تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

كلمات ترنيمة هيكلك قرب يتهد

القرار:

هيكلك قرب يتهد ولغيرك عمال بتشد شوية كمان وهضيع بجد محتاج بسرعة ايدك تتمد

1- ما بقاش يسترنى ورق الشجر قلبى اللحم بقى حجر وبقيت شجرة من غير ثمر جوايا الشوك خنق الورد

2- مش قادر اتحمل اى تجارب ولا عندى قوة عشان أحارب انا واليأس بقينا حبايب وإهمالي بقى مالوش حد

3- سيبتك وتهت وسط الغابة ومحوطاني لصوص ويا ديابة حياتى بقيت مليانة كآبة واتبنى بينى وبينك سد

4- حيران وغرقان فى الهموم بضيع منك يوم بعد يوم وقعت خلاص مش قادر أقوم مشلول ومذلول على الأرض

5- بتخرَّج من الجافي حلاوة والتعبان بين إيديك يتداوى أنا عارف ليا عندك غلاوة الحقني وابني إللي اتهد