اختر حرف : ا - ب - ت - ث - ج - ح - خ - د - ذ - ر - ز - س - ش - ص - ض - ط - ظ - ع - غ - ف - ق - ك - ل - م - ن - ه - و - ي -

كلمات ترنيمة يا صاحبة كل أسراري

اول مابشوفك في كنيستي واتامل صورتك و هدوءك بفتكر انك دايماً كُنتي بتخبي عظمتك في سكوتك شايلة ف حضنك سر إلهي ازاي مش خايفة و قلقانة ده سؤال ملهوش اي اجابة غير انك بسلام مليانة

*القرار*

( يا صاحبة كل أسراري يا عدرا يا امي ست البنات لا بعرف اخبي ولا اداري و اقول كتير وسط السكات بتيجي قبل ماندهلك قوية تحلي مشاكل كتير و عمري في مرة ماحتاجلك الا و الاقي بعدها خير ) ٢

بسمعهم بيقولوا شافوكي و انك فوق القبة ظهرتي بسالهم حسوا ساعتها بايه لما قدامهم نورتي و بقول لو كنت ساعتها هناك انا كنت هقولك سر جديد و اتأكد إنك سامعاني و انك ولا مرة كنتي بعيد ..

____________________

* كلمات: فادي نبيه - ألحان: كيرلس وجيه - ترنيم: كورال ذهبي الفم.