تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

كلمات ترنيمة أوبريت عاشِت بصلاة

1- عاشت بصلاة

في الهيكل تخدم ليل ونهار

وف حب الله

بتقدم قلبها باستمرار (2)

بطهارة وصوم وصلاة بتدوم

ترفعله ذبيحة تاكلها النار

ياه ع الانسان لو كان مليان

بالروح اللي بيديله ثمار

القرار :

طوباكي يا مريم جيل ورا جيل

يا فخر لكل البشرية

جه من احشائك عمانوئيل

اللي غلب بصليبه الحية (2)

2- عدرا وبتول

على شهوات العالم بتدوس

وملاك بيقول

منك راح ييجي إله قدوس (2)

عجيب ومشير وإله قدير

هايرجع أدم للفردوس

قبلت بيقين وقالتله أمين

على راس الحية هايجي يدوس

3- ياما جتها آلام

كانت بإيمانها بتتحمل

ما تقولش كلام

وف قلبها تفضل تتأمل (2)

بطاعة وتسليم وبحب عظيم

وفضايل تانية بتتجمل

وف كل ضيقات كانت بثبات

دايماً بتعدي وبتكمل

4- وتشوف الموت

جاي يمسك إبنها ما يسيبهوش

تقول أنا أموت

لو كان عن إبني الموت راح أحوش (2)

لكن أخدوه جلدوه وصلبوه

حوالين إبنها ملمومة وحوش

وتشوفه العين في جراح وأنين

تتمنى تشوفه وما تشوفهوش

____________________

* كلمات وألحان: مينا فوزي - ترنيم: مريم بارح - شادي معوض -

مادلين مجدي - جاكوب ماهر - مريم جاد - مينا ناجي - إيرين رؤوف - مينا فوزي.