغسل قلبك من خطاياه