تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

كلمات ترنيمة أسرار الكنيسة | واحد إتنين تلاتة أربعة خمسة ستة سبعة هما دول أسرار كنيستنا

واحد، اتنين، تلاتة، أربعة، خمسة، ستة، سبعة

هم دول أسرار كنيستنا اللي بيهم أحيا

(1) واحد سر المعمودية اللي فيه بأغطس في المية

3 مرات في المية بأكون زي يسوع ما كان مدفون

(2) الثاني سرالميرون بعد المعمودية يكون

36 رشمة في جسمي روح ربنا تحفظ ويصون

(3) تلاتة سر الإعتراف علشان نبقى تملي نضاف

أروح لأبونا بعد ما أتوب أقول له على كل الذنوب

(4) الرابع سر التناول وكمان اسمه سر الشركة

جسد الرب ودمه بناخد أعظم نعمة وأكبر بركة

(5) الخامس سر الكهنوت يجي البابا أو المطران

بيصلي ويرسم إنسان يخدم بيت ربنا بأمان

(6) وسر مسحة المرضى سادس سر من الأسرار

بالزيت يتمسح العيان يبرأ من كل الأخطار

(7) السابع سر الزيجة يجمع فيه ربنا إتنين

ويوحدهم في جسد واحد بعد ما كانوا جسدين

(8) دي كنيستك يا رب عروسة أسرارها أسوار تحميها

تفضل بيهم ليك محروسة من كل عدو بيأذيها